Martxoaren 11ko uholdeek kaltetutako Erandioko bizilagunek eta merkatariek osatutako koordinakundeak salatu du "etsita" daudela, eta erakundeetatik erantzunak eta informazioa jaso gabe jarraitzen dutela, Aseguru Partzuergoak espedienteen izapidetzea blokeatuta daukan bitartean.

Domekan, entseatzera joan zirenean, Lamiako Maskaradako kideek auzoko antzokia urez beteta aurkitu zuten. Deitoratu dute ez dela gertatzen den lehen aldia eta eraikin hori Maskaradakoek ez ezik, auzoko beste hainbat elkartek erabiltzen dutenez, gutxieneko baldintza batzuk bermatzeko eskatu diote Leioako Udalari.