Jendartea 2003-11-12 22:10

Erromon bide-sarearen berrantolaketa egingo du Udalak

Erabiltzailearen aurpegia Ukberri Udalerriko Irisgarritasun Planaren barruan, Erromoko hiru bidegurutzetan bide-sarearen berrantolaketa egitea aurrikusi du Getxoko Udalak. Guztira, 301.000 euro inbertituko ditu lan horretan. Besteak beste, Gorbea eta Kresaltxu kaleen arteko bidegurutzean, oinezkoentzako hiru bide jarriko dituzte eta kotxeentzako zein oinezkoentzako galtzada ere bai. Horretaz gain, espaloiak handiagoak egingo dituzte.

Gorbea, Serantes eta Zubieta kaleen arteko bidegurutzean, berriz, kotxeentzako espazioa txikiagotuko dute, eta espaloiak beherago jarriko dituzte. Azkenik, Serantes eta Errekagane artean, oinezkoentzako bideak jarri eta espaloiak handiago egingo dituzte.
  Politika 2003-11-12 21:48

Lurralde Planari aurkeztuko zaizkion alegazioak aztertzeko batza eskatu du PPk

Erabiltzailearen aurpegia Ukberri Bizkaiko Foru Aldundiak aurkeztutako Lurralde Planaren aurrean udalak egingo dituen alegazioak aztertzeko, ez-ohiko udalbatzarra egitea eskatu du Getxoko PPk. Marisa Arrue popularren bozeramaleak adierazi zuenez, "beharrezkoa da ahal den adostasun mailarik handiena lortzea, Lurralde Planaren aurrean udalak aurkeztuko dituen alegazioak aztertu eta onartzeko orduan".
  Jendartea 2003-11-12 21:02

Barrikako ur-zikinak hartzeko saneamendu sarea egingo dute

Erabiltzailearen aurpegia Ukberri Bizkaiko Foru Aldundiko Ingurumen Sailak lehiaketa deitu du Barrikako oinarrizko saneamendu-sareko lanak emateko. Guztira, 2.330.387,83 euroko aurrekontua dauka egitasmo honek, eta urte baten buruan amaituta egon beharko da. Horrela, aurrerantzean ez dira itsasora joango Barrikako ur zikinak.
  Jendartea 2003-11-12 20:07

Dirulaguntzak jasoko dituzte Getxoko hainbat ikastetxek

Erabiltzailearen aurpegia Ukberri Getxoko Udalak 13.821 euro banatuko ditu udalerriko hainbat ikastetxeren artean, eskolaz kanpoko ekintzetarako, liburutegiak egokitzeko, eskulanetarako eta kirol materiala erosteko. Besteak beste, Geroa eta Gobela ikastolak; San Inazio, Romo, Zubilleta, Larrañazubi, Andra Mari ikastetxeak, eta Helduen Hekuntza Iraurkorrerako Zentroa dira dirulaguntzak jasoko dituztenak.
  Jendartea 2003-11-11 18:23

Azaroaren 15 eta 23a bitartean ospatuko dira 'Getxotik Mundura' jardunaldiak

Erabiltzailearen aurpegia Ukberri Azaroaren 15etik 23a arte udalerrian egingo den Getxotik Mundura ekimena aurkeztu zuten atzo Iñaki Zarraoa alkateak eta Imanol Landa Udal Presidentzia Arloko arduradunak. Besteak beste, Getxoko Udalak, Mugarik Gabek eta BBK-k antolatutako topaguneen seigarren edizio honetan, Garapenerako Gobernuz Kanpoko Erakundeen (GGKE) eta herritarren arteko hartu emanak bultzatu nahi dituzte.

Partaidetza, elkarrizketa, aniztasuna eta trukea sustatzea helburua izanik, "herritarron sentsibilizatze maila areagotzea lortu nahi da", Imanol Landak ekimena aurkezterakoan adierazi zuenez.

Bederatzi egunetan zehar, erakusketak, azokak, pelikulak eta ikastaroak elkartasunarekin lotutako kontzientzia eta sentsibilitatea sustatzeko bitartekoa izango dira.
  Kultura 2003-11-11 18:23

Amaia Arregi sopranoak emango die hasiera, ostiralean, Udazkeneko Kontzertuei

Erabiltzailearen aurpegia Ukberri Azaroaren 14tik 21era, musika klasikoa izango da Getxoko kultur panoramaren protagonista, Udazkeneko XVIII. edizioa ospatuko baita. Orain arteko edizio guztietan, nazioarteko musikaririk ospetsuenak ekartzeagatik nabarmendu dira ihardunaldi hauek; baita proiekzio handiko artista gazteak ekartzeagatik ere. Aurtengoan ere egitarau aparta prestatu dute, Areetako Andres Isasi Musika Eskolan eta Algortako Redentor elizan.

