Kultura  Gorliz 2016-07-12 10:00

Barikua izango da izena emateko azken eguna Gorlizko jaien hainbat ekimenetan

Barikua izango da izena emateko azken eguna Gorlizko jaien hainbat ekimenetan

Gorlizko jaien zenbait jardueratan parte hartu gura duten herritarrek zein lagun-taldeek izena eman beharko dute uztailaren 15a baino lehenago. Berbarako hilaren 23an eta 25an egingo diren herri-bazkarietan, jaien hasierako jaitsieran zein amaierako igoeran eta lehiaketetan (mozorro, play back edo goitibeherena) parte hartzeko izen-ematea aurretik egin beharra dago, kultur etxean. Horretarako ordutegia, hauxe: 09:00-13:30 eta 17:00-19:30. Azken eguna hilaren 15a izango da, barikua.

  Jendartea  Getxo  Gorliz  Sopela 2016-07-11 11:12

Arrantzale bat hil eta suflari bat larri zauritu da eskualdeko uretan

Eusko Jaurlaritzaren Segurtasun Saila aipatuz Europa Press albiste-agentziak zabaldu duenez, 38 urteko gizonezko bilbotar bat hil zen domeka goizaldean Uribe Kostako uretan, itsasora erorita. Antza denez, lagun bategaz arrantzan zebilen Gorlizeko itsasargiaren parean eta goizeko laurak aldera itsaso kolpe batek eraman zuen. Bestalde, atzo, domeka, surflari bat Sopela eta Getxo arteko Barinatxe hondartzako uretatik atera behar izan zuten sorosleek; larrialdi-zerbitzuek suspertze-ariketak egin zizkioten eta larri eraman zuten Gurutzetako ospitalera.

 Berango  Gorliz 2016-07-08 10:00

Trio Piazzolla eta Lirain, Otxandategi, Zura eta BOSen emanaldiak Gorlizko Udako Kontzertuetan

Trio Piazzolla eta Lirain, Otxandategi, Zura eta BOSen emanaldiak Gorlizko Udako Kontzertuetan

Gorlizko Udako Kontzertuak zikloa abiatuko dute zapatuan, hilak 9. Lehenengo egun honetan, Trio Piazzolla taldeak eta Lirain abesbatzak eskainiko dute kantaldia, 20:45etik aurrera, Sortzez Garbia elizan. Uztail amaieran eta abuztu erdialdean izango dira ziklo horretako hurrengo emanaldiak.

  Kultura  Gorliz 2016-07-07 11:00

Umorezko bakarrizketa-saio bat egongo da zapatuan, Gorlizen

Umorezko bakarrizketa-saio bat egongo da zapatuan, Gorlizen

Gorka Aginagaldek eta Gemma Martinezek bakarrizketa-saioa eskainiko dute uztailaren 9an, Gorlizko Eleiz enparantzan.

 Gorliz  Plentzia  Uribe Kosta 2016-07-07 10:00

Euskara Agenda, udan ere bai

Euskara Agenda, udan ere bai

Gorliz eta Plentziako Euskara Agendak ez du etenik izango udaldian. Izan ere, zenbait ekitaldi iragarri dituzte daborduko, uztail eta abuzturako.

  Politika  Gorliz 2016-07-01 16:14

Erabakitzeko eskubidearen aldeko adierazpenagaz bat egin du Gorlizko Udalak

Erabakitzeko eskubidearen aldeko adierazpenagaz bat egin du Gorlizko Udalak

Gorlizko Udalak aho batez onartu zuen atzo, ekainak 30, egindako osoko bilkuran Gure Esku Dago dinamikaren "Adierazpena". Gorliz eta Plentziako "Adierazpena" izeneko dokumentua hainbat herritarrek adostu zuten, eta Gure Esku Dago elkarteak mozio bana aurkeztu zuen udal bietan dokumentua bozka zedin. Lehenago Plentzian ere bozkatu eta onartu zen, baina ez aho batez. Beste alde batetik, Gorlizek eta Plentziak herri galdeketa egiteko data finkatu dute daborduko: 2017ko apirilaren 2a izango da, ADOS Uribe Kostako plataformako gainerako herriek hautatu duten bezala.

