Kultura 2004-02-12 20:38

Solid! talde norvegiarraren diskoa argitaratu du Getxoko Jazzaldiak

Erabiltzailearen aurpegia Ukberri Iazko edizioko Talde Lehiaketaren azken irabazlearen diskoa kaleratu berri du Getxoko Europar Jazzaldia, Solid! talde norvegiarrarena alegia. 2003ko uztailean izan zen jazzaldian zuzenean grabaturiko sei abesti biltzen dituen CD honen grabazioaz gain, 3.000 euro eskuratu zituen taldeak. Gainera, Hoeilaart-en (Belgika) eta Ibizan (Espainia) ospatzen diren jaialdietan parte hartuko du. Solid! garaile eztabaidaezina izan zen Getxon, bakarlari onenari publikoak eta epaimahaiak ematen dituen sariak ere jaso baitzituen.
  Kultura 2004-02-11 22:58

Haurren matrikulazio epeari begira, B eta D ereduak bultzatuko dituzte Getxon

Erabiltzailearen aurpegia Ukberri Datorren otsailaren 16tik 27ra izango den haurren matrikulazio epeari begira, "Euskarazko Eskola Aukerakoena" kanpainari ekingo dio Getxoko Udalak. Umeak eskolan lehen aldiz matrikulatzen dituzten gurasoei hezkuntza eskolatze-ereduen berri ematea da helburua, euskarazko irakazkuntzak dituen alderdi onak azpimarratuz. Elena Coria zinegotziak adierazitakoaren arabera, D eta B ereduak dira egokienak gure haurrak elebidun izateko: "Txikitatik hobeto barneratzen da, adituen esanetan, hizkuntzaren fonetika eta intonazioa. Gainera, 0 eta 6 urte bitarteko epea da egokiena bigarren hizkuntza bat ikasteko". Hain zuzen ere, 2 eta 3 urteko umeei dago zuzenduta kanpaina.
  Politika 2004-02-11 22:58

Torturaren Aurkako Eguna ostiralean Algortan

Erabiltzailearen aurpegia Ukberri Espainiako Poliziak 1981eko otsailaren 13an torturatuta hil zuen Joxe Arregiren hilketa errefentzia hartuta, Torturaren Aurkako Eguna egiten da urtero, data horretan, Euskal Herri osoan. Hain zuzen ere, "urtero egiten da, tortura eguneroko kontua delako Espainiako polizia etxeetan, baita Ertzaintzarenean ere", Amnistiaren Aldeko Mugimenduko kideek adierazi dutenez. Hori dela eta, torturaren kontrako elkarretaratzea egingo da, ostiral honetan 20:00etan, Algortako Telletxe plazan. Konzentrazioaren aurretik esku orriak banatuko dira, eta mahai bat jarriko da Torturaren gaineko txostenak bertan saltzeko.

Larunbatean, berriz, torturaren aurkako manifestazio nazionala deitu dute Donostian. "25 urte torturapean! Aski da!" lelopean, Boulevardetik abiatuko da 17:30ean. Bertara joateko autobusen txartelak Algortako Amnistiaren Tabernan eta Gorrondatxen egongo dira salgai ostiralera arte. Izan ere antolatzaileek adierazi dutenez, komeni da txartelak lehenbailehen hartzea, autobusak alokatzeko orduan behar diren leku guztiak bermatu ahal izateko.

Manifestazioarekin bat egin nahi duen orok, askida@stoptortura.com helbidera igorri dezake atxikimendua.
  Kultura 2004-02-11 22:57

Anton Larrauri musikagilearen fondo bibliografiko osoa jaso du Getxok

Erabiltzailearen aurpegia Ukberri Getxoko udalerriak jaso ditu Anton Larrauri musikagile bilbotarra bere bizi guztian bilduz joan zen fondo bibliografikoa, hau da, liburu, fotografia, agiri, eskuizkribu eta abar. Bere senitartekoek horrela nahi izan dutelako gaur prentsaurrekoan Irma eta Luar seme-alabek adierazi dutenez. Andres Isasi Musika Eskolak kudeatuko ditu dokumentu guztiak.
  Iritzia 2004-02-09 22:01

Eko-espekulazioa - Fredi Paya / bertsolaria

Erabiltzailearen aurpegia Ukberri Artikulu honetan gure etxeaz berba egitera noa. "Oikos" hitzak, hainbeste eletan txertatuta erabiltzen dugun greziar hizkuntzaren maileguak, etxea esan gura duelako. Guztion etxea, hain zuzen ere. Kasu honetan, zehazkiago, gure eskualdeaz mintzatuko naiz. Sano kezkatuta naukalako. Denon etxea behar lukeena gutxi batzuen desiren menpe ikusten baitut. Guztion aberastasun behar lukeena gutxi batzuen etekin bihurtzen dabil. Eta okerragoa dena, etxetik alde egin beharrean aurkitzen den jende asko dago. Euskal kulturaren barruan etxearen kontzeptuak daukan esanguratik abiatuta ideia multzo hau aztertzen joango naiz apurka-apurka. Gai baldin banaiz, behintzat.
  Jendartea 2004-02-09 21:54

Zaintzaileak egongo dira Udalak erabiltzen dituen ikastetxeetako kiroldegietan

Erabiltzailearen aurpegia Ukberri Ikastetxeetako kiroldegietako eta ikasketa gelen zaintza esleituko du Getxoko Udalak lehiaketa publiko bidez. Horrela, bi urteko epea hartzen duen kontratua egingo dio lortzen duen enpresari, eta beste bi urtez luzatzeko aukera egongo da. Urteko 58.330 euroko gastua ekarriko dio zerbitzu horrek Udalari.
  Kultura 2004-02-09 20:57

Arte ederretako irakasleen horma-muralak ikusgai Villamonteko aretoan

Erabiltzailearen aurpegia Ukberri Algortako Villamonte kaleko erakusketa aretoan EHUko irakasleen horma-irudiak ikusgai izango dira bihartik aurrera, arduradunek gaur jakinarazi dutenez. Esposaketa otsailaren 21era arte bisitatzeko aukera egongo da eta muralen artearen kontzeptua eta barnealdeen apainketa garatzea bilatzen da. Pinturen autoreak X95 taldeko kideak dira, margolariek, grabatzaileek eta eskultoreek osatzen duten Arte Ederretako Fakultateko Pintura saileko taldekoak, alegia.
  Iritzia 2004-02-07 21:42

Fermin Muguruza ekartzearekin benetan asmatu dute

Erabiltzailearen aurpegia Ukberri Inazio Etxebarria 'Guzurti'

Oraingo honetan Getxoko Udaleko Euskara Zerbitzuak benetan asmatu du, joandako asteburuan Algortako Portu Zaharrean antolatutako kontzertuarekin.

Kontzertua primerakoa izan zen eta Euskal Herriko txoko guztietatik etorri zen jendea.

Tira-bira bakarra baino ez zen egon kontzertua zela eta, udalbatza PP alderdiak kontzertua debekatzeko eskatu zuenekoa, gazteria borrokara bultzatzen omen zuelako. Hau dela eta, Sarri Sarri abestia debekatu omen zuten.

Ondorioz, mota honetako ekitaldi gehiago egin beharko lirateke Getxon euskara bultzatzeko.
  Jendartea 2004-02-05 23:24

Laguntza eskolarra emateko egitasmo berria abian

Erabiltzailearen aurpegia Ukberri Agintzari Elkarte Kooperatibak eramango du aurrera, udalerriko gazteei laguntza eskolarra eskaintzeko Getxoko Udalak abaian jarri duen programa. Eskolarekin harreman eskasa edota emaitza txarrak lortzen dituzten adingabekoei dago zuzenduta. Horretan, 15.775 euro gastatuko du Udalak.

