Jendartea 2004-01-26 22:26

Emakumezkoak dira Getxoko kzguneen erabiltzaile nagusiak

Erabiltzailearen aurpegia Ukberri Teknologia berrien erabilera bultzatzeko, Eusko Jaurlaritzaren eskutik, Algortan eta Areetan zabaldutako kzguneen erabiltzaile nagusiak emakumezkoak dira, Iñaki Zarraoa Getxoko alkateak nabarmendu duenez.

Zarraoak emandako datuen arabera, udalerrian zabaldu zituztenetik iazko abenduaren 31ra arte, guztira 4.637 lagunek erabili zituzten bi zentro hauen zerbitzuak (2.465 Areetan eta 2.172 Algortan). 2003.urtean 1.755 lagun hurbildu ziren aipatutako guneetara.

Zentro hauetan, internet gaineko trebaketa jaso duten erabiltzaileen profilari dagokionez, ehuneko 63 emakumezkoak izan ziren eta gainontzeko ehuneko 37 gizonezkoak. Bestalde ehuneko 60ak 35 urte baino gehiago zituen eta horietatik ehuneko 23, gainera, 55 urtetik gorakoak ziren.
  Kultura 2004-01-26 22:25

Getxoko Antzerki Eskolak 24 mila euroko dirulaguntza jasoko du

Erabiltzailearen aurpegia Ukberri Pasa den asteazkenean Udalarekin sinatutako lankidetza-hitzarmenari esker, 24.040 euroko dirulaguntza jasoko du Getxoko Antzerki Eskolak. Horrela, duela hiru urte bi erakundeen artean adostutako itunari jarraipena eman diote, oraingoan 2007 urtera arte luzatuko da.

Hitzarmenaren bitartez, diruaz gain, egun zehatz batzuetan Algortako Getxo Antzokia erabiltzeko aukera edukiko du Antzerki Eskolak, hainbat ekitaldi bertan burutzeko. Honek, berriz, udalerriko ikasleei matrikulen prezioak murrizteko konpromisoa hartu du. Eta eskolako talde amateurren antzezlanak eta "96 Unicornios" konpainiaren estreinaldi guztiak eskaini beharko ditu udalerrian.
  Jendartea 2004-01-26 22:24

Berriro ere zabalik Santa Eugenian Hiritarren Arreta Bulegoa

Erabiltzailearen aurpegia Ukberri Gaurtik aurrera zabalik dago, berriro ere, Erromoko Santa Eugenia eskoletako Hiritarren Arreta Bulegoa (HAB). Astelehenetik ostiralera, 8:00etatik 14:00etara izango da ordutegia.

Hiritarren Arreta Bulegoa ez-ezik, Santa Eugeniako eskoletan Getxoko Kultur Etxeak eskaintzen zituen ikastaroak eta tailerrak ere tokiz aldatu behar izan zituzten, azaroaren erdialdean, eraikineko hormetan arrakalak agertu zirelako. Alboan egiten ari diren lurrazpiko aparkalekuko lanek eragindako lur mugimenduari egotzi zioten gertaera. Hori dela eta, arriskurik ez zegoela egiaztatu bitartean, eraikina hutsik uztea erabaki zuten udal arduradunek.
  Jendartea 2004-01-26 22:23

Hauteskunde-Zentsuko Zerrendak ikusgai

Erabiltzailearen aurpegia Ukberri Gaurtik aurrera eta otsailaren 2ra arte, jendearentzat erakusgai daude Hauteskunde-Zentsuko Zerrendak (2003ko abenduaren 1eko datuekin). Datuetan akatsen bat egonez gero, honako hau izango da erreklamatzeko epea.

Zerrenda horiek ondoko toki hauetan kontsulta daitezke: Udaletxeko Estatistika Sailean (Foruak kalea, z./g.) eta Getxo auzoko Benturillena kaleko 17. zenbakiko eta Erromoko Aurrezki Kutxa kaleko 3. zenbakiko Herritarren Arreta Bulegoetan.
  Iritzia 2004-01-24 21:42

Dakar rallya gero eta kaskarragoa

Erabiltzailearen aurpegia Ukberri Inazio Etxebarria 'Guzurti'

Orain dela urte asko, Paris-Dakar zen Munduko rallyrik famatuena, normalean urtarrilaren 2tik 17ra egiten zen hiru modalitate desberdinetan: kamioiak, kotxeak eta motorrak.

