Kultura 2011-03-25 11:32

Euskarazko ipuin kontalaria izango da bihar Gorlizen

Erabiltzailearen aurpegia Ukberri Irrintzi Txotxongilo Taldeak euskarazko istorioak kontatuko dizkie umeei bihar, larunbatarekin, Gorlizko ikastetxean. Hitzordua arratsaldeko 6:30ean jarri dute eta, udal iturriek jakinarazi dutenez, garaiz iristea beharrezkoa da, ateak 18:40ean itxiko baitituzte. Ekimena lau urtetik gorako neska-mutilei zuzenduta dago eta sarrera doakoa izango da. Arduradunen arabera, ipuin kontaketa saio horretan istorio dibertigarriak entzuteko aukera izango dute bertaratzen diren haurrek. Ohartarazi dutenez, haiek ez dute umeengatik erantzukizunik hartuko. Argazkian, ipuin kontalari saio bat Gorlizen / © Gorliz.net.
  Politika 2011-03-23 10:23

Aletxu Zobaran preso gorliztarra oraindik gehiago sakabanatu dute

Erabiltzailearen aurpegia Ukberri Aletxu Zobaran euskal preso politikoa Parisko La Sante espetxetik Lyon Corbas kartzelara eraman dute, Amnistiaren Aldeko Mugimenduak zabaldu duenez. Lyon Gorliztik 992 kilometrotara dago. Hasieran La Santen eta Fresnesen sartu zituzten preso Frantziako Polizia Judizialak martxoaren 11n atxilotutako lau euskal herritarrak, tartean gorliztarra zela. Zobarani ETAren buruzagi militarra izatea leporatzen diote. Orain, baina, Frantziako iparraldeko espetxeetara eraman dituzte, "are gehiago sakabanatuz", errepresioaren kontrako erakundeak salatu duenez. "Aletxu Zobaran eta Urko Labaka Lyon-Corbasera eraman dituzte eta Iban Sanz de Jauregi eta Mikel Oroz berriz Liancourtera. Frantziako Gobernua pixkanaka sakabanaketan sakontzen ari da", adierazi dutenez. Argazkian, hilaren 13an ehun bat lagunek aldarrikatu zuten Plentzian Aletxu Zobaranen askatasuna.
  Politika 2011-03-15 12:37

Aletxu Zobaran eta besteak espetxeratu egin dituzte

Erabiltzailearen aurpegia Ukberri Aletxu Zobaran gorliztarra eta pasa den ostegunean Frantzian atxilotutako beste ustezko etakideak espetxeratu egin dituztela zabaldu du gaur Amnistiaren Aldeko Mugimenduak (AAM). Lau euskal herritarrak atzo eraman zituzten epailearen aurrera, 96 orduko inkomunikazio aldia agortu ostean. Errepresioaren kontrako erakundeak zehaztu duenez, Zobaran eta Iban Saez de Jauregi La Santen sartu dituzte, eta Urko Labaka eta Mikel Oroz, berriz, Fresnesen. Argazkian, joan den igandean ehun bat lagunek aldarrikatu zuten Plentzian Aletxu Zobaranen askatasuna.
  Iritzia 2011-03-11 19:00

AAM: "Frantziar Poliziak burutu dituen atxiloketen aurrean"

Erabiltzailearen aurpegia Ukberri Amnistiaren Aldeko Mugimenduak elkartasuna eta babesa adierazi nahi die atzo Frantziako Poliziak atxilotu zituen lau militante politikoei, baita hauen senide eta lagunei ere. Urteen joan etorrian antzeko Polizia operazioetara ohitzen joan gara. Urteen joan etorrian hamaika aldiz saldu digute ETA erakundea errepresioaren bidez garaitzera doazela. Baina urteen joan etorrian gatazkaren konponbidea bide politikoetatik soilik etorriko dela agerian gelditu da. Euskal Memoria Fundazioa eskainitako datuen arabera 50.000 euskal herritar atxilotuak izan dira arrazoi politikoengatik azken 50 urteotan.
  Politika 2011-03-11 11:46

