Hala, eragile biek adostu duten legez, musika-bandak 28 emanaldi egingo ditu aurten udalerrian. Horien arteko 13 auzoetako jaietan izango dira; beste 9 emanaldi kultur eta kirol-ekimenetan izango dira; azkenik, bestelako 6 kontzertu emango dituzte Erandioko Musika Bandako kideek. Gainera, bandak Erandioko Udal Musika Eskolan trebatutako musikariak babestuko ditu, horiei irtenbidea emanez. Erandioko Udalak, bere aldetik, 90.000 euroko diru-laguntza emango dio musika-elkarteari, bandak aurre egin ahal izateko honako gastuei: kideen dietak, material berriak erosi edo hobetu, bekak, Musika Eskolan prestatutako musikariak bandan sartzeak ekar ditzakeen gastuak eta musika-elkartearen partaideak trebatzeko.
Erandioko Udal Musika Eskolak bandari emango dio gai diren ikasle eta interesdunen zerrenda, musika-elkartean gerta daitekeen behin-behineko zein behin betiko edozein hutsune betetzeko, bertako ikasleek irtenbidea izan dezaten, eta bandaren etorkizuna bermatzeko. Horretarako, nahikoa izango da musika-bandak eskaera egitea. Era berean, bandak aukera emango die ikasleei eurakaz entseatzeko.