Iritzia 2004-03-12 22:30

11-M - Nahikari Ayo / Bertsolaritza irakaslea

Erabiltzailearen aurpegia Ukberri Gaur, inoiz baino gehiago kostatu zait iritzi artikulu hau idaztea. Agian barruan tristezia eta amorrua daukadalako atzo gertatutakoaz Espainiako hiriburuan.

Atzo egun garrantzitsua zen niretzat. 1982ko martxoaren 11an jaio nintzen, beraz nire 22.urteurrena zen. 9etan esnatu nintzen, gosaria jarri, telebista piztu eta Madrileko masakre guztia aurkitu nuen nire begien aurrean. Ez nuen gosaldu, nire sabelak ez zuen ezer onartzen ikusitakoa eta gero.
  Iritzia 2004-03-12 22:29

Txinako esaera zahar batek dio... - Igor Elordui / AEKko komunikazio arduraduna

Erabiltzailearen aurpegia Ukberri Txinako esaera zahar batek dio, atzamarrak ilargia seinalatzen duenean tontoa atzamarrari begira geratzen dela. Ilargira begira paratzen ez bagara, atzera aurrera atz erakuslearen atzazal zorrotzaren mina begi barruan igarriko dugu.
  Iritzia 2004-03-12 22:29

Hauteskunde nazionalak - Josu Landeta / irakaslea

Erabiltzailearen aurpegia Ukberri Estatu espainolean hauteskunde orokorrak direla eta, hausnarketa eguna dugu larunbatean. Behar bada egun honetan batzuentzat hauteskundeei buruz idaztea ez da oso etikoa izango, baina ez dut baten edo bestearen aldeko propaganda egiteko asmorik, batetik inork ez duelako merezi, eta bestetik ez diodalako Urquijo Jaun salatariari inolako motiborik eman nahi neure kontura propaganda politikoa egin dezan.
2004-03-11 15:08

Dolumin adierazpena igorri dio Zarraoak Madrilgo alkateri

Erabiltzailearen aurpegia Ukberri Madrileko atentatua dela eta bertako alkateari dolumin adierazpena igorri dio Iñaki Zarraoa Getxoko alkateak:

"Madrilgo alkate jauna:

Neure izenean, eta udalaren eta Getxoko bihotz oneko gizon-emakume guztien izenean, Madrilekiko elkartasuna, geure amorru bizia, biktimekiko eta familiekiko hurbiltasuna eta ETAren aurkako erabateko gaitzespena adierazi gura dizkizut."
  Kultura 2004-03-10 20:37

Sei bertsolari gazte lehiatuko dira larunbatean Getxoko Abra Sarian

Erabiltzailearen aurpegia Ukberri Euskal Herriko toki ezberdinetatik etorritako sei bertsolari gazte lehiatuko dira, martxoaren 13an (larunbata), Areetako Andres Isasi Musika Eskolan ospatu den Getxoko Abra Sariaren hirugarren edizioan. Besteak beste, Egoitz Zelaia (Hendaia), Ander Lizarralde (Oiartzun), Iñaki Apalategi (Beasain), Beñat Lizaso (Azpeitia), Jokin Labaien (Arrasate) eta Xabier Paia (Getxo) arituko dira 19:00etan hasiko den ekitaldian.
  Iritzia 2004-03-09 21:46

Geure berba - Fredi Paya / bertsolaria

Erabiltzailearen aurpegia Ukberri Hamahiru urte inguru nituela, arratsalde batez, Joseba Santxok Azkorriko baserri batera eraman ninduen . Bertan gizon zahar txiki bat zegoen. Etxera sartzeko gonbita luzatu eta hala egin genuen. Ordu parea igaro genuen baserri hartan, Josebaren grabagailua mahai gainean, agure hura bere gazte garaiko kontuen berri ematen eta ni mutu bezain harrituta. Ez zen izango halako arratsaldeak igaroko nituen azken aldia, baina agian bai gehien harritu ninduena. Ordurako banuen bizkaieraren berri. Ikastolan existitzen ez zen hizkera haren berri. Bertso saiotara joaten nintzenean, edo Bizkaiko bertsolari gazteekin batzen nintzenean, entzuten nuen jario amaiezin hura. Hasieran ulertzeko gai ere ez nintzena eta orain neure egin dudana.
  Ekonomia 2004-03-09 21:35

Faduratik kotxe karabana deitu du CCOO Euskadik

Erabiltzailearen aurpegia Ukberri Gourmet enpresak langileak kaleratu izana salatzeko, kotxe karabana antolatu du biharko CCOO Euskadi sindikatuak. 12:00ak aldera abiatuko da Fadurako Kiroldegitik, enpresa hori arduratzen baita kirol instalazioetan dauden kafetegiak eta garagardotegia kudeatzeaz.
  Kultura 2004-03-08 21:12