Atzo Frantzian atxilotuetako bat Aletxu Zobaran gorliztarra dela zabaldu dute

Erabiltzailearen aurpegia Ukberri Frantziako Polizia Judiazalak lau euskal herritar atxilotu zituen atzo gauean Belgikako mugatik gertu, ETAko kideak izatea leporatuta. "Lau atxilotuen artean Aletxu Zobaran Arriola, 'Xarla', ustezko ETAren buruzagi militarra dagoela" zabaldu zuen atzo Europa Press albiste agentzia espainolak. Informazio hori "terrorismoaren aurkako borrokaren iturrietatik" edan du aipatu agentziak. Zobaran Gorlizkoa da, 30 urte ditu eta Urederra komandoan ibili izana leporatzen diote, "2007an Frantziara ihes egin zuen arte". Kazeta.info-k atzo jakinarazi zuenez, atxiloketak Frantziako iparrean jaso ziren, Willencourt herrian (Pas de Palais departamentuan), Belgikako mugatik hurbil. Ipar Euskal Herriko komunikabideak azpimarratu duenez, "Frantziako poliziak ez zituen bart atxilotuen izenak eman" eta ezagutu diren balizko datu bakarrak Espainiako Barne Ministeriotik Europa Press-i emandakoak izan dira. Oraingoz AAM-k ez du inolako daturik egiaztatu. Argazkian, Zobaran / © Guardicivil.org.
  Jendartea 2011-03-02 14:56

Gizon bat atxilotu dute Gorlizen 50 euroko billete faltsuarekin ordaintzen saiatu delakoan

Erabiltzailearen aurpegia Ukberri Ertzaintzak 22 urteko gizonezko bat atxilotu zuen atzo Gorlizen, tokiko udaltzainen laguntzarekin, 50 euroko billete faltsu batekin ordaintzen saiatzea eta beste lau billete izatea egotzita. Eusko Jaurlaritzako Herrizaingo Sailak zabaldutako bertsioaren arabera, atzo, 13:00etan, gizon batek Sopelako gasolindegi batean billete faltsu batekin ordaindu nahi izan zuela jakin zuen Ertzaintzak. Atxilotuak ez zuen lortu billete faltsuarekin ordaintzea, detektatu zutelako, eta legezko erabilerako billete batekin ordaindu zuen, gaineratu dutenez. Ertzaintza, Gorlizeko Udaltzaingoarekin batera, ustezko delitu egilea bilatzen hasi zen; eta geroago, herri horretan bertan aurkitu zuten tokiko poliziek bere autoaren ondoan. Kasuaren ardura hartu zuen Ertzaintzak eta susmagarria atxilotu zuen, dirua faltsutzeko delitua leporatuta. Gasolindegian erabilitako billeteaz gain, 50 euroko beste lau billete kendu omen zizkioten atxilotuari. Argazkian, 50 euroko billetea / cc-by-nc Kaioshin.
  Kultura 2011-02-28 14:39

Asteazkenean hasiko dira inauteriak ospatzen Gorlizen

Erabiltzailearen aurpegia Ukberri Uribe Kostako Mankomunitateko Euskara Zerbitzuaren bitartez, Inauteriak ospatzeko bi ekintza antolatu ditu Gorlizko Udalak. Batetik, asteazken honetan, martxoak 2, Euskal Herriko zein Uribe Kostako aratusteei buruzko hitzaldia eskainiko Fredi Paya bertsolari algortarrak. Saioa 20:00etan izango da, erakustaretoan. Hilaren 8an, berriz, haurrentzako tailerrak eta puzgarriak izango dira Eliz plazan, 17:00etatik 19:00etara. Hala ere, Gorlizen, ekitaldi gehiago izango da inauteriak ospatzeko. Ohiturari eutsiz, larunbat honetan, otsailak 5, euskal inauteri ikuskizuna eskainiko du Aratz Dantza Taldeak, 18:30etik aurrera. Urtero, zanpantzarrek lagundutako kalejira egin eta, ondoren, Eliz plazan erretzen dute Miel Otxin. Horren ondoren txokolatada egingo dute eta Tximeletak fanfarrea ere ibiliko da kalez kale. Argazkian, Gorlizen ere egingo dute ogi txigortu lehiaketa.
  Kultura 2011-02-25 13:36