Primerako gidariak parte hartzen zuten, batez ere frantziarrak eta finlandesak, hauek ziren, hain zuzen ere, gehienetan txapelketa irabazten zutenak.

Beranduago txapelketari izena aldatu zioten, Granada-Dakar, jende gutxiagok izena ematen zuelarik. Orain dela laupabost urtetik hona, Dakar bakarrik deitzen diote eta ordundik jende gutxiagok parte hartzen du, kalitate kaskarragoarekin gainera. Edozeinek irabazten du gaur egun.

Ondorioz, gero eta jende gutxiagok jarraitzen du rallyan. Paris-Dakar izango balitz, partehartzaileen kopurua gora egingo luke.
  Iritzia 2004-01-24 21:41

Merezi dugun telebista ote daukagu? - Iñaki Ozamiz / PTBko kolaboratzailea

Erabiltzailearen aurpegia Ukberri Azken egunotan pare bat iritzi artikulu irakurri ditut Ukberrin gaur egungo telebistaren inguruan. Artikulu horiek telebista ez zuten oso leku onean uzten. Nik telebistaren aldeko defentsa egingo dut, kalitatezko telebista baten defentsa.
  Politika 2004-01-23 21:58

Nahiz eta PPk debekatzeko eskatu, kontzertua emango du Algortan Fermin Muguruzak

Erabiltzailearen aurpegia Ukberri Fermin Muguruzak urtarrilaren 31an eskainiko duen emanaldia bertan behera uzteko eskatu dio, EAJk, EAk eta IU-EBk osatzen duten Gobernu Batzordeari eta Iñaki Zarraoa alkateari berari, Getxoko PPk, "terrorismoaren apologia egin ez dadin". Udal Euskara Zerbitzuak antolatutako "Kantuketan 2004" jardunaldien barruan, kontzertua emango du egun horretan abeslari irundarrak, Algortako Portu Zaharrean. Hala ere, popularren eskaera ez dute kontutan izan Kultura Batzordekoek eta aktuazioa mantentzea erabaki dute.
  Jendartea 2004-01-22 23:08

Lurralde Planaren barruan, trenbidea lurperatzea eskatuko du Getxoko Udalak

Erabiltzailearen aurpegia Ukberri Bilbo Metropolitarreko Lurralde Plan Partzialari aurkeztuko zaizkion alegazioen barruan, udalerri osoan metroko trenbidea lurperatzea eskatuko du Getxoko Udalak. Izan ere, Iñaki Urkiza Gizarte Ekintza, Etxebizitza eta Hirigintza zinegotziak atzo aipatu zuenez, "Herria bitan zatitzen du ibilbideak"eta "bateratzea" lortu nahi dute. Getxo auzoko goialdean geltokia jartzea ere eskatuko dute.

Etxebizitzari dagokionez, Bizkaiko Foru Aldundiak proposatu bezala, dentsitatea areagotzearekin bat datozela adierazi zuen Iñaki Zarraoa alkateak, hots, gehiago eraikitzearen alde agertzen dira "etxebizitza ezari konponbidea emateko". Inguruko herrietan etxebizitzak egitearekin batera, Abantzadan egon daitezkeen trafiko arazoak saihesteko, berriz, Unbeko Korridoreari lehentasuna ematea eskatuko dute. Horrela, "Leioara bidean irteera berria edukiko dute Sopela, Plentzia eta beste herrietako biztanleek", Urkizaren hitzetan.

Guzti hauek hilabete honetako osoko bilkuran (urtarrilaren 28an) aurkeztuko ditu Gobernu Batzordeak. LPPri alegazioak aurkezteko epea, berriz, 30an bukatzen da.
  Jendartea 2004-01-22 21:38

Getxoztar guztien eskura egongo dira Erromoko eta Areetako aparkalekuak

Erabiltzailearen aurpegia Ukberri Udalerrian erroldaturiko edozeinek izango du aukera kotxerako tokia bereganatzeko, Areetako Mesedeetako Ama kalean eta Erromoko Santa Eugenia plazan egiten ari diren lurrazpiko aparkalekuetan. Hain zuzen, eskaintza getxoztar guztiei zabaltzeko baimena eman dio Udalak, biak eraikitzen ari den enpresari . Iñaki Zarraoa alkateak aurreratu duenez, gehienbat, Erromoko aparkalekuan izango du eragina erabakiak, Areetakoa ia beterik baitago. Partzela bakoitzeko salneurria 15.025 euro ingurukoa izango da.
  Ekonomia 2004-01-22 19:29

Getxoko udaltzainburuaren aurka jarritako demanda atzera bota du epaileak

Erabiltzailearen aurpegia Ukberri José Ramón Souto Getxoko Udaltzaingoko nagusiaren aurka, aurreko polizia buruak eta bi sargentuk aurkeztutako demanda atzera bota du Bilboko 1. Epaitegiak. Soutok kargu horretan egoteko beharrezkoa den titulazio akademikoa ez zuela esaten zuten hirurek. Iñaki Zarraoa alkateak atzo adierazi zuenez, "gaur egun udaltzainburua denak EHUn atera zuen Kriminologia titulazioa lanpostu horretan egoteko nahikotzat hartu du epaileak".
  Ekonomia 2004-01-21 22:30

UGTren salaketak gezurtatu ditu Zarraoak

Erabiltzailearen aurpegia Ukberri EAEko Auzitegi Nagusiak erabaki bezala, bere lana ezin zuelako behar bezala bete, depresioak jota amaitu duen UGTko langileari, 3 mila euroko kalteordaina emateko agindua emanda dauka jada Getxoko Udalak. Halaber, sindikatuari lokal bat emateko neurriak ere hartuta daude. Izan ere, UGTren salaketei erantzunez, talde horri arrazoia ematen dioten sententziak betetzeari, inoiz ez diola uko egin adierazi du Iñaki Zarraoa alkateak. Beste sindikatuekin batera, Matikoenan edukiko du bulegoa laster UGTk.
  Politika 2004-01-21 20:56

Lurralde Plan Partzialari buruzko eztabaida jardunaldiak

Erabiltzailearen aurpegia Ukberri Bilbo Metropoliaren Lurralde Plan Partziala - LPP uztailean behin behingoz onartua izan ondoren eta urtarrilaren 30 arte alegazio epea irekita dagoelarik, Getxo Bizia plataformak datozen egunetarako ekitaldi desberdinak antolatu ditu. Urtarrilaren 23an, ostirala, hitzaldia 19:30ean Algortako kultur etxean. Txema Piko Bizkaiko Batzar Nagusietako batzarkide ohia eta Getxo Bizia plataformako kidea den Christian Reinicke planaren nondik nora aztertuz arituko dira.
  Politika 2004-01-21 20:34

Erromoko Segik eztabaida prozesu nazionalaren amaiera ospatuko du

Erabiltzailearen aurpegia Ukberri Azken hilabeteotan gazte erakundeak Euskal Herri osoan burutu duen eztabaida prozesua dela eta, bukaera ekitaldia prestatu du Erromoko Segik datorren ostiralerako, urtarrilak 23.
  Iritzia 2004-01-21 14:42

Kaiso, ni Karmele nais. Y ahora en castellano - Xabier Paya Ruiz / bertsolaria

Erabiltzailearen aurpegia Ukberri Barka iezadazu, irakurle. Barka iezadazu. Ez dakit zeren bila zatozen website honetara, ez dakit zer eman diezazukeen interneteko txoko honek, ez dakit zer espero duzun from me. Ez dakit zergatik hautatu duzun nire texta irakurtzea, inoren bitartez ezagutzen nauzulako, titlea deigarria egin zaizulako edo beste baten testuaren bila unfortunately eta nahigabe saguaren ezkerreko botoia klikatu duzulako.
  Ekonomia 2004-01-20 22:43

Udalaren aurkako salaketa jarri du Getxoko UGTk

Erabiltzailearen aurpegia Ukberri Prebarikazioa, atribuzio-usurpazioa, desobedientzia eta laguntza ukatzea egotziz, Udalaren aurkako salaketa aurkeztu du Getxoko UGTk. Sindikatuari udaletxe barruan lokal bat ematera Udala behartzen duten hainbat sententzietan du jatorria oraingo salaketak. Lana ezin zuelako behar bezala egin, bere burua erasotua sentitu eta depresioak jota bukatu omen zuen eskuorde sindikalak, azkeneko epaiak adierazten duenez.

