Jendartea 2004-03-02 20:59

Getxoko hondartzak garbitzeko, 1,3 milioi euro emango ditu Aldundiak

Erabiltzailearen aurpegia Ukberri Udalerriko hondartzen egokitzapena eta garbiketa koordinatzeko asmoz, Getxoko Udalarekin elkarlanerako hitzarmena sinatzea onartu du gaur Bizkaiko Foru Aldundiko Gobernu Batzordeak. Horren arabera, 1.324.346 euro emango ditu foru erakundeak eta 2007ko abenduaren 31ra arte izango du iraupena. Udalak, berriz, Areeta, Ereaga, Arrigunaga eta Gorrondatxe hondartzak ez-ezik, bertan dauden instalazioak eta zerbitzu publikoak ere garbitzeko konpromisua hartuko du
  Jendartea 2004-03-02 20:58

Arrigunagako skatepark-a berriztatuko dute

Erabiltzailearen aurpegia Ukberri Hondartza aldean ez-ezik Erromoko Santa Eugenia kalean ere kulunkatzekoak ipiniko dituzte

Arrigunagako skatepark-aren erreforma eta urbanizatze proiektua onartu du Getxoko Udalak, 50.940,85 eurotan. Egitasmo honen helburua patinatzeko gunea handitzea da, kirol hau praktikatzeko aukera gehiago emanez. Gaur egun dauden "half-pipe", "pool" eta "bank" egiturak batu eta beste ekipamendu batzuk ere jarriko dituzte, tartean, forma zilindrikoak, eserleku txiki batzuk eta hondartzarako jeitsiera mugatzeko baranda. Modalitate honetarako aldea egokituko dute, lur eremuak hormigoizko gune bilakatuz.
  Jendartea 2004-03-02 20:58

Barrikako ur zikinak Gorlizko araztegira bideratuko dituzte

Erabiltzailearen aurpegia Ukberri Barrikan Oinarrizko Saneamendu-sarea egiteko lanak esleitzea onartu du gaur Bizkaiko Foru Aldundiko Gobernu Batzordeak. Udalerriko ur zikinak Plentziako sarearen bitartez bideratuko dira, Gorlizko araztegira. Horretarako, 840 metroko hormigoizko hodieria eta PVCz egindako beste 1.140 metro tutu jarriko dituzte. Horretaz gain, bi ponpaketa-estazio, euri-urak hartzeko ontziak eta generadoreak ere eraikiko dituzte. Gehien jota, bi milioi eurotan finkatu dute obren kostua. Bukatzeko epea, berriz, hamabi hilabetekoa izango da.
  Jendartea 2004-03-01 22:14

Urtearen amaierarako egon litezke Bidezabaleko arrapala mekanikoak

Erabiltzailearen aurpegia Ukberri Bidezabal kalean arrapala mekanikoak egiteko proiektuaren idazketarako laguntza eta aholkularitza, eta lanen zuzendaritza esleitu ditu Getxoko Udalak, 48.500 eurotan. Kopuru honetatik, 21.500 euro proiektua egiteko dira eta gainontzekoa lanen zuzendaritzarako. Egitasmorako epea hiru hilabetekoa izango da, eta jarraian, lanak aurrera eramateko epea ere beste hiru hilabetekoa izango da. Horrela egitura berri hau urtearen amaierarako bukatuta egotea espero dute.
  Jendartea 2004-02-28 21:24

Lasterketa herrikoia Getxon Sahararen alde

Erabiltzailearen aurpegia Ukberri Bertako biztanleentzako elikagaiak erosteko dirua biltzeko asmoz, Sahararen aldeko I Lasterketa herrikoia ospatuko da, igande honetan (otsailak 29), udalerrian. Horretarako, 3 eurotan jarri dute izen ematea. Getxoko Atletismo Taldearekin batera, Getxo-Sahararen Aldeko "Atfal" Elkarteak antolatu du ekitaldia, besteak beste, Udalaren babesarekin.

