Jendartea 2008-08-27 19:37

Lubizien arriskuak bere horretan dirau Barrikako hondartzan, PPren ustez

Erabiltzailearen aurpegia Ukberri "Aurreko hilabetetan" Barrikako hondartzan gertatutako lubizien inguruko informazioa eskatu dio Bizkaiko Foru Aldundiari PPk, Batzar Nagusietan aurkeztutako ekimenaren bitartez. Ingurumen batzordeko idazkari Arturo Aldecoa ahaldun popularrak azaldutakoaren arabera, Araba, Bizkaia eta Gipuzkoako Kostalde Mugaketa Sailak orain gutxi kaleratutako txosnenean, areatzaren erabiltzaileen segurtasuna bermatzeko beharrezko neurriak hartzeko agintzen zitzaion administrazioari. "Antzemandako arriskua horrenbestekoa zen, non malkarretatik haitzak erortzen diren hondartzako zatian eta bertara sartzeko eskaileretatik igaratzea debekatzea aurreikusten zuen agiriak", zehaztu du Aldecoak. Joan den udan ere harri jauzi ugari gertatu ziren eta, urte honetara begira, babes hezia jarri zuen Barrikako Udalak. Hala ere, hori nahikoa ez delakoan, neurriak hartzeko eskatu die tokiko erakundeari, Aldundiari eta Eusko Jaurlaritzari Alderdi Popularrak. Argazkian, Arturo Aldecoa.
  Kirolak 2008-07-03 13:45

Lorea Velascok irabazi du Barrikako jaietako haurrentzako tenis txapelketa

Erabiltzailearen aurpegia Ukberri Barrikako tenis eremuetan egin zen, beste urte batez, Abaroa Tenis Kirol Taldeak antolatutako Sanjuanetako lehiaketa, ekainaren 21etik 29ra. Herriko Lorea Velasco gaztea izan zen emakumezkoetan irabazle, Elisabet Landari 6/4 eta 6/1 irabazita. “Lehen seta nahiko berdindua izan zen, baina bigarrengoan Loreak presiorik gabe jokatu zuen, arriskatuz, eta irabaztea lortu zuen” dio Alberto Vidal tenis klubeko entrenatzaileak. Yusef Maamar eta Xavier Rodriguez kantabriarrek jokatu zuten gizonezkoetan, eta Maamar gailendu zen 6/3 eta 6/2. Igandean, ekainak 29, finalak jokatu ondoren, sari-banaketa egin zen. Barrikako alkate Juan Jose Ezpeleta eta Maria Esther Etxegarai Kiroletako zinegotzia bertan zirela. Argazkian, irabazleak garaikurrak eskuan
  Gazteok 2008-07-02 22:43

Gazte Astea aste batez atzeratuko dute Barrikan

Erabiltzailearen aurpegia Ukberri Gazte Astea aste batez atzeratu du Barrikako Kultur Etxeak eta astelehen honetan hastekoa bazen ere, azkenean hilaren 14tik 18ra egingo dute. Gainera, goiz eta arratsaldez egitetik 15:30etik 19:00etarako ordutegia ezartzera pasatu dira. Udal iturriek prentsa komunikatu baten bidez eman dute aldaketen berri baino ez dute argitu ekimena zer dela eta atzeratu behar izan den. Era berean, hasieran udalerriko 12 eta 18 urte bitarteko gazteei zuzenduta egongo bazen ere orain 12 eta 16 urte bitarteko neska-mutilentzat baino ez da izango. Orain arte iragarritako jarduerak, hala nola kanoa, tirolina, surfa edo snorkela mantendu eta ekimen berriak gehituko dira. Esate baterako, arku-tiro, eskalada eta mendi ibilbideak ere egiteko aukera izango da. Berriz, Barrikako Piragua Taldeak Butroe itsasadarretik larunbat honetan egingo duen ibilaldian ez da aldaketarik egongo eta Larretxe auzoan hasiko da 10:30ean, iragarrita zegoen bezala.
  Jendartea 2008-06-28 13:18

