Kultura 2005-03-03 11:55

Bigarren urtez, laburmetraien lehiaketa antolatu dute Erandion

Erabiltzailearen aurpegia Ukberri Erandioko II. Film Laburren Lehiaketan parte hartzeko, apirilaren 19ra arte dago zabalik lanak aurkezteko epea. 2004ko urtarriletik gaur egunera arte egindakoak izan beharko dute, dokumentalak edo umorezkoak eta euskaraz zein erderaz eginak izan daitezke. Filmeen iraupena 35 minutukoa izango da gehien jota eta DVD formatoan aurkeztu beharko dira, orijinala eta kopia. Aurkeztutako filmeak maiatzaren 9tik 14ra egingo den zinemaldian erakutsiko dituzte jende aurrean. Hain zuzen ere, amaiera ekitaldian banatuko dira sariak.
  Kultura 2005-03-02 19:51

Vulkano jainkoaren islada itsasadarrean, Fontcubertaren irudien bitartez

Erabiltzailearen aurpegia Ukberri Joan Fotcubertaren lan artistikoak “Bilboko Itsasadarra: Vulkanoren sutegia” izenburudun erakusketa sortu du. Hain zuzen ere, Josu Murueta Kultur Gunean egongo dira bere argazkiak, martxoaren 11ra arte, 9:00etatik 21:00etara bitarteko ordutegian. Erandioko kultur arduradunen esanetan, "paisaia eta historia bati egindako kantu epikoa dugu". Vulkano, mitologia erromatarrean, suaren eta metalgintzaren jainkoa zen, eta haren sutegiak itsasadarraren ezkerraldeko izaera industrial berezia sinbolizatzen du.
  Jendartea 2005-03-01 15:10

Loiolako San Inazioren eskultura jarri dute Erandion

Erabiltzailearen aurpegia Ukberri Erandioko Udalak Loiolako San Inazioren omenezko estatua jarri du Altzaga auzoko izen bereko kalean. 2,25 metroko altuera duen brontzezko eskultura beste baten erreplika baimendua da, Manuel Cusachs-ek 1999an Bartzelonako Institut Quimic de Sarriá-rentzat egindako igeltsuzko jatorrizkoarena izan ere. Herrian azken urteotan izan den "eraldaketa osatzeko asmoa" erakutsi nahi du Erandioko Udalak. Horrela, "erandioztarrentzat esanguratsuak" izan diren pertsonaia ospetsuen omenezko eskulturez hornitzen ari da herrigunea: Laureano Jado (Jado kalean), Agustin Obieta (Obieta kalean) eta beste pertsonaia batzuk hurrenez hurren.
  Jendartea 2005-03-01 14:57

Plaza berria egingo dute Altzagan

Erabiltzailearen aurpegia Ukberri Altzaga auzoan beste plaza bat eraikitzeko lurrak erosteko erabakia hartu zuen joan den osteguneko osoko bilkuran Erandioko udalbatzak, tokiko erakundean ordezkaritza daukaten alderdi guztiek ados egon baitziren (EAJ-EA. PSE-EE, PP eta EB-Berdeak). Horrela, 401 metro koadroko azalera duen lursaila erosiko du Udalak 180.304 euro ordainduta. Hori erosita, Bekoetxe bidean kokatutako finka oso bat eskuratuko du.
  Politika 2005-02-25 20:58

Estatuak Jon Bilbao Moro presoarekin ankerkeriaz jokatzen duela salatu dute Erandioko EA eta EAJk

Erabiltzailearen aurpegia Ukberri Mikel Arieta-Araunabeña Erandioko alkatea eta EAJ eta EA alderdien zinegotziek herri horretako auzokidea den Jon Bilbao Moro preso astrabuduarraren etxeratzea eskatu zuten atzo publikoa egin zuten agiri baten bitartez. Agiri horretan, Erandioko Udal Gobernua osatzen duten taldeek bere "kezka" erakutsi zuten Bilbaoren bizi-baldintzen inguruan, izan ere, 1982an Guardia Zibilak atxilotu zuenetik lehengo graduan eman ditu Jon Bilbaok kartzelako urte guztiak eta haietako asko isolamenduan pasatu ditu. Egoera horrek, EAJ eta EAk gogoratzen dutenez, "inolako espetxe abantailarik ez izatea eragotzi dio" eta horregatik Estatuko Administrazioak Bilbao "aparteko ankerkeriaz, isolamendu zigorraz, eta politikoki erabiliz" tratatzen duela salatu dute. Bilbaok 2002an bete zituen zigorraren hiru laurdenak eta tratamendu "normala" jaso izanez gero kalean izango litzateke data horretatik aurrera. Horren ordez, Algecirasko Botafuego espetxean jarraitzen du.
  Politika 2005-02-24 22:56

