Politika 2004-02-24 00:04

"Politika ustela" egitea leporatu die PP eta PSE-EEko zinegotziei Getxoko IU-EBk

Erabiltzailearen aurpegia Ukberri "Probetxua ateratzeko gezurra" esatearekin batera, "politika ustela" egitea eta "terrorismoaren biktimen mina eta sufrimenduaren ikuspegi merkantilista" izatea egotzi die PP eta PSE-EEko zinegotziei Getxoko IU-EBk. Gaur kaleratutako prentsa oharraren bidez, bi alderdiek egindako kritikei erantzun nahi izan die Iñaki Urkiza zinegotziak. Izan ere, presoen familiarrek jasotzen dituzten dirulaguntzen bitartez, "zeharka ETAri laguntzea" leporatu diete Iñaki Zarraoa alkateari eta IU-EBri.
  Politika 2004-02-23 23:23

Presoen senideen dirulaguntzen berri emango du Estatuko Abokatutzan Getxoko PPk

Erabiltzailearen aurpegia Ukberri Udaletxetik herriko presoen familiarrek urtero jasotzen dituzten dirulaguntzen berri emango die Carlos Urquijo EAEn Espainiar Gobernuko ordezkariari eta Estatuko Abokatutzari, Getxoko PPk. Marisa Arrue talde horretako bozeramaleak gaur prentsaurrekoan adierazi duenez, hiru urte dabiltza horrelako laguntzak ematen direla salatzen, “azken finean, ETA finantziatzeko balio duten” ez dakitelako.
  Politika 2004-02-23 23:06

ETAri laguntzea egotzi die Zarraoa eta IU-EBri Getxoko PSE-EEk

Erabiltzailearen aurpegia Ukberri Senideak kartzelan edukitzeak sortzen dizkien gastuak ordaindu ahal izateko, herriko presoen familiarrei ematen zaizkien dirulaguntzen bitartez, "zeharka bada ere, ETAri laguntzea" leporatu die Iñaki Zarraoa alkateari eta IU-EBri, Luis Almansa Getxoko PSE-EEko bozeramaleak.
  Iritzia 2004-02-21 22:42

Lau etxebizitza baino ez!

Erabiltzailearen aurpegia Ukberri Inazio Etxebarria "Guzurti"

Babes ofizialeko etxebizitzak behartsuentzat izan beharko lirateke, eta ez "entxufatuentzat".

Alemanian, esate baterako, aholkulariak dituzte. Eurekin elkarrizketa bat edukitzeaz gain, zenbait agiri aurkeztu behar dizkiezu zozketan sartu ahal izateko.

Euskal Herrian, ordea, ia kasu gehienetan, ez dago horrelako baldintzarik eta "entxufismoz" lortzen dira etxebizitzak maiz. 18 urte baino gehiago eta hemengoa izatearekin nahikoa baita.

Hori dela eta, norentzat izaten dira etxebizitzak, logela bat ere alokatzeko dirurik ez daukatenentzat ala edonorentzat?

Argiago utzi beharko lukete. Getxok zozketatu diren 400 etxebizitzetatik 396 jabea zeukaten zozketa egin aurretik, eta beraz, 4 baino ez ziren zozketa.

Zelako bidegabekeria!
  Kultura 2004-02-20 22:15

Inauterien inguruan iaz hitzemandakoa ez betetzea egotzi die ostalariei Zarraoak

Erabiltzailearen aurpegia Ukberri Artengo Inauteriak otsailaren 20 eta 21ean antolatzeko igaz hartutako konpromizua ez betetzea egotzi die, Algortako Amezti aldeko ostalariei, Iñaki Zarraoa Getxoko alkateak. Eurek egin berri dituzten adierazpenak direla eta, harrituta agertu da, tabernetan beste motatako jairik ospatzea debekatu duela Udalak alegia.
  Politika 2004-02-20 21:40

Getxoko presoen berri Koska Irratian

Erabiltzailearen aurpegia Ukberri Amnistiaren aldeko tonbola dago egun hauetan Sarrikobaso kaleko Amnistia tabernan