Informazio eta Komunikazio Teknologiei buruzko ikastaroak emango dituzte Barrikan

Erabiltzailearen aurpegia Ukberri Nekazal guneen garapenerako Jata-Ondo elkarteak ekainaren 10ean aurkeztu zien barrikoztarrei “Informazio eta Komunikazio Tekonologien Dinamizatzailea” izenburuko egitasmoa, Espainiako Industria, Merkataritza eta Turismo Ministerioak sustatzen duen “Plan Avanza” proiektuaren baitan. Egitasmo horren helburu nagusia nekazal kutsuko inguruak eta hiriguneetatik aldenduta daudenak teknologia berrien gizartean sartzeko ahaleginak egitea da. Oraingoan, KZguneko hainbat ikastaroren artean aukera egiteko parada edukiko dute herritarrek Barrikako Udalari esker. Informazio eta Komunikazio Teknologietan barrikoztarrek duten jakite-mailaren arabera aukeratuko dira ikastaroen edukiak. Kurtso hauen nondik norakoak zehazteko astelehenean, ekainak 30, bilera egingo dute. Argazkian, Barrikako udaletxea eta eliza.
  Kirolak 2008-06-26 16:01

Gazte Astea antolatu dute Barrikan uztailaren 7tik 11ra

Erabiltzailearen aurpegia Ukberri Barrikako Kultur Etxeak Gazte Astea programa antolatu du udalerriko 12 eta 18 urte bitarteko neska-mutilei zuzenduta, uztailaren 7tik 11ra bitartean. Udal iturriek prentsa-ohar baten bidez jakinarazi dutenez, hainbat jarduera egingo dira aste osoan zehar, hala nola kanoa, tirolina, surfa edo snorkela. Gazte Astearen barruan antolaturiko ekimenetan parte hartzeko izen-emateak Kultur Etxean edota 946 775 163 telefono zenbakira deituta egin behar dira, 10:00etatik 13:00etara eta 16:30etik 18:30era. Bestalde, Barrikako Piragua Taldeak Butroe itsasadarretik ibilaldia egingo du uztailaren 5ean. Jarduera goizeko 10:30ean hasiko da klubak duen egoitzan (Larretxe auzoa, 14). Ibilbidea piraguisten mailaren araberakoa izango da. Esku hartzeko derrigorrezkoa da Barrikan erroldatuta egotea, igeri egiten jakitea eta 10 urte baino gehiago izatea. Prezioa 6 eurokoa da (piraguan aritzeko behar diren materiale guztiak hartzen ditu prezioak). Izena emateko epea uztailaren 4ra arte zabalik egongo da, Kultur Etxean (946 775 163).
  Kultura 2008-06-18 21:48

Ostiraletik asteartera luzatuko dira Barrikako San Juan jaiak

Erabiltzailearen aurpegia Ukberri Bi egun baino ez dira falta Barrikako jaiak hasteko, San Juan jaiak, hain zuzen. Txistu doinuez girotutako kalejirarekin abiatuko dira ostiral honetan, arratsaldez, eta astearteko dantzaldiarekin bukatuko dira, San Juan egunean. Hainbat jarduera egingo dira Lehendakari Agirre plazan, udaletxe ondoan. Ohiko ekimenak ez dira faltako, alegia, VIII. Nekazaritza eta Artisautza Azoka edo XXXII. Sukalki Lehiaketa, igandean. Baina, berrikuntzak ere egongo dira. Horien artean aipagarriak dira kontsumo gutxiko bonbillen banaketa, ekainaren 20an 18:30ean; elizako erloju berriaren inaugurazioa, 24an 11:30ean, edo reggae kontzertua Golfo Norten, San Juan bezperan 00:30ean. Kirolak ere ez dira faltako. Ekainaren 21ean, futbol, tenis eta padeleko txapelketak egingo dira eta, horrez gain, Lehen eta Bigarren Kategoriako Kadeteen Txirrindularitza Sari Nagusia jokatuko da. Igandean, herri kirolen ikuskizuna egingo da, Iñaki eta Inazio Perurena harrijasotzaileak eta Etxebeste eta Mugarza aizkolariak bertan direla. Gainera, San Juanetako Piragua Estropada egingo da. Argazkian, Kull D'Sac antzerki taldea eskainiko du San Juan gaueko su ikuskizuna.
  Ekonomia 2008-06-18 21:13

