Iritzia 2003-11-18 23:23

Ni jaio nintzen urtean - Josu Esnaola / Bizarra Lepoaneko kidea

Erabiltzailearen aurpegia Ukberri Egitasmo berri bat sortzen den bakoitzean, ez dakit zergatik, baina neure bizitzaren errepasoa egiteko joera izaten dut. Lasai, ez dizuet neure bizitza kontatuko eta. Ni jaio nintzen urtean gertatutako hainbat kontu baino ez ditut aipatuko. Horrela bada, ni jaio nintzen urtean ETAk bere lehen biltzarra antolatu zuen, bertan, besteak beste, hizkuntza proiektu nazionalaren ardatz funtsezkotzat jo eta euskara Euskal Herriko hizkuntza nazional bakartzat aldarrikatu zuen. Ikusten, Garzonek, Del Olmok eta enparauek arrazoi, jatorrizko bekatua, beraz, euskararen inguruko guztiak, heriotzarekin soilik garbi daitekeen hoben, euskararen heriotzarekin, jakina.
  Politika 2003-11-18 23:11

Euskararena ez ezik, Nafarroaren Eguna be ospatuko du Gorrondatxe Kultur Taldeak

Erabiltzailearen aurpegia Ukberri Abenduaren 3a, Euskararen Eguna izateaz gain, lehenagotik ere Nafarroaren Eguna dela aditzera emateko, hainbat ekitaldi antolatu ditu hurrengo egunetarako Gorrondatxe Kultur Elkarteak. Izan ere, Getxon eta Euskal Herriko hainbat tokitan, euskararen eguna bezala baino ez da ospatu abenduaren 3a, azken urteetan. Hori dela eta, "ospakizun bikoitza" egitera deitzen dute.

Besteak beste, "arrano beltza, katedun bandera gorria eta ikurrina astinduz" Algortako kaleak musika eta dantzarekin alaituko dituzte aipatutako egunean, 19:00etatik aurrera. Horretaz gain, aurretik ere, bi hitzaldi antolatu dituzte. Bata, Gaizka Aranguren Nabarralde elkarteko kidearen eskutik, eta bestea, Floren Aoizek emana; azaroaren 19an (bihar) eta 28an, hurrenez hurren.
  Kultura 2003-11-18 21:57

Euskadiko Orkestra Sinfonikoak emanaldia eskainiko du bihar Redentorren

Erabiltzailearen aurpegia Ukberri Bihar, asteazkena, Euskadiko Orkestra Sinfonikoa igoko da Redentor elizako eszenatokira. Heinrich Schiff-en zuzendaritzapean, eta Carmen Fuggiss soprano ospetsuarekin gonbidatu gisa, Haydn eta Mahler-en piezez osatutako programa bat eskainiko dute, arratsaldeko 20:00etatik aurrera, 'Udazkeneko Kontzertuak' jardunaldien barruan. Sarrera 3 eurokoa izango da.

Biharko Egitaraua

Gai honen inguruko albisteak

Bihar Udazkeneko Kontzertuen bigarren saioa - Azaroak 17

Amaia Arregi sopranoak emango die hasiera Udazkeneko Kontzertuei - Azaroak 11
  Jendartea 2003-11-18 21:35

'Quiero ser Beckham' filmea bihar 'Getxotik Mundura' jardunaldietan

Erabiltzailearen aurpegia Ukberri 'Getxotik Mundura' jardunaldien barruan, 'Quiero ser Beckham' filmea eskainiko dute, bihar eta etzi, Algortako Getxo Antzokian eta Areetako Gran Cinema-n, hurrenez hurren. Arratsaldeko 20:00ak aldera hasiko dira, bi egunetan, emanaldiak eta 2,60 eurokoa da sarreraren salneurria.

Elkarrizketa, aniztasuna eta trukea sustatzeko asmoz, herritarren partaidetza eta adierazpenerako tresna izan nahi du 'Getxotik Mundura' jardunaldietako seigarren edizioak. Besteak beste, kultura aniztasuna, lankidetza, elkartasuna, garapen bideragarria, eta abar landuko dira, Gobernuz Kanpoko Erakundeen (GKE) eta Getxoko Udalaren elkarlanari esker.

Horretarako, bederatzi egunetan zehar, erakusketak, azokak, filme emanaldiak eta ikastaroak antolatu dituzte.
  Kultura 2003-11-18 00:35

Bihar Udazkeneko Kontzertuen bigarren saioa

Erabiltzailearen aurpegia Ukberri Maite Arruabarrena soprano donostiarrak eta 1995 urtean Pavarotti Lehiaketa irabazi zuen Luis Damaso tenoreak osatutako ahots-bikotearen doinuekin gozatu ahal izango dute, bihar, arratsaldeko 20:00etatik aurrera, Algortako Redentor elizara joaten diren guztiek. Horiei lagunduz, Pedro Jose Rodriguezek joko du pianoa. Sarrera 3 eurokoa izango da. Azaroaren 14a eta 21a artean egingo diren kontzertuek, aurreko edizioetako kalitate eta aniztasunaren ildo berari eusten dio antolatzaileen hitzetan. Bi irizpide hauek baitira Udazkeneko Kontzertuak musika zikloa saihestezin bihurtzen dutenak, "ez bakarrik musika klasikoa maite dutenentzat, baizik eta baita mundu horretan sartu nahi dutenentzat ere".
  Kultura 2003-11-17 23:54

Jazzaldian joko duten taldeak aukeratzeko lehiaketan izena emateko epea zabalik dago

Erabiltzailearen aurpegia Ukberri Getxoko 2004ko Europar Jazzaldian parte hartuko duten taldeak erabakitzeko lehiaketan izena emateko epea zabalik dago jada. Otsailaren 21ean amaituko da, eta ezinbestekoa da taldearen CD edo zinta bat aurkeztea, baita argazki bat ere. Ekainaren 30etik uztailaren 4ra arte ospatuko den Jazzaldiaren XXVIII. ekitaldian parte hartuko dute aukeratutakoek.
  Jendartea 2003-11-17 23:07

'Osasunaren aldeko Hezkuntza' programako ekitaldiak esleitu ditu Udalak

Erabiltzailearen aurpegia Ukberri Urtez urte, Drogomenpekotasunaren Prebentziorako eta Osasunaren aldeko Hezkuntzarako Programaren barruan aurrera eramaten diren ekitaldien artean, bi esleitu ditu Getxoko Udal Gobernuak.

Alde batetik, Eusko Jaurlaritzaren laguntzarekin, 'Irudi Biziak' egitasmoan parte hartu ahal izango dute, berriro, nahi duten institutoek. 4.033 euro jarri dituzte horretarako. 15 eta 18 urte arteko gazteei zuzenduta, drogomenpekotasunaren gaia lantzeko, Getxo Antzokian hainbat pelikula proiektatuko dira.

Era berean, Lehen Hezkuntzako 8 urteko ikasleei 'Baratzean nire lagunekin' lana eskainiko die Bihar antzerki taldeak. Ekimen honen bidez, osasunari lotutako gaiak landuko dira.
  Jendartea 2003-11-17 22:15

Urte betez luzatu dute txakur-zerbitxuaren iharduera

Erabiltzailearen aurpegia Ukberri Getxoko Udalak beste urte betez luzatuko du udal txakur-zerbitzuaren iharduera, horretarako 73.964 euro jarriz. Zerbitzua 2000 urtean sartu zen indarrean, ordura arte udalerrian zeuden txakurtegiak desagertaraziz eta, aldi berean, txakur guztiek identifikazio-txipa eramatea bultzatuz. Kalean utzitako txakurrak eta beste animali batzuk ere jasotzeaz gain, aterpea daukate Sopelan.
  Iritzia 2003-11-15 22:42

Dirua emateko orduan, ez dute berdin jokatzen kirol talde guztiekin erakundeek

Erabiltzailearen aurpegia Ukberri Inaxio Etxebarria 'Guzurti'

Futbolekoak edo saskibaloikoak ez diren klubei oso zaila egiten zaie udalek, Bizkaiko Foru Aldundiak eta Eusko Jaurlaritzak ematen dituen dirulaguntzak eskuratzea, itxaroroten egon behar direlako talde handiek euren dirulaguntzak jaso arte. Hau dela eta, beste irtenbide batzuk bilatu behar izaten dituzte urteroko ekintzak antolatzeko. Arrazoi honengatik, asko sufritzen dute talde horiek euren urteko ekintza garrantzitsuenak ospatu ahal izateko. Batzuetan, ez dutenez lortzen, desagertzen doaz talde horietako batzuk, edo beste talde ahaltsuagoekin batzen dira. Hau guztiagatik, berdin jokatu beharko lukete talde guztiekin, handi nahiz txiki, erakunde publikoek, denek aukera berdinak izan ditzaten.
  Iritzia 2003-11-15 04:32

