Kultura  Leioa 2016-05-02 11:13

Euskaldunberri eta euskaldunzahar ugarik parte hartu zuten Leioako berbodromoan

Joan den eguaztenean, apirilak 27, berbodromoa egingo zuten Leioako Sakoneta kiroldegian, herriko euskaldunak eta euskara ikasten dabiltzanak harremanetan jartzeko asmoz. Saio bi egingo zituzten: bata 10:15ean eta bestea 18:15ean; parte-hartzaile ugari egon ziren.

»» Ikusi argazki guztiak (2)

  Politika  Getxo  Plentzia 2016-04-22 15:55

Siriako errefuxiatuen aldeko aldarriak entzun ziren atzo eskualdean

Dozenaka lagunek salatu zuten atzo Itzubaltzeta/Romon eta Plentzian Siriako errefuxiatuen harira Europak aurrera daraman politika.

»» Ikusi argazki guztiak (2)

  Politika  Getxo  Plentzia  Uribe Kosta 2016-04-21 10:42

Martitzeneko atxiloketen harira, tortura salatu dute eskualdeko hainbat txokotan

Martitzenean,hilak 19, tortura salatzeagatik Nafarroan emandako zortzi atxiloketen harira, mural eta aldarrikapen ugari agertu dira Euskal Herriko hainbat txokotan; tartean, Itzubaltzeta/Romon eta Gorlizen.

»» Ikusi argazki guztiak (4)

  Kultura  Sopela 2016-04-20 11:08

Aikok estreinatutako "Jotamentala" lana ikusgai bariku honetan, Sopelan

Uribe Kostako Berbalagun egitasmoak antolatuta, "Jotamentala" dokumentala ikusi ahal izango da bariku honetan, apirilak 22, Sopelako Kurtzio kultur etxean. Emanaldia 19:00etan izango da; sarrera, doan. Gonbidapenak Kurtzion edo helbide elektronikoz (ukberbalagun@gmail.com) izen-abizenak bidalita eskatu beharko dira.

»» Ikusi argazki guztiak (4)

  Jendartea  Leioa 2016-04-19 09:55

Optika zabaldu dute Leioako campusean

Atzo zabaldu zituen ateak General Optica enpresak Leioako campusean zabaldutako dendak. Optika Gizarte eta Komunikazio Zientzien Fakultatearen beheko solairuan dago kokatuta, Mikel Laboa plazan dagoen autoeskolaren aldamenean. Astelehenetik barikura, etenik gabeko ordutegian (10:00etatik 19:00etara) egongo da zabalik.

»» Ikusi argazki guztiak (2)

  Jendartea  Erandio  Getxo 2016-03-16 15:12

Gidabaimena euskaraz ateratzeak saria dakar Erandion eta Getxon

Erandio eta Getxoko gazteek sariak jaso dezakete gidabaimenaren azterketa teorikoa euskaraz gainditzeagatik. Hori horrela, iaz 56 getxoztarrek eta 13 erandioztarrek aukera hori hartu zuten. Halere, getxoztarren artean 43k soilik eskatu zuten Udalak euskara sustatzeko ematen dituen 100 euroko laguntza. Aurrekoetan bezala, atzo arrastian udal bietako ordezkariek onarpen-diploma bana eman zieten gazteei. Gainera, Erandioko eta Getxoko hiruna gaztek gasolina-txeke bana jaso zuten sari gisa.

»» Ikusi argazki guztiak (2)

  Politika  Leioa 2016-02-26 13:32

GALek hildako Eugenio Gutierrez “Tigre” omendu dute Leioan

GALek eraildako Eugenio Gutierrez Salazar “Tigre” errefuxiatu leioztarra oroitu eta omendu zuten atzo, eguena, Leioako Ikea Barri plazan (Tigre enparantza). Ekitaldi xume baten bidez, orain 32 urte "gerra zikinaren" baitan hildako auzotarrari lore eskaintza egin zioten, besteak beste.

»» Ikusi argazki guztiak (10)

  Gazteok  Erandio 2016-02-15 21:42

"Kalezulo aurrera" manifestazioa

Pasa den zapatuan, Erandioko auziperatuekiko elkartasuna adierazteko eta Kalezulo gaztetxe egitasmoa defendatzeko asmoz 170 lagun baino gehiago manifestatu zen Altzagan.

»» Ikusi argazki guztiak (20)

  Politika  Leioa 2016-02-15 17:14

Dozenaka lagunek salatu dute tortura Leioako kaleetan

Joan den barikuan, otsailak 12, dozenaka herritarrek parte hartu zuten Leioan egindako eskualde mailako manifestazioan; Boulevardetik abiatu eta toki berean amaitu zuten, ekitaldia eginez. "Torturarik ez! Erika libre!" goiburupean, leioaztarrak maiatzean izango duen epaiketa salatu zuten mobilizazioan zehar; "torturen bitartez, euren buruen kontra egindako zein gainontzeko atxilotuek kontrako erruztapenetan oinarrituta daude akusazioak", adierazi zutenez.

