api 24, 12:45 Erandio
Apirilaren 28an, Kanpomartxoren 30. jaialdia egingo du Berbotsek Faoeta auzo erandioztarreko baselizan. Erandiotik Lemoizera, euskara hutsezko komunikabide bakarra den heinean, HIRUKA ere bertan izango da eskualdeko euskaltzaleakaz harremana sendotzeko. Gainera, opari eta eskaintza bereziak izango ditugu gure standera hurbiltzen direnentzako.
api 22 Uribe Kosta
EAJ izan da berriro ere Eusko Legebiltzarrerako indar bozkatuena Uribe Kostan; 36.208 boto jaso dituzte jeltzaleek, boz guztien % 40,5 pilatuta. Atzetik, EH Bildu izan da babes gehien izan duena, 22.658 boto pilatuta (% 25,3). Herriz herri, 2020an bezala, udalerri guztiek izan dute EAJ alderdi bozkatuena, Lemoiz izan ezik, 2024 honetan EH Bildu izan baita boto-paper gehien jaso dituena bertan. Bizkaian, hala, jeltzaleek aurreko bozetan baino 22.000 babes gehiago lortu duten arren, eserleku bat galdu dute, eta 11 pilatu, EH Bilduren aurretik, 8 irabazi dituenak, aurrekoan baino bi gehiago (ia 50.000 boto gehiago jaso ditu).