Igandea, abenduak 29

11:00

19:00

Urdulizko VII. lasterketa solidarioa egingo dute abenduaren 29an

Datorren domekan, abenduaren 29an, VII. Lasterketa solidarioa egingo dute Urdulizen, ohiko San Silvestrada delakoa. Izen emateak, 10:00etatik 10:45era izango dira, egunean bertan. Hala, gazteen lasterketa, goizeko 11:00etan izango da eta, nagusiena, 11:30etan. Ostean, 12:30ean, zumba saioa egingo dute Rosi Mendezegaz. Gainera, 13:00etan, zozketa egingo dute eta, 17:30ean, familia antzerkiaz gozatu ahalko dute herritarrek. Era berean, 18:30ean, txokolatada solidarioa egongo da.

13:00

Herri palestinarraren genozidioaren irudiak kalera ateratzeko ekimena atzeratu dute, eguraldiagatik

Atzo, domekan, egitekoa ziren palestinarren kontrako sarraskia gizarteratzeko ekimena Itzubaltzeta/Romon. Baina, eguraldia dela eta, ekintza astebete atzeratzea erabaki dute, hilaren 29ra arte. Hala, domekan, herri palestinarraren genozidioaren irudiez beteko du Gernika Palestina Herri Ekimeneko kideek Ibaiondo kalea, 13:00etatik aurrera.

18:00

Antzerkia: "Solo"

Edozein pailazoren habitat naturala eszena da, bere publikoagaz. Baina zer gertatzen da bakarrik geratzen denean? Kamerinoan nahasten dira pertsona eta pertsonaia. Bereizten dituen lerroa desitxuratzen den lekuan. Eszenatokia eta bizitza erreala ez den linboa. Muga horretan gertatzen da ikuskizun hau. Pasa eta ikusi artista honen atzealdea, bere ideiak eta erokeriak. Ikus ezazue bakardadea eta errutinatik irudimenez eta umorez bere burua nola defendatzen duen. Sartu eta ikusi inork ikusten ez duena. Pertsona bat bere aurrean. Ikuslerik gabeko aktore bat, pailazo bat inork begiratzen ez dionean.

18:00

Pailazo ikuskizuna: Txaplin

Sarrera, 1 euroan.

10:00

Ekintza andana izango dituzte Urdulizen Gabonez gozatzeko!

Urdulizko Gazte Gabonak 2024 abenduko oporretan izango dira. Txangoen datak ondorengoak dira: abenduak 23, astelehena, Gabonetako Christmasa, 17:00etatik 21:00etara; abenduak 28, zapatua, pintxo lehiaketa, 17:00etatik 21:00etara; abenduak 29, domeka, zinema saioa, 17:00etatik 21:00etara eta abenduak 30; astelehena, Gabon Zaharreko jaia, 20:00etatik 00:30era. Aipaturiko ekintzetara izen eman gura duten pertsonek ondorengo estekan egin beharko dute izen-ematea, abenduaren 4ra arte.

10:00

Zabalik dago Gorlizko Gabonetako apainketa lehiaketan parte hartzeko epea abenduaren 20ra arte

Tokiko merkataritza dinamizatzeko eta bultzatzeko asmoz, Goskoak, Gorlizko Ostalaritza, Merkatari eta Zerbitzuen Elkarteak, eta Gorlizko Udalak Gabonetako Apainketa Lehiaketa berri bat antolatu dute aurten. Parte hartzeko epea zabalik dago abenduaren 20ra arte eta izena eman gura dutenek goskoa@gmail.com helbidera mezu bat bidali behar dute. Bertan zehaztu beharko dituzte izena, telefonoa, dekorazioaren argazkia, apainketaren helbidea eta izenburua.

11:00

Elanchove lurrunontziaren hondoratze misteriotsua

Abenduaren 1ean, Elanchove lurrunontziaren hondoratze misteriotsua erakusketa inauguratuko dute Plasentia de Butron Museoan. Erakusketa Idoia Ibañez Espainiako Merkataritza Itsasketako lehen emakume kapitainak komisariatuko du, eta Merkataritza Itsasketako Kapitainen Bizkaiko Elkartearen laguntza izan du. Erakusketak enigma historiko bat argitzea ez ezik, kaltetutako familiei omenaldia egitea ere bilatzen du, erantzunen zain dauden galderez betetako iraganari leiho bat irekitzeko xedeagaz.

11:00

Txu-txu trena

Comercios Unidos de Erandio elkarteak antolatuta.

12:00

Gabonetako jarduerak Leioan

Eguberriak sasoi magikoa dira askorentzat, horregatik, leioaztarren artean lilura piztuko duten hamaika jarduera iragarri ditu Udalak: Olentzero eta Mari Domingiri harrerak, Elur-bola, Errege Magoen kabalgata, antzerkiak eta beste hainbat ekintza. Hemen dituzue guztiak.

17:45

Lemoizko Gabon programa osoa ikusgai

Lemoizko Udalak hainbat jarduera antolatu ditu egun gutxi barru sartuko garen Gabon garairako. Euskara eta haurrak izango dira protagonista jarraian zehazten dugun Gabonetako egitarauan.

20:00

San Nikolas elizako organo bereziak doinuz beteko du parrokia Eguberriotan

Urteroko ohiturari jarraituz, IV. Gabonetako Organo-zikloa hartuko du Eguberriotan Algortako San Nikolas elizak. Kontzertuak abenduaren 20an, 23an eta 29an izango dira, 20:00etan, eta sarrera doakoa izango da. Ziklo honen egitasmoa da, Pedro Guallar Algortako Merklin Organoaren Lagunak-AMOMA Elkarteko presidente eta organistaren berbetan, "organoaren kalitatea eta eskaintzen dituen aukera ugariak gizarteratzea".