Kultura 2004-02-28 21:24

Abian dira Emakumeen Aldeko Jardunaldiak

Erabiltzailearen aurpegia Ukberri Hamabosgarren urtez jarraian, Emakumeen Aldeko Jardunaldiak egingo dira Getxon. Artearen alorrean, emakumezkoen ekoizpen artistikoa ezagutzera eman eta, aldi berean, gaur egun bizi diren errealitatea eta arazoak salatzea da egitasmoaren helburua. Hori dela eta, martxoaren 1etik 12ra bitartean, Getxo erakusketa, filme, hitzaldi eta antzerkilanak hartzeko eszenatoki bihurtuko da, eta guztien ardatz nagusia emakumea.
  Kultura 2004-02-27 21:28

Esanak Esan Algortako musika taldeak, kontzertuan larunbatean Txiki Otaegin

Erabiltzailearen aurpegia Ukberri Larunbatean Esanak Esan proiektuaren barruan, Algortako musika talde gazteak egongo dira kontzertuan, entseatzeko lokalak eskatuz eta aldi berean kontzertuak emateko gaztetxe baten alde. Besteak beste, Olokausto, Nun, Autosekuestro eta beste talde batzuk egongo dira 18:00etatik aurrera Txiki Otaegin.
  Politika 2004-02-26 22:33

"Euskal Presoak Euskal Herrira" lelopean elkarretaratzea bihar Algortan

Erabiltzailearen aurpegia Ukberri Ostiralean eta larunbatean taloak daude Amnistia Tabernan, baita tonbola ere

Hilabete guztietako azken ostiralean egiten den bezala, bihar ere, elkarretaratzea egingo dute, "Euskal Presoak Euskal Herrira" aldarrikapenaren inguruan, Algortako Telletxe kalean (metro geltokiaren aurrean). Etxerat elkarteak deituta, 20:00etan izango da kontzentrazioa.
  Politika 2004-02-26 22:33

Jose Antonio Agirre herriko seme izendatzeko proposamena dela eta

Erabiltzailearen aurpegia Ukberri EAJ eta EA alderdiek Jose Antonio Agirre Getxoko Ohorezko Seme izendatzea proposatuko dute otsailaren 27ko (bihar) osoko bilkuran. Eta Ertzaintzak Getxoko seme-alabak basatiki torturatu eta horretaz beste aldera begiratu duten bitartean, Agirrek berak torturari buruz zer zioen gogoratu nahi diegu hemen.

Jose Antonio Agirre eta Lekube: "Ante un solo caso de mal trato infrigido a los detenidos, la ciudadania de un pueblo culto se debiera levantar exigiendo inmediata responsabilidad. Y cuando se repite en cientos de casos, ah! entonces un pueblo que resiste impábido que las declaraciones se "saquen" mediante el tormento y permanece mudo ante la incivilidad, no merece tal nombre, sino el estigma de la esclavitud"
  Kultura 2004-02-26 22:32

Karrika konpartsa sortzera goaz. Animatu eta parte hartu!

Erabiltzailearen aurpegia Ukberri Aupa lagunok, berri pozgarri bat emateko momentuan gaude, Karrika Gazte Konpartsaren sorrera alegia. Karrika Konpartsa Algortako gazteen kultur eta aisialdia jorratzeko asmoz jaiotzera doa.

Algortako gazteek antolatzeko modu asko izan dituzte urteetan zehar: kuadrilla, talde, txoko, skout, lonja, kolektibo... Hauek guztiak aintzat hartuta, eta hauekin elkarbiziz aldi berean, Karrikak guzti hauen elkargune izan nahi du, honela Algortako gazteok bere kultur eta aisialdia antolatzeko kapasak izanik. Eta gazteon artean sortutako inkomunikazio ekiditu, eta gure herrian galdu ditugun eskubideengatik borrokatu.

Horregatik otsailaren 27an, 19:00etan, Txiki Otaegin egingo den asanblada eratzailera Algortako gazteak, taldeak, kuadrilak... gonbidatzen ditugu.

