Pertsona bi ospitaleratu behar izan dituzte sute batean kea arnasteagatik

Getxo

Suhiltzaileek 59 urteko emakume bat erreskatatu dute bart, haren etxebizitzan isiotutako sutetik balkoian errefuxiatu ondoren. Emakumeagaz batera, bere kabuz etxetik irten ahal izan den 61 urteko gizonezko bat Gurutzetako ospitalera eraman dute sutean kea arnasteagatik, Eusko Jaurlaritzako Segurtasun Sailak jakitera eman duenez.

Hondartzen okupazio-maila kontrolatu eta koloreen bidez jakinaraziko zaie erabiltzaleei

Uribe Kosta

Bizkaiko Foru Aldundiak eta hondartza duten herrialdeko udalek horien erabilera-arauak adostu dituzte ekainaren 15ean hasiko den denboraldirako. Pertsonen arteko distantzia errespetatu beharko denez, "ahalik eta herritar gehienek hondartzez gozatzeko" neurriak ezarriko dituzte, besteak beste jende asko pilatzen hasten denean horretaz ohartaraztea, eta pertsona bakoitzak gehienez hiru ordu eman ahal izatea bertan.