Jendartea 2004-12-22 17:54

Birziklatu

Erabiltzailearen aurpegia Ukberri Getxoko Hacklab sortu berri dugu eta Itzubaltzeta gaztetxean informatika gela bat zabaltzea gure proiektuen artean dago. Beraz, ordenagailuak behar ditugu. Ordenagailu zaharren bat baduzu, ekarri Gaztetxera (Errekagane 1-5, Erromo), mesedez. Ordenagailu nahiko dugunean festa bat antolatuko dugu egin dugun lana herriari aurkezteko.
  Kultura 2004-12-22 14:55

Batek Mila kanpaina abiatuko du Euskal Kultur Erakundeak

Erabiltzailearen aurpegia Ukberri Euskal Kultur Erakundeak munduko doinuen trukaketa egingo du Batek Mila kanpaina abiatzeko. Horrela, Maddi Oihenart, Sylvain Luc eta Kepa Junkera euskal musikariek eta Keyvan Chemirani eta Lokua Kanzarekin ikuskizunak eskainiko dituzte Getxon eta Luhuson.
  Kultura 2004-12-22 14:50

Alfontso Irigoieni eman diote Ahobi Saria

Erabiltzailearen aurpegia Ukberri Alfontso Irigoien zenari eman dio Ahobi saria Algortako Bertso Eskolak. Aurtengoan gai jartzaileen lana saritu nahi izan dute. Jose Mari Iriondok, Laxaro Azkunek, Mikel Tabernak eta Joxepa Madariagak ere jasoko dituzte sariak.
  Jendartea 2004-12-21 15:03

EAEko igerileku estali handiena izango du Getxok udaberritik aurrera

Erabiltzailearen aurpegia Ukberri Orain arte egin dituzten birmoldaketa lanei bukaera emateko, atzo goizean hasi ziren Fadurako Udal Kiroldegiko kanpoko igerilekua estaltzeko lanak. Orotara, 1.075 metro koadro (50 x 21,5) ditu aipatu azpiegiturak. Argia pasatzen uzten duen polikarbonato zelularreko estalkiak, berriz, 2.100 metro koadroko azalera izango du. Hortaz, 1.025 metro koadro geldituko dira igerilekuaren inguruan hondartza gunea deritzona jarri ahal izateko. Gainera, bi aldeetara zabaltzen da estalkia, alde bakoitzeko bost pieza mugitzen direlarik: horietako bat finkoa da eta gainontzeko laurak horren azpian batzen dira. Horri esker, udan izan ezik, urteko hilabete gehienetan estalita egongo da Fadurako kanpoko igerilekua.
  Kultura 2004-12-21 13:18

Hemeretzi urte beteko ditu aurten Getxolandiak

Erabiltzailearen aurpegia Ukberri Bihartik urtarrilaren 5era, txikienek Getxolandian gozatu ahal izango dituzte Gabon-jaietako oporrak. Gainera, 19. urteurrena ospatuko du aurten. Hamaika jolas izango dira eta horiez gain, tailerrak eta ludoteka. Areetako Xake plazan instalaturiko 2.500 metro koadroko karpan kokatu dute parkea, metroko sarreraren ondoan. Sarrera 3 eurokoa izango da eta horrekin haurrek sei bidai egin ahal izango dituzte (0,50 euro bidaiako). Ohikoa denez, haurrak laguntzen doazenek ez dute sarrerarik ordaindu beharko jolasgunean sartzeko.
  Kultura 2004-12-21 13:06

Getxoko toponimoen CDaren diseinua abian da

Erabiltzailearen aurpegia Ukberri Udalerriko toponimia batuko duen euskarazko CDaren diseinua esleitu du 24.239 eurotan Getxoko Udalak. Zazpi leku esanguratsuen gaineko hainbat ibilbide eta bost joko elkarreragile jaso eta bi atal izango ditu: bata nagusientzat, eta bestea haurrentzat. Bere egunean udalerriko toponimoen ikerketa egiteko eman zen bekaren lanetik sortutako materiala oinarritzat hartuz, Udalak aurten argitaratutako 1.200 sarreretik gorako liburuari eta azterlanaren gai berezienak batzen dituen mapari gehituko zaizkio euskarri berriak.
  Kirolak 2004-12-21 11:13

Agirre lehendakaria izan zena omenduko du Athleticek

Erabiltzailearen aurpegia Ukberri Athleticek bat egingo du Jose Antonio Agirre Eusko Jaurlaritzako lehen lehendakariaren jaiotzaren mendeurrena ospatzeko ekitaldiekin, eta omenaldi xumea egingo dio asteazkenean, San Mamesen jokatuko duen partidan, taldeko jokalaria ere izan zenari. Horrela, alde batetik, Fernando Lamikiz Athleticeko presidenteak 'Euskadi' hitza daraman taldearen elastikoa emango dio Agirreren familiari Mallorcaren aurkako norgehiagoka hasi aurretik. Gainera, San Mamesera hurbiltzen diren bazkide eta zaletuek oroitzapenezko sarrera bat jasoko dute, non Agirre lehendakaria agertzen den taldearen kamisetarekin.
  Politika 2004-12-20 23:38