Han espero zaituztegu guztion artean gura duguna eratzeko.

Karrika konpartsa sortzera goaz. Animatu eta parte hartu!

email: karrikakonpartsa@euskalerria.org
  Kultura 2004-02-25 22:36

Bultzada berria eman diote euskararen erabilera sustatzeko GEHI egitasmoari

Erabiltzailearen aurpegia Ukberri Iaz abiatutako “GEHI-Getxo Euskalduntzeko Hitzarmena” izeneko egitasmoaren dinamizatze eta jarraipen lanekin segi dezan, 24.700 euroko dirulaguntza eman dio Bizarra Lepoan Euskera Elkarteari Getxoko Udalak. Programa honek aisialdiko taldetan eta, oro har, Getxoko elkarte sarean euskeraren erabilera sustatzea du helburu.
  Ekonomia 2004-02-25 22:36

Behargintzak 9 beka plazaratu ditu Getxoko langabetuentzat

Erabiltzailearen aurpegia Ukberri Behargintza -Enplegu eta Ekonomia Garapenerako Zentruaren bitartez, enpresetan praktikak egiteko 9 beka emateko deialdia plazaratu du Getxoko Udalak. Europako Gizarte Fondoak, Bizkaiko Foru Aldundiak eta Getxoko Udalak berak finantziatutako "Enplegua Indartzen Plus-ExI Plus" egitasmoaren barruan dago ekimena.
  Jendartea 2004-02-25 22:35

Galeako "Ciudad Jardin" etxaldeko bideen jabetza hartu du Getxoko Udalak

Erabiltzailearen aurpegia Ukberri Gaur goizean Galeako "Ciudad Jardin" izeneko etxalde barruko bideak hartu ditu Getxoko Udalak, horien jabetza bereganatuz. Era berean, bertara sartzea oztopatzen zuen horma txikia lurrera bota dute, etxalde horretarako sarrera zabalik utziz. Ondorengo egunetan, Santa Marina Haitza kalea eta Farorako bide zaharraren arteko bidegurutzea konponduko dute. Izan ere, horma bota ondoren konpontze lanak beharrezkoak dira eta horretarako 22.621 euro inbertituko dituzte. Ekintza honek etxaldera sartzea eta Golferako eta Farorako bidea ere erraztuko ditu.
  Iritzia 2004-02-24 22:58

Legebiltzarra: parlamentua ala kafetegia? - Xabi Paya / bertsolaria

Erabiltzailearen aurpegia Ukberri Ez da izango zuzenena nik halakorik idaztea legebiltzarrari buruz, izan ere, bertan hasi behar baititut karrerako azken praktikak. Hala ere, hortaz jardun nahi nuke, legebiltzarrak teorian zer izan beharko lukeen eta praktikan benetan zer den. Argitu dezadan, beraz, artikulu hau bertsolari moduan sinatuko badut ere, legebiltzarrera egun pasa joateko eskubidea daukan euskal herritar edo pertsona ororen ikuspegitik mintzatuko naizela, bertan, legebiltzarkideen jerga edo argot kasik ulertezina dezifratzea zeregin izango dudan arren.
  Jendartea 2004-02-24 22:49

Gizarte Zerbitzuekin lanean diharduten erakundeek 180.000 euro jasoko dituzte

Erabiltzailearen aurpegia Ukberri Getxoko Udaleko Gizarte Zerbitzu Arloak 180.000 euroko dirulaguntza eman die boluntariotzaren eta drogomenpekotasunen prebentzioaren alorretan diharduten 15 erakunderi, Udal Gobernu Batzordeak elkarte hauekin sinatuak zituen hitzarmenak berresteko hartutako erabakiaren ondorioz.