Paperezko herria - Iñigo Fernandez de Martikorena / EHEko kidea

Erabiltzailearen aurpegia Ukberri Azaroan gaude eta, Prestigeren urteurrena pasatuta, jendea konturatzen hasi da –kostatu zaie, eh, Sellan?–: hondartzez aparte bada zer edo zer itsasoaren ertzean, harriak eta kostaldea txipiroi saltsa artean esnatzen baitira egunero.
Bestalde, gazteenak –aupa, Aiala– gaueko kontzerturako prestatzen ari dira. Hogei bat euroren truk autobusa hartu eta Alegira, kristoren kontzertua ikus-entzutera. Lehenago, bai, betiko txapa politikoa baina, hain zuzen ere, kontzertua baino lehen litroak nahastu behar direnez… zertarako galdu denbora!
  Kultura 2003-11-14 22:56

Dena prest 'Baserritik Plazara' azokarako

Erabiltzailearen aurpegia Ukberri Larunbatean eta igandean, baserriko produkturik onenak eta nekazari eta abeltzainen bizimoduaren nondik norakoak ikusteko aukera izango dute Algortara etortzen diren guztiek. Orotara, 18 mila metro koadroko eremua prestatu dute 'Baserritik Plazara' azokarako. Izan ere, San Nikolas, Bihotz Alai, Getxo Antzokia eta Geltokiko Plazak eta Juan Bautista kalea hartuko ditu ekitaldiak. Gainera, gaien araberako sei guneetan banatu dute 'Baserri Plazara': fruta, artisautza eta makineria, herri-kirolak, haurrentzako animazioa, abereak eta barazkiak egongo dira, besteak beste. Egitaraua ere apartekoa da, hainbat jarduera eta erakustaldi egongo dira guztion gozamenerako.

Beste alde batetik, kamisetak, sudaderak eta bestelakoak saltzeko postua jarriko dute Ibilaldia 2004ko antolatzaileek. 'Elkarregaz heldu' lelopean Leioa eta Sopelan egingo da Bizkaiko ikastolen jaia.

Egitaraua

Merkatua ezarriko den gunea

Zirkulazio murrizketak
  Jendartea 2003-11-14 21:08

Arrakalak direla eta, Santa Eugeniako kultur aretoa itxi dute

Erabiltzailearen aurpegia Ukberri Santa Eugeniako eskola zaharraren eraikinean Getxoko Kultur Etxeak dituen aretoak eta bertan dagoen Hiritarrei Arreta egiteko Bulegoa (HAB) itxi egin dituzte aldi batez, alboan lurpeko aparkalekua egiteko lanen eraginez arrakalak agertu direlako. Azterketa egin ostean, eraikinaren egiturak ez duela arriskurik aipatu dute udal teknikariek. "Arrakalak txikiak dira, milimetroko bateko zabalera baino ez dute. Gainera, zimenduek ez dute kalterik izan", azaldu dute. Hala ere, bertan eskaintzen ziren zerbitzuak behar bezala emateko "ez dira egokiak" eta beste leku baten bila hasi dira. Datozen egunetan emango dute horren berri.
  Jendartea 2003-11-14 20:14

Lexarreta zubia egokitzeko lanak egingo dituzte

Erabiltzailearen aurpegia Ukberri Gobela Ibaia bideratzeko eta zabalago egiteko ekimenaren barruan, Lexarreta zubia egokitzeko proiektua onartu du gaur Getxoko Udalak. Makaletako etorbidea eta Larrañazubi kalearen artean dago aipatutako bidea eta, gaur egun, estua izateaz gain, oso egoera txarrean dago. Egitasmoa egiteko 476.295 euro inbertituko dituzte. Baina, aurrekontu berrietan horretarako diru kopurua noiz jasotzen den itxaron beharko da egitasmoa aurrera eramateko.
  Kultura 2003-11-14 19:03

Komertzioek erabil ditzaten, euskarazko agiri-ereduak banatuko ditu Udalak

Erabiltzailearen aurpegia Ukberri Fakturak, emate eta abonu-agiriak, eta loteria txartelak elebidun zein euskara hutsez banatuko ditu, laster, Getxoko Udalak, udal gobernuak berak bultzatzen duen euskararen normalizaziorako politikan parte hartzen ari diren komertzioen artean. Agiri hauek banatzeko 10.040 euro inbertituko ditu, guztira. Euskara Planaren barruan, dendetan euskararen erabilera sustatzeko aurrera eramaten ari den ekitntzen artean kokatzen da oraingo egitasmoa.
  Jendartea 2003-11-14 18:20