Aiboa Casaresen aldeko manifestazio isila eta zabala izango da bihar Astrabuduan

Erabiltzailearen aurpegia Ukberri Astrabuduako kaleetan Aiboa Casares Segi taldeko kide presoari dioten elkartasuna bihar, berriro ere, erakutsiko dute bertako eta inguruetako herritarrek. Izan ere, atzo Erandioko udaletxean 50 pertsonen aurrean egindako martxaren aurkezpenean jakinarazi eman zutenez, manifestazio isila egingo dute arratsaldeko 20:00etan. Antolatzaileek, besteak beste, EAJ, EA, EB-Berdeak, Erandioztarrok, LAB eta ELAko kideen presentzia espero dute bertan. Iragan den astean Segik deitutako manifestazioan (argazkian) 173 pertsona batu ziren.
  Jendartea 2005-02-22 14:54

Igandeko sutearen ondorioz familia bat dago etxetik kanpo

Erabiltzailearen aurpegia Ukberri Igande arratsaldean, Astrabuduako Lurberri kalean kiskalita geratu zen etxebizitzako bizilagunek ezin izango dute oraindik bertan lo egin, 6. atariko 5. solairukoek alegia. Hala ere, Erandioko Udalak ez die hotel batean ostatu eman beharrik izan, euren senideen etxeetara joan baitira. Arazoak arazo, eraikinaren azpiegituran kalterik ez dela egon adierazi dute udal teknikariek eta erretako pisuko beheko eta goiko etxebizitzetako lagunak bertara itzuli ahal izan dira.
  Kirolak 2005-02-21 12:59

Igandean berriro ere mendira Atxazperen eskutik

Erabiltzailearen aurpegia Ukberri Otsailaren 27an, hau da, igande honetan, txangoa antolatu du Atxazpe Mendi Taldeak. Hain zuzen ere, Deba herri gipuzkoarrean dagoen Lizarreta mendira abiatuko dira Astrabuduatik. Izena emateko edota argibide gehiagotarako aukera astearte eta ostegunean egongo da, 19:00etatik 20:30era, 94 467 19 01 telefono zenbakira deituta. Argazkian, Iluntzar mendiaren ikuspegi panoramikoa. (Argazkian, Lizarreta mendia hegoekialdeko azken muinotik ikusita).
  Jendartea 2005-02-20 21:54

Astrabuduan izandako sutean hamaika lagun intoxikatu dira kea arnasteagatik

Erabiltzailearen aurpegia Ukberri Guztira, hamaika lagun eraman behar izan dituzte hainbat osasun zentroetara, gaur arratsaldean Astrabuduako etxebizitza batean izandako sutean kea arnasteagatik, Ertzaintzak jakinarazi duenez. Ordu bi t'erdiak aldera piztu da sua Lurberri kaleko pisuko sukaldean, 6. atariko 5. solairuan alegia. Ordu erdi eman dute suhiltzaileek hura amatatzen, intoxikatutako bizilagunak Gurutzeta, Basurtu eta beste hainbat erietxeetara eramaten zituzten bitartean. Suak kalte ugari eragin ditu etxebizitzan, baita goiko solairukoan ere. Behekoak, berriz, urak eragindako kalteak izan ditu.
  Politika 2005-02-18 23:42

Aiboa Casaresen askatasuna aldarrikatu dute Astrabuduan

Erabiltzailearen aurpegia Ukberri Uribe Kostako dozenaka gazte eta heldu batu dira arratsalde honetan Astrabuduan Segi gazte erakunde ilegalizatuak 18/01 sumarioaren kontra egindako deialdiari erantzunez. "Epaiketen gainetik gazte eta errebelde" lelopeko manifestazioan 173 pertsonak parte hartu dute UKBERRIk egindako estimazioaren arabera. Haien artean, Erandioztarrok, Leioa Abian, Getxo Bizia eta AuBko hainbat kide izan dira Segiko partaideak babesten. Kepa Saratxaga, Endika Lejarzegi eta Arkaitz Goikoetxearen kontra abiatutako epaiketa dela-eta datorren asteartean ere mobilizazioak izango direla iragarri dute. Bestalde, goizean mobilizazioak izan dira eskualde osoan.
  Politika 2005-02-18 15:56

