Jendartea 2005-02-07 13:01

Asiako hegoekialdeko itsasikarak kaltetuentzako 680 euro batu dira Berangon

Erabiltzailearen aurpegia Ukberri Elkartasun kutsu nabaria izan dute aurten Berangoko inauteriek. Izan ere, udal agintarien deiari jarraituz, hainbat eta hainbat izan ziren larunbat arratsaldeko jaian euren diru apurrak Asiako hegoekialdeko itsasikarak kaltetuei ematera hurbildu zirenak. Ospakizuna amaitutakoan 680 euroko txekea jaso zuten Unicef-eko ordezkariek Miren Dobaran alkatearen eskutik.
  Jendartea 2005-02-07 12:36

Udan saharar umeak etxean hartzeko izen ematea zabalik dago Berangon

Erabiltzailearen aurpegia Ukberri Udan euren etxeetan neska-mutil sahararren bat hartu nahi duten lagunek eskaera aurkezteko epea zabaldu du Berangoko Udalak. Martzoaren 10era bitartean, udal bulegoetan egin ahal izango dira aipatu izapideak, astelehenetik ostiralera, 9:00etatik 13:00etara; eta larunbatetan, 9:00etatik 12:00etara. "Oporrak bakean" egitasmoaren barruan dago ekimena.
  Politika 2005-01-27 21:01

Otsailaren 10ean epaituko dute Orkatz Gallastegi

Erabiltzailearen aurpegia Ukberri Orkatz Gallastegi Berangoko euskal preso politikoa epaituko dute otsailaren 10ean Espainiako Auzitegi Nazionalean. 2002ko martxoaren 15ean Algortan Caixak duen bulegoan leherkari bat jartzea leporatzen diote, eta sei urteko espetxe zigorra eskatzen dute harentzat. Hasiera batean epaiketa otsailaren 15ean egitekoa zen, baina aurreratu egin dute.
  Politika 2005-01-26 22:36

Bisita, aurrez aurreko eta telefono deirik gabe geratu da Jagoba Terrones

Erabiltzailearen aurpegia Ukberri Euskal Preso Politikoen Kolektibo (EPPK) osoak abian jarritako "borroka iraunkorreko dinamikari" eusten dioten bitartean, komunikazio bide guztiak moztuko dizkietela adierazi die bertan diren euskal preso politikoei Jaengo espetxeko zuzendaritzak. Izan ere, beste hainbat espetxeetan daudenekin batera, hamar eguneko itxialdiaren hirugarren txandari ekin zioten astelehenean, Jagoba Terrones berangotarra tartean dagoela. Protestaldia iraun bitartean ez dute bisitarik, aurrez aurrekorik edota telefono deirik izango. Pititako Informatzenek jakinarazitakoaren arabera, "Madrilgo agindua dela diote".
  Ekonomia 2005-01-25 19:51

Berangoko bizilaguna zauritu da Getxon lan istripuaren ondorioz

Erabiltzailearen aurpegia Ukberri Berangoko auzokidea den 49 urteko I.A.M. gizonezkoa zauritu da gaur goizean Getxo udalerrian lanean ari zela makina bateko palankak burua kolpatu dionean, DYAk jakinarazi duenez. Lan-istripua 10:00ak baino minutu batzuk lehenago gertatu da eta zauritua Areetako osasun-etxera eraman dute lehenik. Ondoren, Bizkaia Industriala Mutualitatera eraman dute, pronostiko erreserbatuko zauriak sendatzeko.
  Politika 2005-01-21 19:53

Ibai Aginagarentzat 21 urteko espetxe zigorra eskatu dute

Erabiltzailearen aurpegia Ukberri Urtarrilaren 13an egin zioten epaiketa Espainiako Auzitegi Nazionalean Ibai Aginagari. Berangoko euskal preso politikoarekin batera, Urretxuko Josega Segurola eta Berriozarreko Dabid Zebrian ere epaitu zituzten. Hasierako bientzat 21 urteko espetxe zigorra eskatzen du fiskalak, ETAren Irunberri komandoko (Nafarroa komandoa zena, polizia iturrien arabera) kide izatea leporatuta. Azkenekoari, berriz, zortzi urteko espetxe zigorra jarri nahi diote ustez aipatu egituran laguntzaile izateagatik. Orain epailearen ebazpenaren zain daude hirurak.
  Iritzia 2005-01-15 19:25