Getxoko Udalak 110 mila euro zuzenduko ditu euskara ikasi eta sustatzeko

Erabiltzailearen aurpegia Ukberri Getxoko Udalak euskara sustatzeko eskaintzen dituen dirulaguntzetara eta zerbitzuetara, guztira 110 mila euro bideratuko ditu. Horrela, udal langileek, zinegotziek, merkatariek, elkarteetako kideek eta abar luze batek euskara ikasteko, kartelak euskaratzeko edo Udako Euskal Unibertsitatera (UEU) joateko dirukopurua handitu egin da aurten. Baita itzulpen eta elkarteek ekintzen aurkezpenak euskaraz egiteko zerbitzuetara ere.
  Jendartea 2004-03-08 20:50

Prestigen aseguru-etxeari eskatutako kalteordaina ukatu du epaitegiak

Erabiltzailearen aurpegia Ukberri Surf-oholan eta neopreno jantzian izandako kalteak, galipotak eraginda direnik "ez du frogatu", sententziaren arabera, Iñigo Onaindiak. Prestige petroliuntziaren aseguru-etxeari, Iñigo Onaindia Itzubaltzeta / Erromoko surflariak eskatutako 470 euroko kalteordaina ukatzea erabaki du Bilboko Lehen Auzialdiko 8. Epaitegiak. 2003ko uztailaren 10an Sopelan surfean ari zela, oholan eta neopreno jantzian galipotak erangidako kalteengatik eskatu zuen dirua.
  Politika 2004-03-08 20:00

Getxoko PPko zinegotzi baten emazteri egotzi diote zaramontziak erretzea

Erabiltzailearen aurpegia Ukberri Hainbat komunikabidek atzo jakitera eman zutenez, Iñigo Igartua Barandiaran Getxoko PPko zinegotziaren emazteari leporatu diote, Neguriko Karmengo zonaldean, zarama eta birziklatzeko gaiak biltzeko ontziak erretzea. Azken bost egunetan gertatutakoak kale borrokari egozten zioten arren, bertan jarritako behaketa dispositiboari esker, B.Y.Y. emakumea atzeman zuen, ostiraletik larunbaterako gauan, Udaltzaingoak. Identifikatu zutenean Igartuaren emaztea zela konturatu ziren polizia agenteek.
  Politika 2004-03-08 20:00

Presoen senideei dirulaguntzak epaitegira eramango ditu Espainiako Abokatutzak

Erabiltzailearen aurpegia Ukberri Getxoko PPk pasa den ostegunean jakitera eman zuenez, herriko presoen senitartekoei dirulaguntzak emateko Udalak jarraitutako prozesuaren kontrako Administrazioarekiko auzobide-errekurtsoa aurkeztuko du Espainiako Abokatutzak, "Udal-araubidearen Legea urratzen duelakoan". Otsailaren 27ko udalbatzaren balorazioa egiteko emandako prentsaurrekoan egin zituen adierazpenak Marisa Arrue popularren bozeramaleak.
  Politika 2004-03-05 17:21

Algortan 150 gazte bildu dira Espainari EZ esateko!

Erabiltzailearen aurpegia Ukberri Guardia Zibilak gazteak identifikatu ditu

Algortan 150 gazte bildu dira, Getxo III, Getxo IV eta Sopelako Ander Deuna ikastolan egun osoko greba egin ostean. Guardia Zibilak identifikazioak burutu ditu, honela argi utziz zein den Josu Jon Imazen eta Mariano Rajoyren ezberdintasuna: batzuk beltzak eta besteak berdeak.
  Iritzia 2004-03-04 20:07

Getxon sortutako glamourra - Nekane Ardanza / Getxo Irratiko kazetaria

Erabiltzailearen aurpegia Ukberri Emakumezko zein gizonezko modelorik ikusgarrienak ibili dira azken aste hauetan mundo osoko ibiltokietan hainbat diseinatzaileren hurrengo denboraldietarako moda proposamenak erakusten. Izugarrizko muntaiak hiri ezberdinetan (Londres, Milan, Paris, New York, Madrid, Bartzelona…) antolatu eta diru asko inbertitu dute erakustoki eta azoka horietatik enpresa famatuek ahalik eta etekin handiena lortu ahal izateko.
  Jendartea 2004-03-04 19:59

Haurrentzako jolasguneak zaintzeko 60 mila euro

Erabiltzailearen aurpegia Ukberri Udalak 60 mila euro zuzenduko ditu aurten Getxoko umeentzako kale jolasak zaintzeko lanetara, eta zerbitzu hori laster batean esleituko du lehiaketa ireki baten bitartez. 2002tik aurrera abiatu jarri zuten, hiritar askok hala eskatuta, Getxoko enparantza eta parkeak haurrentzako kale jolasguneez hornitzeko inbertsio egitasmoa, "udalerri gazte eta haurrak dituzten famili kopuru haundia duenarentzat ekipamendu egokia baita", Iñaki Zarroa alkatek azpimarratu duenez.
  Jendartea 2004-03-04 19:58

Udalerriko galtzadak konpontzeko 226 mila euro bideratuko dituzte

Erabiltzailearen aurpegia Ukberri Ezpaloi zatia jarriko dute Algortako Sarrikobaso kaleko 9 eta 11 zenbakien aurrean

