Kirolak  Erandio  Getxo 2017-08-03 17:48

Egurrolak eta Sierrak Athleticen lehen taldean jokatuko dute

Egurrolak eta Sierrak Athleticen lehen taldean jokatuko dute

Athletic futbol-klubak iragarri ditu emakumezkoen lehenengo talderako zenbait aldaketa. Besteak beste, Damaris Egurrola Wienke eta Andrea Sierra Larrauri igoko dira bigarren taldetik. Biak ala biak hazi egin ziren eskualdeko taldetan. Egurrola erdilaria Erandioko Betiko Neskak taldean ibili zen; Sierra atzelariak, ostera, Bizkerren jokatu zuen.

  Politika  Berango  Erandio  Getxo 2017-07-27 16:36

Frankismoaren krimenen kontrako auzian akusazio gisa aurkeztuko da Getxoko Udala

Frankismoaren krimenen kontrako auzian akusazio gisa aurkeztuko da Getxoko Udala

Getxoko Udalbatzak mozio bidez onetsi zuen atzo frankismoaren krimenen aurkako Argentinako kereilan akusazio gisa agertzea. Mozioa EH Bildu eta GUK udal-taldeek aurkeztu zuten; proposamena talde bi horien aldeko botoaren bidez onartu zuten. Gobernu-taldea (EAJ eta PSE-EE) eta Ciudadanos abstenitu ziren botazioan; popularrak, berriz, horren kontra agertu ziren.

  Politika  Erandio  Getxo  Leioa  Sopela  Uribe Kosta 2017-07-24 17:39

Sinbolo frankistak geratzen dira Erandion, Getxon, Leioan eta Sopelan

Sinbolo frankistak geratzen dira Erandion, Getxon, Leioan eta Sopelan

Uribe Kostako lau udalerritan ikusgai dago oraindino diktadura frankistaren sinbologia, estatu-kolpe falangistatik 80 urte pasa direnean. Eusko Jaurlaritzak jakinarazi duenez, Bizkaian 18 dira horrelako iruditeria duten udalak, tartean Erandio, Getxo, Leioa eta Sopela. Eskualdean aurkitutako objektu denak lehengo Etxebizitzaren Institutuko plakak dira. Jaurlaritzak horiek kentzeko laguntzak emango ditu.

  Jendartea  Erandio  Getxo  Leioa 2017-07-21 12:42

Sustapen Ministerioari itsasadarreko bidegorrian esku har dezan eskatu dio Ahal Duguk

Sustapen Ministerioari itsasadarreko bidegorrian esku har dezan eskatu dio Ahal Duguk

Jose David Carracedo Elkarrekin Ahal Dugu koalizioaren Bizkaiko diputatuak legez besteko proposamen bat erregistratu zuen Espainiako Kongresuan joan den uztailaren 17an; horren bidez eskatu zuen Espainiako Sustapen Ministerioak finantza dezan Ibaizabalen ondoko BI-711 errepidean bidegorri bat egiteko proiektua. Carracedo bigarren idazkaria ere bada, Espainiako Kongresuko Bide-Segurtasun eta Mugikortasun Iraunkorrerako Batzordean.

  Ekonomia  Erandio 2017-07-18 21:13

Erandioko Udalari enplegu publikoa sor dezan eskatu dio LABek

Erandioko Udalari enplegu publikoa sor dezan eskatu dio LABek

LAB sindikatuak elkarretaratzea egin zuen pasa den eguenean Erandioko udaletxearen aurrean, "bestelako enplegu enplegu eta pertsonal politika eskatzeko". Sindikatuaren arabera, EAJk eta PSE-EEk osatutako Udal Gobernua "lanpostu finkoak suntsitzen eta lan prekarioa sustatzen" dabil. Egunetik egunera "egoerak okerrera" egiten salatu du LABek.