'Los Santxez' ispilu aurrean - Unai Brea / kazetaria

Erabiltzailearen aurpegia Ukberri Joxemari Agirremota Ostolaza euskaldun petoa zen, Gipuzkoako bihotz-bihotzekoa. Lan kontuek Madrilera eroan zuten behinola, eta bizitzaren kontuek bultzatuta, azkenik, inperioko hiriburuan betiko bizitzea erabaki zuen. Zortea eduki zuen: Maripili Otxotorena Salaberria neskalagunak herria utzi eta Madrilera ezkontzea onartu zuen. Hasieran hizkuntza-arazoren edo beste eduki zuten bai Joxemarik bai Maripilik, gaztelaniaz nahiko trakets moldatzen ziren-eta, baina hori ere denboraz eta eguneroko jardunaren ezinbesteaz gainditu zuten.
  Jendartea 2005-01-08 13:45

Berangoko gaztetxea desalojatu zuten bart

Erabiltzailearen aurpegia Ukberri Atzo bertan okupatutako Berangoko gaztetxea desalojatu zuten udaltzain eta ertzainek gaueko 9:00ak aldera. Polizia kide andana inguruan eta gaztetxea babesteko tresneriarik gabe zeudela ikusita, gazteek batzar azkar batean eraikina uztea erabaki zuten. Baina, dena den, ertzainek 20 bat gazte identifikatu zituzten Santana auzoko gaztetxean, abian jarritako salaketa dela eta. Berangoko Gazte Asanbladak lan egiten eta lokalak bilatzen jarraituko dela adierazi du. Era berean, adi egoteko deitu du eskualdeko gazteria, atzoko okupazioak eduki ditzakeen ondorio juridikoen aurrean erantzuteko.
  Jendartea 2005-01-07 20:03

Berangoko gaztetxea abian!

Erabiltzailearen aurpegia Ukberri Berangoko gazteok jada Euskal Herri osoan zehar abian den autogestioaren eta okupazioaren mugimenduan murgildu gara. Gure herria berpizteko itxaropenarekin gazte asanblada sortu dugu eta, guztion indarrez, etxe bat okupatzea lortu dugu.
  Jendartea 2005-01-07 19:38

Berangon gaztetxea ireki dute

Erabiltzailearen aurpegia Ukberri Berangoko Gazte Asanbladaren ekimenez, Berangok badu gaurtik aurrera gaztetxea. 16:30ak aldera, berrogei bat gazte Santana auzoko 6. etxean sartu dira atea indarrez ireki ostean. Ordu erdi beranduago, garbiketa lanak egiten ari zirela, hiru adineko ailegatu dira gazteak kanporatzeko makilez mehatxatzen eta etxearen jabegoa aldarrikatzen.
  Jendartea 2004-12-28 19:22

Indiako emakumeentzako bost etxe egiteko dirua batzen ari dira Berangon

Erabiltzailearen aurpegia Ukberri Anantapur eskualdean (India hegoaldean) emakume minusbaliatuentzako bost etxebizitza egiteko ekimenean parte hartzen ari da Berangoko Udala, aipatu herrialdean horiek bizi duten egoera txarra arintzeko asmoz. Izan ere, egitasmoko arduradunek adierazi dutenez, bigarren mailako herritartzat hartzen dituzte emakumeak Indian eta hezkuntzarako eskubiderik ere ez daukate.
  Kultura 2004-12-21 12:44

Gabonetarako hainbat irteera antolatu dituzte Berangon

Erabiltzailearen aurpegia Ukberri Berangoko Kultur Etxeak antolatuta, BECen zabaldu duten Umeen Gabonetako Parkera joateko aukera izango dute, abenduaren 27an (astelehena), neska-mutikoek. Autobusa 9:30ean abiatuko da Berangoetatik eta 17:30ak aldera egingo du itzulera. Salneurria 7 eurokoa da Gaxtkideentzat eta 9 eurokoa Gaxtkide ez direnentzat. Hilaren 31an (ostirala), berriz, Gorbeara igoera egingo dute. Irteera 7:15ean izango da eta 15:30ak aldera egingo du buelta autobusak. Salneurria 6 eurokoa da. Azkenik, Bilboko Arriaga Antzokian izango diren bi emanaldiekin gozatu ahal izango dute urtarrilean berangoztarrek: "Spiderman" antzezkizuna eta "Queen, we will rock you" musika ikuskizuna, 2an eta 4ean, hurrenez hurren.
  Jendartea 2004-12-20 22:17

Saharari laguntzeko kanpainarekin bat egin du Berangok

Erabiltzailearen aurpegia Ukberri Tindoufeko (Aljeria) saharar errefuxiatuek bizi duten elikagai eskasiari aurre egiteko, Euskadiko Sahararen aldeko elkarteek antolatutako kanpainarekin bat egin du Berangoko Udalak. Besteak beste, azukrea, atuna oliotan, pasta, arroza eta emakumeentzako konpresak dira premia handiagoarekin behar diren gaiak. Egitasmoan parte hartu nahi duten guztiek 2005eko urtarrilaren 12ra arte izango dute aukera, aurretik aipatutako produktuak Santa Ana Kultur Etxera eramanez, 11:00etatik 14:00etara eta 17:00etatik 20:00etara (ostiral arratsaldetan izan ezik)
  Politika 2004-12-20 11:51