Hilaren 14ko aurkezpen-kontzertua Amaia Arregui soprano bilbotar gaztearen eskutik etorriko da, eta Gayane Sharluyan piano-jotzailea izango du lagun. Hilaren 18an, Maite Arruabarrena sopranoak eta Luis Dámaso tenoreak osatutako ahots-bikotearen emanaldia egongo da, Pedro José Rodríguez piano jolea lagun dutela.

Hurrengo egunean Euskadiko Orkestra Sinfonikoa igoko da agertokira; Heinrich Schiff izango dute gidari, eta Carmen Fuggiss soprano ospetsuak ere parte hartuko du. Hilaren 20an Alia Música taldearen emanaldia egongo da, Erdi Aroko musika judu-espainiarrean espezializatutako taldea. Asiako talderik ospetsuenetako batek itxiko du kontzertuen zikloa, Txinako Ganbera Orkestra Gazteak, hain zuzen ere.
  Jendartea 2003-11-11 18:22

Hainbat errepide moztuko dituzte 'Baserritik Plazara' azokarako

Erabiltzailearen aurpegia Ukberri Asteburu honetan ospatuko den Baserritik Pazara Nekazal Azoka dela eta, udalerrian zirkulazio murrizketak egitea aurrikusi du Getxoko Udalak. Azaroaren 14a eta 16a artean, Algortako hainbat errepide moztuko dira, ostiralean abertzainen kamioiak sartu ahakl izateko eta azoka bera egin ahal izateko. Izan ere, San Nikolas, Bihotz Alai, Getxo Antzokia eta Geltokiko Plazak eta Juan Bautista Zabala kalea hartuko ditu, asteburuko egun bietan, ekitaldi honek.
  Ekonomia 2003-11-10 20:34

Bi lagun zauritu dira Sopuertan eta Gallartan gertatutako lan istripuetan

Erabiltzailearen aurpegia Ukberri Sopuertan, R.M.V. izeneko 22 urteko gallartarrak esku batean ebakiak egin ditu eta Gurutzetako ospitalera eraman behar izan dute. Barakaldoko obra batzutan, berriz, J.U.G. izeneko santurtziarra, bi metrotako altueratik erori da eraikin lanetan ari zela eta erietxera eraman behar izan dute.

  Jendartea 2003-11-10 20:26

Espainiako Gobernuak Prestigek kutsatutako kostaldea babesteko neurririk ez duela hartu salatu du Greenpeacek.

Erabiltzailearen aurpegia Ukberri Greenpeace-k gaur goizean satatu duenez, Espainiar Gobernuak ez ditu behar bezalako neurriak hartu, Prestigen hondoratzeak eragindako ezbeharra eragozteko. Talde ekologistaren ustez, beharrezkoa da "ahal den lasterren" neurriak hartzea galipotak kutsaturiko kostalde 2.600 kilometroak berreskuratu ahal izateko. Horrela adierazi dute Prestigen hondamendiaren urteurrena dela eta gaur goizean egindako prentsaurrekoan.

Marea beltzak eragindako kalteen ikerketa zehatza egitea beharrezkoa da Greenpeace-ko kideen ustez, "hain baliotsuak diren kostalde eremuen berreskurapena" ahalbidetzeko.
  Politika 2003-11-10 19:11

ADN frogak egingo dizkiote Dumont sendiaren hilobian lurperatutako gorpuari, Popo Larrerenak diren jakiteko

Erabiltzailearen aurpegia Ukberri Orain dela 20 urtetik, Dumont familiaren hilobian lurperatuta dagoen gorpuari ADN frogak egiteko agindu du Bordeleko epaitegi batek, Popo Larre Iparretarrak (IK) taldeko kidearena den ala ez jakiteko. Larre desagertu zen garai berean, itota hil zen Pascal Dumont. Ordutik hona, hilobian dagoen gorpua IK-ko kidearena izan zitekeenaren zalantza eduki dute haien sendiek. Hala ere, Dumonten amak ez du uste kasua erabat argituko denik.
  Politika 2003-11-10 17:57