Barrikako berdeguneak berreskuratzeko lana amaitu du Auzolanek

Erabiltzailearen aurpegia Ukberri Auzolan programan esku hartu duten Uribe Kostako Gizarte Zerbitzuetatik zetozen zortzi lagunek (zazpi emakume eta gizon bat) Barrikako hainbat berdegune berreskuratzeko eta zaintzeko lana egin dute. Zehazki, sei hilabetetan sastrakak garbitzea eta bideen txukuntzea egin dute, kimuei buruzko ikastaroa jasotzeaz gain. Ekintza horrek Eusko Jaurlaritzaren eta Emaus Fundazioaren laguntza izan du, eta helburu nagusia bazterkeria arriskuan dauden gizon emakumeei lan aukerak ematea da, programa amaitzean beren kabuz lana aurki dezaten. Aldez-aurreko hautaketa egin zuten Uribe Kostako Mankomunitateko Gizarte Zerbitzuek, eta Emaus Fundazioak aukeratu zuen lana burutuko zuen taldea. Argazkian, Barrikako larretako sastrakak garbitu eta bideak txukundu dituzte Auzolan programan esku hartu duten lagunek.
  Kirolak 2008-06-16 18:41

Larunbatean ateak zabalik jardunaldia egingo du Barrika Piragua Taldeak

Erabiltzailearen aurpegia Ukberri Kirol hori ezagutzen ez duten pertsonek arraunean ikasi dezaten, ateak zabalik jardunaldia antolatu du larunbat honetarako, ekainak 21, Barrika Piragua Taldeak. Ekimenean esku hartzeko ezinbestekoa da igeri egiten jakitea, zehaztu dutenez. "Esan gabe doa, primeran pasatzen duten bitartean kirol berri bat ezagutu nahi dutenei zuzenduta dagoela", gaineratu dute. Klub barrikoztarreko prestatzaileek koordinatuko dute jarduera, eta parte hartzea erabakitzen dutenek taldekideen laguntza izango dute. Izena eman nahi dutenek 600 902 125 telefono zenbakira deitu beharko dute edo blogbpt[abildua]telefonica.net helbide elektronikora idatzi. Bestalde, uztailaren 5ean Butroe itsasadarretik egingo duten ibilaldia udalerrian erroldatuentzat bakarrik dela zehaztu du Barrikako Udalak.
  Jendartea 2008-06-15 11:52

Barrikara heldu da banda zabala

Erabiltzailearen aurpegia Ukberri Euskal Autonomia Erkidegoko (EAE) beste hainbat nekazal gunek bezala, banda zabalaren bidez iristen den Internet jarioa jasotzeko aukera badauka Barrikak, Eusko Jaurlaritzak bultzatutako Informazio Gizartearen Euskadi Planari esker. Itelazpi elkarte publikoak egin du lana, zerbitzuen hedapena Euskaltelen esku utzi eta gero. Barrikako Udalak kontutan izan du badirela udalerrian internet jasotzeko modurik ez duten auzoak. Auzokideek zerbitzu horren beharra zutela ikusita, “Konekta Zaitez@Banda Zabala” egitasmoan izena eman zuen eta eskaria onartua izan da. Zerbitzua zabaltzeko hautatu duten teknologia sare inalanbrikoa izango da, Itelazpik kudeatzen dituen komunikazio euskarri zehatz batzuetan oinarritua. Argazkian, banda zabala Barrikako auzoetara hel dadin antolatutako azpiegituraren mapa.
  Kirolak 2008-06-14 20:22