Irabazi asmorik gabeko udalerriko gizarte erakunde hauei dirulaguntzak emateko, aurten, 258.000 euroko aurrekontua dauka Gizarte Zerbitzu Arloak, hau da, 2002 eta 2003 urteetakoa baino ehuneko 12,5 gehiago (iazko aurrekontua 2002koaren luzapena izanik, bi urte horietan kopuru berbera zuzendu baitzen).
  Kultura 2004-02-24 21:33

Algortako Kultur Etxean bilduko da bihar Iñaki Deunaren Jai Batzordea

Erabiltzailearen aurpegia Ukberri Uztailaren bukaeran eta abuztuaren hasieran Algortan ospatuko diren Iñaki Deunaren Jaiak antolatzeko asmoz, bihar elkartuko da aurten lehendabiziko aldiz, Jai Batzordea. Bertatik adierazi dutenez, nahi duten guztiek daude gonbidatutako jai herrikoi hauen antolaketan parte hartzera. Beraz, animatu!. Algortako Kultur Etxean (Villamonte), 20:00etatik aurrera izango da batzarra.
  Politika 2004-02-24 00:04

"Politika ustela" egitea leporatu die PP eta PSE-EEko zinegotziei Getxoko IU-EBk

Erabiltzailearen aurpegia Ukberri "Probetxua ateratzeko gezurra" esatearekin batera, "politika ustela" egitea eta "terrorismoaren biktimen mina eta sufrimenduaren ikuspegi merkantilista" izatea egotzi die PP eta PSE-EEko zinegotziei Getxoko IU-EBk. Gaur kaleratutako prentsa oharraren bidez, bi alderdiek egindako kritikei erantzun nahi izan die Iñaki Urkiza zinegotziak. Izan ere, presoen familiarrek jasotzen dituzten dirulaguntzen bitartez, "zeharka ETAri laguntzea" leporatu diete Iñaki Zarraoa alkateari eta IU-EBri.
  Politika 2004-02-23 23:23

Presoen senideen dirulaguntzen berri emango du Estatuko Abokatutzan Getxoko PPk

Erabiltzailearen aurpegia Ukberri Udaletxetik herriko presoen familiarrek urtero jasotzen dituzten dirulaguntzen berri emango die Carlos Urquijo EAEn Espainiar Gobernuko ordezkariari eta Estatuko Abokatutzari, Getxoko PPk. Marisa Arrue talde horretako bozeramaleak gaur prentsaurrekoan adierazi duenez, hiru urte dabiltza horrelako laguntzak ematen direla salatzen, “azken finean, ETA finantziatzeko balio duten” ez dakitelako.
  Politika 2004-02-23 23:06

ETAri laguntzea egotzi die Zarraoa eta IU-EBri Getxoko PSE-EEk

Erabiltzailearen aurpegia Ukberri Senideak kartzelan edukitzeak sortzen dizkien gastuak ordaindu ahal izateko, herriko presoen familiarrei ematen zaizkien dirulaguntzen bitartez, "zeharka bada ere, ETAri laguntzea" leporatu die Iñaki Zarraoa alkateari eta IU-EBri, Luis Almansa Getxoko PSE-EEko bozeramaleak.
  Iritzia 2004-02-21 22:42

Lau etxebizitza baino ez!

Erabiltzailearen aurpegia Ukberri Inazio Etxebarria "Guzurti"

Babes ofizialeko etxebizitzak behartsuentzat izan beharko lirateke, eta ez "entxufatuentzat".

Alemanian, esate baterako, aholkulariak dituzte. Eurekin elkarrizketa bat edukitzeaz gain, zenbait agiri aurkeztu behar dizkiezu zozketan sartu ahal izateko.

Euskal Herrian, ordea, ia kasu gehienetan, ez dago horrelako baldintzarik eta "entxufismoz" lortzen dira etxebizitzak maiz. 18 urte baino gehiago eta hemengoa izatearekin nahikoa baita.

Hori dela eta, norentzat izaten dira etxebizitzak, logela bat ere alokatzeko dirurik ez daukatenentzat ala edonorentzat?

Argiago utzi beharko lukete. Getxok zozketatu diren 400 etxebizitzetatik 396 jabea zeukaten zozketa egin aurretik, eta beraz, 4 baino ez ziren zozketa.