Orkatz Gallastegi abenduaren 9an iritsi zen Castelloko espetxera

Erabiltzailearen aurpegia Ukberri Orkatz Gallastegi Valdemoron (Madril) izan da diligentzia judizial batzuk egiteko. Horiek amaitu orduko berriro eraman dute Castelloko espetxera (Herrialde Katalanak). Familiarrei kontatu zienez bidaia gogorra izan du baina bestela ondo iritsi da.
  Kirolak 2004-12-17 12:10

Euskal Selekzioaren partidara joateko autobusa jarri dute Berangon

Erabiltzailearen aurpegia Ukberri Abenduaren 29an Euskal Herriko eta Hondurasko futbol selekzioak lehituko diren norgehiagoka ikusteko bidaia antolatu du Berangoko Kultur Etxeak. Autobusa 16:00etan abiatuko da Berangoetatik Anoetara bidean, partida bukatu bezain laster bueltatzeko asmoz. Joan nahi dutenek 15 euro ordaindu beharko dute.
  Iritzia 2004-12-16 21:33

Badajozeko kontuak - Unai Brea / kazetaria

Erabiltzailearen aurpegia Ukberri Beharbada zuen posta elektronikan ikusi duzue. Izan ere, denok daukagu besteen posta elektroniko helbideetara gauza bitxiak bidaltzen dituen lagunen bat edo beste. Baina tira, hori ez da gaur hona nakarren gaia. Kontua da nik neuk, neure posta elektronikoan, Badajozeko epaitegi batek emandako benetako agiri bat ikusi dudala, eta Extremadurako juztizia-administrazioaren gorabeherek gehienetan loa galerazten ez badidate ere, honek merezi du iruzkina.
  Politika 2004-12-09 19:12

Baliteke Orkatz Gallastegi Valdemoroko espetxera itzuli izana

Erabiltzailearen aurpegia Ukberri Orkatz Gallastegi Berangoko preso politikoa abenduaren 6an (astelehena) atera zuten Valdemoroko espetxetik (Madril) ustez Castelloko espetxera itzultzeko. Izan ere, Orkatz Valdemorora eraman zuten Castello espetxetik (Herrialde Katalanak) Madrilen diligentzia judizial batzuk egiteko.
  Jendartea 2004-12-06 21:32

Bilbotar gaztea zauritu da Berangon izandako liskarrean

Erabiltzailearen aurpegia Ukberri Pronostiko erreserbatuko zauriak izan zituen Bilboko 27 urteko E.M.A. gazteak, igande goizaldeko 4:15ak inguruan, Berangoko Sabino Arana kalean hainbat lagunen artean piztu zen liskarraren ondorioz. Ertzaintzak jakinarazitakoaren arabera, oraindik argi ez dauden arrazoengatik hasi ziren eztabaidan. Hala ere, ez da salaketarik egon, ezta atxiloketarik ere. Mutil bilbotarra Gurutzetako ospitalera eraman behar izan zuen DYAko anbulantziak.
  Jendartea 2004-12-06 20:53

"Aberatsei mesede" egitea egotzi dio Berangoko Udalari Ezker Batuakek

Erabiltzailearen aurpegia Ukberri Osteguneko udalbatzan onartuak izan ziren aurrekontuak "atzerakoitzat" jo eta horiek "auzotarren beharrei irtenbiderik ematen ez" diela adierazi du Koldo Martinez Berangoko EB-Berdeakeko zinegotziak. Honen hitzetan, udal gobernu batzordeak (EAJ eta EA) "gehiengo absolutuak ematen dion zapalkuntza politikoaz" baliatzeaz gain, ez zituen bere taldeak aurkeztutako zuzenketak aintzat hartu. Gizarte eta babes ofizialeko etxebizitzak egin ahal izateko lurrak erostea eskatzen zuen Ezker Batuakek, "tokiko erakundeak tasatutako salneurriko pisuak eraikitzeko azaldu duen asmoaren aurka". "Aberatsen eskura baino ez daude horiek", Martinezen arabera.
  Jendartea 2004-12-06 20:09

Gazte bat atxilotu dute Berangon, neska bat bortxatzen saiatzeagatik

Erabiltzailearen aurpegia Ukberri Marokoko 18 urteko gaztea atxilotu zuten larunbat goizaldean Berangon ustez bortxatzen saiatu eta indarkeriarekin lapurreta egiteagatik neska bati, Ertzaintzak jakiterazitakoaren arabera. Goizaldeko laurak aldera izan zen ustezko erasoa, emakumea Sabino Arana kaletik etxerako bidean zihoala.

Nabarmenak

Zorion agurrak