Getxo udalerriko hainbat kaletan, galtzada berriztatzeko lehen ekitaldia burutzeko, 226 mila euroko aurrekontua onartu du Udal Gobernu Batzordeak. Egitasmo honen bidez, errepideak zolatu eta berriz pintatuko dituzte, Iñaki Zarraoa alkateak azaldu duenez. Lan hauen esleipena enkante bidez emango dute.
  Jendartea 2004-03-03 22:38

Apiriletik aurrera Getxoko hondartzak garbitu eta zainduko ditu Udalak

Erabiltzailearen aurpegia Ukberri Hondakinak ez sartzeko hesi mugikorra jarri nahi dute Areetako hondartzan

Datorren apiriletik aurrera, udalerriko hondartzak garbitu eta zaintzeko ardura hartuko du bere gain Getxoko Udalak, Iñaki Zarraoa alkateak gaur bertan baieztatu duenez. Udal erakundeak eta Bizkaiko Foru Aldundiak hitzarmen bat sinatuko dute hilabete honetan bertan eta, horren arabera, lehendabiziko erakundeak eskumen hori bereganatuko du. Izan ere, orain dela bi hamarkada, bere gain hartu zuen udal eskumena foru erakundeak, Bizkaiko itsasertzeko herrientzat, batez ere txikienentzat, zerbitzuak suposatzen zuen ahalegin eta diru-kostu handiagatik.
  Kultura 2004-03-03 21:43

Emakume errefuxiatuei buruzko argazki erakusketa dago ikusgai Erromon

Erabiltzailearen aurpegia Ukberri Errefuxiatuentzako Nazio Batuetako Mandatari Nagusiak (ACNUR) antolatutako emakume errefuxiatuen bizitzari buruzko argazki bilduma herenegun zabaldu zen Erromoko Erakusketa Aretoan, eta hilaren 17ra bitartean egongo da ikusgai. Bizi dituzten baldintza larriak azaltzeaz gain, emakume hauen duintasuna eta alaitasunaren lekuko dira irudiak, Getxoko Emakumearen XV. Jardunaldien baitan.
  Kultura 2004-03-03 21:26

Umeentzako eski ikastaroa antolatu du Alto Campoon Bizarra Lepoanek

Erabiltzailearen aurpegia Ukberri Bapiruke egitasmoaren barruan, umeentzako eski ikastaroa antolatu du, martxoaren 14an, Alto Campoon, Bizarra Lepoan Euskara Elkarteak. Bertan parte hartzeko, 40 euro ordaindu beharko dute bazkide direnek, eta 50 euro ez-bazkideek. Besteak beste, eskien eta boten alokairua, eski ikastaroa, Bapiruke begiraleak, bidaia eta asegurua sartzen dira salneurrian. Irteera 8:00etan izango da eta itzulera 21:30ean.
  Iritzia 2004-03-03 10:56

Autodeterminazioa - Christian Reinicke / Getxo Biziako kidea

Erabiltzailearen aurpegia Ukberri Getxo Biziak duela urtebeteko bere sorrera ekitaldirako plazaratu zuen manifestua ari nintzen berrirakurtzen. Ez du ez gaurkotasuna galdu eta bereziki hurrengo pasartearengan erreparatu dut:

“Zalantzaren izpirik bageneukan, hor dago Estatu espainiarrak eta frantsesak eskaintzen digutena: euskararen kontrako eraso bortitzak, euskal hezkuntzaren kontrako legeak, etengabeko tortura, euskal presoen bizi baldintzen etengabeko okertzea, herri eta gazteen mugimenduen aurkako errepresio eta kriminalizazioa, eta azken egun hauetan Euskaldunon Egunkariaren itxiera eta Batasunaren ilegalizazioa.

Ez da ez "Espainiari atxikimendu libre(?)aren garaia", Autodeterminazio librearen garaia baizik.

Autodeterminazioa gai zerrendan ipintzeko garaia da, Euskal Herriaren izugarrizko gehiengoak autodeterminazioa nahi, behar , exijitzen duelako, Autodeterminazioa gatazka politikoaren irtenbide zuzena eta errealista bakarra delako.”
  Jendartea 2004-03-02 20:59

Getxoko hondartzak garbitzeko, 1,3 milioi euro emango ditu Aldundiak

Erabiltzailearen aurpegia Ukberri Udalerriko hondartzen egokitzapena eta garbiketa koordinatzeko asmoz, Getxoko Udalarekin elkarlanerako hitzarmena sinatzea onartu du gaur Bizkaiko Foru Aldundiko Gobernu Batzordeak. Horren arabera, 1.324.346 euro emango ditu foru erakundeak eta 2007ko abenduaren 31ra arte izango du iraupena. Udalak, berriz, Areeta, Ereaga, Arrigunaga eta Gorrondatxe hondartzak ez-ezik, bertan dauden instalazioak eta zerbitzu publikoak ere garbitzeko konpromisua hartuko du

Nabarmenak

Zorion agurrak