Bertan behera gelditu da Arkaitz Goikoetxearen aurkako epaiketa

Erabiltzailearen aurpegia Ukberri Auzitegi Nazionalak bertan behera utzi du, momentuz, Portugaleten 2001ean gertatu zen Ertzaintzaren kontrako erasoarengatik auzipetu dituzten Arkaitz Goikoetxea algortarraren eta beste sei gazte bizkaitarren aurkako epaiketa. Auzipetuen defentsak hainbat froga eskatuta zituen, hain zuzen ere, gazteen aurka poliziak aurkeztu zituen ADN frogen egiazkotasuna ziurtatuko behar zutenak. Baina epaitegira ez direla iritsi ikusitakoan, ahozko judizio-ikustaldia ez hastea erabaki du Auzitegiak. Froga horiek iritsi arte ez dute zehaztuko epaiketarako data berririk. (Argazkian, Bizkaiko Auzitegi Probintzialaren parean goizean izandako elkarretaratzea / Gaztesarea)
  Politika 2004-12-20 12:18

Torturak berretsi dituzte Arkaitz Goikoetxearekin batera atxilotuak izan zirenek

Erabiltzailearen aurpegia Ukberri Gaur hasi eta asteazkenera arte Espainiako Auzitegi Nazionalean luzatuko den Arkaitz Goikoetxea algortarraren eta beste sei gazte bizkaitarren aurkako epaiketa salatzeko, agerraldia egin zuten herenegun Barakaldon, 2002 eta 2003an Ertzaintzak egindako "atxiloketa etengabeen barruan" atxilotu zituzten hogei bat gaztek. Ertzaintzaren jarrera, eta garai haietan dozenaka herritar "arrazoirik gabe" atxilotu eta Arkauten torturatu zituztela salatu zuten bildutakoek.
  Politika 2004-12-20 11:59

Gaur jarraitu behar du Albaro Arriren aurkako epaiketa

Erabiltzailearen aurpegia Ukberri Astelehen honetan jarraituko du Albaro Arri "Muni" Algortako preso politikoaren kontra Madrileko Auzitegi Nazionalean hilaren 9an hasi eta 10ean bertan behera gelditu zen epaiketa. Izan ere, deklaratu behar zuten hamar peritoetatik bat bera ere ez zen agertu.
  Politika 2004-12-17 23:00

Astelehenean hasiko da Arkaitz Goikoetxearen aurkako epaiketa

Erabiltzailearen aurpegia Ukberri Abenduaren 20, 21 eta 22an izango da, Espainiako Auzitegi Nazionalean, Arkaitz Goikoetxea eta beste sei gazte bizkaitarren aurkako epaiketa. 2001eko abuztuaren 5ean Portugaleten izan ziren kale istiluetan kalez jantzitako ertzainen auto bat erasotzea leporatzen diete eta 31 urteko espetxe zigorra eskatzen du fiskalak bakoitzarentzat. Eraso horren ondorioz bi polizia agente zaurituak suertatu ziren, horietako bat larri.
  Jendartea 2004-12-17 12:37

Emakume gaztea hilda agertu da Itzubaltzeta / Erromon, ustez, gaindosiak jota

Erabiltzailearen aurpegia Ukberri Itzubaltzeta / Erromoko Santa Eugenia kaleko etxean emakume gazte bat hilda agertu zen atzo. Oraindik gertatutakoaren zergatiak zeazki ez badira ere, dirudienez gaindosi batek jota galdu zuen bizia. Orain urte bete, beste gazte bat hilik aurkitu zuten leku berean, antzeko arrazoiengatik.
  Iritzia 2004-12-17 11:26

Bajatok finala! - Fredi Paia / bertsolaria

Erabiltzailearen aurpegia Ukberri Euskalduna jauregiko jarlekuak ipurdiz estalita egongo dira salbuespen barik. Finala baino astebete lehenago ziurtatu dugu urte birik behineko bertso bonbonera. Bizkaiko bertsolari txapelketako finala delako, ene uste apalean, entzuleak jarrera aktiboena hartzen duen saioa.
  Jendartea 2004-12-16 22:19

Neguriko emakumea espetxeratu dute ama merkurioz pozoitu duelakoan

Erabiltzailearen aurpegia Ukberri Langraitzeko espetxean dago jada astelehenean Ertzaintzak atxilotu zuen 52 urteko emakume getxoztarra, merkurioa erabiliz ama hiltzen saiatzea leporatuta. Eusko Jaurlaritzako Herrizaingo Sailak jakitera eman duenez, ikerketa ekainaren 23an abiatu zuten, biktimaren neskameetako batek salaketa jarri ostean. Dirudienez, merkurio-bolak aurkitu zituen 78 urteko emakumearen gosarian, opil artean, eta biktimaren ahoan ere atzeman omen zituen merkurio arrastoak. Berehala, Ertzaintzari jakinarazi zion.
  Jendartea 2004-12-16 20:54