Tenis partidak jokatuko dira bihar Barrikan

Erabiltzailearen aurpegia Ukberri Igande honetan, ekainak 15, Barrikako Abaroa Tenis Kirol Taldeak antolatutako Txapelketa Absolutuaren eta Gazte Rankingen finalak jokatuko dira. 14:00etan rankingak hasiera emango dio tenis jarduerari. Ondoren, 16:00etan emakumezko eta gizonezkoen kontsolazio finala izango da. Azkenik, 17:00etan txapelketa absolutua jokatuko da gizonezko eta emakumezko mailetan. Amaitzerakoan sari banaketa egingo da eta horren ostean txokolatada. Bestalde, Barrikako Piragua Taldeak Butroe itsasadarretik ibilaldia egingo du uztailaren 5ean. Jarduera goizeko 10:30ean hasiko da klubak duen egoitzan (Larretxe auzoa, 14). Ibilbidea piraguisten mailaren araberakoa izango da. Esku hartzeko derrigorrezkoa da igeri egiten jakitea eta 10 urte baino gehiago izatea. Prezioa 6 eurokoa da (piraguan aritzeko behar diren materiale guztiak hartzen ditu prezioak). Izena emateko epea uztailaren 4ra arte zabalik egongo da, Kultur Etxean (946 775 163).
  Kultura 2008-06-14 20:07

Kanpoko margo lehiaketa egingo dute bihar Barrikan

Erabiltzailearen aurpegia Ukberri San Juan jaietako egitarauaren barruan, XX. Kanpoko Margo Lehiaketa deitu du igande honetarako, ekainak 15, Barrikako Udalak. Nahi duen edonork parte hartu ahal izango du horretan, adin-mugarik ez baitago (kategoria ezberdinak bai). Gaiari dagokionez, Barrikari buruzkoak izan beharko dira lanak, udalerritik bertatik begiratuta. Parte hartzaileek nahi beste margo aurkeztu ahal izango dituzte, baina bakoitzeko lan bakarra sarituko da. Margotzeko erabiltzen diren ohiko teknikak erabiliko dira askatasun osoz. E, F eta G kategorietan, euskarri gogorrean eta bastidorean aurkeztu beharko dira lanak. Marrazkiak atari zabalean egin beharko dira, horretarako emandako denboran. hau da, 9:00etatik 17:30ak arte. Ordu horretan itxi egingo da lanak emateko epea. Azkenik, ekainaren 22an emango dituzte ezagutzera irabazleen izenak, San Juan jaietako beste lehiaketetako sariekin batera. Margoak udaletxeko Lehendakari Agirre plazan egongo dira ikusgai egun horretan. Argazkian, mutiko bat margotzen.
  Kultura 2008-06-10 23:46

Erloju berria dauka Barrikako elizak

Erabiltzailearen aurpegia Ukberri Barrikako elizako dorrean jarri den erloju elektroniko berria (argazkian) datorren ekainaren 24an inauguratuko da. Eguerdiko 11:30ean egingo da ekitaldia, San Juan festak direla eta, herriko jaietan. Bodet Frantziako etxeak eginiko erloju elektronikoa da, erabat automatikoa eta satelite bidez zuzendua, ordua zehaztasun osoz ematen duena, antena bati esker, tokiko iturriek zehaztu dutenez. Ekimena Santa Ageda koruak bultzatu du, berak eskatu baitzion Udalari erloju zaharra aldatzea, zerbitzu egokia eskaintzen zuen baten truke. “Koruak berak hartu zuen bere gain erlojua erosteko finantzaketa, eliza hobetzeko urtero egiten dugun diru bilketarekin”, adierazi dute Iñaki Zarate eta Javier Peñak, Santa Ageda abesbatzako kideak biak. Hala ere, tokiko erakundeak bere kabuz egin zuen erlojuaren finantzaketa osoa. “Herriak eginiko eskaria da, eta denen mesederako izango da. Herriko erloju nagusia izango da”, esan dutenez.
  Kirolak 2008-06-09 20:38

