Barikua izango da izena emateko azken eguna Gorlizko jaien hainbat ekimenetan
Gorlizko jaien zenbait jardueratan parte hartu gura duten herritarrek zein lagun-taldeek izena eman beharko dute uztailaren 15a baino lehenago. Berbarako hilaren 23an eta 25an egingo diren herri-bazkarietan, jaien hasierako jaitsieran zein amaierako igoeran eta lehiaketetan (mozorro, play back edo goitibeherena) parte hartzeko izen-ematea aurretik egin beharra dago, kultur etxean. Horretarako ordutegia, hauxe: 09:00-13:30 eta 17:00-19:30. Azken eguna hilaren 15a izango da, barikua.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun