Ekonomia 2004-01-20 22:43

Udalaren aurkako salaketa jarri du Getxoko UGTk

Erabiltzailearen aurpegia Ukberri Prebarikazioa, atribuzio-usurpazioa, desobedientzia eta laguntza ukatzea egotziz, Udalaren aurkako salaketa aurkeztu du Getxoko UGTk. Sindikatuari udaletxe barruan lokal bat ematera Udala behartzen duten hainbat sententzietan du jatorria oraingo salaketak. Lana ezin zuelako behar bezala egin, bere burua erasotua sentitu eta depresioak jota bukatu omen zuen eskuorde sindikalak, azkeneko epaiak adierazten duenez.

Besteak beste, azaroaren 19an, bere eskuorde sindikala Zerbitzu Batzordetik kaleratu izana salatu du UGTk. Atezainen eta bulego-mezularien lana gainbegiratzeaz arduratzen zen bera. Hori dela eta, erabaki horren aurkako helegitea aurkeztea erabaki du sindikatuak, bere aurkako "mendekua" delakoan. UGTko kideen hitzetan, "autoritatearen jardunean botere desbideraketa suposatzen du honek. Udalean dauden 31 zerbitzu batzordeetatik kaleratu duten ordezkari bakarra da gurea".
  Jendartea 2004-01-20 21:59

Itourbask-eko kide izatea eskatu du Getxoko Udalak

Erabiltzailearen aurpegia Ukberri Eusko Jaurlaritzako Industria, Merkataritza eta Turismo Sailak bultzaturiko 'Itourbask' Euskadiko Turismo Bulegoen Sarearekin bat egiteko eskaria egin du Getxo Udalak. Udal ezberdinei ezezik, turismo-sustapenaren alorrean diharduten elkarteei ere, euskal turismo sare batean parte hartzeko abagunea eskaintzen die Itourbaskek.
  Ekonomia 2004-01-20 21:02

Faduran konzentratu dira Gourmet Comedores enpresako langileak

Erabiltzailearen aurpegia Ukberri Euren lanpostuei eusteko, Fadura kiroldegiko ateen aurrean bildu dira gaur Gourmet Comedores enpresako langileak. Izan ere, plantila kaleratzen dihardu hamar urteetan kirol-instalazioetan zerbitzua eman duen enpresak, hainbat produktu saltzen dituzten makinekin ordezkatzeko.
  Ekonomia 2004-01-19 21:29

Protesta egingo dute bihar Fadura aurrean Gourmet Comedores enpresako langileek

Erabiltzailearen aurpegia Ukberri CCOO Euskadi sindikatuko Zerbitzuen Federazioak deituta, elkarretaratzea egingo dute bihar Gourmet Comedores enpresako langileek. Enpresa horrek Fadurako kiroldegian eskaintzen ditu bere zerbitzuak. Sindikatuak prentsa ohar bidez gaur jakinarazi duenez, kirol-instalazioetan hamar urtetik gora lanean ibili ondoren, enpresak plantila kaleratzea erabaki du, zerbitzua produktuak saltzen dituen makinekin ordezkatuz.

CCOO Euskadik Getxoko Udalari eta Fadurako kiroldegiari leporatu die langileak bere liskarren "bekatari" moduan erabiltzea. Hori dela-eta, bihar elkarretaratze bat egingo du, goizeko 11:00etatik eguerdiko 12:00ak arte, Fadurako kiroldegiaren aurrean.
  Jendartea 2004-01-19 20:16

Fadura kiroldegiko tarifak garestiagoak aurten

Erabiltzailearen aurpegia Ukberri Fadura kiroldegiak tarifak igo ditu 2004 urtera begira. Hemendik aurrera, 145 euro ordaindu beharko dituzte urtero Getxon erroldatuta dauden familiak. Beste herri batzuetan bizi direnak, berriz, 275 euro. Gainera, seme-alaba bakoitzeko, euro bat (sei urtetik beherakoak) eta 39 euro (22-25 urtekoak) bitarteko diru kopurua ordaindu beharko da.
  Jendartea 2004-01-19 20:15