San Juan estropada prestatzen dabil Barrika Piragua Taldea

Erabiltzailearen aurpegia Ukberri Maiatzaren 31n Donostian izandako Euskadiko Haurren Lehiaketan esku hartu zuen Barrika Piragua Taldeak (BPT). Proba horretan bigarren eta hirugarren postuak lortu zituzten Maria Ahedo eta Anne Garcia taldekideek. Bestalde, ekainaren 22rako BPTk San Juan Estropada, hau da, Klubaren X. urteurreneko lehiaketa antolatzen ari da, Udalaren eta Bizkaiko Piraguismo Federazioaren laguntzaz. Ekimena Butroiko itsasadarran egingo da 17:30etik aurrera. Izen ematea hilaren 14a baino lehen egin beharko da, posta arruntez (Larretxe Uzoa, 14-48650 Barrika) edota posta elektronikoz (aitorsaenz[a bildua]hotmail.com). Izen emate agiriak lehiaketaren hasiera baino bi ordu lehenago entregatuko ditu taldeko buruak BPTren bulegoan eta bertan emango dute jakitera estropadan esku hartuko duten palisten izenak. Zerrenda hori izango da behin-betiko partehartzaileen izen sorta, eta ez dira ondoren aldaketak eta ezabaketak onartuko, tokiko iturriek zehaztu dutenez. Maila bakoitzeko hiru lehenengoentzako izango dira sariak eta esku hartzen duten guztientzako dominak Hiru talde onenentzat, berriz, garaikurrak. San Juan estropada ekainaren 20tik 24ra Barrikan ospatuko diren jaien barruan egingo dute. Argazkian, Maria Ahedo eta Anne Garcia podiumean, Donostiak jokatutako txapelketan.
  Jendartea 2008-06-05 12:15

Teknologia berriez arituko zaizkie barrikoztarrei

Erabiltzailearen aurpegia Ukberri Ekainaren 10ean, asteartearekin, nekazal guneen garapenerako Jata-Ondo elkarteak barrikoztarrei aurkeztuko die “Informazio eta Komunikazio Tekonologien Dinamizatzailea” izenburuko egitasmoa; Espainiako Industria, Merkataritza eta Turismo Ministerioak sustatzen duen “Plan Avanza” proiektuaren baitan. Egitasmo horren helburu nagusia nekazal kutsuko inguruak eta hiriguneetatik aldenduta daudenak teknologia berrien gizartean sartzeko ahaleginak egitea da. Horretarako “TIC dinamizatzailea” sortu dute, une bakoitzean dauden baliabideak neurtu eta egoki ezartzeko, teknologia berrien erabileraz herritarren artean sentsibilizazio kanpainak egiteko, udaletan web orrien erabilera bultzatzeko, eta banda zabalaren “gerizpeko zonaldeak” zehazteko, egoera konpondu asmoz. Horrez gain, Jata-Ondo elkarteak Barrikako egoera zehatza zein den jakiteko, galdeketa igorri die herritarrei, behar bezala bete eta udaletxean utzi dezaten. Bileraren egun berean ere aurkeztu daiteke inkesta. Ekitaldia 19:00etan izango da, udaletxeko gela nagusian.
  Kultura 2008-05-30 21:51

