Iritzia 2004-08-24 20:09

Abuzturako zutabe ezin aproposagoa - Unai Brea / Kazetaria

Erabiltzailearen aurpegia Ukberri Honelako zutabe bat idazteak zorabioa sortarazten du askotan. Bakarrik dago zutabelaria bere erronkaren aurrean, paper (lehen) edo pantaila (gaur egun) zuria zain duela, idazlearen urduritasunaz axolabako. Buru barruan, alegiazko erloju baten tik-tak kupidagabeak ez du gehiegi laguntzen gogoa baretze aldera. Ideiak ez datoz, edo datozenak txarrak dira, eta gutxi falta da zutabea emateko epea amaitzeko, beti bezala. Berdin dio zutabea idazteko hilabete osoa edukiteak. Ganorazko kazetari batek azken unerako utziko du lana. Zertarako egin gaur bihar ere egiteke utz daikeena?
  Politika 2004-08-09 23:25

Patxi Markes Berangoko presoaren senideek auto-istripua izan zuten larunbatean

Erabiltzailearen aurpegia Ukberri Patxi Markes Zelaia Berangoko euskal preso politikoaren senitartekoek auto-istripua izan zuten larunbatean (abuztuak 7), Xixón inguruan, Teixeiro-Curtiseko espetxera (Galizia) bisita egitera zihoazela. Kotxean Miren Zelaia (presoaren ama), Geron Zelaia (osaba), Iñaki Berasategi (lehengusua), Idoia Markes (arreba) eta azken honen semea Xabi, 18 hilabetekoa, zihoazen.
  Jendartea 2004-07-24 23:06

Haur eta gazteei zuzenduta, genero-indarkeriaren aurkako kanpaina abian jarri dute Berangon

Erabiltzailearen aurpegia Ukberri Genero-indarkeriaren aurkako sentsibilizazio kanpaina abian jarri du Berangoko Udalak. Hain zuzen ere, "Ez, tratu txarrei ez!" leloa irakurri daitekeen logotipoa aurkeztu zuen asteazkenean Miren Dobaran alkatesak. Berak azaldu zuenez, herritarrei zuzendutako jarduera eta kanpaina guztietan erabiliko du logotipoa Udalak, erakundeak duen tratu txarren aurkako jarrera ezagutzera emateko asmoz. Alde horretatik, Berangoko hainbat kirol elkartek hartutako konpromisoaren berri eman zuen Dobaranek. Talde horiek emakumeek jasaten dituzten tratu txarren aurkako logotipoa txertatuko dute euren kamisetetan. Gainera, herriko gainontzeko elkarteek ere kanpainari atxikitzeko asmoa adierazi dute.
  Iritzia 2004-07-16 22:10

Dirua eta zoriontasuna - Unai Brea / Kazetaria

Erabiltzailearen aurpegia Ukberri Diruari buruzko esaldi topiko bat baino gehiago dago. Ezagunena, zalantza barik, hau da: diruak ez du zoriontasunik ematen. Ni neuk, berriz, nahiago dut beste hau: dirua baino gauza garrantzitsuagoak daude, baina hain dira garestiak! Uste dut Groutxo Marxek esan zuela, baina ez egin kasu handirik. Berdin dio. Diruak ez ei du zoriontasunik ematen. Diruak ez du zoriontasunik bermatzen, nabarituko nuke nik. Honetan guztian, gauza bakarra dago argi: kopuru jakin batetik behera, diru faltak zorigaitza ematen du ziurtasun osoz. Eztabaida honetan, diruak zoriontasunik ematen ez duela defendatzen dutenek osasuna ipintzen dute beti adibide. Aberastasunak ez gaitu gaixotzetik babesten. Egia. Baina ukatu ezinezkoa da era berean, minbizi bat, esaterako, beti biziagoa dela pobrearengan poltsikoak ondo beteta dauzkanarengan baino.
  Kultura 2004-07-08 21:54

Afrikak kontzertua emango du bihar Berangon

Erabiltzailearen aurpegia Ukberri Afrika Bibang algortarrak eta bere taldeak "Entzun" lehenengo diskoa aurkeztuko dute bihar berangoztarrei. Hala ere, aurretik herriko bi talde entzuteko aukera egongo da, Idiliar eta Patada en la papada alegia. Kontzertua 22:00etarako dago iragarrita, udaletxe alboan dauden Elexaldeko zelaietan. Hain zuzen ere, euskara sustatzeko ekimenen barruan antolatu du Berangoko Udalak.
  Kirolak 2004-07-06 22:23