Hizkuntz eskubide bermerik gabe deklaratu zuen atzo Aiboa Casares astrabuduarrak

Erabiltzailearen aurpegia Ukberri Itzultzaileekin arazo ugari egoten ari dira Jarrai-Haika-Segi sumarioan auzipetutako 33 gazteren aurkako epaiketan. Asteartean (otsailak 15) saioa eten egin behar izan zuten itzultzailearen gaitasun ezagatik. Atzokoan, berriz, hizkuntz eskubide bermerik gabe deklaratu behar izan zuen Aiboa Casares Astrabuduako gazteak eta gainontzeko 13 auziperatuk. Izan ere, goizeko deklarazioen barruan (arratsaldean deklaratu zuen Casaresek) euskaraz deklaratzen jarraitzen badute itzultzailearen hutsak zuzentzeko aukerarik ez dutela izango jakinarazi zien Alfonso Guevara epaileak auzipetuei. Bestalde, itzultzaileekin zituzten arazoak ikusita, auzitegiko prentsa arduradunak lan horretan aritzeko eskatu zien Euskadi Irratia, Gara eta Berriako kazetariei.
  Kultura 2005-02-17 20:08

Topaguneak euskal film laburren emanaldia eskainiko du Astrabuduan

Erabiltzailearen aurpegia Ukberri Topagunea, Euskara Elkarteen Federazioaren kultura sailak euskal film laburren zirkuituaren 2.edizioa aurkeztu du. Guztira, metrai laburreko bost film emango dira, Hego Euskal Herriko 22 herritan, otsailaren 17tik martxoaren 23ra bitartean. Uribe Kostari dagokionez, Astrabuduako Josu Murueta Kulturgunean izango da emanaldia, otsailaren 24an, Erandion Euskaraz Berbots elkartearen eskutik. Arratsaldeko zortzietan da saioa, sarrera dohainik.
  Politika 2005-02-14 23:06

Oraindik ez du deklaratu Aiboa Casares astrabuduarrak

Erabiltzailearen aurpegia Ukberri Olatz Dañobeitia, Garikoitz Etxeberria eta Ugaitz Elizaran auzipetuek deklaratu dute gaur 'Haika-Segi auziko' epaiketan. Etxeberriak ukatu egin du Jarrai, Haika edo Segiko kide izan dela. Dañobeitiak eta Elizaranek, ostera, hurrenez hurren, Jarraiko eta Haikako militante izan direla agertu dute; areago, Jarraiko bozeramaile izan zela Dañobeitiak eta Haikako diruzain Elizaranek. Hala ere, erakunde horiek ez dutela inoiz ETArekin zein kale borrokarekin harremanik izan ziurtatu dute. Beste alde batetik, Uribe Kosta eskualdeko manifestazioa deitu du Segik, ostiralerako, Astrabuduako Josu Murueta plazan, 20:00etan. Izan ere, bertoko auzotarra den Aiboa Casares epaitzen dute egunotan, 18/01 sumarioaren barruan.
  Jendartea 2005-02-10 20:34

Udal zerbitzuak internet bidez eskaintzeko eskatu du Erandioko PPk

Erabiltzailearen aurpegia Ukberri Herritarrentzako arreta osoko zerbitzua jartzea eskatu du gaur Javier Ruiz Erandioko PPko bozeramaileak, "leihatil bakarreko" sisteman oinarritua, udal zerbitzuak optimizatu eta horien digitalizazioa ahalbidetzeko asmoz. Hurrengo udalbatzan eztabaidatua izateko aurkertu duen mozioan aipatzen denez, "zerbitzuak hobetu eta gaurkotzeko asmoz, aldakuntza egitasmo sakonetan murgilduta dabiltza administrazio publikoak. Udalak ematen dituen zerbitzuen bitartez, herritarra asebetetzea izan beharko litzateke helburua".
  Jendartea 2005-02-10 13:01

Erandioztar bat atxilotu du Ertzaintzak, lapurtzen zebilelakoan

Erabiltzailearen aurpegia Ukberri Astearteko gaueko 9ak inguru, Ertzaintzak bi pertsona atxilotu zituen Deustuko Arangoiti auzoan, zubia eginda zeukan furgoneta batean eraikuntzako materialak kargatzen zeudela. Ertzaintzak zabaldutako informazioaren arabera, J.M.G.S. 33 urtetako erandioztarra eta S.D.D. 25 urtetako etxerik gabeko gazteak pladur, azulejoak, porlana eta hainbat erreminta lapurtzen saiatu izana aitortu zuten ertzain-etxean. Furgoneta haiena zen eta giltzak galdu zituztelako eginda zeukan zubia.
  Jendartea 2005-02-08 21:09

