Iritzia 2004-08-13 21:52

Oporrak igarotzeko beste era bat - Nahikari Ayo / Bertsolaritza irakaslea

Erabiltzailearen aurpegia Ukberri Abuztuan gaude eta batzurentzat oporrak heldu dira. Niri ekainaren bukaeran heldu zitzaizkidan. Ikasle eta irakaslea naiz, beraz, beste batzuk baino zorte handiagoa daukat opor kontuei dagokionez.
  Iritzia 2004-08-13 21:51

Mendiak mendi - Josu Landeta / irakaslea

Erabiltzailearen aurpegia Ukberri Egunetik egunera gure paisaia porlanez betetzen ari gara; nik behintzat gero eta porlan gehiago ikusten dut gure bailaretan, gune berde izan beharko luketen herriko zenbait aldetan, mendietan... Arazoa askotarikoa da baina ni mendizalea naizen aldetik, idazki honetan mendian sortzen duen inpaktoaz ariko naiz, eta udaberritik hona ikusi eta entzundakoez bakarrik.
  Ekonomia 2004-08-13 21:43

Correoseko Algortako bulegoko langilea hil da banaketa egiten izandako moto-istripuan jasandako zaurien ondorioz

Erabiltzailearen aurpegia Ukberri José Ignacio Sánchez Conde Correoseko Algortako bulegoan motoarekin posta banatzen zuen langilea hil zen joan den astelehenean, uztailaren 16an ohiko banaketa egiten ari zela izandako istripuan jasandako zaurien ondorioz, ordezkari sindikalek jakinarazi dutenez. ELA, CCOO, UGT, LAB eta ESK sindikatuek sinaturiko agirian, Correosen motoarekin banaketa egiteak gaur egun dakarren arriskua azpimarratu dute langileen ordezkariek, eta Zuzendaritzak ondorio horiek behar beste baloratzen ez dituela salatu dute.
  Iritzia 2004-08-11 19:21

Itsasoaren izenak - Christian Reinicke / Getxo Biziako kidea

Erabiltzailearen aurpegia Ukberri Egun hauetan Algortako Portu Zaharreko jaiak ospatuko ditugu. Kostaldeko hainbat herritan bezala jaietako ospakizun eta jokuek harreman estua dute itsasoarekin. Mareak direla eta inoiz ezusteren bat izan da, altzadak egin gabe geratu ziren urte hartan bezala, mareak gora behar beste egin ez zuelako. Beharrezkoa da beraz taulak arretaz aztertzea jaiak ondo antolatzekotan.
  Kultura 2004-08-11 19:20

Portu Zaharreko jaietan txosna bat jartzea debekatu du Zarraoak talde horiek "ilegalak" direlakoan

Erabiltzailearen aurpegia Ukberri Gaur arratsaldean abiatuko dira Algortako Portu Zaharreko jaiak eta, antza, ez dira ongi hasiko. Izan ere, txosna bat (Getxo Antimilitarista, Algortako Gazte Asanblada eta Segi taldeek konpartitzen dutena) jartzea debekatu du Getxoko Udalak, bere iritziz, "talde horiek ez direlako legalak, eta, hortaz, txosna jartzeko eskubiderik ez dutelako". Jai Batzordeak udalaren erabakia salatu eta "festen antolaketan parte hartzen duen talde orok txosna jartzeko legitimitatea" duela adierazi du, "parte hartze hori baita txosna izateko bete beharreko baldintzarik funtsezkoena".
  Iritzia 2004-08-10 22:40

Abuztua egiten - Xabier Paya / bertsolaria

Erabiltzailearen aurpegia Ukberri Gaztelaniazko esakerea bada be, espero dot Bizkaieko irakurle danek ulertuko dabela zer esan gura dauen espresino honek. Abuztuan gagozanez, abuztua egiten gagozala esan leiteke, baina badira neguan be abuztua egiten dabenak. Euskereak horretarako aukera handiak emoten ditu, badagozalako askorik jakin barik euskeraz lanean hasten diranak. Edozelan be, argi itxi gura neuke honegaz ez dodazala euskerea ikasten dabilzan horreek mindu gura, hori baino, ikasten gogor segiduteko neure bultzadarik indartsuena bialtzen deutset danei.
  Kultura 2004-08-10 22:25