Euskadiko Txapelketarako puntuagarria izango da Berangoko II Igoera

Erabiltzailearen aurpegia Ukberri Uztailaren 10ean egingo den Berangoko II Automobil Igoera aurkeztu da gaur udalerri horretako batzar aretoan. Lehenengo edizioa ez bezala, aurtengoa Euskadiko Mendi Txapelketarako puntuagarria izango da. Miren Dobaran alkatesak nabarmendu duenez, garrantzi handiko ekitaldia da hurrengo larunbatekoa, batez ere, berangoztarren artean dagoen automobilismorako zaletasunagatik eta herrian bertan dauden pilotoengatik. "Eurak arduratu dira antolaketaz eta, bide batez, motorraren munduari egun bat eskaintzeko aukera aprobetxatu nahi izan dugu", adierazi du. Horretaz gain, lehiaketaz aparte, Moreaga kalean kotxe erakusketaz gozatzeko aukera edukiko dute auzotarrek, Dobaranek gogoratu duenez. Azkenik, "ezbeharrik egon ez dadin, horrelako ekitaldi batetan egoten diren segurtasun neurriak errespetatzeko" eskatu die ikusleei alkatesak.
  Kultura 2004-07-01 22:22

Familia-giroan euskararen jarraipena bultzatuko dute Berangon

Erabiltzailearen aurpegia Ukberri Familien barruan euskara belaunaldiz belaunaldi zabaldu dadin bultzatzeko, "Euskaraz Blai" sentsibilizazio kanpaina abian jarri du Berangoko Udalak. Izan ere, euskararen aldeko jarrera eta erabilera bera bermatzeko, familia-giroa funtsezkoa dela uste dute. Aurten seme-alabak izan edota 1 eta 6 urte bitarteko haurrak dituzten familia berangoztar guztiei zuzenduta dago kanpaina (400 bat): familia euskaldunei, gurasoetako bat baino ez denean euskalduna, zein erdaldunak direnei. Besteak beste, udal ezberdinek abian jarri eta Bizkaiko Foru Aldundiak sortutako Alkarbide erakundeak koordinatzen du egitasmoa.
  Jendartea 2004-06-17 22:34

Abian dago "Berango 2015" Plan Estrategikoa

Erabiltzailearen aurpegia Ukberri Gaxt Klubaren bitartez, txangoak, bidaiak, beherapenak eta opariak izango dituzte herriko umeek

"Berango 2015" Plan Estrategikoan jasotako ondorioak emango die ezagutzera auzotarrei Berangoko Udalak, etxe guztietara bidaliko den hiruorrikoaren bitartez. 2003an martxan jarri zen ekimena garatzeko berangoztarren iritziak kontutan hartu dituzte. Izan ere, hasiera hasieratik, auzotarrak eurak izan dira helburuak eta ekinbideak eztabaidatzen aritu direnak, Miren Dobaran alkatesak adierazi duenez. Berangoztar guztien gizarte kohesioa lortzea da egitasmoaren jomuga.
  Iritzia 2004-06-16 20:16

Futbolean, Espainia garaile - Unai Brea / kazetaria

Erabiltzailearen aurpegia Ukberri Tabernan nengoen, zerbait edaten. Telebistan Espainiako futbol selekzioaren partidua ematen ari ziren. Espainia-Errusia. Nik, noski, Errusiak irabaztea gura nuen. Hobeto esanda, Espainiak galtzea. Beraz, isilpean errusiarren alde egiten hasi nintzen, haien jokaldi bakoitzari indar eman guran edo. Isilpean diot, taberna hartan Espainiaren alde nabarmen –eta ozen, bide batez esateko- egiten zuten 40-50-60 urte inguruko hainbat gizonez beteta zegoelako. Etsaiaren etxean hobe gehiegi ez nabarmentzea.
  Kultura 2004-06-08 23:54

Araba Euskarazera joateko autobusa antolatu dute Berangon

Erabiltzailearen aurpegia Ukberri Ekainaren 20an, Araba Euskaraz 2004 ospatuko da Bastidan, "Uzta hartu, uztartuaz" lelopean. Hori dela eta, autobusa jarri du auzotarren eskura Berangoko Kultur Etxeak. Besteak beste, 8:15ean abiatuko dira, igande horretan, herriko metro geltokitik, gutxi gora behera, 21:30ean bueltan egoteko. Berangon erroldatutakoek 8 euro ordaindu beharko dute, eta kanpotarrek 10 euro. Ekainaren 18ra arte egongo da zabalik izena emateko epea, Simon Otxandategi kalean dagoen Berangoetako Kultur Etxean. Adi egon, lekuak mugatuak dira eta.
  Jendartea 2004-06-04 22:20