Besteak beste, azaroaren 19an, bere eskuorde sindikala Zerbitzu Batzordetik kaleratu izana salatu du UGTk. Atezainen eta bulego-mezularien lana gainbegiratzeaz arduratzen zen bera. Hori dela eta, erabaki horren aurkako helegitea aurkeztea erabaki du sindikatuak, bere aurkako "mendekua" delakoan. UGTko kideen hitzetan, "autoritatearen jardunean botere desbideraketa suposatzen du honek. Udalean dauden 31 zerbitzu batzordeetatik kaleratu duten ordezkari bakarra da gurea".
  Jendartea 2004-01-20 21:59

Itourbask-eko kide izatea eskatu du Getxoko Udalak

Erabiltzailearen aurpegia Ukberri Eusko Jaurlaritzako Industria, Merkataritza eta Turismo Sailak bultzaturiko 'Itourbask' Euskadiko Turismo Bulegoen Sarearekin bat egiteko eskaria egin du Getxo Udalak. Udal ezberdinei ezezik, turismo-sustapenaren alorrean diharduten elkarteei ere, euskal turismo sare batean parte hartzeko abagunea eskaintzen die Itourbaskek.
  Ekonomia 2004-01-20 21:02

Faduran konzentratu dira Gourmet Comedores enpresako langileak

Erabiltzailearen aurpegia Ukberri Euren lanpostuei eusteko, Fadura kiroldegiko ateen aurrean bildu dira gaur Gourmet Comedores enpresako langileak. Izan ere, plantila kaleratzen dihardu hamar urteetan kirol-instalazioetan zerbitzua eman duen enpresak, hainbat produktu saltzen dituzten makinekin ordezkatzeko.
  Ekonomia 2004-01-19 21:29

Protesta egingo dute bihar Fadura aurrean Gourmet Comedores enpresako langileek

Erabiltzailearen aurpegia Ukberri CCOO Euskadi sindikatuko Zerbitzuen Federazioak deituta, elkarretaratzea egingo dute bihar Gourmet Comedores enpresako langileek. Enpresa horrek Fadurako kiroldegian eskaintzen ditu bere zerbitzuak. Sindikatuak prentsa ohar bidez gaur jakinarazi duenez, kirol-instalazioetan hamar urtetik gora lanean ibili ondoren, enpresak plantila kaleratzea erabaki du, zerbitzua produktuak saltzen dituen makinekin ordezkatuz.

CCOO Euskadik Getxoko Udalari eta Fadurako kiroldegiari leporatu die langileak bere liskarren "bekatari" moduan erabiltzea. Hori dela-eta, bihar elkarretaratze bat egingo du, goizeko 11:00etatik eguerdiko 12:00ak arte, Fadurako kiroldegiaren aurrean.
  Jendartea 2004-01-19 20:16

Fadura kiroldegiko tarifak garestiagoak aurten

Erabiltzailearen aurpegia Ukberri Fadura kiroldegiak tarifak igo ditu 2004 urtera begira. Hemendik aurrera, 145 euro ordaindu beharko dituzte urtero Getxon erroldatuta dauden familiak. Beste herri batzuetan bizi direnak, berriz, 275 euro. Gainera, seme-alaba bakoitzeko, euro bat (sei urtetik beherakoak) eta 39 euro (22-25 urtekoak) bitarteko diru kopurua ordaindu beharko da.
  Jendartea 2004-01-19 20:15

Etengabe garbituko dituzte Getxoko ibaiak

Erabiltzailearen aurpegia Ukberri Getxoko ibaiak urte osoan zehar garbituko ditu Udalak, egoera egokian mantendu ahal izateko. Orain arte, urtean birritan egiten zen garbiketa, baina landaretzak ibaiaren inguruan duen indarra dela eta, areagotu egin behar izan da. CESPAk edukiko du lan horren ardura.

Nabarmenak

Zorion agurrak