Hezkuntza  Leioa 2016-06-16 18:59

Ikasleen erdiak baino gehiagok ez du gainditu Gizarte Zientziei Aplikaturiko Matematiken azterketa

Ikasleen erdiak baino gehiagok ez du gainditu Gizarte Zientziei Aplikaturiko Matematiken azterketa

EHU Euskal Herriko Unibertsitateak jakinarazi duenez, Gizarte Zientziei Aplikaturiko Matematikak irakasgaiaren azterketara aurkeztu diren 2.798 ikasleetatik 1.325ek (%47,32) gainditu dute; "nolabaiteko polemika" bizi izan da unibertsitatera sartzeko probetako azterketa horren harira. EHUk gaineratutakoaren arabera, "ehuneko hori handitu egin daiteke, horrelako probei hain berezko zaizkien balizko errekurtsoak ez baitira oraindik ebatzi".

  Hezkuntza  Getxo 2016-06-14 11:00

Jolastokiak ikasleakaz batera eraldatzeko helburuagaz jardun dute Getxon

Jolastokiak ikasleakaz batera eraldatzeko helburuagaz jardun dute Getxon

Elkartoki programa garatu du ikasturte honetan San Nikolas ikastolak, Ttipi Studio kooperatibagaz batera; ikasleen parte-hartzeagaz jolastokia diseinatu eta aldatu dute.

  Hezkuntza  Leioa 2016-06-09 11:10

Naroa Jauregizuria Lopategi: "Elkarri laguntzeko bideak aztertu beharko genituzke"

Naroa Jauregizuria Lopategi: "Elkarri laguntzeko bideak aztertu beharko genituzke"

Naroa Jauregizuria Lopategi leioaztarrak Euskal Herria markaren gaineko ikastaroa antolatu du, UEU Udako Euskal Unibertsitateagaz batera. Ekainaren 28an, "Euskal Herria markaz eta markagintzaz. Nazio-garapena, berrikuntza eta parte-hartzea oinarri" izeneko sei orduko jardunaldia egingo dute Iruñean, UEUk antolatutako udako ikastaroen barruan. Ekainaren 19ra arte izena eman daiteke.

  Hezkuntza  Leioa 2016-06-08 15:47

Unibertsitatera sartzeko proba egiten dabiltza 9.887 ikasle, EHUn

Unibertsitatera sartzeko proba egiten dabiltza 9.887 ikasle, EHUn

Euskal Autonomia Erkidegoan Batxilergoa aurten bukatu duten 9.887 ikaslek gaur hasi dituzte unibertsitatera sartzeko probak, EHUn; iaz baino % 3,5 gehiagok (9.552 matrikulatu ziren proba egiteko 2015ean). Horietatik 6.808 neska-mutilek euskaraz egingo dituzte azterketak. Batxilergoko ikasleez gainera, goi mailako heziketa ziklo bat egin duten eta fase espezifikora besterik aurkeztuko ez diren beste 723 ikasle (horietatik 315ek euskaraz egingo dute) gehitu behar dira. Lanbide Heziketako 651 ikasle matrikulatu ziren iaz probak egiteko, beraz igoera %11koa izan da.

  Hezkuntza  Leioa 2016-06-06 20:42

Eusko Legebiltzarrean Bizkaia ordezkatuko du bihar Askartza Claretek

Eusko Legebiltzarrean Bizkaia ordezkatuko du bihar Askartza Claretek

Lehen Hezkuntzako 75 ikaslek Eusko Legebiltzarraren batzar aretoko eserlekuak beteko dituzte martitzen honetan, ekainak 7, 12:00etan; Aldeas Infantiles SOS erakundeak urtero antolatzen duen Legebiltzarkide egun batez Haurren Osoko Bilkura parte hartuko dute. Legebiltzarkide txikiak hiru ikastetxe honetakoak izango dira: Askartza Claret (Leioa, Bizkaia) Ramiro de Maeztu (Oion, Araba) eta Maria Reina (Donostia, Gipuzkoa). Ikastetxe bakoitzak 25 ordezkari izango ditu; horrela, hiru lurralde historikoen kopurua mantenduko da.

  Hezkuntza  Urduliz 2016-05-31 15:33

Elortza eskolak aurkeztu du bere hezkuntza-proiektua

Elortza eskolak aurkeztu du bere hezkuntza-proiektua

Parte-hartze handia izan da Urdulizko Elortza eskolan, ikastetxeko hezkuntza-proiektu berria diseinatzeko orduan. Pasa den zapatuan, jaialditxoa izan zuten Haur eta Lehen Hezkuntzako eskolan. D ereduko zentroak urritik martxora osatzen ibili den hezkuntza-proiektua aurkeztu zuen jendaurrean.