Portu Zaharra 2004: Itsasoaren kutsuz beteriko jaiak

Erabiltzailearen aurpegia Ukberri Bihar hasi eta igandera arte (abuztuak 15) luzatuko dira Algortako Portu Zaharreko jaiak. Besteak beste, 19:00etan Maria Cristinatik abiatuko den kuadrilen jaitsierarekin emango zaie hasiera eta ordu bete beranduago Lamorkitza taldeko gazteek, iazko irabazleek, irakurriko dute pregoia. Ordutik aurrera, festa giroa Portu Zaharreko txoko guztiak hartuko ditu. Gauen, berriz, erromeria herrikoia antolatu dute, 22:00etatik aurrera. Eta ordu horretan ere, zinea izango dute txikienek Pedro Bilbao plazan. Azkenik, 23:00etan, kontzertuak eskainiko dituzte herriko taldeek, Esanak Esan Kolektiboak antolatuta.
  Kultura 2004-08-09 23:25

San Lorentzo azokak 70 ekoizle inguru bilduko ditu bihar Algortan

Erabiltzailearen aurpegia Ukberri San Lorentzo Azoka ospatuko da astearte honetan Algortan eta ehun erakustokitan banaturiko 73 ekoizle bilduko ditu. Algortako San Nikolas, Biotz Alai eta Getxo Antzokiko plazetan kokatuko dira gune guztiak, Getxoko Kultur Etxeak jakinarazi duenez. Merkatua goizeko 10:00etan irekiko da, arratsaldeko 14:30ean bukatzeko. Hala ere, jaieguna gaueko 22,00etan amaituko da, Biotz Alai abesbatza algortarrak eskainiko duen ohiko kontzertuarekin.
  Iritzia 2004-08-04 22:32

Herriko jaiei eutsi

Erabiltzailearen aurpegia Ukberri Inazio Etxebarria 'Guzurti'

Uztalaikaren 25an paella lehiaketa ospatu zen Aixerrotako zelaietan eta 600 taldek parte hartu zuten. Urtero "etxolak" eraikitzen hasten dira hilabete lehenago taldeek eta lanak irauten duten artean berta jaten eta lo egiten egoten dira. Pentsa ezazue nola gelditzen diren zelaiak paella eguneko gaueko hamarretarako. Nork garbitu beharko lituzte, koadrillek edo garbitzaileek?. Beste alde batetik, datorren urtean non egingo da lehiaketa? Jakina da jabea salgai utzi duela landa.

Eta zer gertatuko da alkate honek jarraitzen badu? Jai barik utziko gaitu betirako? Lo-hiri bihurtuko da Getxo herria.

Zerbait egin beharko genuke getxoztarrek arazo hauek konpontzeko. Edo utziko dugu alkateak eta bere alderdiak nahi dutena egitea. Erantzuna ahal den lasterren ikustea espero dut.
  Iritzia 2004-08-04 22:30

Oporrak - Unai Garate / gidoigilea

Erabiltzailearen aurpegia Ukberri Ez dakit zergatik baina azkenealdi honetan apenas ez dut ezer entzun berba batzuk botatzeko inspirazio argiren bat ekar ziezadakenik. Idazteko gogo eza akaso, edo hain stresanteak bizi ditugun uda asteburuak beharbada.
  Kultura 2004-07-28 21:33

Algortako Athletic-eko neskek piztuko dute bihar San Inaziotako suziria

Erabiltzailearen aurpegia Ukberri Bentzaiak iazko koadrila txapelketaren irabazleak pregoia irakurri eta Agurra taldeko dantzariek ikurrinari omenaldia egin ostean, Nerea Onaindia, Lexuri Angulo eta Aitziber Juaristi Athletic-eko neskak izango dira, ostegun honetan, San Inazio jaiei hasiera emango dien suziria botatzeko arduradunak. 18:30etatik aurrera, eta uztailaren 1a bitartean, lau eguneko jaigiroan murgilduko da Algorta.
  Jendartea 2004-07-28 20:43

Metro Bilbaok gaueko zerbitzua areagotuko du larunbatean, Algortako jaiak direla eta