»» Ikusi argazki guztiak (9)

  Kultura  Uribe Kosta 2016-02-12 17:18

Kantuan eta oleska

Lurra lozorrotik iratzarri gura, martiriari gorazarrez, oleska, bakoitza berarentzat eskean... Makila-kolpeen erritmora, koplak hedatuz, ahots gozoz ala zakarrez... Ume, gazte zein heldu elkarren albora batuta kantuan ibili ziren Uribe Kostako herri denetan, batzuk Agate Deuna Egunaren bezperan, beste batzuk egun batzuk geroago.

»» Ikusi argazki guztiak (33)

  Kultura  Uribe Kosta 2016-02-10 12:15

Uribe Kostako Mihiluze lehiaketaren finala, iruditan

Uribe Kostako Mihiluze lehiaketaren finala jokatu zuten otsailaren 5ean, barikua, Sopelako Kurtzio kultur etxean; Larrabasterrako Iberre institutuko Nora Franco eta Nadia San Andres izan ziren irabazleak. Denera, ia 60 nerabe uribekostarrek parte hartu dute txapelketan.

»» Ikusi argazki guztiak (46)

  Kultura  Uribe Kosta 2016-02-04 18:07

Uribe Kostako Mihiluze lehiaketaren finala, bihar, Sopelan

Uribe Kostako Zerbitzu Mankomunitateak eta Topaguneak antolatu duten Mihiluze lehiaketaren sailkapen-gala egin zen pasa den barikuan, urtarrilak 29, Urdulizko kultur etxean. Bertan, 28 bikotek parte hartu zuten, ia 60 nerabe uribekostarrek; aretoaren hiru laurdenak bete ziren, 150 ikusle inguru. Horien lekuko dira argazki-galeria honetan batutako irudiak, Topaguneko lagunen ekimenez. Sailkatu ziren lau bikoteek bihar, hilak 5, jokatuko dute finala, Sopelako Kurtzio kultur etxean, 18:00etan.

»» Ikusi argazki guztiak (21)

  Kultura 2016-02-01 08:54

Beltzean Mintzo dokumentala

Erabiltzailearen aurpegia Uribe Kostako Berbalagunak

Eskerrik asko aurreko ostiralean Beltzean Mintzo dokumentala ikustera etorri zinetenoi eta Garabide Elkarteari, eta bereziki Joanes Igeregi Garabideko kideari eta Isabel Hernandez Guatemalako maia herriaren eta k'iche hiztunen ordezkariari, dokumentalaren ostean izandako solasaldi interesgarriagatik.

»» Ikusi argazki guztiak (4)

  Politika  Uribe Kosta 2016-01-20 12:41

Ertzaintzak "islamismo erradikalaren" berri eman die hainbat alkate eta zinegotziri

Atzo, martitzena, Ertzaintzaren Erandioko egoitzan egin zuten bilerak lau ordu iraun zuen. Lurralde Burutzako eta Inteligentzia Bulego Zentraleko arduradunak izan ziren; egungo arrisku-alerta maila zein den azaltzeaz gain, terrorismo islamistagaz lotutako gaiak jorratu zituzten eta fenomeno horri aurre egiteko Ertzaintzak prestatu duen Islamismo Erradikalaren aurkako Plan Estrategikoa aurkeztu zuten. Besteak beste, Eusko Jaurlaritzaren Segurtasun Sailak bidalitako argazkietan honakoak ikus daitezke: Imanol Landa (Getxo), Arantza Etxebarria (Gorliz), Mari Carmen Urbieta (Leioa), David Crestelo (Plentzia), Gontzal Hermosilla (Sopela) eta Javier Bilbao (Urduliz) alkateak; baita Arrizen Monasterio (Erandio) eta Keltse Eiguren (Getxo) zinegotziak ere.

»» Ikusi argazki guztiak (4)

  Kultura  Urduliz 2016-01-18 09:30

ArgIHIzkiak Urdulizen, hilaren 31ra arte

Leioa, Getxo eta Berango bisitatu ostean, Urdulizera helduko da ArgIHIzkiak Uribe Kostako literatura-lehiaketaren erakusketa. Hala, Uribe Kostako edo berton bizi diren 10 argazkilariren irudi bana eta horietan oinarritutako euskarazko 20 testu labur onenak ikusi ahal izango dira, hilaren 18tik 31ra bitartean, Urdulizko kultur etxean (Aita Gotzon, 16). Erakusketa bisitatzeko ordutegia honakoa izango da: astegunetan 10:00etatik 13:30era, eta 16:00etatik 21:00etara; eta zapatuetan, 09:30etik 14:00etara.

»» Ikusi argazki guztiak (4)

  Kirolak  Getxo 2016-01-13 19:00

Getxo Sasoi Sasoian, kirol-gala iruditan

Getxo Sasoi Sasoian kirol-gala ospatu zen atzo Fadurako kiroldegian. Bertan, Saioa Agirre Elordui gimnasta erritmikoak jaso zuen Getxoko 2015eko kirolari onenaren saria, 300 bat ikusleren aurrean. Sari nagusiagaz batera, Udalak honakoei ere sariak banatu zizkien: Bizkerre, Arenas, Artaromo, Euskaltel, Airean Getxo, Alfredo Olabegoia, Txus Dominguez, Jolaseta eta Getxo Arraun.

»» Ikusi argazki guztiak (34)