Algortako Gazte Asanbladak udalerriko presoen gaineko informazioa ematen du, asteartero, 21:00etatik 22:00etara, Koska Irratian (104,1 FM) emititzen den irratsaioan. Bertan gazte mugimenduari buruzko kontuaz jarduten dira batez ere. Baina horretan ere lekua egiten diote herriko presoen egoerari.
  Jendartea 2004-02-20 21:39

SENER armagintza enpresara martxa egingo da larunbat honetan Algortatik

Erabiltzailearen aurpegia Ukberri Getxo Antimilitarista, Kontzientzi Eragozpen Mugimendua (KEM) eta Kakitzat erakundeek deituta, Areeta auzoko Zugazarte Etorbidean dagoen SENER armagintza enpresara martxa, abiatuko da larunbat honetan 12:00etan, Algortako metroko plazatik. Izan ere, "Eusko Jaurlaritzaren diruaz ekoizten dituen erabilera militarreko produktuekin, munduan ematen diren gerrak bultzatzea" leporatzen diote enpresari talde antimilitaristek. "Heriotza, sufrimendua eta txikizioari esker, irabazi handiak lortzen ditu", Getxo Antimilitaristako kideek adierazi dutenez. Hori dela eta, gastu militarrak "gizarte beharrizanetara" bideratzea eskatzen dute.
  Kultura 2004-02-19 21:13

Ostiralean 2.900 umek eta gaztek parte hartuko dute Getxoko eskola inauterietan

Erabiltzailearen aurpegia Ukberri Kalejira antolatu dute gauean Algortako kultur taldeek

Ostailaren 20an (bihar), goizean goiz, inauterien xarmaz beteko dituzte kaleak Getxoko eskola-umeek. Kolorez beteriko mozorroen bidez, alaitasuna ekartzeko asmoz, 2.900 haur eta gazte inguruk parte hartuko dute, udalerrian zehar antolatu diren bi ibilbideetan. Erromo eta Aretako kalejira 10:15ean abiatuko da; Getxo eta Algortakoa, berriz, 10:30ean. Umeei zuzendutako berbenak eta jaiak egongo dira bi ibilbideen bukaeran.
  Kultura 2004-02-19 14:19

Inauteriak otsailaren azkeneko asteburuan egingo dituzte Algortako ostalariek

Erabiltzailearen aurpegia Ukberri Urtero antolatzen den mozorro lehiaketa otsailaren azkeneko asteburuan egingo dutela iragarri dute Algortako ostalariek. Halaber, asteburu horretan egingo diren ospakizunak baimentzea eta tabernen izteko ordua luzatzea eskatu diote Iñaki Zarraoa alkateari. Nahiz eta Udaletik ezezkoa jaso, mozorro lehiaketa berdin-berdin egingo dute, protesta kutsu batekin. Hori bai, izteko ordua luzatzerik ez badago, nahiz eta jaia ospatu, ordutegi ofiziala errespetatuko dutela ziurtatu dute ostalariek: goizaldeko 1:30ean edo 3:00etan, taberna bakoitzaren kategoriaren arabera.
  Iritzia 2004-02-18 22:49

No comment - Josu Esnaola / Bizarra Lepoaneko kidea

Erabiltzailearen aurpegia Ukberri Bai & bay lotsagabeki plagiatuz kanpaina berri bati ekin dio Eusko Jaurlaritzak, hauteskunde kiratsa darion kanpaina horietako bati. Baina kiratsak sor dezakeen goragaleaz gain edota plagioak adierazten duen sormen antzutasunaz haratago, mezua bera ere, euskal herritar askorentzat iraingarria delakoan nago, niri, behintzat, odola irakiten jarri dit.
  Politika 2004-02-18 22:28

Getxo Biziak Lurralde Plan Partzialari 13 alegazio

Erabiltzailearen aurpegia Ukberri Berriki Bilbo Metropoliaren Lurralde Plan Partzialaren hasierako onespenari alegazioak aurkezteko epea bukatu da. Bizkaiko aldundiak ezker abertzalea instituzioetatik kanporatua dagoen unea baliatu du, Bilbo eta inguruko eskualdeen etorkizuna zehazten duen lurralde antolamendu plangintza tramitatzeko. Euroa zela eta ez zela ekuazio sinple bat zabaltzeko milaka eskuorri, iragarki eta kanpainarekin bonbardatu bagintuzten, oraingoan ez diputazioak ez udalek, ez dute LPP-PTP ezagutarazteko eta etorkizunari buruzko eztabaida zabaltzeko ezelako bitartekorik jarri.
  Politika 2004-02-17 21:32