Korrikalariak 10:30etan aterako dira Areetako Bizkaiko Zubi paretik eta, Txurrukako moila eta udalerriko itsas pasealeku osoa zeharkatu ondoren, Algortako Portu Zaharrean izango dute helmuga, guztira 4.600 metroko tartea betez.
  Jendartea 2004-02-25 22:35

Galeako "Ciudad Jardin" etxaldeko bideen jabetza hartu du Getxoko Udalak

Erabiltzailearen aurpegia Ukberri Gaur goizean Galeako "Ciudad Jardin" izeneko etxalde barruko bideak hartu ditu Getxoko Udalak, horien jabetza bereganatuz. Era berean, bertara sartzea oztopatzen zuen horma txikia lurrera bota dute, etxalde horretarako sarrera zabalik utziz. Ondorengo egunetan, Santa Marina Haitza kalea eta Farorako bide zaharraren arteko bidegurutzea konponduko dute. Izan ere, horma bota ondoren konpontze lanak beharrezkoak dira eta horretarako 22.621 euro inbertituko dituzte. Ekintza honek etxaldera sartzea eta Golferako eta Farorako bidea ere erraztuko ditu.
  Jendartea 2004-02-25 22:13

Lau gazte atxilotu dituzte Leioan autokarabana batetan lapurtzeagatik

Erabiltzailearen aurpegia Ukberri Lau adin txikiko atxilotuak izan ziren herenegun Leioan, ustez, autokarabana baten barruan lapurtzen saiatzeagatik. Ertzaintzak jakitera eman dunez, atzeman zituztenean, zeramatzaten bi laban eta aire konprimatu pistola bota zituzten gazteek.
  Jendartea 2004-02-24 22:49

Gizarte Zerbitzuekin lanean diharduten erakundeek 180.000 euro jasoko dituzte

Erabiltzailearen aurpegia Ukberri Getxoko Udaleko Gizarte Zerbitzu Arloak 180.000 euroko dirulaguntza eman die boluntariotzaren eta drogomenpekotasunen prebentzioaren alorretan diharduten 15 erakunderi, Udal Gobernu Batzordeak elkarte hauekin sinatuak zituen hitzarmenak berresteko hartutako erabakiaren ondorioz.

Irabazi asmorik gabeko udalerriko gizarte erakunde hauei dirulaguntzak emateko, aurten, 258.000 euroko aurrekontua dauka Gizarte Zerbitzu Arloak, hau da, 2002 eta 2003 urteetakoa baino ehuneko 12,5 gehiago (iazko aurrekontua 2002koaren luzapena izanik, bi urte horietan kopuru berbera zuzendu baitzen).
  Jendartea 2004-02-24 22:26

Hiru errotonda berri egingo dituzte Paulinaren aldapan

Erabiltzailearen aurpegia Ukberri Paulina aldapa izenarekin ezaguna den Kautela kalea zabalago egiteko lanak abian jarriko ditu laster Gorlizko Udalak. Bizkaiko Foru Aldundiak aurretik onartu bezala, hiru errotonda egingo dituzte, besteak beste, "herrigunetik kotxeak igarotzea errazteko". Helburu berberarekin ere, beste errotonda bat jartzeko obrak egingo dituzte Uresarantza kalean.

Bidean dago belar artifizialeko futbol-zelaia

Udal arduradunek adierazi dutenez, hasi dira jada belar artifizialeko futbol 7 zelaia egiteko lanak. 240 mila euroko aurrekontua dauka egitasmoak eta Gorlizko Udalak, BBK-k eta Bizkaiko Foru Aldundiak finantziatuta dago.
  Jendartea 2004-02-20 21:39