Erabiltzailearen aurpegia Ukberri Metro Bilbaok larunbat honetako gaueko trenen zerbitzua areagotuko du Algortan ospatuko diren San Inazio jaiak direla eta. Konpainiak adierazi duenez, larunbat gaueko eta igande goizeko trenen maiztasuna handituko du, bezeroen eskaerari aurre egiteko. Horrela, larunbat gaueko 23:00etan hasita eta igande goizeko 9:00ak bitartean, trenen zerbitzua bikoiztu edota hirukoiztuko dute.
  Kirolak 2004-07-28 20:42

Euskaltel-Euskadik Landaluze gabe egingo dio aurre San Inazio eguneko zirkuitoari

Erabiltzailearen aurpegia Ukberri Euskaltel-Euskadi txirrindularitza taldeak Getxoko Zirkuitoa - Ricardo Otxoa IV. Memorialean hartuko du parte larunbat honetan, Frantziako Tourrean aritu ondoren euskal errepideetan egingo duten lehen agerraldian. Lastekertan Iñigo Landaluze taldeko buru izatea aurreikusi bazen ere, azkenean ez da horrela izango. Euskalteleko "hamarrekoa" hurrengo txirrindulariek osatuko dute, Julian Gorosperen zuzendaritzapean: Gorka Arrizabalaga, Mikel Artetxe, Koldo Fernández de Larrea, Dioni Galparsoro, Gorka González, Iñaki Isasi, Roberto Laiseka, Alberto López de Munain, Aitor Silloniz eta Josu Silloniz.
  Politika 2004-07-27 23:47

Endika Lejarzegi Algortako euskal preso politikoaren egoera Aranjuez espetxean: zigorrak zigorren gainean

Erabiltzailearen aurpegia Ukberri Bestela ere, Endikak unibertsitaterako sarbide azterketa gainditu du

Endika zigortuta egon da azken asteburuetan Euskal Preso Politikoen Kolektiboak Aranjuezeko espetxean daraman protesta dinamika dela eta. Esate baterako, aurreko astean itxialdia egin zuten Oihane Errazkinen erailketaz protestatzeko, eta inori 72. artikulua aplikatu ezkero beste itxialdia egin ohi dute astean behin. Presoen jarrera honek, ordea, zigor gehiago ekarri ditu.
  Kirolak 2004-07-27 23:10

Beloki San Inazio eguneko zirkuitoan lehiatuko da lehen aldiz Saunier Duval taldearekin

Erabiltzailearen aurpegia Ukberri Getxoko Zirkuitoaren 59. edizioa - Ricardo Otxoa IV. Memoriala izango da San Inazio egunean (uztailak 31), eta Joseba Beloki txirrindulari gipuzkoarraren itzulera izango da albiste nagusiena, Saunier Duval talde berriarekin egingo duen lehen agerraldia izango baita. Punta Galea Txirrindularitza Elkarteak beste behin antolatu du lasterketa, nahiz eta arazo ekonomiko larriak izan dituen. Izan ere, ebazpen judizial baten ondorioz, elkarteak 39.000 euro ordaindu behar izan zituen, duela lau urte Urdulizko zaletuen lasterketan batean izandako istripu baten erantzuletzat jo baitzuten. Horrela, larunbat honetan, 9:00etan hasita, 12 taldek osaturiko pelotoiak zirkuitoaren 185,35 kilometroak egin beharko ditu (11 itzuli zirkuitora), Arriluze Kaian izango den helmugara heldu arte, 13:30ak aldera.
  Iritzia 2004-07-26 23:41

Mayo eta Gorosperen artean aukeratu beharko dute Euskaltelen

Erabiltzailearen aurpegia Ukberri Inazio Etxebarria 'Guzurti'

Oraindik ezin dut ulertu Iban Mayorekin izan duten jarrera. Tour-eko jardunaldirik garrantzitsuenean (uztailak 18, igandea) lehenengo mendatean 4' 30'' galtzen ari zen eta Gorospek ez zion bizikletatik jaisten utzi, txarto zegoela jakinda. Kilometro batzuk aurrerago 25 minutu atzeratuta zebilen eta gauza bera gertatu zen. Helmugara heltzerako ordu erdia galdua zuen.

Nork egin ote du taldearen prestaketa fisikoa? Ondo egina dago? Ez dut ulertzen maiatzean ondo badaude Tour-eko bigarren asterako ezin duten gehiago. Zer egin beharko litzateke egoera hobetzeko? Datorren denboraldian jarraituko ote du Euskaltelen Mayo?