"Espainiar eta frantziar inposaketari ez" esan diote Algortan

Erabiltzailearen aurpegia Ukberri Algortako hainbat herritarrek "espainiar eta frantziar inposaketari ez" esaten diote, eta datozen hauteskundeetan Bergarako Proposamenaren alde bozkatzea eskatu dute, horrela "Euskal Herria aitortu eta errespetatu" leloa gauzatuz.

Agerraldian, herriko kirolari ospetsuak, preso ohiak, unibertsitateko irakasleak, errepresaliatuen senitartekoak, kultur munduko pertsonak zinegotzi ohiak eta orohar ezkertiar eta abertzale direnak izan ziren.
  Jendartea 2004-02-17 21:31

PPk eskatuta, metal-detektagailua jarri dute Getxoko udaletxean

Erabiltzailearen aurpegia Ukberri Metal-detektagailua eta scanner-a ipini zuten, pasa den astean, Getxoko udaletxeko sarreran. Horrela, hemendik aurrera, alderdi politikoen bulegoetara, udalbatza-aretora..., hau da, goiko solairuetara joan nahi duten guztiek, bertatik igaro beharko dira, Iñaki Zarraoa alkateak adierazi duenez. Beheko solairuko bulegoetara joateko, berriz, ez da beharrezkoa metal-detektagailutik pasatzea. PPk eskatuta jarri dute eta 48 mila euroko kostua ekarri du.
  Kultura 2004-02-16 20:46

Bapiruke asteburua otsaila bukaeran Zugaztietan

Erabiltzailearen aurpegia Ukberri Otsailaren 28an eta 29an, Bapiruke asteburua antolatu du Zugaztietan (Trapaga) Bizarra Lepoan Euskara Elkarteak. Besteak beste, ingurugiro tailerrak, garai bateko meatzetarako bisitaldi gidatua, jolasak eta mendiko ibilbideak egiteko aukera izango dute izena eman nahi duten 6tik 12 urtera bitarteko umeek. Irteera larunbat horretan izango da 9:00etan eta itzulera, berriz, hurrengo egunean 18:30ean Algortara. Bizarra Lepoaneko bazkideek 23 euro ordaindu beharko dituzte, eta ez-bazkideek 30 euro. Otsailaren 20ra arte egongo da zabalik izena emateko epea, 13:00ak arte hain zuzen.

Informazio gehiago nahi izanez gero: Bizarra Lepoan, 944 914 357 (10:00-13:00 / 17:00-19:00)
  Jendartea 2004-02-16 20:11

Hiru adingabeko atxilotu dituzte Getxon beste bati 70 euro lapurtzeagatik

Erabiltzailearen aurpegia Ukberri Ertzaintzako agenteek hiru adingabeko atxilotu zituzten atzo Getxon, beste bati 70 euro lapurtzeagatik. Dirudienez, Bidezabal parkean erasotu zuten gaztea eta, beldurtu ondoren, dirua ematea lortu zuten.
  Iritzia 2004-02-14 21:42

Garabi-autoak eraman zigun kotxea

Erabiltzailearen aurpegia Ukberri Inazio Etxebarria 'Guzurti'

Pasa den igandean, otsailaren 8an, Bilbora autoz joan ginen eta ezpaloi bazterrean utzi genuen. Hala ere, ez zuen oztopatzen. Autoa hartzeko asmoz bertara itzuli ginenean, zelako sorpresa autoa ez zegoela ikusi genuenean. Ez zegoen guk utzitako lekuan, eta hori, gurea baino modu okerragoan lagatako kotxeak zeudela.

Zorrozaurrera arte oinez joan behar izan nuen, bi kilometro baino gehiagoko ibilbideari ekin behar izan nion nire egoera fisikoa den modukoa izanda (ehuneko 15eko elbarritasuna daukat). Eta behin bertara helduta 45 minutu baino gehiago itxaron eta garabi-autoaren bidaia ordaindu behar izan nuen kotxea bertatik ateratzeko.