Etxebizitza arloan "demagogia" egitea leporatu dio Berangoko alkatesari IUk

Erabiltzailearen aurpegia Ukberri Babes ofizialeko 19 etxebizitza eraikitzeko, Berangoko Udalak eta Eusko Jaurlaritzak sinatutako hitzarmena dela eta, "demagogia" egitea leporatu dio Miren Dobaran (EAJ) alkatesari Koldo Martinez EB-IUko zinegotziak. Arlo horretan udal gobernuak daraman politika "aurrerakoia" dela adierazi zuen Dobaranek. Martinezek, ordea, "errealitatea makilatzea" egotzi dio, bere hitzetan, hainbat eta hainbat gazte kanpora joan behar izaten duelako bizitzera, "inoiz ez baitute izango Berangon etxea lortzeko aukera".
  Jendartea 2004-06-01 22:13

Babes ofizialeko beste 19 etxe egingo dituzte Berangon

Erabiltzailearen aurpegia Ukberri Babes ofizialeko 19 etxebizitza eraikitzeko hitzarmena sinatu zuten atzo Miren Dobaran Berangoko alkatesak eta Javier Madrazo Eusko Jaurlaritzako Etxebizitza eta Gizarte Gaietarako sailburuak. Herrian bertan erroldatutako bizilagunek izango dute horiek eskuratzeko lehentasuna Madrazok adierazi zuenez. Izan ere, 225 berangoztar dago Etxebiden izena emanda. Eta horietatik 192 lagunek 21.100 euro baino gutxiagoko diru-sarrerak dituzte, ehuneko 85 alegia. Miren Dobaranek, berriz, "pozez" hartu zuen akordioa sinatzea, "Eusko Jaurlaritzaren laguntzari eta udalbatzan ordezkaritza daukaten aldeko botuari esker, etxebizitza eskuratzeko aukera izango dutelako Berangoko hainbat familiek".
  Iritzia 2004-05-27 00:02

Euskararen bermatzaileak - J. Nafarrate / ikaslea

Erabiltzailearen aurpegia Ukberri Pasaden egunean nere klaseko historiako irakaslearekin eztabaida bat izan gendun. 1978ko Konstituzioaren iruzkin bat bidali zigun etxerako lan gisa eta atal kritikoan, nere iritzia askatasun osoz idatzi nuen. Orokorki, Konstituzioa teoria hutsa baino ez dala esan nuen, batik bat askatasunei dagokienean (adierazpena, prentsa, hauteskundeetan parte hartzekoa e.a.) eta Estatua kultura ta hizkuntzak bermatuko dituela dioenean. Nere irakasleak zioen Estatuak kulturak eta hizkuntzak defenditzen dituela. Kultura espainiarra izanen da bermatua dagoena, euskal kulturaren etsai nagusiak, bederen, Estatuaren hiru botereak baitira.
  Kultura 2004-05-18 21:13

Gazteek euskara erabil dezaten hainbat ekitaldi egingo dira Berangon

Erabiltzailearen aurpegia Ukberri Udalerriko haur eta gazteen artean euskararen erabilera sustatzeko, hainbat kultur ekitaldi antolatu ditu, uztailaren 1etik 23ra bitartean, Berangoko Gazteuskaltegiak. Besteak beste, ingurumena, tolerantzia eta errespetua, kontsumoa eta aisialdirako hezkuntza izango dira, helburu hori lortzeko asmoz, Berangoetako Kultur Etxean egingo diren jardueretan landuko diren gaiak.
  Iritzia 2004-05-18 00:20

Reality showak - Unai Brea / Kazetaria

Erabiltzailearen aurpegia Ukberri Astero-astero, eta nire lanbidearen kariaz, telebistari buruzko orrialdeak sinatzen ditut (are gehiago, idatzi ere bai) euskarazko aldizkari batean. Urtarriletik nabil eginkizun horretan eta, orduz geroztik, hainbatetan egokitu zait reality show deritzen horietaz idaztea. Orain arte, baina, ezin izan dut telebista-saio mota horietaz benetan pentsatzen dudana esan, politikoki zuzena izateagatik eta, kazetari legez, objetibotasunari zor diodanagatik. Ukberrikoek, ordea, ez didate eskatu ez politikoki zuzena ez objetiboa izatea, eta beraz, zutabe honetaz baliatuko naiz neure iritzia gordin emateko.
  Kultura 2004-05-07 21:19