SENER armagintza enpresara martxa egingo da larunbat honetan Algortatik

Erabiltzailearen aurpegia Ukberri Getxo Antimilitarista, Kontzientzi Eragozpen Mugimendua (KEM) eta Kakitzat erakundeek deituta, Areeta auzoko Zugazarte Etorbidean dagoen SENER armagintza enpresara martxa, abiatuko da larunbat honetan 12:00etan, Algortako metroko plazatik. Izan ere, "Eusko Jaurlaritzaren diruaz ekoizten dituen erabilera militarreko produktuekin, munduan ematen diren gerrak bultzatzea" leporatzen diote enpresari talde antimilitaristek. "Heriotza, sufrimendua eta txikizioari esker, irabazi handiak lortzen ditu", Getxo Antimilitaristako kideek adierazi dutenez. Hori dela eta, gastu militarrak "gizarte beharrizanetara" bideratzea eskatzen dute.
  Jendartea 2004-02-18 22:26

Gazteek alkoholaren arriskuak kontutan izateko, egitasmoa abian dago Berangon

Erabiltzailearen aurpegia Ukberri "Euren aisia modu arduratsuan goza dezaten", udalerriko gazteak sentsibilizatzeko egitasmoaren barruan, 14 eta 25 urte bitartekoak bizi diren etxeetara bidaliko du gutuna Berangoko Udalak. Horrela, alkoholaren gehiegizko kontsumoak dakartzan kalteen gainean ohartarazi nahi dituzte gazteak, horrelakorik egitekotan arriskuak kontutan har ditzaten. "Guk kontrolatzen dugu" leloa dauka kanpaina berriak.
  Jendartea 2004-02-18 22:25

Babes ofizialeko 36 etxebizitza eraikiko dituzte Mendibile auzoan

Erabiltzailearen aurpegia Ukberri Mendibile auzoan, babes ofizialeko 36 etxebizitza egiteko baimena eman du, orain dela gutxi, Leioako Udalak. Horietaz gain, salmenta-prezio askeko beste 50 etxe eta garaje-plazak eraikiko ditu enpresa sustatzaileak. 3,6 milioi eurokoa izango da eragintza pribatu honen zenbatekoa. Karmelo Sáinz de la Maza alkateak adierazi duenez, "Udalak hirigintza eskubide guztiak jartzen dituen bitartean, sustatzaile pribatu bat arduratuko da etxebizitzak egiteaz".
  Jendartea 2004-02-17 21:31

PPk eskatuta, metal-detektagailua jarri dute Getxoko udaletxean

Erabiltzailearen aurpegia Ukberri Metal-detektagailua eta scanner-a ipini zuten, pasa den astean, Getxoko udaletxeko sarreran. Horrela, hemendik aurrera, alderdi politikoen bulegoetara, udalbatza-aretora..., hau da, goiko solairuetara joan nahi duten guztiek, bertatik igaro beharko dira, Iñaki Zarraoa alkateak adierazi duenez. Beheko solairuko bulegoetara joateko, berriz, ez da beharrezkoa metal-detektagailutik pasatzea. PPk eskatuta jarri dute eta 48 mila euroko kostua ekarri du.
  Jendartea 2004-02-16 20:12

Gurasoei ateak zabalduko dizkiete bihar Sopelako instutuan

Erabiltzailearen aurpegia Ukberri 2004-05 ikasturtean, euren seme-alabak lehendabiziko aldiz Sopelako Bigarren Hezkuntza Institutuan matrikulatu behar dituzten gurasoek zentroko instalakuntzak ezagutu ditzaten, ateak zabalik jardunaldia egingo da, otsailaren 17an (bihar), 18:00etatik aurrera. Horretaz gain, Hezkuntza Kalitatearen Lege Organikoaren (LOCE) berri eta Bigarren Hezkuntza Orokorraren nondik norakoak azalduko dizkiete aita-amei.
  Jendartea 2004-02-16 20:11

Hiru adingabeko atxilotu dituzte Getxon beste bati 70 euro lapurtzeagatik

Erabiltzailearen aurpegia Ukberri Ertzaintzako agenteek hiru adingabeko atxilotu zituzten atzo Getxon, beste bati 70 euro lapurtzeagatik. Dirudienez, Bidezabal parkean erasotu zuten gaztea eta, beldurtu ondoren, dirua ematea lortu zuten.