  Kultura  Erandio 2017-07-18 11:00

Bertoko eta Mexikoko doinuak entzungai izango dira eguenean Erandion

Bertoko eta Mexikoko doinuak entzungai izango dira eguenean Erandion

Udaren bihotzean, eta inguruetako festa ugariez inguratuta, Erandioko Nazioarteko Folklore Jaialdia izango da Altzagan, Irailaren 23a plazan. Aurtengoa XXXI. ekitaldia izango da, eguenean, uztailaren 20an, 20:00etatik aurrera. Oraingoan, bertoko Goi-Alde dantza-taldeak eta Mexikotik etorritako Colimako unibertsitateko ballet folklorikoak dantzatuko dute.

  Kirolak  Berango  Erandio  Leioa 2017-07-18 09:30

Txumaren Nazioarteko Hiru Egunak barikuan hasiko dira

Txumaren Nazioarteko Hiru Egunak barikuan hasiko dira

Datorren barikutik domekara, uztailaren 21etik 23ra, jokatuko da Txumaren Nazio­arteko Hiru Egunak lehiaketa. Kadeteen txirrindularitza-pro­ba mistoaren seigarren edizioa izango da. Erandioko Udalak eta Elkar Kirolak txirrindularitza-eskolak lasterketa berreskuratu zutenetik ohi den legez, nazioarteko parte-hartzaileak ugariak izango dira Erandio­goikoko apaiza izan zen Txuma Olague berangozta­rra omentzen duen proba horretan.

  Jendartea  Erandio 2017-07-17 12:44

Erandioztarren elkartasuna heldu da Gurutzeta ospitaleko umeengana

Erandioztarren elkartasuna heldu da Gurutzeta ospitaleko umeengana

Loiuko Denontzat elkarteak jolasak, liburuak eta gai teknologikoak eroan zizkieten Gurutzetako ospitaleko onkologia-unitatean dauden umeei, joan den eguaztenean. Emandako opariak erosteko 1.121 euro baliatu zuten, Erandiogoikoko eta Loiuko jai-batzordeakaz batera elkartasun-pintxoak saltzen lortutakoa. Erandioko Gorpuzti jaietan, 762,65 euro lortu zituzten.

  Kultura  Erandio 2017-07-17 11:05

Asuako jaiek utzitako irudiak, ikusgai

Asuako jaiek utzitako irudiak, ikusgai

Daborduko bukatu egin dira Asuako jaiak. Penaz geratu direnek hemen dauzkate zapatuko zenbait argazki, kontsolamendurako edo. Izan ere, asuatarrek gogoz ekin zieten jaiei egun horretan. Txupinazoa entzun ondoren, besteak beste, Olgetan Jolas familiarteko kirol-jolasetan eta sukalki-txapelketan jardun zuten herritarrek, jo eta su.

  Kirolak  Erandio 2017-07-14 17:25

López de Lacalle boxeoan lehiatuko da bihar, Castron

López de Lacalle boxeoan lehiatuko da bihar, Castron

Haritz López de Lacalle "Txa" borrokalari astrabuduarra, bihar, zapatuan, lehiatuko da boxeo-borrokaldi batean, Castro Urdialesen. Hitzordua Peru Zaballa kiroldegian da, 21:00etan. Astrabuduarra ringera igoko da atsedenaldi baten ondoren. 2015eko Espainiako K-1 txapelketa irabazi zuen. Gau berean, beragaz entrenatzen duen Kerman Lejarragak ere borroka egingo du, AEBetan Lou DiBellari irabazi ostean.

