Kultura 2003-12-16 22:15

Ostiralean izango den 'Berria'ren aldeko kontzerturako sarrerak salgai

Erabiltzailearen aurpegia Ukberri Abenduaren 19an, Getxo Antzokian, kantu emonaldi bat antolatu dute 'Berria' egunkariaren aldeko Getxoko herri batzordekoek, eta bertan Biotz Alai abesbatza, Olatz Gorrotxategi sopranoa eta Maitane Abasolo piano-jotzailea izango dira. Ekitaldi hau arratsaldeko 20.00etan izango da, eta sarrerak Getxoko Kultur Etxean (Villamonte), zein TELEKAn daude salgai hilaren 9tik aurrera.
  Politika 2003-12-16 21:58

Iruñearako autobusak jarri dituzte Algortatik

Erabiltzailearen aurpegia Ukberri Euskal Herriak Bere Eskola taldeak hezkuntza sistema propioaren alde abenduaren 20an, larunbatean, Iruñean egingo den manifestaziora joateko, autobusak antolatu dituzte Algortan. Besteak beste, 635 206 825 telefono zenbakira deituz edota Gorrondatxe herriko tabernan eta Gestorasen dago izena emateko aukera. 15:00etan, Villamontetik abiatuko da autobusa.
  Kultura 2003-12-16 18:36

'Esanak Esan!' Algortako musika talde gazteon diska

Erabiltzailearen aurpegia Ukberri Hemen dago jada 'Esanak Esan!', Algortako gazte asanbladak argitaraturiko herriko taldeen diskoa. Arazo eta oztopo ugariren ostean kalean dago. Borrokaz, desadostazunez eta sentimenduz beteriko 19 abesti aurkituko dituzue 'Esanak Esan!' diskoan. Gazteok gazteontzat eginiko diskoa, grabaketatik banaketara arte. Abestiak ere horrelakoak dira: gazteak, errebeldeak, iraultzaileak... gai ezberdinak jorratzen dituzte gazteek, hala nola, okupazioa, inperialismoa, eskubideen urraketa, indar errepresiboak, politikariak, barne sentimenduak, pasibitatea,... oro har sistema usteldu honek gazteongan sortzen dituen arazoak eta kezkak.
  Iritzia 2003-12-15 23:34

Komikizaleok, batu! - Iñigo Fernandez de Martikorena / EHEko kidea

Erabiltzailearen aurpegia Ukberri Norbaitek pentsa dezake goiko titularra Marvel argitaletxe yankiaren 'The Avengers' komiki mitikoaren lelo mitikoagoaren kopia baino ez dela. Hemendik arrazoia eman behar diot egia esango badut: Olariagak 'Berria'ko azken orrialdetik post-Durango sindromeaz aritzen den moduan, ni atal txiki honetaz baliatuko naiz post-Getxo sindromeaz jarduteko.
  Jendartea 2003-12-15 23:33

Emakume baten gorpua aurkitu dute Punta Galeako arroketan

Erabiltzailearen aurpegia Ukberri Emakume baten gorpua atera du Punta Galeako arroketatik, arratsaldeko bostak aldera, Ertzaintzako helikoptero batek. Hildakoak, 25 eta 35 urte bitarteko neska, ez zuen identifikazio agiririk aldean. Hori dela eta, hiritarren laguntza eskatu dute nor den jakin ahal izateko.
  Iritzia 2003-12-13 21:53

Euskal Herriko jendeak gero eta interes handiagoa dauka kulturan

Erabiltzailearen aurpegia Ukberri Inazio Etxebarria 'Guzurti'

Pasa den astean, Durangoko Azoka ospatu zen., abenduaren 4tik 8ra. Lekua handia oso ondo egokitu zuten jende mordoa sar zedin. Soilik bi arazo aurkitu ditut: alde batetik, egun gutxi izan direla. 7 edo 10 egun izan beharko lirateke. Beste alde batetik, stand bat ipini beharko lukete musikariak elkarrizketatzeko, idazleekin egiten duten bezala. Amaitzeko, azoka honetan egiaztatu egin da Euskal Herriko jendeak gero eta gehiago irakurri ez ezik, interes handiagoa ere dutela kulturan.
  Iritzia 2003-12-13 21:53

Erosten dugun guztia irakurtzen dugu? - Nahikari Ayo / Bertsolaritza irakaslea

Erabiltzailearen aurpegia Ukberri Durangoko disko eta liburu azoka berriki amaitu da. Pasa den igandean ateak itxi zituen datorren urterarte. Aurten, inoiz baino jende gehiago ikusi dut, beno, urtero berdina esaten dut, baina euskaltzaleok erruz joaten gara Durangora.

Baina artikulu honen harira joango gara. Erosten dugun guztia irakurtzen dugu? Erderaz esaten den bezala “la pregunta del millón” izaten da urtero. Inoiz baino gehiago saldu omen da aurten, baina zer? Zer egiten dugu horrekin? Nire uste apalean, ezer ere ez. Niri ez dit balio esateak asko erosten dela. Jaun-andreok, irakurri dezagun, izugarrizko plazerra da eta!
  Iritzia 2003-12-12 22:22

Etorkinek ere euskaraz egiten dute - Josu Landeta / irakaslea

Erabiltzailearen aurpegia Ukberri Euskal Herria 2002ko urte hasiera. Neoliberalismoak ezarritako lege ankerrak bultzaturik, munduan beste asko legez Afrikatik familia bat ailegatzen da. Munduan beste asko legez euren herritik kanpo lur arrotz batean sartzen dira: ez dute inor ezagutzen, ez dakite nora jo... Beharrak bultzaturik, apurka-apurka euren herrialdeko jendearekin harremanetan hasi eta zelanbait konponduko dira. Hilabete batzuk pasatu eta, iraila aldean seme-alabak eskolan hasi beharrean aurkitzen dira. Ez dute hemengo hizkuntzarik ezagutzen eta A ereduko ikastetxe bat aukeratzen dute, ez dakigu haiek aukeratuta ala baten batek emandako aholkuengatik. Ikasturtea bukatu, eta umeak gaztelaniaz berba egiteko gai izango dira; euskaraz, ostera, lau berba baino ez dute jakingo.
  Politika 2003-12-12 21:49

Gabonetako argiek tirabira piztu dute Getxoko PP eta Udal Gobernuaren artean

Erabiltzailearen aurpegia Ukberri Marisa Arrue Getxoko PPko bozeramaleak egindako kritikei erantzunez, merkatalguneko gabonetako argiztapena jartzeko, Getxo Enpresa eta Merkataritza elkarteari, aurten "inoiz baino dirulaguntza handiagoa" eman zaiola adierazi dute udal arduradunek. Izan ere, Udal Gobernuak "herriko ekonomiarako eta lanpostuak sortzeko erabakigarria den sektorearekin izugarrizko mespresua eta arreta falta" erakutsi duela adierazi zuen atzo Arruek.
  Politika 2003-12-12 19:55

ETAk hildako hamabost lagun herriko seme kutunak izendatzea eskatuko du PPk

Erabiltzailearen aurpegia Ukberri Getxokoak zirelako edota herrian bertan hil zituztelako, ETA erakunde armatuak erahildako hamabost lagun herriko seme kutunak izendatzeko eskaera aurkeztuko du Getxoko PPk, abenduaren 19an egingo den osoko bilkuran.

José Ramón Morán poliziarekin hasi eta José Mª Lidón epailearekin bukatzen da PPk aurkeztuko duen zerrenda, 1975ean eta 2001ean erahilak, hurrenez hurren.
  Kultura 2003-12-12 18:19

Aztiak antzerki taldeak 'El jardin' azken lana aurkeztuko du Getxo Antzokian

Erabiltzailearen aurpegia Ukberri Aztiak antzerki konpainia basauriarrak bere azken lana aurkeztuko du bihar Getxo Antzokian, 'El jardin' izenburukoa. Getxoko Antzerki Eskolak antolatutako V. Emakume Bideak Zikloaren barruan dago saioa eta 19:00etan hasiko da, sarrera 3 eurokoa delarik.
  Kultura 2003-12-11 21:24

Getxoko II. Komiki Azoka zabalik asteburuan

Erabiltzailearen aurpegia Ukberri Lehenengo edizioan harrera ona izan ondoren, Getxoko Komiki Aretoak ateak irekiko ditu abenduaren 12an, bigarren urtez jarraian. Komikigintzaren arloa orain dela mende bat baino gehiago abian jarri bazen ere, gai horretan interesa duten adin guztietako irakurleak erakarri nahi ditu berriz ere.

Areetako Geltokiko Plazako karpan egongo diren 50 stand-ak ikusteko aukera izango dute bisitariek hiru egunez. Komiki, aldizkari, fanzine, irudigile eta argitaletxeen azken nobedadeak ikusi eta erosi ahal izango dira bertan. Baina komikigintzarekin lotutako produktuak saltzeaz gain, Komikiaren Aretoaren II. Edizioan, ekintza ugari eskainiko dira, eta horiei esker, ezinbesteko hitzordua izango da komikizaleentzat.

Besteak beste, erakusketan, mahainguruak, hitzaldiak, filme proiekzioak eta askoz gauza gehiago egongo dira abenduaren 12tik 14ra, Areetan, 11:00-14:30 eta 17:00-21:00 ordutegietan. Sarrera euro batekoa izango da, eta BBKko Txartel Gorriarekin, bigarren laguna dohainik sartzeko aukera izango du.
  Jendartea 2003-12-11 20:30

Minusbaliatuenganako sentsibilizazio kanpainia abian jarri du Udalak

Erabiltzailearen aurpegia Ukberri Balio-urritasunak dauzkaten getxoztarrenganako sentsibilizazioa bultzatzeko, ‘Ehuneko 100ean eskubideetan berdinak’ kanpainia martxan jarri dute Getxoko Udaleko Gizarte Zerbitzuek. Auzotar guztiak kontzientziatu nahi dituzte, gaixo hauek euren arazoak gainditzen erraztasun handiagoak izan ditzaten.

Besteak beste, buru-urritasunak dauzkaten lagunek egindako 30 mila eskuorri banatuko dituzte etxeetara. Gainera, gaixo hauek gainontzeko herritarrekiko bizi duten ezberdintasun egoeraz ohartarazteko, iman bana oparituko dute eskuorriekin batera.
  Kultura 2003-12-11 19:20

Getxoko toki-izenen liburua argitaratu nahi du Udalak

Erabiltzailearen aurpegia Ukberri Azken hilabeteetan udalerrian eginiko toponimia azterlanaren emaitzak eta informazioa, bi argitalpenetan biltzeko asmoa adierazi du Getxoko Udalak. Besteak beste, 500 liburu eta 1.500 mapa kaleratu nahi dituzte. Elementu arkitektonikoak, ibaiak, baserriak, etxeak, eta udalerriko hainbat gune eta paisaiak aztertu dituzte, jatorrizko toki-izenak berreskuratu nahian, horietako asko, urteak pasa ahala galdute baitzeuden. Informazio guzti hori getxoztar guztiei helaraztea da Gobernu Batzordearen asmoa.
  Kultura 2003-12-11 18:49

Bretainiako ordezkaritza herrian dago euskara sustatzeko egitasmoak ezagutzeko

Erabiltzailearen aurpegia Ukberri Bretainiatik etorritako Conseil Général de Finistère-ko bederatzi ordezkari hartu zituzten atzo arratsaldean, Getxoko udaletxean, Iñaki Zarraoa alkateak, Imanol Landa presidentzia zinegotziak eta Elena Coria euskara zinegotziak. Eusko Jaurlaritzak gonbidatuta etorri dira udalerrira, euskararen erabilera sustatzeko, Getxoko Udalak abian dituen egitasmoak ezagutu eta aztertzeko asmoz. Izan ere, Bretainian ere antzeko egitasmoak martxan jarri nahi dituzte, euren identitatea eta hizkuntza bultzatzeko. Gaur goizean, Imanol Landa eta Elena Coria zinegotziekin eta Joxi Arakama euskara udal teknikariarekin batzartu dira.
  Ekonomia 2003-12-10 23:27

Gutunen banaketa egiteko langile nahikorik ez dagoela salatu dute postariek

Erabiltzailearen aurpegia Ukberri ESK, ELA, LAB eta CGT sindikatuek deituta, Algortako Metroko Plazan egin dute konzentrazioa, gaur goizean, Torrene kaleko posta-bulegoko langileek. Izan ere, Gabonetan lan-uzteak egitera deitu dituzte Bizkaiko postari guztiak, langileen ordezkariek. Ekintza hauen bitartez, euren lan baldintzak ez ezik, herritarrei eskaintzen dieten zerbitzua ere hobetzeko beharrezkoak diren neurriak har ditzaten eskatu nahi diete Posta-Zerbitzuko Bizkaiko Zuzendaritzako arduradunei. Langileen esanetan, "postari nahikorik ez dago, etxe guztietara behar bezalako banaketa egin ahal izateko".

