"Zapaltzen gaituen sistemari sua ematera" deitu du Euskal Herriko mugimendu feministak martxoaren 8rako egingo dituen mobilizazioetan. Uribe Kostako udalerri eta auzoetan ere hainbat deialdi egin dituzte egun horretan kaleak morez tindatzeko. Askotariko eragile eta instituzioek ere hainbat ekimen antolatu dituzte egunotan Emakumearen Eguna aldarrikatzeko.
Udalaren zentsura pairatu dutela salatu du Leioako mugimendu feministak
mar 10 Leioa
Suteak eta Leioako Sare Feministak adierazi dute Leioako Udalak martxoaren 8ko deialdiak zentsuratu zituela. Azaldu dutenez, hilaren 6an, udaltzainek Sare Feministako hiru kide identifikatu zituzten martxoaren 8ko mobilizazioetara deitzeko kartelak jartzen ari zirela: "Kideetako bat identifikatua izan zen kartelak besapean eramate hutsagatik".