  Hezkuntza  Sopela  Uribe Kosta 2016-05-25 16:52

Eskola publikoaren jaira joateko autobusa ipini dute Sopelan

Eskola publikoaren jaira joateko autobusa ipini dute Sopelan

Sopelako Udalak eta Uribe Kostako Mankomunitateko Euskara Zerbitzuak autobus bat antolatu dute ekainaren 5erako, Hendaian ospatuko den Euskal Eskola Publikoaren Jaira bertaratu gura dutenentzat. “Emazu eskua” goiburuaren pean, irudikatu gura izan dute “elkarri eskua eta elkarri euskara emateak duen garrantzia gure hizkuntzaren etorkizunerako”, Sopelako Udalak zabaldu duenez.

  Hezkuntza  Leioa 2016-05-25 14:06

Udako Topaketak Leioan egingo ditu Hik Hasik

Udako Topaketak Leioan egingo ditu Hik Hasik

Hik Hasi hezkuntza-proiektuak Udako Topaketa Pedagogikoen 17. edizioa egingo du aurten. Lehenengo astean, ekainaren 28tik 30era, Leioan izango dira ikastaroak, bertako Irakasle Eskolagaz batera antolatuta, iaz legez. Denera, 25 ikastaro emango dituzte bertan. Izen-ematea hilaren 31n itxiko dute; leku-kopurua mugatua da eta ikastaro horietan izena ematen dutenek lehenengoek izango dute lehentasuna.

  Hezkuntza  Erandio 2016-05-09 14:15

Krakoviako dozena bat ikasle etorri da Erandiora

Krakoviako dozena bat ikasle etorri da Erandiora

Hauspoa proiektuaren eskutik, Erandioko institutuko English Corner tailerreko ikasle-talde bat Poloniara joan zen pasa den urrian, Krakoviara, Lyski institutuko ikasleen etxeetara. Egun hauetan, Krakoviako dozena bat estudiante etorri da Erandiora, bisita bueltatzen. Besteak beste, Erandioko ikasleakaz joan dira Gernikara, Pablo Picassoren "Guernica" koadroren erreprodukzioa ikustera.

  Hezkuntza  Getxo 2016-05-06 10:26

Getxoko Udalak 65.000 euro bideratuko ditu hezkuntza-alorrera

Getxoko Udalak 65.000 euro bideratuko ditu hezkuntza-alorrera

Hezkuntza-alorrean 65.000 euroko diru-laguntza banatuko du 2016an Getxoko Udalak. Hala, deialdia zabaldu du ondoko lerro hauetan sartzen diren jardueretarako eta programetarako: Interes publiko eta sozialeko jarduerak, Getxoko gurasoei zuzenduta; ingurumen-arloko hezkuntza-proiektuak eta -jarduerak, udalerriko ikastetxeetako ikasleentzat; eskolaz kanpoko jarduerak, ikastetxeetako gaitasun handiko ikasleentzat; gela egonkorretan eta Getxoko ikastetxe publikoetako ikasle gorrentzako programetan garatutako jarduerak; eskolaz kanpoko jarduerak, eta jarduera osagarriak. Laguntzok maiatzaren 14ra arte (2. lerroa) eta maiatzaren 30era arte (gainerako lerroak) eska daitezke.

  Hezkuntza  Leioa 2016-05-01 16:51

Elikadura Burujabetzaren Astea egingo dute EHUn

Elikadura Burujabetzaren Astea egingo dute EHUn

Nekazari Borrokaren Nazioarteko Egunari (apirilak 17) segida emateko asmoz, Elikadura Burujabetzaren Astea egingo dute Euskal Herriko Unibertsitateko (EHU) hiru campusetan, Bizilur, EHNE Bizkaia, Etxalde eta EHUk antolatuta. Berez, ekimenak hiru aste iraungo du, campus bakoitzean bana. Hala, Leioako campusaren txanda maiatzaren 2tik 6ra bitartean izango da.

  Hezkuntza  Erandio 2016-04-28 17:00

Lipduba egin du Jado ikastetxeak

Jadotxo izarrak gidatuta, Jado ikastetxeko haur, lehen eta bigarren hezkuntzako ikasleek lipdub berria prestatu dute, eskolako bazter denak erakusteko.

  Hezkuntza  Leioa 2016-04-27 10:52

Leioako campuseko istiluetan identifikatuetako lauri eginbideak irekiko dizkiete

Bost gazte identifikatu zituen atzo Ertzaintzak, Ikasle Abertzaleak taldeak (IA) EHUren Leioako campusean egindako manifestazioan errektoretzara "indarrez sartzea" egotzita. Lauri eginbideak irekiko dizkiete, Berria.eus agerkariak zabaldu duenez. Eurak babesteko eta Poliziaren jarrera salatzeko, elkarretaratzea egin zuen atzo iluntzean Bilbon ikasle mugimenduak; gaur, 11:00etan, manifestazioa egingo du Leioan. Hona hemen Leioatik! proiektu komunikatiboak plazaratutako bideoa.