Kultur eta kirol ekitaldiz bete dute uda Barrikan

Erabiltzailearen aurpegia Ukberri Udarako jarduera ugari antolatu ditu Barrikako Kultura Sailak. Horrenbestez, larunbat honetan, maiatzak 31, jumping tailerra (argazkian) egingo dute, 11:00etatik 13:00etara, udaletxean (liburutegi zaharra). Ekainaren 10ean, berriz, Umeskola egitasmoaren bigarren hitzaldia emango diete 3 urte baino gutxiago dituzten umeen gurasoei, 10:00etatik 12:00etara. Egitarauarekin jarraituz, hilaren 15ean, igandearekin, Barrikako XX. Kanpoko Margo Lehiaketa izango da. Eta 20tik 24ra bitartean, San Juan jaiak ospatuko dituzte. Besteak beste,. nekazal azoka eta herri bazkaria izango dira horien barruan. Bestalde, 12 eta 18 urte bitarteko neska-mutil barrikoztarrek kanoa, surfa, snorkela... praktikatzeko aukera izango dute uztailaren 7tik 11ra egingo den Gazte Astean. Lehenago, Uda Txiki egitasmoan esku hartzeko aukera izango dute, ekainaren 30etik uztailaren 11ra bitartean, 3 eta 8 urte bitarteko haurrek . Astelehenetik ostiralera, 9:30etik 14:00ra izango da horren ordutegia.
  Kirolak 2008-05-29 13:08

"Zazpi legoako botak" janzteko aukera emango dute etzi Barrikan

Erabiltzailearen aurpegia Ukberri Barrikako Udal Kultura Sailak jumping tailerra antolatu du larunbat honetarako, maiatzak 31, goizeko 11:00etatik 13:00etara, udaletxean (liburutegi zaharra). “Zazpi legoako botak” lelopeko jardunaldia aisialdirako eta kirolerako eskaintza berria dira, tokiko arduradunek azaldu dutenez. "Zango berezi batzuk dira, beira zuntzezko euskarri berezia dutenak, eta hauen bidez bi metrorainoko jauzi ikusgarriak eta hiru metrorainoko urratsak egin daitezke. Zango hauekin oinez ibili daiteke, salto egin edo orduko 40 kilometro orduko abiaduran korrika egin. Oso errazak dira erabiltzen, 10 minutu besterik ez baitira behar", azaldu dutenez. Zazpi legoako botak Austriatik datoz eta Europako hainbat herritan oso arrakastatsuak dira. Tailerrean esku hartzen dutenek zango hauekin ibiltzen eta oinarrizko mugimenduak egiten ikasiko dute irakasleen adierazpenei esker. Familia guztiari zuzenduta dago ekimena.
  Kirolak 2008-05-21 10:32

Barrika Piragua Taldeak sari ugari eskuratu du Bizkaiko Eskolarteko Lehiaketan

Erabiltzailearen aurpegia Ukberri Pasa den igandean, hilak 18, Lekeition burututako Bizkaiko Eskolarteko Piragua Lehiaketan, Barrika Piragua Taldeak aurreko urteotako ibilbideari eutsiz hainbat sari lortu zuen kategoria ezberdinetan, podiumaz guztiz jabetuta. Nerea Hidalgo Bizkaiko txapela jantzi zuen benjamin mailan eta Mariana Viañak hirugarren postua lortu zuen. Ainhoa Hidalgo eta Antxon Rodriguez, berriz, lehiaketako garaileak izan ziren kimuen artean. Era berean, Iratxe Astorkik eta Monica Arriolak bigarren eta hirugarren postuak lortu zituzten, hurrenez hurren. Haurren sailkapenean, Maria Ahedo eta Javier Viaña txapeldunak izan ziren, Denisse Manjon bigarren gelditu zen eta Anne Garciak eta Ander Ortizek hirugarren tokia eskuratu zuten. Barrika Piragua Taldea oso pozik agertu da klubeko gazteek lortutako emaitzekin”. Hurrengo lehiaketa Donostian izango dute, Eusko Autonomi Erkidegoko Eskolarteko Txapelketetan, maiatzaren 31n.
  Kirolak 2008-05-19 22:27

