Gorlizko Hiri-Antolamendurako Plan Orokorraren (HAPO) aurrerapena ikusgai dago daborduko Sertutxena kultur etxean. Erakusketa datorren urtarrilaren 16ra arte egongo da ikusgai. Txostena idatzi duten Estudio K-ko kideak egongo dira eguenero, 18:00etatik 20:00etara bitartean, herritarrei azalpenak emateko. Horrez gainera, auzokideakaz tailerra egingo dute abenduaren 1ean.
HAPOren Aurrerapenak 5 alternatiba edo proposamen egiten ditu; hala, Sertutxenan aukera horiek guztiak azaltzen dituen kartoi-lumazko 12 kartel ikusi ahal izango dira.
Erakusketak ordutegi berezia izango du, erakusketa-aretoan bestelako jarduerak ere egingo baitituzte. Gainera, Plana jendarteratzeko eta Gorlizko elkarteen eta auzokideen iritziak eta iradokizunak jasotzeko tailerra egingo dute abenduaren 1ean, eguena, 17:00etatik 20:30era arte. Horretan parte hartu gura dutenek aldez aurretik eman beharko dute izena.
Tailerrera joan ezin dutenek ere iradokizunak aurkeztu ahal izango dituzte, helbide elektroniko bidez edota udalerrian zehar kokatutako hainbat buzoien bitartez: udaletxea, Udaltzaingoa, Sertutxenan, Andra Mariko kontsultategia eta kiroldegia.
HAPOaren erakusketaren ordutegia:
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun
