Denok dakigun legez, 2003an itxi zuten "Euskaldunon Egunkaria". Horrez gainera, zuzendaritzako kideak torturatu eta 7 urte beranduago epaitu zituzten, ETAko kideak zirelakoan. Akusatu denak absolbitu zituzten. Dokumental hori ez da, ordea, bidegabekeria horien bilduma; lehenengo euskarazko egunkariaren sorrera pozgarri eta itxaropentsua dauka berbagai.
Plentziako eta Gorlizko Euskara Agenda bateratuaren barruan, eguen honetan, urriak 20, "Gaur irekiko ditu ateak" izenburuko dokumentala emango dute Gorlizko Sertutxena aretoan, 19:00etan; sarrera, doan.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun