Gaur, barikuan, emango diote hasiera Gabonetako egitarauari, Otxandategi abestaldearen emanaldiagaz. Berango Antzokian izango da kontzertua; sarrera, doan. Abenduaren 21ean eta 22an, Gabonetako pilota-txapelketaren final laurdenak jokatuko dituzte frontoian, 19:30ean. Hurrengo egunean, hilaren 23an, berriz, "Rock Eroak" ikuskizuna eskainiko dute pailazoek Berango Antzokian, euro batean, 18:00etan. Egun berean, frontoian gazteentzako Gabonetako parkea egongo da aukeran, 18:00etatik 21:00etara.
Eguberri bezperan, hilaren 24an, Olentzeroren kalejira egingo dute, kultur etxetik abiatuta frontoira arteko ibilbidea egiteko, 18:30etik aurrera. Abenduaren 26an, zapatuan, musikaren ordua izango da; Gospel saioa izango da Berango Antzokian; sarrera, euro batean. Hurrengo egunean, domekan, ostera, Otxandategi Dantza Taldeko neska-mutil txikiek ikuskizuna egingo dute 12:30ean, Berango Antzokian; sarrera, doan. Egun berean, Potxin eta Patxin pailazoen emanaldia egongo da leku berean, baina 18:00etan; sarrera, euro batean. Abenduaren 28an, pilota berriro ere, Gabonetako txapelketaren finalerdiak jokatuko dituzte frontoian, 19:30etik aurrera. Hilaren 29an eta 30ean, berriz, haur-parkea jarriko dute frontoian. Urteko azken egunean, ordea, hilaren 31n, Gabonetako pilota txapelketaren finalak jokatuko dituzte, 18:00etatik aurrera.
Urtarrilaren 2an eta 3an, Ilusiones antzerki musikala eta Errusiako Ballet Taldearen ikuskizunak egongo dira aukeran Berango Antzokian, hurrenez hurren. Lehenengo saioa 19:00etan izango da, euro batean; bigarrena, berriz, 18:00etan, eta 3 euroren truke. Urtarrilaren 5ean, Errege Magoen desfilea egingo dute, 19:30ean.
Egitaraua:
Abenduak 18, barikua
- 20:00 Otxandategi abestaldearen emanaldia, Berango Antzokian, doan.
Abenduaren 21ean eta 22an
- 19:30 Gabonetako pilota-txapelketa, final laurdenak, frontoian.
Abenduak 23, eguaztena
- 18:00-21:00 Gabonetako gazte-parkea, frontoian.
- 18:00 Pailazoen "Rock Eroak" antzezlana. Sarrera: 1 euro.
Abenduak 24, eguena
- 18:30 Olentzeroren kalejira, kultur etxetik frontoiraino.
Abenduak 26, zapatua
- 19:00 Gospel musika kontzertua, Berango Antzokian. Sarrera: 1 euro.
Abenduak 27, domeka
- 12:30 Ontxandategi Dantza Taldeko txikiak, Berango Antzokian. Sarrera, doan.
- 18:00 "Potxin eta Patxin" pailazoak, Berango Antzokian. Sarrera: 1 euro.
Abenduaren 29 eta 30ean
- 11:00-13:00 / 17:00-20:00 Haur-parkea, frontoian.
Abenduak 31, eguena
- 18:00 Gabonetako pilota txapelketako finalak, frontoian.
Urtarrilak 2, zapatua
- 19:00 "Ilusiones" antzerki musikala, Berango Antzokian. Sarrera: 3 euro.
Urtarrilak 3, domeka
- 18:00 Errusiako Ballet Taldea, Berango Antzokian. Sarrera: 3 euro.
Urtarrilak 5, martitzena
- 19:30 Errege Magoen kabalgata, kultur etxetik frontoira.
- Ostean Disko-festa, DJ Xaiborregaz.