Abenduaren 11 eta 12an ere lan-uzteekin jarraituko duten arren, bihar egingo den lurralde-asanbladan erabakiko da mobilizazioekin jarraitu ala ez. Horretaz gain, eragin dezaketen eragozpenak direla eta, erreklamazioak egiteko bezeroek 900 506 070 doako zenbakira deitzeko aukera dutela gogoratu nahi izan dute.
  Politika 2003-12-10 21:11

Auzotar guztiak EHNA egitera deitu ditu Getxo Biziak

Erabiltzailearen aurpegia Ukberri Bai Euskal Herriari eginiko deiari atxikituz, Euskal Herriko Naziotasun Aitormena (EHNA) tramitatzeko mahaiak jarriko dituzte Getxon, abenduaren 13 eta 14an. Besteak beste, Algortan, Torrene kaleko Getxo Bizia plataformaren egoitzan egongo da agiria egiteko aukera, 11:00etatik 14:00etara. Erromon, berriz, Lope de Vega kaleko kultur etxearen eraikinean jarriko dute mahaia, 12:00etatik 15:00etara. Getxotar guztiei EHNA egiteko deia luzatu diete Getxo Biziako kideek. Uribe Kosta eskualdeko gainontzeko herriei dagokionez, Erandioko Astrabudua auzoko Josu Murueta plazan, Leioako Bulebarrean, Sopelako udaletxe aurrean, Berangon, Lemoizen, Plentzian eta Urdulizen ere EHNA egiteko aukera egongo da. Horretarako, hiru karnet argazki, udaleko errolda agiria eta 15 euro aurkeztu beharko dira.
  Kultura 2003-12-10 17:57

Euskararen jatorria eztabaidagai Getxo Antzokian

Erabiltzailearen aurpegia Ukberri Getxoko Udal Euskara Zerbitzuak antolatutako 'Euskaldunak Europako azken aztarna ote?' izeneko jardunaldiei amaiera emateko, izenburu berbera daukan mahai-ingurua eskainiko dute bihar, 19:00etatik aurrera, Algortako Getxo Antzokian.

Euskararen jatorriaren inguruan, Europan argitaratu diren teoria berriei buruz euren iritzia eman dezaten, hauexek dira gonbidatuak: Mikel Iriondo (Antropologian aditua, EHUko irakaslea), Alfonso Martinez Lizarduikoa (Antropologoa), Xabier Kintana (Hizkuntzalaria eta euskaltzain osoa) eta moderatzaile lanetan, Kepa Altonaga (EHUko Zientzia eta Teknologia Fakultateko irakaslea). Azken hitzaldi honetan, aldi bereko itzulpen sistema ipiniko da euskaratik gaztelaniara.
  Iritzia 2003-12-09 23:38

Bilboko Metroa, bezeroen zerbitzura...bai zera! - Kepa Ugarte / Ukberri

Erabiltzailearen aurpegia Ukberri Metroa badoala ikusi, geltokian arrapaladan sartu eta, hara non, sudurren parean izten zaizkidan ateak. Oraindik ere, ispilutik begira dago gidaria, baina, bagoian sartzeko behar nituen segundo gutxi horiek batek daki non gelditu diren. Hurrengorako zenbat denbora gelditzen den begiratzea besterik ez daukat, baina begiak informazio panelera zuzendu, eta berriro ere, “San Inazioko geltokiko igogailua ez dabil. Barkatu eragozpenak” dion mezu nazkagarri hori. Ni Areetara bidean noa. Gainera, ibiltzeko saioan banago oraindik. Baina San Inaziora doazen aita-amek gorriak ikusi beharko dituzte semearen kotxetxoa geltoki-zulotik atera ahal izateko.
  Kultura 2003-12-09 20:18

Gabon-kanten kontzertua ostiralean Algortako Redentor elizan

Erabiltzailearen aurpegia Ukberri Abenduaren 12an gabon-kanten emanaldia eskainiko da Algortako Redentor Elizan, 20:30etik aurrera. Kontzertua ETBk grabatuko du, gero Gabonetan emateko. Euskal Herriko Musika Eskolen Elkarteko taldeek parte hartuko dute bertan. Gonbidapenekin bakarrik sar daiteke ekitaldira. Gonbidapenik gura izanez gero telefono hauetara deitu beharko da: 94 431 58 59 edo 665 703 167.

Hirugarren aldiz, emanaldia eskainiko dute Getxon, Euskal Herriko Musika Eskolen Elkarteko taldeek. 1999ko abenduan, elkarteko abesbatza izan zen kontzertua eman zuena Musika Hezkuntzarako Nazioarteko Elkarteak Andres Isasi Musika Eskolan antolatutako ekitaldietan. Bigarren aldia, berriz, maiatzaren 17an, Musikaldian.

Nabarmenak

Zorion agurrak