Euskarazko ipuin kontalaria izango da bihar Gorlizen

Erabiltzailearen aurpegia Ukberri Peio Añorga ipuin-kontalariak euskarazko istorioak kontatuko dizkie umeei bihar, larunbatarekin, Gorlizko ikastetxean. Hitzordua arratsaldeko 6:30ean jarri dute eta, udal iturriek jakinarazi dutenez, garaiz iristea beharrezkoa da, ateak 18:40ean itxiko baitituzte. Ekimena lau urtetik gorako neska-mutilei zuzenduta dago eta sarrera doakoa izango da. Arduradunen arabera, ipuin kontaketa saio horretan istorio dibertigarriak entzuteko aukera izango dute bertaratzen diren haurrek. Ohartarazi dutenez, haiek ez dute umeengatik erantzukizunik hartuko. Argazkian, ipuin kontalari saio bat Gorlizen / © Gorliz.net.
  Kirolak 2011-02-04 14:15

Errioxako Valdezcaray eski estaziora irteera antolatu dute Gorlizen

Erabiltzailearen aurpegia Ukberri Gorlizko Kultur Etxeak Errioxako Valdezcaray eski-estaziora antolatu du irteera, otsailaren 20rako. Joan nahi duten guztiek hilaren 14ra arte izango dute izena emateko aukera. Hamar urtera arteko umeek 32 euro ordaindu beharko dituzte autobusa eta forfaitagatik, baldin eta Gorlizen erroldatuta badaude. Kanpoko neska-mutilek, berriz, 39 eurotan izango dituzte horiek. Helduei dagokienez, 37 eta 45 eurotan, hurrenez hurren. Bitartean, materiala alokatzeagatik 12 euro kobratuko diete guztiei eta bi ordutako ikastaroagatik 11 euro. Toki kopurua mugatua da. Beraz, interesatuta daudenek ahalik eta lasterren joan beharko dute kultur etxera (Krutzeta kalea, 5 / 946 774 000). Argazkia: © Gorliz.net.
  Kirolak 2011-01-17 14:21

Eski ikastaroa eta asteburu pasa antolatu dituzte Gorlizen

Erabiltzailearen aurpegia Ukberri Gorlizko Udalak Aragoiko Formigal herrira antolatu du bidaia otsailaren 4tik 6ra arteko asteburutako. Tokiko iturriek adierazi dutenez, udalerrian erroldatuek zein kanpokoek dute aukera eskiatzeko irteera horretan parte hartzeko. Horretarako, Turismo Bulegoan (Iberrebarri plaza, 4) eman beharko dute izena, urtarrilaren 27a baino lehen. Bidaia 145 euro kostatzen du gorliztarrentzat eta 175 euro gainontzekoentzat. Salneurriaren barruan daude autobus bidaia, Midi apartamentuetan ostatua, larunbatean eta igandean eskiatzeko forfaitak, asegurua, eta larunbateko gosaria eta afaria zein igandeko gosaria. Hala ere, aurretik praktikatzeko aukera emango dute Gorlizen. Urtarrilaren 30ean eski ikastaroa egingo dute Valdezcarayn, Errioxan. Izena emateko (pdf) kultur etxera (Krutzeta kalea, 5 / 946 774 000) jo beharko dute guztiek, hilaren 24a azken eguna dela. "Diru-sarreraren egiaztagiria ekartzen den hurrenkeran emango dira plazak baliozkotzat", tokiko iturriek zehaztu dutenez. Argazkia: © Gorliz.net.
  Kirolak 2010-12-29 11:02

Kirol instalazioak erabiltzeagatik ordaindu egin beharko da Gorlizen

Erabiltzailearen aurpegia Ukberri Otsailean kiroldegiko instalazioak erabiltzeagatik kobratzen hasiko da Gorlizko Udala. Tokiko atletismo pista eta futbol zelaian aritu nahi diren familiek 20 euro ordaindu beharko dituzte urtero, pertsona bakoitzeko. Aipatu zerga instalazioen "ordena eta kontrola ziurtatzeko" modu bat dela dio Emma Calzada alkateak. Duela gutxi, erabilera anitzeko pabilioia inauguratu zuten eta, horrekin batera etorri da aipatu tasa. Eraikin berri horrek kirol eta kultur ikuskizunak hartuko ditu eta ikastaroak egiteko ere erreserbatu ahal izango da. Bitartean, Gorlizko Kirol Elkartekoek instalazio guztiak doan erabili ahal izango dituzte partida eta entrenamendu egunetan. Argazkian, bi gazte palan jolasten / © Portalena Esku Pilota Kirol Elkartea.
  Kirolak 2010-12-23 22:47

Igandean zaldi lasterketa egingo dute Gorlizko hondartzan

Erabiltzailearen aurpegia Ukberri Igande honetan, abenduak 26, urtero egiten den zaldi lasterketaren 15. edizioa hartuko du Gorlizko badiak, 13:00etik aurrera. Urtean zehar Kantauriko kostaldeko hondartzetan egiten diren proben artean, "ospe handia eta erakargarritasun izugarria" lortu du hori, antolatzaileen arabera. Ohi bezala, bi maila jarri dituzte: batean, odol garbiko zaldiak izango dira. Honetan 750, 350 eta 200 euro eta garaikur bana jasoko dute, hurrenez hurren, lehenengo hiru sailkatuek. Bestalde, arraza gurutzatuko zaldien artean, 600, 300 eta 150 euro eta garaikur bana izango dira sariak. Informazio gehiagorako 675 834 001 edo 651 702 239 telefono zenbakira dei daiteke. Argazkia: © Gorliz.net.
  Kultura 2010-12-17 09:35

Euskarazko ipuin kontalaria izango da bihar Gorlizen

Erabiltzailearen aurpegia Ukberri Eñaut Gorbea ipuin-kontalariak euskarazko istorioak kontatuko dizkie umeei bihar, larunbatarekin, Gorlizko ikastetxean. Hitzordua arratsaldeko 6:30ean jarri dute eta, udal iturriek jakinarazi dutenez, garaiz iristea beharrezkoa da, ateak 18:40ean itxiko baitituzte. Ekimena lau urtetik gorako neska-mutilei zuzenduta dago eta sarrera doakoa izango da. Arduradunen arabera, ipuin kontaketa saio horretan istorio dibertigarriak entzuteko aukera izango dute bertaratzen diren haurrek. Ohartarazi dutenez, haiek ez dute umeengatik erantzukizunik hartuko. Argazkian, ipuin kontalari saio bat Gorlizen / © Gorliz.net.
  Kirolak 2010-12-15 13:59

Efren Vazquez eta Herri Torrontegiri harrera egin die Bizkaiko ahaldun nagusiak

Erabiltzailearen aurpegia Ukberri Efren Vazquez 125 zentimetro kubikoko pilotu bilbotarra eta Herri Torrontegi Gorlizko motoziklista ospetsua Bilboko Foru Jauregian hartu ditu, gaur goizean, Jose Luis Bilbao Bizkaiko ahaldun nagusiak. Biak ala biak pozik agertu dira denboraldi honetan lortutako arrakastengatik. Izan ere, podium batzuez gainera, 2010eko kanpainaren sailkapen orokorrean bosgarren postua lortu du Vazquezek Torrontegiren gidaritzapean. Hala bada, eskerrak eman dizkiote Bilbaori, aurten Herri-Efren kirol proiektuan emandako laguntzagatik. Ahaldun nagusiak, bere aldetik, laguntza eskaini die hurrengo denboraldirako, eta eskerrak eman dizkio Errekaldeko kirolariari, parte hartu duen proba guztietan "Bizkaiaren izena irmotasunez eta harrotasunez eraman izanagatik". Azkenik, euskal motoziklismoa nazioarteko elitean jartzeko egin duten ahalegina aintzatetsi du. Argazkian, ezkerretik eskuinera, Patxi Sierra-Sesumaga, Herri Torrontegui, Jose Luis Bilbao eta Efren Vazquez / © Bizkaia.net.
  Kultura 2010-11-30 19:53