Etengabe garbituko dituzte Getxoko ibaiak

Erabiltzailearen aurpegia Ukberri Getxoko ibaiak urte osoan zehar garbituko ditu Udalak, egoera egokian mantendu ahal izateko. Orain arte, urtean birritan egiten zen garbiketa, baina landaretzak ibaiaren inguruan duen indarra dela eta, areagotu egin behar izan da. CESPAk edukiko du lan horren ardura.
  Iritzia 2004-01-18 21:20

Euskaldunok eskubide gosez - Iñigo Fernandez de Martikorena / EHEko kidea

Erabiltzailearen aurpegia Ukberri Orain bi aste gutun bat jaso nuen. Epaitegi batekoa. Zer esanik ez, ez nintzen poztu horrelakorik jasotzeagatik, haserretu baizik. Nire haserrea, aldiz, ez zen idazki judizialak kontatzen zituen gora beherengatik, baizik eta nire konputagailutik aspaldi erbesteratuta neukan fitxategi multzo bat berreskuratu behar izan nuelako: “Erdarazko epaitegikoak bueltatzeko” izeneko karpeta.
  Iritzia 2004-01-17 22:08

Larrialdi zerbitzuek Marx anaien kamarotea dirudite

Erabiltzailearen aurpegia Ukberri Inazio Etxebarria 'Guzurti'

Ospitaleko larrialdi zerbitzuak nahiko kaskarrak dira. "Box"-etan uzten zaituzte zaborra izango bazina bezala, zutaz ahaztu egiten dira eta, orduak eta egunak pasa daitezke norbait etorri arte.

Nire ustez, hobeto antolatuta egon beharko lirateke, gaixo bakarra egon beharko litzatekeen tokian, bizpahiru sartu beharrean. Larrialdietan sartu bezain pronto, gaixoa aztertu eta behaketa atalean utzi beharko lukete, dagokion patologiaren arabera sailkatuz. Mediku, ATS eta erizain bat egon beharko lirateke gaixo bakoitzeko.

Gurutzeta Ospitaleko Larrialdiak Marx anaien kamarotea dirudite eta, nire ustez, serio hartzeko gaia da, batzuk oso gaizki heltzen baitira. Beste batzuk, ordea, ezer gutxirekin. Azken hauek bota beharko lituzkete, dena okupatu ez dezaten.
  Politika 2004-01-16 22:17

EAJren etxebizitza politika "negargarri" jo du Getxoko PPk

Erabiltzailearen aurpegia Ukberri Etxebizitza arloari dagokionez, EAJk "kudeaketa kaskarra" darabilela salatu du gaur Marisa Arrue Getxoko PPko bozeramaleak, Eduardo Andrade eta Mercedes Pérez zinegotziekin batera egindako agerraldian. Bere hitzetan, "udalerria Espainiako garestienetakoa bilakatzea" eragin du horrek. Merkatu libreko etxebizitza hizpide, jeltzaleek Herri Antolaketa Plan Orokorra garatzeko inolako asmorik ez dutela kritikatu du Arruek, "orain dela bi urtetik indarrean egon arren, dauden sei egitasmoetatik bat bera ere ez baitute garatu". Horrek etxebizitzen garestitzea ekarri du, bere ustez.
  Jendartea 2004-01-16 20:42

Gabonzaharrean udaltzain bati tiroa eman zion gaztea atxilotu dute

Erabiltzailearen aurpegia Ukberri Abenduaren 31an perdigoi eskopeta batekin Algortan tiro egin eta udaltzain bat buruan zauritu zuen ustezko egilea atxilotu du, gaur goizean, Getxoko Udaltzaingoak. Gertaera 2003ko azken eguneko arratsaldean izan zen, aipatutako udaltzaina Algortako erdiguneko kale batean trafikoa zaintzen ari zela. Etxe batetik botatako perdigoi-tiroak poliziaren burua jo zuen. Erietxera eraman behar izan zuten, posta burutik atera ziezaioten.
  Kirolak 2004-01-16 20:32

