EAEko Auzitegi Nagusiaren Gobernu Aretoak ebatzi du ez duela ezelako ekimenik egin behar Jon Iñaki Rodríguez Erandioko bake-epailearen aurka, ez ziolako inori "errespeturik galdu". Pasa den azaroaren 22an, Erandioko Udalak eskatu zuen ikerketa, Udalbatzak hala eskatuta.
Ganemos Erandiok eta EH Bilduk salatu zuten Rodríguezek beste auzokide bati "liskarra eragin" ziola eta EH Bildu koalizioaren udal-taldeak gutun publiko batean kritikatu zuen. Talde bien ustez, jarrera "liskartsu" hura ez zen bake-epailea izateagaz bateragarria. Kasu bietan, Rodríguezek Abaroa enpresak kaltetutako auzokide gisa aurkeztu zuen bere burua.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!