  Jendartea  Berango  Erandio  Getxo  Sopela  Urduliz  Uribe Kosta 2017-07-14 13:50

Larrasbasterra eta Ibarbengoa geltokien artean obrak egingo dituzte, urte eta erdiz

Larrasbasterra eta Ibarbengoa geltokien artean obrak egingo dituzte, urte eta erdiz

Bizkaiko Garraio Partzuergoak (BGP) trenbide-plataforma berrituko du Ibarbengoa eta Larrabasterra metro-geltokien artean. Erakunde horren Kontseilu Nagusiak atzo Bilbon erabaki zuenez, 2.194.794 euro bideratuko dituzte obra horretara; lanek 17 hileko iraupena izatea espero dute. Modu berean, beste egitasmo berri batzuk onartu zituzten atzo: Sopelako kotxe-tokietarako tornu berri bat erostea; Urdulizko Udalagaz ur-saneamendua hobetzeko hitzarmena sinatzea; eta Lutxanako azpiestazioan beste estalki bat eraikitzea.

  Kultura  Erandio 2017-07-13 13:00

Aste-akabuko jaiak, Asuan!

Aste-akabuko jaiak, Asuan!

Uztailaren 15ean hasiko dituzte Asuako jaiak erandioztarrek, zapatuan. Hala, goizeko 11:00etan suziari su eman ostean, festari ekingo diote; horren ondoren, Apurtuarteko beteranoek futbol-partida jokatuko dute. Ordubete geroago, 12:00etan, ume eta familiei begirako Olgetan Jolas egitasmoaren jarduerak hasiko dira. Geroago, 14:00etan, sukalki onena aukeratzeko lehiaketa abiatuko dute. Arrastian, euskal dantzen agerraldia (18:30); disko-festan, DJ Xaboirregaz dantza egiteko aukera (19:30), eta indarra berreskuratzeko txorizo-jana egongo dira; eta, berriro ere, dantzatzeko aukera, Honat taldeak joko dituen kantuen doinura (00:00).

  Politika  Erandio 2017-07-12 17:15

Salatu zuen sendiak ez du errekurrituko Erandioko alkatearen absoluzioa

Salatu zuen sendiak ez du errekurrituko Erandioko alkatearen absoluzioa

García eta Pérez familiak ez dio helegiterik ipiniko Joseba Goikouria Erandioko alkateari eta zinegotzi ohi bati absoluzioa eman dien epaiari, sendiak "El Correo"-ri adierazi dionez. Ebazpenak Itziar Koba Hirigintza zinegotzi ohia zigortu zuen, sendiari 8.470 euroko kalte-ordaina ordaintzera eta zazpi urteko inhabilitazioagaz. Familiak onartu duenez, "ez da guk bilatzen genuen dena". Horregatik "gaziagoa" egin zaie epaia, "gozoa baino". Dena den, argi utzi dute ez dutela "mendekurik gura".

  Politika  Barrika  Berango  Erandio  Getxo  Gorliz  Leioa  Lemoiz  Plentzia  Sopela  Urduliz  Uribe Kosta 2017-07-12 14:54

Uribe Kostak beste bi udalerriren babesa beharko du foru-arauak bultzatzeko

Uribe Kostak beste bi udalerriren babesa beharko du foru-arauak bultzatzeko

Bizkaiko Batzar Nagusiek aho batez onartu dute gaur udalek ganbera horretan foru-arauak aurkeztu ahal izateko prozedura. Horren arabera, Uribe Kostako udalek ezin izango dute beraiek bakarrik foru-araurik proposatu. Izan ere, besteak beste, honako baldintza ezarri dute Batzar Nagusiek: "gutxienez, lurralde historikoko udalen %10ak" aurkeztea ekimena. Gaur egun Bizkaiko udalerriak 112 direnez, Uribe Kostako hamar udalek beste udalerri biren babesa beharko lukete edozein ekimena aurkezteko.

