Astelehena, uztailak 14

10:00

Erakusketa: "Itsasontzien ilustratzailea"

Plentziako itsas historiari eta iragan kolektiboari aitortza egiten dion Itsasontzien ilustratzailea erakusketa ikusgai egongo da uztail osoan Goñi Portal kultur etxean. Roberto Hernandez marrazkilariaren 17 akuarelek hiribilduaren itsas kultura eta memoria historikoa gogora ekartzen dituzte, artearen bidez.

10:00

'Pinturitas' arte erakusketa hartuko du Armintzako kultur etxeak zapatu honetatik aurrera

Zapatu honetan, uztailaren 5ean, 12:30tik aurrera, Armintzako kultur etxeak Pinturitas arte erakusketaren inaugurazio ekitaldia hartuko du. Ekimen hau Sonia Rueda irakasleak urtean zehar bere ardurapean izan dituen ikasleek egindako lanakaz urtero egiten den erakusketa da. Erakusketa zapatu honetan inauguratuko da, eta doan egongo da eskuragarri uztailaren 14ra arte, 10:00etatik 14:00etara, Armintzako kultur etxean.

18:30

Karmen jaien zoramena hasi da!

Uztailaren 11tik 16ra zoramena hasiko da Larrasbaterran: hemen dira beste behin Karmenak! Hala, adin guztietarako ekintzak antolatu dituzte beste behin uda erdiko jai hauetarako. Ez galdu programazio osoa! 

19:00

Argazki erakusketa: Alejandro Lombana Cantalapiedra

Gorlizetik Bilbora arteko bidaia bisual bat: natura eta hiria uztartzen dituen 100 argazkik osatutako erakusketa berezia.