Erandion 2.000 pertsona baino gehiagok erabili ditu udalerriko bi KZGuneak

Erabiltzailearen aurpegia Ukberri Altzaga eta Astrabuduako KZGuneak ireki zirenetik 2.000 erandioztar baino gehiagok erabili ditu bertako 32 ordenagailuak. Jado kaleko KZGunean 1855 pertsona aritu dira oraindik zentruak bete ez dituen bi urtetan. Aldiz, Astrabuduako KZGunea 173 pertsonek baino ez dute erabili. Baina, orain dela bi hilabete t'erdi ireki zen eta bertako tutoreek oso ondo baloratu dute auzokideen bisita maiztasuna. Ikastaroetan izena emateko zerrenda eta guzti dagoela jakinarazi dute.
  Kultura 2005-02-08 14:32

Getxoko euskaldunek nahi dituzten ekintzak antolatzeko galdeketa egiten ari da Egizu!

Erabiltzailearen aurpegia Ukberri Getxoko Egizu! ekimenean dihardutenen eta bestelako Getxoko euskaldunen iritzia jasotzea da abian jarritako galdeketaren helburua. Jasotako emaitzak "antolatzen ditugun jardueretan eragina izango" dute iragarri dute Egizutik. Horrela, Egizuk "euskaldunontzat interesgarriak eta motibagarriak izan daitezkeen ekintzak" burutu ahal izango ditu.
  Jendartea 2005-02-08 13:24

Altzaga ikastola berriztatzeko 855.000 euro inbertituko dira Erandion

Erabiltzailearen aurpegia Ukberri Eusko Jaurlaritzako Hezkuntza Sailaren eta Erandioko Udalaren eskutik, 855.000 euro jaso ditu Altzaga ikastolak instalazioak berriztatzeko lanak aurrera eramateko. Besteak beste, eraikin nagusiko aurrealdeko arotzeri osoa aldatuko dute. Aipatu lanak esleituta daude jada, 343.157 euroko aurrekontuan, eta laster hasiko dira. Hiru hilabetekoa izango da horiek amaitzeko epea.
  Politika 2005-02-08 13:11

Aiboa Casares Astrabuduako Segiko kide presoa elkarrizketatu du UK aldizkariak

Erabiltzailearen aurpegia Ukberri Orrialde bat eskaini dio eskualdeko UK aldizkariak Jarrai, Haika eta Segi gazte erakundeen kontrako 18/01 sumarioari. 18/98 sumarioko aparteko pieza horretako eskualdeko preso bakarrari, Aiboa Casaresi, alegia, elkarrizketa eginez heldu dio gaurkotasunari Boluntzarreta elkarteak argitaratutako aldizkariak. Elkarrizketa abenduan burutu zen, Casares Brievako espetxean zegoela, eta batez ere espetxeaz eta sakabanaketaz hitz egiten badu ere, argi uzten du bere kasua "Euskal Herriak bizi duen gatazka politikoaren ondorioa besterik ez dela eta hitzetatik ekintzetara pasatzeko garaia dela". Aiboak uribekostarrak animatzen bukatzen du elkarrizketa: "Ekin lanari eta Segi aurrera".
  Kultura 2005-02-07 21:22

Eskualde mailan, Erandion baino ez da egongo ikusgai Emakumeen Bideak

Erabiltzailearen aurpegia Ukberri Igaz erakundeen diru-laguntza faltagatik bertan behera gelditu bazen ere, aurten Emakumeen Bideak antzerki amateurraren zirkuitoaren seigarren ekitaldia abiatu du dagoeneko Getxoko Antzerki Eskolak. Zirkuitoa osatzen duten zortzi antzerki taldeen konpromisoari esker ipini ahal izan dute berriro martxan. Hain zuzen ere, eskola getxoztarrak eta konpainiek hartu dute beregain gastuen zati handia, Bizkaiko Foru Aldundiko eta Eusko Jaurlaritzako diru-laguntzak jaso bitartean. Hala ere, Erandio izango da Uribe Kostan zirkuitoa biltzatuko duen bakarra, Getxo udalerrian ezin izango da ikusi emakumezko antzerki talde hauen ikuskizunik momentuz. Basauri, Arrigorriaga, Gurutzeta (Barakaldo), Galdakao, Amurrio, Sestao eta Santurtzin, ordea, bai. Argazkian, Bonboliñaken "Que se mueran los feos" antzezlana.

Nabarmenak

Zorion agurrak