Bidean dago Kirol Portuan arraun-pabiloia egiteko proiektua

Erabiltzailearen aurpegia Ukberri Algortako Arraun Taldeak eta Raspas-ek erabiliko luketen arraun-pabiloia Getxoko Kirol Portuan egiteko asmoa, berriro ere, azaldu du Inaki Zarraoa alkateak. Berak aipatu duenez, "negoziaketak oso aurreratuta" daude Kirol Portua Elkartea eta Getxo Kaiarekin. "Alderdi guztiek beren borondatea agertu dute akordio batera iristeko, eta proiektuaren idazketarako aurrekontu bat prestatuta dago. 2004ko lehen sehilekoan egingo da", adierazi du Zarraoak.
  Jendartea 2004-01-16 20:14

Erromoko bolondres-zentroa berriztatuko dute

Erabiltzailearen aurpegia Ukberri Erromoko Gobelaurre kalean dagoen bolondres-zentroa egokitzeko proiektua onartu du Getxoko Gobernu Batzordeak. Horrela, ekainean hasiko dira obrak, hainbat elkartek egunez egun bertan egiten duten lana ez oztopatzeko. Guztira, 51.627 euro inbertituko dituzte.
  Politika 2004-01-15 22:54

Udalbiltza diruz laguntzen jarraitzeagatik, "gezurtitzat" jo du Zarraoa PSE-EEk

Erabiltzailearen aurpegia Ukberri "2001etik 2003rako epean, Udalbiltzari edota antzeko erakundeei dirulaguntza eman izana ezeztatzeagatik, herritarrei gezurra esatea" leporatu dio Iñaki Zarraoa Getxoko alkateari, Luis Almansa PSE-EEko bozeramaleak. Gobernu Batzordeak erabakitakoaren arabera, 30 mila euroko laguntza (5 milioi peseta garai horretan) eman omen zitzaioan 2000eko irailaren 26an Udalbiltzari, Kutxako kontu korrontean egindako diru-sarreraren bitartez. Horrela adierazi du Almansak, kontu korronte hori Udalbide Elkarlan Elkartearen izenean dagoela gaineratzearekin batera.

"2001ean eta 2002an ez-ezik, 2003ko abenduaren 30ean 30 mila euroko diru kopurua kontu korronte berberan sartzeko erabakia hartu du Gobernu Batzordeak. Argi dago, Getxoko Udalarena den dirua Udalbiltzari ematen jarraitzen dutela", azaldu du sozialisten ordezkariak.
  Kultura 2004-01-15 20:59

XVI. Agate Deuna Koru Jaialdian izena emateko epea zabalik

Erabiltzailearen aurpegia Ukberri Ohi denez, udalerriko abesbatzak herriko kaleetan izango dira datorren otsailaren 4an. Eskoletako abesbatzak goizez irtengo dira eta helduenak eta abesbatza mixtoak arratsaldez, 19:00ak eta 21:00ak bitartean, gutxi gora behera. Gaurtik aurrera Getxoko Kultur Etxean (Villamonte, A-8), 10:00etatik 14:00etara eta 16:00etatik 19:00etara, izena emateko aukera edukiko dute talde guztiek edota 944 914 080 telefonora deituz. Oinarriak Kultur Etxean bertan egongo dira eskuragarri.
  Politika 2004-01-15 18:06

Getxoko Udalak atzera bota ditu 192 hiritarren alegazioak

Erabiltzailearen aurpegia Ukberri Getxo Biziak eskatuta orain dela aste batzuk 192 getxoztarrek zerga ordenantzen kontra jarritako alegazioak atzera bota direla jakinarazi die Getxoko Udalaren idazkari nagusiak hiritarrei.
  Iritzia 2004-01-14 21:49