  Hezkuntza  Leioa 2016-04-26 17:00

Errektoretzara "oldarka" sartu izana egotzi die EHUk ikasleei

Errektoretzara "oldarka" sartu izana egotzi die EHUk ikasleei

Euskal Herriko Unibertsitateko (EHU) agintariek gaurko manifestazioan parte hartu duten ikasleetako batzuei egotzi die errektoretzan "indarrez" sartu izana: "Haurtzaindegiko atetik sartzen saiatu dira. Gero, pertsona horiek ondoko segurtasun atea, kristal bikoitzekoa, mazo batez suntsitu dute; eta bertara joan denean zer gertatzen zen ikustera, zinpeko zaintzaile bat jo dute", Unibertsitateko iturriek diotenez. "Zaintzailea osasun zentro batera eraman behar izan dute", gaineratu dutenez.

  Hezkuntza  Leioa 2016-04-26 16:45

Ertzaintza ikasleen kontra oldartu dela salatu du IAk

Ertzaintza ikasleen kontra oldartu dela salatu du IAk

Leioako campuseko Ikasle Abertzaleak (IA) erakundearen berbetan, "manifestazioa errektoretzan sartzean campuseko segurtasun pribatua ikasleak jipoitzen hasi eta, berehala, campusean sartzeko agindua eman dio UPVk Ertzaintzari". IAk salatu duenez, "Poliziaren jarrera oldarkorra izan da, campuseko ikasleak jipoituz eta inputatuz; zaurituak, gutxienez, 15 dira eta inputatuak bost". Gertaera horien aurrean, gaur, martitzena, kontzentrazioa egingo dute 19:30ean Bilboko Unamuno plazan; eta, bihar, mobilizazioa, 12:50ean, Leioako campuseko Mikel Laboa plazatik.

  Hezkuntza  Leioa 2016-04-26 13:30

Ertzaintzak lau ikasle atxilotu omen ditu Leioako campusean

Ertzaintzak lau ikasle atxilotu omen ditu Leioako campusean

"Ikasleon aurkako erasorik ez!" lelopean protesta egiten zebiltzanen kontra oldartu da Ertzaintza Leioako campusean. Leioatik! proiektu komunikatiboaren arabera, lau lagun atxilotu dituzte. Errektoretzara sartu dira ikasleak, eta Ertzaintzak atera ditu.

  Hezkuntza  Leioa 2016-04-26 12:55

Komunikazioaz eta haurtzaroaz berba egingo dute bihar Leioako campusean

Komunikazioaz eta haurtzaroaz berba egingo dute bihar Leioako campusean

Eguazten honetan, apirilak 27, Komunikazio eta Haurtzaroa I. Jardunaldia egingo dute Leioako campusean; 10:30ean jarri dute hitzordua, liburutegiko areto nagusian. Ekitaldia hori, Save the Children elkarteak eta UNICEFeko Euskal Herriko Batzordeak antolatu dute, Kazetarien Euskal Elkargoagaz eta EHUko Gizarte eta Komunikazio Zientzien Fakultateagaz batera. Sarrera doan izango da, tokia bete arte.

  Hezkuntza  Erandio 2016-04-23 12:00

Altzaga eta Astrabuduko haur-eskolak erakutsiko dituzte datorren astean

Altzaga eta Astrabuduko haur-eskolak erakutsiko dituzte datorren astean

Martitzenean eta eguaztenean, apirilaren 26an eta 27an, jardunaldi irekia egingo dute Astrabuduko eta Altzagako haur-eskolek, hurrenez hurren. Instalazioak, metodologia eta hezitzaileak ezagutu gura dituzten gurasoek, tutoreek eta neska-mutilek horretarako aukera izango dute, Astrabuduan, 15:30etik 17:30era; eta Altzagan, 17:00etatik 19:00etara.

  Hezkuntza  Leioa 2016-04-22 17:15

Bost ikasle atxilotu dituzte Iruñean

Bost ikasle atxilotu dituzte Iruñean

Nafarroan Gobernu espainolak duen Ordezkaritzak berri eman duenez, bost lagun atxilotu ditu Espainiako Poliziak Iruñean; martxoaren 17an hezkuntza sistema propio baten alde bertan egin zen manifestazioaren ondoren izan ziren istiluetan parte hartzea leporatzen diete eta "desordena publikoak" egozten dizkiete. Joan den astean, dinamika berri bati ekin zion Leioako campuseko Ikasle Abertzaleak (IA) taldeak, "Ikasleon aurkako erasorik ez!" goiburupean. Besteak beste, greba-egunean izan ziren identifikazioak eta atxiloketak salatu zituen IAk. Martitzenerako, apirilak 26, manifestazioa deituta daukate; Mikel Laboa plazatik abiatuko da, 11:50ean.

  Hezkuntza  Leioa 2016-04-19 10:55

Leioako campuseko sarrerak itxi dituzte, "bost exigentziak" berresteko

Leioako campuseko sarrerak itxi dituzte, "bost exigentziak" berresteko

Goizean, Leioako fakultateetarako sarbideetan, lurrean eseri eta bidea moztu dute ikasleek. "Ikasleok pasa den astean ohartarazi genuen EHUk gure eskakizunak onartu ezean Leioako campuseko jarduna beranduago hasiko zela hainbat egunetan", adierazi dute Ikasle Abertzaleak (IA) erakundeko kideek.