Andre Maria Sortzez Garbia ospatuko dute bihar zortzi Gorlizen

Erabiltzailearen aurpegia Ukberri Andre Maria Sortzez Garbiaren eguna ospatzeko asmoz, hainbat ekitaldi prestatu ditu abenduaren 8rako, asteazkena, Gorlizko Udalak. Goizeko hamarretan hasita eta arratsaldeko hiruak arte, jarduera anitz hartuko ditu Eliz plazak. Batetik, Gabonetako azoka egingo dute. Bestetik, karakol txapelketa gastronomikoaren hirugarren edizioa jokatuko dute bertan. Azkenik, txikiek umeen parkea (puzgarriak, surf ohola...) izango dute. Bitartean, 11:30ean egingo dute meza, Lirain abesbatza gorliztarrak lagunduta. Arratsaldean, dantzatzeko aukera ere egongo da: 17:00etatik 20:00etara bitartean, gazteentzako diskoteka izango da pilotalekuan, Xaibor taldearen eskutik. Argazkian, Eliz plazan izango dira ekitaldi guztiak / © Gorliz.net.
  Ekonomia 2010-11-22 16:53

Gorlizko ospitale aurrean elkartuko dira etzi ELA eta LAB

Erabiltzailearen aurpegia Ukberri “Kalitatezko asistentzia, lan baldintza duinak, negoziazioa orain!” lelopean, asteazken honetan, azaroak 24, Gorlizko ospitale aurrean egingo dute kontzentrazioa ELA eta LAB sindikatuetako ordezkariek. Hain zuzen, "hilabete luzez konbokatu gabe egon ostean", Osakidetzako Mahai Sektoriala deituta dagoen egun berean egingo dute elkarretaratzea, eguerdiko hamabietan. Protesta horren bidez, Osakidetzaren "jarrera baztertzailea" salatuko dute, lan erakunde bien hitzetan, osasun publikoan hartzen ari diren neurriei buruz eztabaidatzeko ez dituelako deitzen. Salatu dutenez, "prentsa edota filtrazioen bidez" heltzen dira ELA eta LABen belarrietara aipatu erabakiak. Gainera, sindikatuek adierazi nahi dute "azken hilabeteotan ezagututako erabaki guztiak osasun publikoaren kontrako eraso zuzena" direla. "Osasun sistema publikoak kalitatezko zerbitzua emateko beharrezko dituen giza-baliabide zein baliabide materialak murritzen ari dira etengabe: soldatak, lantaldea, aurrekontua, eta abar", aipatu dutenez. Argazkian, Gorlizko ospitalea / cc-by Javier Mediavilla.
  Kultura 2010-11-22 12:41

Euskarazko film laburren lehiaketa egingo dute larunbatean Gorlizen

Erabiltzailearen aurpegia Ukberri "Di-da batean" lelopean, larunbat honetarako, azaroak 27, film laburren lehiaketa antolatu du Gorlizko Udal Euskara Zerbitzuak. Tokiko iturriek aipatu dutenez, parte hartzeko "16 urte baino gehiago eta 110 urte baino gutxiago izatea beharrezkoa da". Horiek, euren filma euskara hutsean grabatu beharko dute, ekimenaren helburua udalerriko lagunen artean euskara sustatzea baita, Udalak adierazi duenez. Lehiaketa goizeko 10etan hasiko da eta parte-hartzaileek arratsaldeko 6ak arte izango dute film laburra grabatzeko. Irabazleak 200 euroko saria jasoko du, eta bigarrenak 100 eurokoa. Sariak egunean bertan banatuko dituzte Urezarantzeko pabilioian, arratsaldeko zortzietan. Epaimahaia Lander Otaolak, Xabier Mendiak eta Eider Azkorrak osatuko dute. Lehiaketan parte hartzeko izen-emate epea ostiralera arte egongo da zabalik. Argazkian, hainbat gazte grabazioa egiten Ikus-entzunezkoen Rallyaren iazko edizioan / cc-by-nc-sa Topagunea.
  Kultura 2010-11-16 09:32

Euskarazko ipuin kontalaria izango da larunbatean Gorlizen

Erabiltzailearen aurpegia Ukberri Larunbat honetan, hilak 20, euskarazko ipuinak kontatuko dizkiete umeei Gorlizko ikastetxean. Hitzordua arratsaldeko 6:30ean jarri dute eta, udal iturriek jakinarazi dutenez, garaiz iristea beharrezkoa da, ateak 18:40ean itxiko baitituzte. Ekimena 4 urtetik gorako neska-mutilei zuzenduta dago eta sarrera doakoa izango da. Arduradunen arabera, Lur Korta ipuin kontalariaren saio horretan, istorio dibertigarriak entzuteko aukera izango dute bertaratzen diren haurrek. Antolatzaileek aipatu dutenez, haiek ez dute umeen erantzukizunik hartuko. Argazkian, ipuin kontalari saioa Gorlizen / © Gorliz.net.
  Kultura 2010-11-07 19:32

Euskarazko film laburren lehiaketa egingo dute Gorlizen

Erabiltzailearen aurpegia Ukberri Gorlizko Udal Euskara Zerbitzuak film laburren lehiaketa antolatu du azaroaren 27rako. Tokiko iturriek aipatu dutenez, parte hartzeko "16 urte baino gehiago eta 110 urte baino gutxiago izatea beharrezkoa da". Horiek, euren filma euskara hutsean grabatu beharko dute, ekimenaren helburua udalerriko lagunen artean euskara sustatzea baita, Udalak adierazi duenez. Lehiaketa goizeko 10etan hasiko da eta parte-hartzaileek arratsaldeko 6ak arte izango dute film laburra grabatzeko. Irabazleak 200 euroko saria jasoko du, eta bigarrenak 100 eurokoa. Sariak egunean bertan banatuko dituzte Urezarantzeko pabilioian, arratsaldeko zortzietan. Epaimahaia Lander Otaolak, Xabier Mendiak eta Eider Azkorrak osatuko dute. Lehiaketan parte hartzeko izen-emate epea hilaren 26ra arte egongo da zabalik. Argazkian, hainbat gazte grabazioa egiten Ikus-entzunezkoen Rallyaren iazko edizioan / cc-by-nc-sa Topagunea.
  Kultura 2010-10-28 16:52

Ingelesezko ipuin kontalaria izango da larunbatean Gorlizen

Erabiltzailearen aurpegia Ukberri Etzi, larunbatean, ingelesezko ipuinak kontatuko dizkiete umeei Gorlizko ikastetxean. Hitzordua arratsaldeko 6:30ean jarri dute eta, antolatzaileek jakinarazi dutenez, garaiz iristea beharrezkoa da, ateak 18:40ean itxiko baitituzte. Ekimena 4 urtetik gorako umeei zuzenduta dago eta sarrera doakoa izango da. Arduradunen arabera, Cataplina ipuin kontalariaren saio horretan istorio dibertigarri bat entzuteko aukera izango dute bertaratzen direnek. Antolatzaileek esan dutenez, haiek ez dute erantzukizunik hartuko umeengan. Bitartean, gaur ludotekaz ere goza dezakete Gorlizko neska-mutilek arratsaldeko 5etatik 7etara, kultur etxean. Argazkian, ipuin kontalari bat Gorlizen / © Gorliz.net.

Nabarmenak

Zorion agurrak