Nerabeak ez-ezik euren familia ere gizarteratzeko, duela urte batzuk, Getxoko Udalak martxan jarritako egitasmoaren jarraipena da. Horretan, hezitzaileak ari dira lanean kalean bertan, udalerriko ikastetxeek ematen dieten informazioaren bidez, eskoletara joaten ez diren adingabekoei laguntza eskaintzeko.

Gaur egun, pedagogoek eta psikologoek osatutako lau talde ari dira ume eta gazte horiei laguntzen, baita horien familiekin ere. Askotan, familiaren esparruan ematen diren arazoek eragin zuzena dutelako adingabekoen jarreran.
  Jendartea 2004-02-05 23:23

Saharako eskolen aldeko jaia Algortako Geltoki Plazan

Erabiltzailearen aurpegia Ukberri "Ikasle bat, adreilu bat" kanpainari egin dioten harrera onagatik herritarrei eskerrak emateko, Saharako eskolen aldeko jaia antolatu du ostiral honetan, Algortako Geltoki Plazan, EHIGE elkarteak. Besteak beste haima bat jarriko da, argazki erakusketa eta umeentzako jolasak egongo dira 11:00etatik aurrera. Izan ere, kanpainan lanean aritu diren 50 bat ume parte hartuko dute biharko ekitaldian. Horretaz gain, Saharatik etorritako ume batek bertan nola bizi diren aditzera emango du.
  Iritzia 2004-02-04 22:36

Eutsi Euskal Herri kantariari! - Nekane Ardanza / Getxo Irratiko kazetaria

Erabiltzailearen aurpegia Ukberri Euskaldunok musikazaleak gara edo, hobe esanda, edozein ospakizun edo une berezi -jateaz gain- abestuz ospatzea gustatzen zaigu. Are gehiago, euskaldunoi taldean abestea gustatzen zaigu batez ere. Gure inguruan begiratu ez dugu baino egin behar konturatzeko zenbat eta zenbat koadrila animatzen diren, edozein aitzakiarekin, han-hemenka abesten hasteko. “Euskaldunak beti abesten du. Etxean abesten du, eleizan, kalean, soroan abesten du. Pozik zein triste dagoenean abesten du”. Hitz hauek Jose Antonio de Donostia abadeak esan zituen 1921ean Gasteizen emandako hitzaldi batean eta hala jasota daude Ekin argitaletxeak 1943an kaleratutako “De música vasca” izeneko liburuan.
  Jendartea 2004-02-04 21:54

Udal ibilgailuak eta kalean abandonaturik agertzen direnak birziklatuko dituzte

Erabiltzailearen aurpegia Ukberri Zaharkituak gelditzen direlako, Getxoko Udalak behar ez dituen ibilgailuak eta kaleetan abandonaturik agertzen direnak birziklatzeko kontratua esleitu du Udal Gobernu Batzordeak. Zerbitzu horren bidez, enpresa espezializatu baten eskuetan jarriko dituzte ibilgailu horiek, enkanteetan saltzeko edo erabiltzeko balio ez dutelako. Horrez gain, udalerriko kaleetan abandonaturik eta jaberik gabe agertzen diren ibilgailu guztiak, ere eramango dituzte. Gasturik gabeko zerbitzua da Udalarentzat.
  Kultura 2004-02-04 21:25

Asiari buruzko bidai kontaketa bihar Algortako Kultur Etxean

Erabiltzailearen aurpegia Ukberri "Asia Hegoekialdeko argi eta itzalak" izenburupean, bidai kontaketa emanaldia eskainiko du, otsailaren 5ean, Zigor Aldamak, Egizuk antolatutako Munduaren Berri jardunaldien barruan. Ikusentzunezko saioa Algortako Kultur Etxean izango da, 20:00etatik aurrera. Sarrera dohainik.
  Iritzia 2004-02-02 22:30