Garabi-autoa legala al da? Autoa ondo utzita egon arren, kendu eta eraman egiten digute. Eta edozein modutan utzitakoak, gehiago oztopatzen dutenak, bertan uzten dituzte.
  Jendartea 2004-02-14 19:06

Abenduan desagertutako gizon baten gorpua atera dute uretatik Armintzako portuan

Erabiltzailearen aurpegia Ukberri R.L.R. izeneko bilbotarraren hilotza erreskatatu du gaur itsasotik, Armintzako portuan, Ertzaintzak. Abendutik desagertuta zegoen gizona. Poliziako arduradunek jakitera eman dutenez, 10:00ak aldera jaso dute abisua, portutik hurbil, gorpu bat zegoela uretan iragarriz. Berehala, Eusko Jaurlaritzako Larrialdi Zerbitzura deitu du Ertzaintzak eta bertako teknikari bat hurbildu da gertaeraren tokira. Gurutze Gorriko Itsas Salbamendu Zerbitzuko kideek atera dute itsasotik.
  Iritzia 2004-02-13 22:11

Ikastolak ala eskolak? - Nahikari Ayo / Bertsolaritza irakaslea

Erabiltzailearen aurpegia Ukberri Pasa den astean 'Berria' egunkariak gehigarri bat atera zuen matrikulazioari buruz. Bertan hizkuntz eskolak, akademiak, eskolak zein ikastolak agertzen ziren. Gauza batek harritu ninduen: 10 urte pasa dira Buesa jaunak Ikastolen publikazio legea sortu zuenetik, eta batzuk oraindik ez dakite ikastola edo eskola publikoa diren. Ez dakit nortasun arazoa duten, ez daukaten dirurik kartela aldatzeko eta ikastolaren ordez eskola publikoa jartzeko... Buelta asko eman dizkiot honi, baina ez diot zentzuzko erantzunik aurkitzen.
  Politika 2004-02-13 22:02

Jose Antonio Agirre Herriko Ohorezko Seme izendatu nahi dute Getxoko EAJ eta EAk

Erabiltzailearen aurpegia Ukberri Udal Gobernu Batzordeak Jose Antonio Agirre Getxoko Ohorezko Semea izendatzea proposatuko du hurrengo osoko bilkuran (otsailak 27). Izendapen hau, hain zuzen, udalerrian jaio ez diren pertsonentzako ohore eta goraipamenik handiena da, 1995eko urtarrilaren 27ko udalbatzan onetsitako Ohore eta Goraipamen Arautegian aurreikusitakoaren arabera. Martxoaren 6an ospatuko da Agirreren jaiotzaren urteurrena.

EAJk eta EAk egin dute proposamena Jose Antonio Agirre jaio zenetik urteurrena laister beteko delako. Iñaki Zarraoa alkatearen esanetan "Agirreren jarduera, profesionala zein politikoa oso aipagarria izan zen, eta horrexegatik merezi du guk horrelako ohorea ematea". Getxoko Udalak bere senitartekoei Getxoko Ohorezko Semearen aipamena emateko protokolozko ekitaldia aurreikusi du, Udaletxeko areto nagusian bertan ospatuko dena.
  Politika 2004-02-13 22:02

Hautes-bulegoa zabaldu du Areetan PPk

Erabiltzailearen aurpegia Ukberri Bizkaian zabalduko dituztenen artean, lehendabiziko hautes-bulegoa inauguratu du Areetako Mesedeetako Ama kalean PPk. Bertan, hurrengo hauteskundeei buruzko informazioaz gain, azken bi legegintzaldien balantzearen eta popularren "proposamen eta konpromizuen berri" emango zaie getxoztarrei. Marisa Arrue Diputatuen Kongresurako hautagai eta Getxoko PPko bozeramaleak azaldu duenez, Nuevas Generaciones-eko kideak arduratuko dira bulegoaz eta, goizez, 11:00etatik 14:00etara, eta arratsaldez, 17:00etatik 20:30era, egongo da zabalik astelehenetik ostiralera. Larunbatetan ere goizean irekiko dute. Eta hauteskunde kanpaina garaian igandeetan ere bai.

Nabarmenak

Zorion agurrak