 
  Kultura  Gorliz 2016-06-28 10:02

San Pedro Eguna ospatuko dute bihar Gorlizen

San Pedro Eguna ospatuko dute bihar Gorlizen

San Pedro plazak hartuko ditu santuaren egunean haren omenezko ospakizunak, hilaren 29an, eguaztenean. Horretarako, egitarau oparoa antolatu dute, auzotarren eta bertaratzen diren guztien gozamenerako. Hala, arrastiko 19:00etatik aurrera, Gorlizko Aratz dantza-taldeak dantzaldia eskainiko du.

  Kirolak  Gorliz 2016-06-26 10:00

Maddi Aalla: "Nire Mundial bakarra, azkena, izan daiteke"

Iñigo Fernandez de Martikorena

Maddi Aalla: "Nire Mundial bakarra, azkena, izan daiteke"

Maddi Aalla Rotaetxe (Plentzia, 1997) 19 urteko eskubaloi-atezain gorliztarrak Munduko Txapelketa jokatuko du uztail hasieran, Errusian. Urdulizko klubean hazi, eta Barakaldoko Zuazo taldean dabil orain.

  Kultura  Gorliz 2016-06-23 17:05

Folklore Eguna izango da bihar Gorlizen

Folklore Eguna izango da bihar Gorlizen

San Juan suaren inguruan zein gainetik dantza eta salto egin ostean,  eta oraindino gau magikoari kea dariola, folkloreaz gozatzeko aukera egongo da Gorlizen. Izan ere, hilaren 24an, barikuan, Folklore Eguna antolatu dute. Hala, herriko Aratz dantza-taldeak erakustaldia eskainiko du Ibarreta plazan. Ondoren, Gorlizko Musikabi ahots zurien koralak musika-doinuak jarriko ditu, bertaratutako herritar guztien gozamenerako. Emanaldia iluntzeko 22:00etan hasiko dela jakinarazi dute Gorlizko Folklore Egunaren antolatzaileek.

  Jendartea  Gorliz 2016-06-16 17:20

Larrialdi-simulazio bikoitza egingo dute bihar Gorlizko hondartzan

Larrialdi-simulazio bikoitza egingo dute bihar Gorlizko hondartzan

Bizkaiko Foru Aldundiak simulakro bi egingo ditu bihar, barikuan, 11:00etan, Gorlizko hondartzan: ingurumen-larrialdiko simulakro bat eta erreskate-simulakro bat. Unai Gangoiti, Foru Aldundiko Ingurumeneko zuzendaria, bi ariketetara bertaratuko da. Ariketa horiei esker, hondartzetan eta uretan zerbait gertatuz gero abian jarri behar diren baliabideak mobilizatzeko eta koordinatzeko prozedurak probatu ahal izango dira, arduradunek azaldu dutenez.

Gorliz eta Plentzia, erabakitze bidean

  Politika  Gorliz  Plentzia

Gorliz eta Plentzia, erabakitze bidean

Joan den barikuan, hilaren 10ean, jende ugari hurbildu zen Gorlizko Andra Mariko landara, Gure Esku Dagok egindako deialdiari erantzunez. Horren helburua zen argazki jendetsu bat egitea, 2017an herri biek, Gorlizek eta Plentziak, bultzatuko duten herri-galdeketa sustatzeko eta horren alde agertzeko.

  Politika  Gorliz 2016-06-09 10:16

Aletxu Zobaran preso politiko gorliztarrak gose greba utzi du

Aletxu Zobaran preso politiko gorliztarrak gose greba utzi du

Lyon-Corbas-eko (Frantzia) espetxean dagoen Aletxu Zobaran preso politiko gorliztarrak ekainaren 3an hasitako gose greba utzi zuen atzo arrastian. Etxerat elkarteak jakinarazi duenez, borrokaldia eten du Maison Central Valence (Frantzia) kartzelan euskal preso politiko bakarra ez zela izango jakin zuenenean. Izan ere Ibon Goieaskoetexa preso politiko gernikarra atzo eguaztenean Fleurytik Valencera lekualdatu zuten.

  Kirolak  Gorliz  Uribe Kosta 2016-06-08 12:17

Uribe Kostako Berbalagunek piragua irteera egingo dute hilaren 18an

Uribe Kostako Berbalagunek piragua irteera egingo dute hilaren 18an

Uribe Kostako Berbalagunek piragua irteera egingo dute hilaren 18an, zapatuan. Hitzordua goizeko 10:00etan jarri dute, Gorlizko Aterpetxean (Itsasbide 58, Gorliz). Ondoren, itsasoratu eta Kontrabandisten kalara arte egingo dute zeharkaldia. Antolatzaileek jakinarazi dutenez, plaza mugatuak dira; hortaz, interesatuek mezu bat bidali beharko dute lehenbailehen ukberbalagun@gmail.com helbidera norberaren izen-abizenak azalduz, edo deitu telefonoz: 688 899 868. Izena emateko azken eguna hilaren 13a izango da, astelehena.