Itzubaltzetaren desalojoaren ondorioz zazpi gaztek auzitegira joan beharko dute

Erabiltzailearen aurpegia Ukberri

Irailaren 27an izan zen Itzubaltzeta / Erromoko gaztetxearen desalojoan herriko lau gazte barruan itxi ziren horren defentsan eta kalean beste hainbatek kontzentrazioa egin zuten. Ertzaintzak horiei eraso ostean, zazpi gaztek epaitegira joan beharko dute hurrengo astelehenean. Hori guztia salatzeko, datorren asteartean bideo emanaldia egongo da Xake enparantzan, 20:00etan. Asteazkenean, berriz, manifestazioa egingo da Itzubaltzetan ordu berean.

  Jendartea 2004-12-16 20:14

Arrigunaga argiztatzeko lanak esleitu dituzte

Erabiltzailearen aurpegia Ukberri Arrigunagako hondartzan, ibiltokian eta sarreretan argiztapena jartzea eta erreforma lanak egitea 56.632 eurotan esleitu du Getxoko Gobernu Batzarrak. Honek aipatu areatzaz eguneko ordu gehiagotan disfrutatzea ahalbideratuko du. Gainera inguruaren estetika hobetzen lagunduko du eta herrian zabaldu nahi den eraginkortasun energetikoaren irizpideari ere erantzungo dio, udal arduradunen hitzetan.
  Kultura 2004-12-16 14:44

Antzerkia, kalejirak eta beste hainbat ekitaldi Olentzeroren etorrera ospatzeko

Erabiltzailearen aurpegia Ukberri Berantzagi, Zasi Eskola eta Itxas Argia dantza taldeek eta Algortako Olentzero Batzordeak ekitaldi ugari antolatu dituzte Getxoko Udalaren laguntzaz, Olentzeroren etorrera ospatzeko asmoz. Abenduaren 23an eta 24an kalejirek, musika doinuek eta dantzek beteko dituzte Getxo udalerriko auzo ezberdinetako kaleak. Horietaz gain, Euskara Zerbitzua eta Getxoko Antzerki Eskolak "Olentzaro nik nahi nuke..." antzerki lana aurkeztuko dute hainbat saioetan.
  Jendartea 2004-12-16 11:55

Getxoko Udalak 87.550 euro emango ditu hainbat herrialdetako larrialdi egoera arintzeko

Erabiltzailearen aurpegia Ukberri Euskal Udalerrien Elkarteak (EUDEL) bultzatutako proiektuaren bidez Haitin eta Errepublika Dominikarrean duela hilabete batzuk uholdeek eragindakoari aurre egiten laguntzeko, "Piztu Itxaropena" karabana solidariorako biltzen ari diren jakiak Saharara eramateko kamioia erosteko, Harresiak Apurtuz koordinakundeak Maroko iparraldean bizi den bereber herriari lagun diezaion eta PTM-Mundu Batek Charley hurakanak kaltetutako La Habanako (Kuba) herritarrak lagun ditzan 18.000 euro bana ematea erabaki du Getxoko Gobernu Batzarrak.
  Jendartea 2004-12-16 10:52

Urteko boluntarioen sariak banatu dituzte

Erabiltzailearen aurpegia Ukberri Irantzu Gorostizaga Sagasti Arantza Bifidoaren eta Hidrozefaliaren Bizkaia Elkarteko (Asebi) laguntzailea eta Laringektomizatuen Bizkaiko Elkartea jaso dituzte, hurrenez hurren, 2004 urteko boluntarioari eta boluntario-elkarteari sariak Getxoko Boluntarioen XI. Topaketetan. Salbuespen gisa, Iñaki del Rio Gardoni hilondoko sari berezia eman zaio, Algortako Gaztetasuna aisialdi taldeak proposatuta. (Argazkian, ezkerretik eskuinera, Laringektomizatuen Bizkaiko Elkarteko ordezkariak, Irantzu Gorostizaga eta Iñaki del Rioren gurasoak).
  Kirolak 2004-12-15 18:34

Ehun itsasontzi inguruk parte hartuko dute larunbateko Oilarraren estropadan

Erabiltzailearen aurpegia Ukberri Abenduaren 18an, larunbatean, egingo da gurutz motako itsasontzietarako Oilarraren estropada. Sestaoko Benediktako untzitegitik abiatuko dira 12:00etan ehun itsasontzi inguru, 10 milia luzeerako ibilbidea egiteko. Real Club Marítimo del Abra-Real Sporting Clubek 2004 urtean antolatu duen estropaden egutegian azkena da proba hau.

Nabarmenak

Zorion agurrak