Kontrabanda Kontraerasoan - Christian Reinicke / Getxo Bizia-ko kide

Erabiltzailearen aurpegia Ukberri Urtebete ez da igaro aurrekoan Kafe Antzokian eta Manu Chaorekin batera Fermin Muguruza ikusi nuenetik, larunbatean hego haize zoragarriaren laguntzaz eta milaka ikusle entzule artean beste emanaldi paregabe batez disfrutatu dudan arte.
  Jendartea 2004-02-02 22:10

Ikastetxeek txango ekologikoak egin ditzaten 22 mila euro eman ditu Udalak

Erabiltzailearen aurpegia Ukberri Getxoko Udaleko Kultura, Hezkuntza eta Kirol sailak, 22.476 euroko dirulaguntza onartu du udalerriko ikastetxe publikoen Gurasoen Elkartetako Federazioari emateko, horrek ingurumenarekiko egitasmoaren barruan egiten dituzten ekimenak aurrera eraman ditzan.

Lehenengo Hezkuntzako 5. eta 6. mailetako ikasleei zuzenduta dauden ibilbide ekologikoak egitea da xedea. Egitasmo berberak, baino Eusko Jaurlaritzako Ingurumen Sailak diruz lagunduta, Derrigorrezko Bigarren Hezkuntzako 1. eta 2. mailetako ikasleekin du jarraipena. Aipatutakoez gain, Helduen Hezkuntza Iraunkorraren bi taldek ere hartzen dute parte.
  Iritzia 2004-01-31 19:40

Goi mailako kirolariak arrisku bizian

Erabiltzailearen aurpegia Ukberri Inazio Etxebarria 'Guzurti'

Goi mailako kirolariei osasun azterketa sakonagoak egin beharko lizkiokete, eta ez edonolakoak.

Adibide moduan, futbol zelaian hil zen Benfica taldeko jokalaria daukagu, 24 urteko mutil gaztea zen. Partidaren 88 minutuan lurrera erori eta ospitalera heldu zenerako berandu zen jada.

Kirol guztietan mediku adituak egon beharko lirateke kirolariak banan-banaka aztertu eta goi-mailako kirol bat praktikatzeko gai diren konprobatu ahal izateko.
  Kultura 2004-01-30 20:18

"Komunikazio Tour" non eta Algortan

Erabiltzailearen aurpegia Ukberri Boikotak eta debeku eskaerak gora eta behera, dena prest dago, bihar, arratsaldeko zortzietatik aurrera, Fermin Muguruzak Algortako Portu Zaharrean jarritako karpan emango duen kontzerturako. Izan ere, "Inkisizioa gogorarazten duten jokabide autoritrioak, ez dira Getxon onartuko", Iñaki Zarraoa alkateak asteazkenean adierazi zuenez. Hain zuzen, pasa den astean, Marisa Arrue PPko bozeramalea izan bazen emanaldia bertan behera uzteko eskatu zuena; Zarraoari erantzun nahi izan dio gaur Luis Almansak. "Demokrazia, aniztasuna eta askatasuna defendatzeagatik, artista askok mehatxuak jasotzen dituzten bitartean, terrorismoaren apologia egiten duten abeslari abertzaleei babesa" ematea egotzi dio alkateari PSE-EEko ordezkariak.

Dena dela, Getxoko Udaleko Euskara Zerbitzuak antolatutako "Kantuketan 2004" jardunaldiek aurrera darraite. Eta, duda barik, Euskal Herriak eman duen abeslaririk handienetariko bat ekarriko dute Portu Zaharrera. Hamabi musikarik osatutako taldearen laguntzaz, "Komunikazioa Tour" ikuskizuna eskainiko du bihar Fermin Muguruzak. Besteak beste, eszenatokien gainean emandako urte guztien errepasua egiten du bere azken lanean, abeslari irundarrak, "In-komunikazioa" abiapuntutzat hartuz. Kortatu eta Negu Gorriaken kantuekin ere edukiko ditu gozagarri batek baino gehiagok. Ohikoa denez, jazz, soul, reggae, ska, funk, hip hop, rocka edo euskal folka bezalako erritmoak nahastuko ditu Muguruzak punkaren energiarekin.
  Politika 2004-01-30 18:16