  Politika  Gorliz 2016-06-03 17:40

Aletxu Zobaran preso gorliztarrak gose greba abiatu du

Aletxu Zobaran Gorlizko preso politikoak gose greba abiatu du. Gertukoek jakinarazi dutenez, gorliztarrak urtarrilean Mont de Marsan (Frantzia) espetxera hurbiltzea eskatu zuen; halere, Maison Central Valence kartzelara bidaliko dutela jakinarazi diote; bertan ez dago euskal preso politikorik. Horren ondorioz, gose greba abiatzeko erabakia hartu du.

  Jendartea  Getxo  Gorliz  Plentzia  Uribe Kosta 2016-06-02 17:21

Sira Antolin eta Dida Marin: "Lotsa! Pena bezain lotsa handia!"

Sira Antolin eta Dida Marin: "Lotsa! Pena bezain lotsa handia!"

Solidarias en acción taldeagaz, bost joan ziren Greziako errefuxiatu kanpamenduetan laguntzera; hemen batutako diruagaz, han erosi zuten bertan benetan behar zutena; sei-zazpi lagun ibili dira hasieratik ekimena antolatzen; horietatik hiru uribekostarrak dira.

  Kirolak  Gorliz 2016-06-02 10:00

Txirrindulariak Gorlizera doaz zapatu honetan

Gorlizko txirrindularitza-eskolen bigarren proba egingo dute zapatu honetan, ekainak 4, Gorlizen bertan. Udalak jakinarazi duenez, oraingo proba lasterketa-modalitatean izango da. 17:00etan hasiko da Itsasbide kalean  lasterketa, eta handik hiru bat ordura, leku berean amaituko da.

  Kirolak  Gorliz 2016-05-27 16:24

Gorlizek ere egingo du udako kirol-campusa

Gorlizek ere egingo du udako kirol-campusa

Gorliz Kirol Elkarteak futbolean eta beste hainbat kiroletan “euskaraz gozatzeko aukera” emango die uda honetan 6 eta 14 urte bitarteko umeei. Klubak jakinarazi duenez, hipika, abentura-txangoak, futbola, piraguismo eta eskaladan murgildu ahal izango dira bertaratuko diren umeak.

  Kultura  Gorliz  Plentzia 2016-05-20 17:22

Lehenengo Berbodromoa antolatu dute Plentzian eta Gorlizen

Martxan ipini berri duten Euskararen Agendaren barruan, l. Berbodromoa egin zuten atzo Plentzian eta Gorlizen. Hona, han ateratako argazki batzuk.

»» Ikusi argazki guztiak (4)

2016-05-11 23:21

Herriaren oraina, iraganari erreparatuz

Erabiltzailearen aurpegia Aitor Garagarza

Hortxe duzue Plentzia eta Gorlizko herritar talde batek Plentzia Telebistarekin batera gure herriaren oraina ezagutzeko iraganari erreparatuz egindako dokumentalen lehenengo atala. Ekimen honetan hainbat pertsonak parte hartzen dugu musu-truk, jendearen laguntza eta ideiak ongi etorriak dira.

  Politika  Berango  Gorliz 2016-05-07 13:00

Gure Esku Dagok ekitaldi bana egingo du bihar Berangon eta Gorlizen

Gure Esku Dagok ekitaldi bana egingo du bihar Berangon eta Gorlizen

"Erabakitzeko eskubidea erein dezagun!" goiburupean, ereiteko ekitaldia egingo du domeka honetan, maiatzak 8, Berangoko Gure Esku Dago taldeak; hitzordua 12:00etan ipini dute, Moreagan. Zuhaitz-haziak antolatzaileek banatuko dituzte. Bestalde, Gorliz eta Plentziako Gure Esku Dago taldeak jaialdia antolatu du. Hitzordua 12:00etan jarri dute, Gorlizko Jubis taberna aurreko plazatxoan; euria bada, Iberren egingo dute. Besteak beste, informazioa banatuko dute, eta musika, dantzak, umeentzako tailerrak eta luncha eskainiko dituzte.

Nabarmenak

Zorion agurrak