Gizon bat atxilotu zuten asteartean Areetan, ustez, droga saltzeagatik

Erabiltzailearen aurpegia Ukberri Getxoko Udaleko iturriek jakitera eman dutenez, R.H.H. 42 urteko gizona atxilotu zuen joan den asteartean Udaltzaingoak, ustez, Areetako taberna batean bezero bati droga saltzen ari zitzaiola. Atxiloketa unean, kokaina 25 dosi atzeman zizkioten eta, ondoren, bere etxean egindako miaketan, beste kokaina 40 dosi eta hatxisa aurkitu zituzten. Baita osagai hauek pisatzeko balantza eta dirua ere. Jadanik epailearen aurrera eraman dute gizona.
  Politika 2003-11-14 13:49

Espetxeko funtzionarioek Kepa Saratxaga jipoitu zuten joan zen asteazkenean.

Erabiltzailearen aurpegia Ukberri Kepa Saratxaga Algortako preso politikoaren abokatua Soto del Real espetxera joan zen azaroaren 12an arratsaldeko 17:00etan berarekin egotera. Bisitan Kepak kontatu zion egun horretan bertan goizean jasotako jipoia eta geroko egoera. Bisitatik irten ondoren abokatuak salaketa jarri zuen El Colmenar-eko epaitegian.
  Iritzia 2003-11-14 00:47

Ni bolondres? Ez, eskerrik asko - Nahikari Ayo / Bertsolaritza irakaslea

Erabiltzailearen aurpegia Ukberri Askok dakite saltsa askotako perrexila naizela. Zerrenda luzea bota eta gero beti geratzen dira harrituta gauza berarekin: "Umeen monitora zara? Zu burutik sano zaude?" Oso sano nago, bai, eta ez naiz damutzen egiten dudanerakin.

Orain dela urtebete Algortatik buelta bat ematen nengoela, kartel bat ikusi nuen esanez begiraleak behar zirela Algortako Scout Taldean. Ez nuen birritan pentsatu eta eurengana jo nuen. Oso ondo hartu ninduten eta gaur egun han dihardut lanean oso gustora.
  Jendartea 2003-11-13 21:04

Hirugarren Munduaren garapenerako 313 mila euro baino gehiago emango ditu Udalak

Erabiltzailearen aurpegia Ukberri Elkartasun esparru ezberdinetan lanean diharduten 21 gobernuz kanpoko erakunderi 313.413 euro ematea erabaki du Getxoko Udalak, euren egitasmoak garatu ahal izateko. Horrela, Hirugarren Munduaren garapenari lagundu nahi dio udal gobernuak. Imanol Landa Presidentzia arloko ardura daukan zinegotziak adierazi duenez, proiektuen jarraikortasuna eta getxotarrek horietan zein neurritaraino parte hartzen duten izan dira, egitasmo bat edo besteari dirulaguntza emateko irizpideak. Izan ere, 51 eskaera aurkeztu dira, guztira, aurten. Iaz baino 12 gehiago.
  Iritzia 2003-11-13 00:08

Gure etxe ondoko artea - Josu Landeta / irakaslea

Erabiltzailearen aurpegia Ukberri Getxoko Torrebarria aldea ezagutzen duenak, han bide bazterrean dagoen arte bat ezagutuko du, bere inguru osoan itzal fresko eta hezea ematen duena. Bide bazterrean halako oreka ziurgabe batean dago, egun batetik bestera zuhaitza jaustera eraman lezakeen oreka ziurgabea.
  Politika 2003-11-12 23:26

Elkarrizketa "oztopaezina" dela adierazi du Elkarrik

Erabiltzailearen aurpegia Ukberri Gorka Espiauk jakinarazi duenez, Ibarretxe planaren eztabaida prozesuaren azterketa egin du Elkarrik. Ondorio nagusi bezala, elkarrizketa "oztopaezina" adierazi du. Horretaz gain, Legebiltzarrean eta Nafarroako Gobernuaren testuinguruan, alderdi guztiak batuko lituzkeen bi foro eratzeko asmoa iragarri dute. Beste alde batetik, Europako Eskualdeen Batzarrak Europako Konstituzio proiektuaren inguruan onartu duen deklarazioa eta Jaurlaritzaren estatutu berri proposamena bat datozela adierazi du gaur Ibarretxek.

Nabarmenak

Zorion agurrak