Oskorrik kontzertua emango du larunbat honetan Berangon

Erabiltzailearen aurpegia Ukberri Betizu taldearen emanaldiarekin hasi dira gaur, udalerriko kultur eta kirol taldeekin elkarlanean, eta Berangoetako eta Santa Anako kultur etxeak lagunduta, Berangoko Udalak antolatutako ekitaldiak. Izan ere, elkarte horiek urtean zehar egiten duten lana berangoztar guztiei ezagutzera emateko asmoz, egitarau zabala prestatu dute maiatza eta ekainerako. Besteak beste, krosa eta txirrindulari lasterketa egongo dira bihar goizean, 22:00etan Oskorri taldeak emango duen kontzertuari bidea emanez. Igandean, berriz, 13:00etatik aurrera, dantza emanaldia eskainiko du Simon Otxandategi taldeak, eskolako futbol zelaian jarritako karpan. Eta arratsaldean, "Maribel y la extraña familia" antzezlana eskainiko du Txirlora taldeak, toki berean, 19:30ean hasita.

Ikusi egitaraua agendan
  Kultura 2004-05-04 21:55

"Herri Kirolak" argazki erakusketa Berangoetan

Erabiltzailearen aurpegia Ukberri Maiatzaren 6a bitartean, Jose Antonio Lobok egindako argazkiak egongo dira ikusgai Berangoetako Kultur Etxeko erakusketa-aretoan. "Herri Kirolak" izenburupean, "zailtasunen aurka borrokatzeko, gizakiak egiten dituen ahaleginak" adierazi nahi ditu egileak, "trebetasunaren bitartez horiekin lehiatuz". Argazki erakusketa bisitatu nahi duten guztiek, lanegunetan 12:00etatik 14:00etara, eta 16:30etik 21:00etara, eta larunbatetan goizeko ordutegian izango dute aukera, Berangoko Simon Otxandategi kaleko erakusketa-aretoan.
  Iritzia 2004-04-26 14:20

Zezenak zelaira - Julen "Nafa" / ikaslea

Erabiltzailearen aurpegia Ukberri Azken asteetan, Estatu mailan, zezenketei buruzko eztabaida sortu da, Forum2004aren ospakizuna dala medio, hainbat talde animalzalek Bartzelona zezenketen aurkako hiria izendatu nahian, sinadura bilketak egin baitituzte (Uribe Kostatik ere ibili zirenak) eta kanpainia honen ondorioz, izendapena lortu egin dute.
  Iritzia 2004-04-19 23:37

Euskara ona, euskara txarra eta euskara - Unai Brea / kazetaria

Erabiltzailearen aurpegia Ukberri Ohituta gaude, batez ere gurea bezain inguru erdaldunetan, “zer ondo egiten duen euskaraz!”-en tankerakoak entzuten. Euskaraz “hain ondo” egiten ei duten horien jarioa entzunda, ostera, nik ez dut ezer berezirik igartzen, txarto egiten ez dutela ez bada. Alegia, Frankfurteko biztanle arrunt batek alemanieraz egiten duen bezala egiten dute euskaraz. Ez daude euskara ona eta euskara, euskara txarra eta euskara baizik. Euskara ona ere egongo da noski, gaztelania eta japoniera ona dauden hein berean, baina hizkuntza (edozein hizkuntza) maila horretan menperatzea batzuren esku baino ez dago: idazleak, akademikoak… “intelektualak” deritzen multzo hori, azken batean. Eta ez denak, bide batez esateko.
  Kultura 2004-04-06 21:49

Pazko Astean ordutegi berezia izango dute Berangoko Ludotekak eta Txikiludotekak

Erabiltzailearen aurpegia Ukberri Pazko Astea dela eta, ordutegiz aldatu dituzte Berangoetako Kultur Etxean egiten diren Ludoteka eta Txikiludoteka. Besteak beste, apirilaren 13tik 16ra, 11:00etatik 12:30era egongo da zabalik 3 eta 8 urte bitarteko umeentzako txikiludoteka. Bertan, puxika-irudiak, euskal joko tipikoak eta gelatinazko postreak egin ahal izango dituzte txikiek. 8 eta 14 urte bitarteko gazteentzat, berriz, 12:30etik 14:00etara egongo da zabalik ludoteka, transferrak kamisetetan eta hainbat dinamika landu ahal izango dituzte hauek.

Nabarmenak

Zorion agurrak