Alboko Esklerosi Amiotrofikoa (ELA) duen Jaime Lafita getxoztarrak bere erronka gainditu du DalecandELA elkartearen eskutik: zailtasunik gabe, bederatzi etapa egin ditu bizikletaz Heriotzaren Haranean (AEB) barrena; zehazki, 650 kilometro egin ditu 61 urteko gizonak. Zeharkaldiko bederatzi egun horietan tropelak aurre egin behar izan die 40 eta -3 gradu arteko tenperaturei, haize-bolada urakanatuei eta 2.000 metrotik gorako mendateei.

Gaur, apirilak 19, Zipiriñeko Ikasleen Guraso Elkarteak manifestazioa deitu du eskola berria eraikitzearen alde. 16:30ean elkartuko dira Zipiriñetik udaletxeraino helduko den ibilbidea egiteko. Iragarri dutenez, "sei manifestazioko ziklo baten lehenengoa" izango da gaurkoa: hala, apirileko eta maiatzeko bariku guztietan manifestazioa egingo dute.