Alegiako Ikasle Egunerako autobusak jarri ditu Uribe Kostako IAk

Erabiltzailearen aurpegia Ukberri Azaroaren 15ean, 15 urte oraina irauliz!! 15 urte geroa eraikiz!! leloarekin, Alegian ospatuko den Ikasle Egunera joateko autobusak jarri ditu Uribe Kostako eskualdeko Ikasle Abertzaleak taldeak. Leioako Kurkudi eta Algortako Gorrondatze tabernetan eman ahal izango da izena. Orotara, 20 euro izango dira, autobusa eta sarrera barne.
  Kultura 2003-11-10 17:19

'Anboto Irratia' jarri dute abian Durangaldean

Erabiltzailearen aurpegia Ukberri Durangaldeak irrati euskalduna dauka gaurtik aurrera, dialaren 107.1ean aurki dezake nahi duenak. Anboto Irratiak euskara hutsean emitituko du, egunero 24 orduz. Hasteko, egunean bi ordu egingo ditu zuzenean, goizeko 11:00etatik 13:00etara. Ondoren, lotura egingo du Euskadi Irratiarekin, eguerdiko albisteak emateko. Eta gainerakoan, musika eta grabaturiko emanaldiak emango ditu. Gainera, Durangaldeko herri gehienetan entzungo da: Abadiño, Atxondo, Berriz, Durango, Elorrio, Ermua, Garai, Iurreta, Izurtza, Otxandio eta Zaldibarren. Durangaldeko Herri Komunikabideen elkarteak kudeatu eta Elorrion izango du egoitza.
  Jendartea 2003-11-10 16:20

17 urte eta erdiko espetxe zigorra jarri diote Getxon emazte ohia hil zuen gizonari

Erabiltzailearen aurpegia Ukberri 2001eko otsailean bere emazte ohia hil izanagatik, 17 urte eta sei hilabeteko espetxe zigorra ezarri dio Bizkaiko Auzitegi Probintzialak Rufino Jimenezi. Zinpeko epaimahaiak duela hamar egun emandako epaiaren arabera, hilketa delituaren errudun da Jimenez, "nahita eta basakeriaz hil zuen andrazkoa". Erabaki horretan oinarrituta, espetxe zigorraren zenbatekoa erabaki du Bizkaiko Auzitegi Nagusiak.
  Iritzia 2003-11-09 21:09

'Lea-Artibaiko Hitza', zorionak! - Kepa Ugarte / UKBERRIko koordinatzailea

Erabiltzailearen aurpegia Ukberri Igandean, Berria eskuetan zabaldu, eta hara non hartu nuen eguneko pozik handiena, albisteei lehendabiziko begiradatxoa ematearekin batera. Izan ere, zorionekoak dira Lea-Artibaiko euskaldunak; eta baita euskaltzale guztiak ere. Astelehen honetatik aurrera, berriro ere, egunez egun informazioa euskaraz jasotzeko aukera edukiko dute eskualde horretako biztanleek. Dena den, Lea-Artibaiko Hitza ez da izan, herri informazioa lantzeko asmoz, Bertako Hedabideak enpresak (Euskarazko Komunikazio Taldea, EKT) emandako lehenengo pausoa. 2001eko abenduan Gipuzkoako Tolosaldean hasi, gero Oarsoaldera zabaldu, eta azkenik, Bizkaian barrena abiatu da egitasmoa. Duda barik, ez dira, ez, alferrekoak izan euskaltzaleok egindako ahaleginak. Euskaldunon Egunkariaren aurkako erasoaren aurrean, ozen entzun zen guztion arrenkura; eta azkenaldian, Euskal Herriak eta euskarak jasaten ari diren erasoen aurrean ere ez gara isilik egon. Gainera, gure hizkuntzaren inguruan indarrak batu beharraren eredu argia da Lea-Artibaiko Hitza. Eskualdeko euskara taldeek eta gizarte eragileek ere buru belarri dabiltza ekimen honetan. Uribe Kostako Hitza ahal den lasterren heltzea espero dugu.
  Iritzia 2003-11-08 22:29