  Jendartea  Erandio 2017-07-11 15:55

Lutxanako trenaren proba-epea abendura arte luzatuko du Euskotrenek

Lutxanako trenaren proba-epea abendura arte luzatuko du Euskotrenek

Euskotrenek lehenengo erabakia hartu du Lutxana-Lezama lineako Lutxana eta Sondika arteko ibilbidearen inguruan: gutxienez Gabonetara arte luzatu egingo du geraleku horien arteko tren-zerbitzua, hasieran pentsatutakoa baino hilabete bi gehiago. Garraio-enpresak joan den apirilaren 8an abiatu zuen probaldia eta iragarri zuen hilabete biren ostean lehenengo balorazio bat hartuko zuela. Emaitza oso kaskarren ezean, zerbitzua urrira arte mantenduko zuela agindu zuen orduan.

  Politika  Erandio 2017-07-10 20:33

Erandioko alkateari absoluzioa eman eta zinegotzi ohi bat zigortu du epaitegiak

Erandioko alkateari absoluzioa eman eta zinegotzi ohi bat zigortu du epaitegiak

Bilboko 2. zigor-epaitegiak ebatzi du Joseba Goikouria Erandioko alkatea eta Asier San Nikolas Hirigintza zinegotzi ohia errugabeak izan zirela Erandiogoikoko Recuperaciones Esma SL txatartegiaren auzian. Itziar Koba zinegotzi ohiari, ostera, zazpi urteko inhabilitazioa eta 8.470 euroko kalte-ordaina ordaindu beharra ezarri dizkio, hutsegite-prebarikazioa egin zuelakoan. Fiskaltzak zortzi urte eta erdiko inhabilitazio-zigorra eskatu zuen maiatzean egindako epaiketan. Epaiaren aurka helegitea ipintzeko aukera dago. EAJk "gazi-gozotzat" jo du ebazpena eta kritikatu du alderdiaren eta alkatearen irudia zikindu gura izan duela oposizioak.

  Gazteok  Erandio 2017-07-10 10:59

Erandioko Udalaren argudioak ukatu eta mobilizazioak iragarri ditu Kalezulok

Erandioko Udalaren argudioak ukatu eta mobilizazioak iragarri ditu Kalezulok

Kalezulo gaztetxearen asanbladak erantzun dio Erandioko Udalak gazte-zentroaren utzarazte-dekretua azaltzeko argudioei, ohartarazpena oraindino jaso barik.

  Kultura  Erandio 2017-07-07 16:34

Umeek emango diete hasiera Erandioko sankristobalei

Umeek emango diete hasiera Erandioko sankristobalei

Gaurtik astelehenera, San Kristobal gurtzen duen baselizaren inguruetan ibiliko dira goierritarrak, jai-giroan. Urtero legez, ez dira faltako sokatira txapelketa, asto-probak eta musika-emanaldiak, besteak beste.

  Kultura  Erandio  Leioa 2017-07-07 12:50

Santimamiko jaiak, berrituta

Santimamiko jaiak, berrituta

Hilaren erdialdean ospatuko dituzte Santimami auzoko aurtengo jaiak. Leioako eta Erandioko udalek iragarri dute bi udalerrietako mugan dagoen auzune horretako festak hilaren 17an eta 18an izango direla. Jai-batzordeak ez du ezeztatu, baina baieztatu ere ez du egin.

  Gazteok  Erandio 2017-07-07 00:42

Kalezulo gaztetxeak gaur erantzungo die "Udalaren adierazpen faltsuei"

Kalezulo gaztetxeak gaur erantzungo die "Udalaren adierazpen faltsuei"

Kalezulo gaztetxeak atzo arrastian izan zuen Erandioko Udalak sinatutako itxiera-dekretuaren eta Egoitz Bilbao Hirigintza zinegotziaren adierazpenen berri. Gazte-kolektiboak gaur jakinaraziko du zein den bere jarrera. Halere, aurreratu du gaztetxea defendatuko dutela: "behar genuen, behar dugu eta beharko dugu. Herritik eta herriarentzat eraiki izan duguna defendatuko dugu", azaldu dute. Modu berean, Kalezulok kritikatu ditu Udalaren adierazpenak, "faltsuak" eta "apaindurak" direla iritzita.

Nabarmenak

Zorion agurrak