Tenis Kopa irabazi dute Barrikako Abaroa taldeko haurrek

Erabiltzailearen aurpegia Ukberri Asteburu honetan jokatu dira Barrikako udal pistetan Tenis Kopako finalak haur eta kimu mailetan. Barrikako Abaroa Tenis Kirol Taldeko gaztetxuenek Begoñalde gainditu zuten, 2 eta 1. Asis Dominguez, Gorka Quemada eta Adrian Amor jokalariek "partida bikaina" egin zuten, udal iturriek jakinarazi dutenez. Kimuei dagokienez, Abaroakoek ezin izan zuten Gorostiza taldearen jokua moteldu eta kanpotarrak nagusitu ziren, 3 eta 0. Hortaz, Gorostizak eraman du aurtengo Liga. Dena den, Alberto Vidal Barrika taldeko entrenatzailearen aburuz “hiru jokalariek, Iñigo Arzuaga, Mikel Lopez eta Ivan March, oso ondo jokatu dute. Baina bereziki Mikel Lopez beste guztien gainetik nabarmendu da, beste kirolariek baino lau urte gutxiago izan arren. Beste bi taldekideek partidua irabazteko ahalegin guztiak egin dute ere”, azpimarratu du. Horregatik, Barrikako Tenis Klubak jokalari guztiak zoriondu ditu Kopa finaletara heltzeagatik, “urtean zehar ikasitako guztia erakutsiz”.
  Kirolak 2008-05-15 23:37

Ekainaren 21ean ateak zabalik jardunaldia egingo du Barrika Piragua Taldeak

Erabiltzailearen aurpegia Ukberri Kirol hori ezagutzen ez duten pertsonek arraunean ikasi dezaten, ateak zabalik jardunaldia antolatu du ekainaren 21erako, larunbatarekin, Barrika Piragua Taldeak. Ekimenean esku hartzeko ezinbestekoa da igeri egiten jakitea, zehaztu dutenez. "Esan gabe doa, primeran pasatzen duten bitartean kirol berri bat ezagutu nahi dutenei zuzenduta dagoela", gaineratu dute. Klub barrikoztarreko prestatzaileek koordinatuko dute jarduera, eta parte hartzea erabakitzen dutenek taldekideen laguntza izango dute. Izena eman nahi dutenek 600 902 125 telefono zenbakira deitu beharko dute edo blogbpt[abildua]telefonica.net helbide elektronikora idatzi. Bestalde, igande honetan, hilak 18, Lekeition izango den Bizkaiko Ikasleen Lehiaketan esku hartuko du Barrika Piragua Taldeak. Txapelketa klub barrizkoztarrak eta bertoko Piraguismo Dzanga-k antolatu dute. Halaber, maiatzaren 31n, Donostian izango den Euskal Autonomia Erkidegoko txapelketan ere esku hartuko dute.
  Jendartea 2008-05-14 15:33

Ekainaren 10ean egingo dute guraso berrientzako hurrengo hitzaldia Barrikan

Erabiltzailearen aurpegia Ukberri "Umeskola" izenburupean, atzo egin zen Barrikako udaletxean, Ana Bacigalupek guraso berriei emango dien hitzaldietatik lehena. Euren seme-alabez lagundurik, sei amek (argazkian) esku hartu zuten Kultur Sailak antolatutako ekintzan. Hurrengo saioa ekainaren 10ean, asteartearekin, izando da 10:00etatik 12:00etara, eta hiru gaietan oinarrituko da: umeen elikadura, edoskitzaroa eta titia kentzea. “Hainbat gai eta zalantza sortu dira, horrexegatik proposatu dugu hiru hauetaz mintzatzea soilik. Etorkizunean beste hitzaldiren bat antolatzen bada falta diren gaiaz hitzegingo dugu”, azaldu du Bacigalupek.

Nabarmenak

Zorion agurrak