Madariaga taldeko zuzendariak Mayo eta Gorosperen artean aukeratu behar izango du.
  Jendartea 2004-07-26 23:30

Saltzekoak ziren 18 auto kendu ditu kaleetatik Getxoko Udaltzaingoak

Erabiltzailearen aurpegia Ukberri Ibilgailuen salmentarako egiten den kaleen gehiegizko erabilera ekiditeko, Getxoko Udalak indarrean jarritako neurriak "eraginkorrak" dira, Imanol Landa Presidentzia zinegotziak azaldu duenez. Berak esandakoaren arabera, Udaltzaingoa autoak kaletik kentzen hasi ez ezik, disuasio-ondorioak ere eragin dituzte neurriek, saltzaileek autoak denbora luzean izan diren tokietatik kentzea erabaki dutelako. "Balantzea guztiz baikorra da, neurri hauei esker, arazoa udalerriko toki batzuetan desagertu dela uste baitu Udalak", zehaztu du Landak. Beste leku batzuetan neurriak ezartzen jarraituko dute eta aurrerantzean gertatzen denari begira egongo dira.
  Politika 2004-07-26 23:29

Paella egunean agertutako Getxoko PPko zinegotzien aurkako pintadak gaitzetsi ditu Arruek

Erabiltzailearen aurpegia Ukberri Igandean Aixerrotako landetan egin zen XLIX. Nazioarteko Paella Txapelketaren antolaketagatik, Itxas Argia elkartea zoriontzeko aprobetxatu nahi izan du gaurko prentsaurrekoa Marisa Arrue Getxoko PPko bozeramaleak. Horretaz gain, lehiaketa egin zen esparruan agertutako pintadak publikoki gaitzetsi ditu. Popularren ordezkariak adierazi duenez, bere aurkako eta PPko gainontzeko zinegotzi kontrako "mehatxuzko pintadak" ikus zitezkeen jai-esparruan. "Gure izenak itu irudiez inguraturik agertzen ziren", azaldu du eta Ertzaintzaren aurrean salaketa jarri dutela ere bai. "San Inazioko jaien erabilera politikoa" egiten dela ostiralean Arruek berak egindako adierazpenen "ondoriotzat" jo du gertaera Getxoko PPko bozeramaleak.
  Kultura 2004-07-24 23:06

Getxo udalerriko 2.000 etxeetan izango dute "Euskaraz blai" kanpainaren berri

Erabiltzailearen aurpegia Ukberri Getxoko 2.000 bat familik izango dute "Euskaraz blai" kanpaina euren etxeetan, Getxoko Udaleko Euskara Sailak antolatuta eta Alkarbide bilguneak koordinatuta. Sentsibilizazio-kanpaina honen helburua, familiaren bitartez euskararen jarraipena edo transmisioa sustatzea da, "gure hizkuntzaren aldeko jarrera bultzatzeko ingurune egokiena delako", atzo prentsaurrekoan Imanol Landa alkateordeak azaldu zuenez. Honako helburu osagarri hauek ere baditu: euskarazko irakaskuntza bultzatzea eta hizkuntzaren erabilera bultzatzea familiaz eta eskolaz kanpoko jardueretan. Kanpainaren aurrekontua 7.563 eurokoa da.
  Politika 2004-07-24 00:27

Bertan "terrorismoaren apologia" egiten dela argudiatuz, Algortako Iñaki Deunaren jaietako liburuxka ken dezatela eskatu du Getxoko PPk

Erabiltzailearen aurpegia Ukberri Algortako San Inaziotako jaien liburuxka "terrorismoaren apologia egiteko" erabili dela adierazi du gaur Marisa Arrue Getxoko PPko zinegotziak. "Bertan ETAko presoen argazkiak eta ilegaltzat jotako erakundeen iragarkiak agertzen dira eta mehatxu estaliak egiten zaizkie udalerriko elkarte eta klubei", gaineratu du. "Zeharka, ETAren inguruko talde erradikalak diruz laguntzen ari da Udala", zinegotzi popularraren esanetan. Arrueren hitzetan, "biktimei beste zaplazteko bat ematea eta edozein demokrata iraintzea" suposatzen du. Udal gobernuari liburuxka erretiratzea eskatzeaz gain, Paulino Luesma Espainiako Gobernuak EAEn duen ordezkariari egoeraren berri emango diola adierazi du.

Nabarmenak

Zorion agurrak