Erasoa 08:30ak aldera jazo zen. Une horretan, udaltzainek dei bat jaso zuten, Itzubaltzeta/Romoko kale batean gizon eta emakume baten eztabaida handi baten berri emateko. Bertaratzerakoan, poliziek emakumea oso urduri topatu ei zuten, eta horrek esan zuen bere bikotekideak jo egin zuela. Emakumea erietxe batera eraman behar izan zuten, kalte arinak artatzeko.
Minutu batzuk geroago, udaltzainek ustezko erasotzailea aurkitu zuten, 39 urteko gizona. Hala, hura atxilotu zuten, emakumearen kontrako indarkeria delitua egotzita.
Keltse Eiguren Berdintasun Zerbitzuko zinegotziak erasoa gaitzetsi ondoren, gogorarazi du tratu txar fisikoa edo psikikoa jasaten dituzten biktimek Gizarte Zerbitzuetara (944 660 151) jo dezaketela, han egoeratik ateratzeko laguntza emango baitiete. Eigurenek akordura ekarri du Udaltzaingora (944 660 202) edo Ertzaintzara (944 063 420) ere jo daitekeela, baita Eusko Jaurlaritzaren tratu txarren biktimen telefono-zenbakira (900 840 111) eta SOS Deiak zerbitzura (112) ere.