Frantzesa eta gaztelania euskara bezala - Igor Elordui / AEKko kom. arduraduna

Erabiltzailearen aurpegia Ukberri Ezin dut ebitatu Rabanerari Gracita Moralesen antza hartzea “¡señoritoooo!” deiadarka. Egunotan telebista espainiarraren El club de la comedia eta Cine de Barrioren arteko nahaste baten traza hartzen diodan zurrunbilo birtual batean murgilduta bizi naizela ematen dit telebista ikusi, irratia entzun edo egunkaria irakurtzen dudan bakoitzean. Eta Arturo Fernandez, Alfredo Landa eta halako piloa etortzen zaizkit burura albistegi eta egunkarietako orriei so paratzen naizenetan. Kezkatuta nago. Sikiera Basetxea edo Klaudio Landa gogoratuko balidate.. baina ez, beste horiek dira nire erreferenteak antza eta ez dakit norena den errua baina horrela da. Kristo bat eginda daukat burua.
  Politika 2003-11-08 19:56

Nahiz eta Arruek oztopatzeko eskatu, omenaldia egin diote Jose Luis Francori

Erabiltzailearen aurpegia Ukberri Marisa Arrue Getxoko Alderdi Popularreko bozeramaileak Zarraoari oztopatzeko eskatu zion arren, inolako gora beherarik gabe egin diote omenaldia Juan Luis Franco urriaren 27an Navalcarneroko espetxetik atera zen ETAko presoari.

Arratsaldeko ordu batetan hasi den ekitaldian, txapela, makila eta 'askatasuna' sinbolizatzen zuen giltz handi bat oparitu diote Franco algortarrari Askatasunako kideek, San Nikolas plazan 300 lagunetik gora zeudela. Honek, berriz, "atzean utzitako guztiei " dedikatu die omenaldia. Ongi etorriaren ostean, manifestazioa egin dute Algortako kaleetan zehar.
  Iritzia 2003-11-08 11:01

Komunikazioa? - Fredi Paia / bertsolaria

Erabiltzailearen aurpegia Ukberri Komunikabide berri baten jaiotzan zer gai hoberik komunikazioa bera baino? Komunikazioaren gizartean bizi garela diote adituek. Ekonomia berriaren oinarri dira telekomunikazioen munduaren garapen teknologikoak ahalbideratu dituen kostu murrizpen eta negozio berrietarako aukerak. Lurrikara honen epizentroa; internet. Sarearen bidez lan egiteak erosotasun eta efizientzia biderkatu ditu gure eguneroko zereginetan, mundua lehenago zelakoa zen ere gogoratu gura ez dugula. Informazio fluxuen abiadura eta bolumenak ikaragarri egin dute gora, urrun bizi diren lagun eta lankideekin kontaktuan egoteko zein lanari ekiteko benetako baldintzak orain gutxi heldu dira gure eskuetara.
  Politika 2003-11-08 00:27

Bihar amaituko da udal zergen igoerari erreklamazioak aurkezteko epea

Erabiltzailearen aurpegia Ukberri Udal zerga eta tasen igoera dela eta, erreklamazio orriak Getxoko udaleko erregistroan aurkezteko azken eguna bihar izango da. Joan den astetik, jendearen eskura, sinatzeko jarri dituzten orriak biltzen aritu dira Torreneko bulegoan Getxo Bizia plataformako kideak. Zarama bilketa tasaren %30-eko igoera eta beste tasa eta zerga igoeren baliogabetasuna aldarrikatu nahi dute egitasmo honen bidez.
  Jendartea 2003-11-07 15:07

Getxoko Udalak 4.840 euro ordaindu beharko dizkio kalean erori zen gazte bati

Erabiltzailearen aurpegia Ukberri EAEko Auzitegi Nagusiak hartutako erabakiaren arabera, 4.840 euro ordaindu beharko dizkio Getxoko Udalak Algortako Geltokiko Plazan egiten ari ziren obretako ohol batekin ostropozu egin eta erori zen gazte bati.
  Politika 2003-11-06 16:18

Espainiako Udalerrien Federazioan sartuko da Getxo PP, PSE-EE eta EBren botoei esker

Erabiltzailearen aurpegia Ukberri Urriaren 31an egin zen udalbatzarran, PPk aurkeztutako mozioa onartu ostean, Espainiako Udalerri eta Probintzien Federazioan (FEMP) sartuko da Getxoko Udala. Popularrenak ez ezik, PSE-EEko eta EBko kideen aldeko botuak ere jaso zituen proposamenak. EAJk eta EAk, aldiz, ezezko botua eman zuten Eudel udal euskaldunen ordezkari bezala jarduteko "aproposagoa" dela argudiatuz.

Nabarmenak

Zorion agurrak