Espainiari "ezezkoa" emango dio ezker abertzaleak bihar Erromon

Erabiltzailearen aurpegia Ukberri Martxoko Espainiako hauteskundeei begira, ezker abertzaleak bultzaturiko "Euskal Herria aitortu, errespetatu" ekimena aurkeztuko dute bihar, 13:00etatik aurrera, Erromoko Ibaiondo kalean. Euria egiten badu, berriz, elizako arkupetan izango da ekitaldia.

Badira hilabete batzuk abian jarri zela. "Espainiak Euskal Herriari inposaturiko gatazka eta errepresioari ezetz esatea eta, era berean, autodeterminazio eskubidea aldarrikatuz, gatazkaren konponbiderako aukerak jorratzea" da bere helburua, ekimenaren bultzatzaileek adierazi dutenez.
  Iritzia 2004-01-30 00:07

Uxoa - Unai Garate / Gidoigilea

Erabiltzailearen aurpegia Ukberri Gauza mordoren gainean batere ideiarik ez daukadala esatea ere soberan dago. Ziurtasunik ez egunero aipatzen diren hainbat gairen inguruan, eta ideiarik ere ez, egungo intelektual inpostoreak jorratzen dituzten tesi hermetiko hoietaz. Baina bai, gauzatxoren bat, badaukat argi, gutxi bada ere:

“Bakea” hitza modan dago telebistan, eta Gran Hermano eta Futbol Champions League merkatu handiekin dabil lehian lehenengo ikuskizunik poteretsuaren onarpena jasotzeko nahian. Hitza eta bere sinboloa. Uxoa, buf, uste dut horrezkeroztik dena gaizki joan dela.
  Jendartea 2004-01-30 00:07

Lurralde Planari begira, hutsik dauden etxeak baliatzea eskatzen du Getxo Biziak

Erabiltzailearen aurpegia Ukberri Bilbo Metropolitarreko Lurralde Plan Partzialari aurkeztuko dizkion alegazioak jakitera eman ditu gaur Getxo Biziak. Christian Reinicke plataformako kideak salatu duenez, etxebizitza hazkunde "ikaragarria eta neurrigabea" ekarriko du Bizkaiko Foru Aldundiko egitasmoak. Hori dela eta, udalerriko etxe hutsak baliatzea, herri barruko gunean beste bi mila egitea, eta gehien-gehienez, HAPOk planteatzen zituen beste horrenbeste eraikitzea "askoz gune txikiagoan", nahikoa litzatekeela diote, "udalerri osoa urbanizatu barik", getxoztar guztien etxebizitza eskubidea bermatu ahal izateko.

Horrekin batera, maiatzaren 25eko hauteskunde "ustelen" osteko "apartheid egoera eta demokrazia defizitaren ondorioz, LPPrenganako sektorerik kritikoenak (ezker abertzalea) ordezkaritzarik ez daukala" aprobetxatzea leporatu diete erakundeei, "urteetan gordeta egon den proposamena mahai gainean jartzeko" (Uztailaren 22an izan zen LPPren behin-behineko onarpena). Getxo Biziak salatu duenez, "eztabaidaren alde daudela lau haizetara aldarrikatzen duten bitartean", egitasmoa zertan datzan ez du azaldu Aldundiak, ezta Getxoko Udalak ere. Reinickek azaldu duenez, Getxo Biziak eta beste hainbat plataformek izan dira LPPren gaineko eztabaida publikoa bultzatu duten bakarrak. Are gehiago, "bere burua ezkertiartzat daukan" IU-EB alderdiaren jokabidea gogor kritikatu dute.

Nabarmenak

Zorion agurrak