Futbolak elkartzen gaitu - Nahikari Ayo / Bertsolaritza irakaslea

Erabiltzailearen aurpegia Ukberri Urtarrilak 11, goizeko hamarrak, iratzargailua joka dabil. Ez daukat jaikitzeko gogorik, baina lana lana da eta gorantza, ze erremedio! Leioako Udaletik jaso nuen deia ostiralean, igandean “Mundialito” delakoaren finala zegoela eta aurkezle bat behar zutela euskaraz eta erdaraz aritzeko. Baietza eman nuen eta Sarrienako futbol zelaietara abiatu nintzen lokartu aurpegiarekin.
  Kultura 2004-01-14 21:32

Bertso ikastaroa 'zerotik' hasita

Erabiltzailearen aurpegia Ukberri Urtarrilaren 27tik apirilaren 6ra bitartean, bertso ikastaroa antolatu dute ALBE Algortako Bertsolari Eskolak eta Bizarra Lepoan Euskara Elkarteak. Eskolak asteartero izango dira, 20:00etatik 22:00etara, Aldai Kulturguneko areto nagusian eta Josu Landeta ALBEko kidea izango da irakaslea. Izena emateko epea urtarrilaren 23ra arte egongo da zabalik, 30 euro Euskadiko Kutxako kontu korrontean sartuz (3035 0221 74 2210001961) edota ALBEra (605 704 385) edo Bizarra Lepoanera (944 914 357) deituz.

Beste alde batetik, urtarrilaren 23tik 25era arte, Jacan iraupen ski asteburua antolatu du Bizarra Lepoanek. Bazkideentzat 90 euro eta ez bazkideentzat 115 eurokoa izango da prezioa. Autobusa, egonaldia, 2 gosari, afari bat, forfaitak, ekipo osoko alokairua eta 2 orduko ikastaroa egunero daude sartuta.
  Jendartea 2004-01-14 20:27

Buru-urrientzako Erromoko egoitza 2005eko azken hiruhilekoan zabalduko dute

Erabiltzailearen aurpegia Ukberri Erromon egingo duten buru-urritasunak dauzkaten lagunentzako egoitza, 2005eko azken hiruhilekorako egon liteke amaituta, Iñaki Zarraoa Getxoko alkateak gaur baieztatu duenez. Santa Eugenia kaleko 12 zenbakiko etxea botatzeko agindua eman du dagoeneko Udalak. Izan ere, lursail horretan eraikiko da aipatutako egoitza. Etxea suntsitzeak 20 mila euroko kostua izango du.

Aipatutako lursailaren gaineko azalera-eskubidea 50 urtez edukiko du Bizkaiko Foru Aldundiak, Udalarekin hitzartutakoaren arabera, egoitza eraikitzeaz gain, bere kudeaketaz arduratzeko helburuarekin.
  Ekonomia 2004-01-13 22:08

Getxoko Kirol Portuan zauriak jaso ditu langile batek

Erabiltzailearen aurpegia Ukberri DYAko bozeramale batek jakitera eman duenez, langile bat zauritu da, Getxoko Kirol Portuko itsasuntzi batean lanean zegoela. Arratsaldeko laurak pasata izan da ezbeharra. Kable batzuekin lanean ari zela, zirkuitubakarra gertatu eta begietan lesioak eragin dizkio gizonari.

G.B.C. Portugaleteko 26 urteko langileak pronostiko erreserbatuko sauriak jaso ditu eta Gurutzetako ospitalera eraman behar izan du DYAko anbulantzia batek.
  Jendartea 2004-01-13 19:09

Bizikletarekiko tratua

Erabiltzailearen aurpegia Ukberri Hilabeteak dira uda amaitu zela eta hondartzara edo igerilekura joateari eta bizikletan ibiltzeari utzi geniola. Ni, urtero bezala ez naiz aparte ibili eta nire mountain bikearekin zenbait kilometro egin ditut Getxotik etengabe bueltaka. Baina zoritxarrez betiko zenbait arazorekin egin dut topo, hala nola, errepideetatik ibiltzeak dakarren arriskua, zenbait ibilgunetan ibiltzeko debekua eta bizikleta erabiltzeko bideen eskasiak.

Nabarmenak

Zorion agurrak