Zelako bidegabekeria!
  Kultura 2004-02-20 22:15

Inauterien inguruan iaz hitzemandakoa ez betetzea egotzi die ostalariei Zarraoak

Erabiltzailearen aurpegia Ukberri Artengo Inauteriak otsailaren 20 eta 21ean antolatzeko igaz hartutako konpromizua ez betetzea egotzi die, Algortako Amezti aldeko ostalariei, Iñaki Zarraoa Getxoko alkateak. Eurek egin berri dituzten adierazpenak direla eta, harrituta agertu da, tabernetan beste motatako jairik ospatzea debekatu duela Udalak alegia.
  Politika 2004-02-20 21:40

Getxoko presoen berri Koska Irratian

Erabiltzailearen aurpegia Ukberri Amnistiaren aldeko tonbola dago egun hauetan Sarrikobaso kaleko Amnistia tabernan

Algortako Gazte Asanbladak udalerriko presoen gaineko informazioa ematen du, asteartero, 21:00etatik 22:00etara, Koska Irratian (104,1 FM) emititzen den irratsaioan. Bertan gazte mugimenduari buruzko kontuaz jarduten dira batez ere. Baina horretan ere lekua egiten diote herriko presoen egoerari.
  Jendartea 2004-02-20 21:39

SENER armagintza enpresara martxa egingo da larunbat honetan Algortatik

Erabiltzailearen aurpegia Ukberri Getxo Antimilitarista, Kontzientzi Eragozpen Mugimendua (KEM) eta Kakitzat erakundeek deituta, Areeta auzoko Zugazarte Etorbidean dagoen SENER armagintza enpresara martxa, abiatuko da larunbat honetan 12:00etan, Algortako metroko plazatik. Izan ere, "Eusko Jaurlaritzaren diruaz ekoizten dituen erabilera militarreko produktuekin, munduan ematen diren gerrak bultzatzea" leporatzen diote enpresari talde antimilitaristek. "Heriotza, sufrimendua eta txikizioari esker, irabazi handiak lortzen ditu", Getxo Antimilitaristako kideek adierazi dutenez. Hori dela eta, gastu militarrak "gizarte beharrizanetara" bideratzea eskatzen dute.
  Kultura 2004-02-19 21:13

Ostiralean 2.900 umek eta gaztek parte hartuko dute Getxoko eskola inauterietan

Erabiltzailearen aurpegia Ukberri Kalejira antolatu dute gauean Algortako kultur taldeek

Ostailaren 20an (bihar), goizean goiz, inauterien xarmaz beteko dituzte kaleak Getxoko eskola-umeek. Kolorez beteriko mozorroen bidez, alaitasuna ekartzeko asmoz, 2.900 haur eta gazte inguruk parte hartuko dute, udalerrian zehar antolatu diren bi ibilbideetan. Erromo eta Aretako kalejira 10:15ean abiatuko da; Getxo eta Algortakoa, berriz, 10:30ean. Umeei zuzendutako berbenak eta jaiak egongo dira bi ibilbideen bukaeran.
  Kultura 2004-02-19 14:19

Inauteriak otsailaren azkeneko asteburuan egingo dituzte Algortako ostalariek

Erabiltzailearen aurpegia Ukberri Urtero antolatzen den mozorro lehiaketa otsailaren azkeneko asteburuan egingo dutela iragarri dute Algortako ostalariek. Halaber, asteburu horretan egingo diren ospakizunak baimentzea eta tabernen izteko ordua luzatzea eskatu diote Iñaki Zarraoa alkateari. Nahiz eta Udaletik ezezkoa jaso, mozorro lehiaketa berdin-berdin egingo dute, protesta kutsu batekin. Hori bai, izteko ordua luzatzerik ez badago, nahiz eta jaia ospatu, ordutegi ofiziala errespetatuko dutela ziurtatu dute ostalariek: goizaldeko 1:30ean edo 3:00etan, taberna bakoitzaren kategoriaren arabera.

Nabarmenak

Zorion agurrak