Kirolak  Getxo 2017-09-06 11:30

Castro Kopa estropada aterako da zapatuan, Areetatik

Castro Kopa estropada aterako da zapatuan, Areetatik

Abrako Itsas Errege Klubak eta Castro Urdialeseko Itsas Klubak antolatuta, zapatuan, irailaren 9an, Areetatik aterako da Castro Kopa bela-estropada, 13:00etan. Proba horrek Getxo eta Espainiako Castro Urdiales udalerriak batuko ditu, beste urte batez. Domekan, estropada Castro Urdialesko uretan egingo dute, ordu berean. Denera, 50 bat belaontzik hartuko dute parte.

  Kirolak  Getxo 2017-09-05 18:32

Denboraldi berrian trainerua ateratzen ahaleginduko da Raspas

Denboraldi berrian trainerua ateratzen ahaleginduko da Raspas

Lau urtez KAE-2tik kanpo izan ondoren, Raspas arraun-elkartea bere trainerua berriro uretaratzeko dabil prestatzen, 2018ko denboraldian tostetan atzera lehiatzeko asmoz. "Elkartean harrobiko mutil-talde bat dago senior-mailara iritsi dena eta, horri esker, traineruaren proiektuari berriro heldu ahal izateko aukera iritsi da", azaldu du kirol-taldeak.

  Kirolak  Lemoiz 2017-09-05 17:58

Miguel Madariagak Euskadi Fundazioaren lekukoa pasa dio Mikel Landari

Miguel Madariagak Euskadi Fundazioaren lekukoa pasa dio Mikel Landari

Miguel Madariaga lemoiztarrak, atzora arte Euskadi Fundazioak izan zuen presidente bakarrak, Mikel Landa txirrindulari arabarrari utzi dio patronatuaren ardura. Biek ofizial egin zuten erreleboa atzo, Logroñon egindako prentsaurrekoan bostekoa emanez. Aurretik, gutun bana bidali zieten fundazioaren bazkideei. Madariagak azaldu zuenez, Landa "gure harrobian hazitako txirrindularia da, eta nor hobeto proiektu berri hau bideratzeko". Hala, lemoiztarrak fundazioaren lehendakaritza utzi du, 25. urteurrenerako hilabete batzuk geratzen direnean.

  Kirolak  Leioa 2017-09-05 14:44

Lagun Artea futbol-eskolak koordinatzaile berria dauka

Aurretiko denboraldiko entrenamenduak abiatu zituzten atzo Lagun Artea kirol-elkarteko lehenengo taldeek. Futbol-eskolak zenbait aldaketa bizi izan du udan, garrantzitsuena Isusko Loroñoren dimisioa. Izan ere, eskolako koordinatzaile nagusiak kluba utzi zuen, arrazoi pertsonalengatik. David Lópezek ordezkatuko du bere ardura-postuan.

  Kirolak  Erandio  Getxo  Plentzia  Uribe Kosta 2017-09-05 12:51

"Arrauna Garatzen" programa babestuko du Aldundiak, aurton ere

"Arrauna Garatzen" programa babestuko du Aldundiak, aurton ere

Bizkaiko Arraun Federazioaren Arrauna Garatzen programarako 60.000 euroko diru-laguntza ematea onartu du Bizkaiko Foru Aldundiko Euskara eta Kulturako Foru Sailak. Hala, iazko diru-kopuru bera jasoko du federazioak arraunaren zabalkundea egiteagatik. Uribe Kostan lau arraun-talde daude: Arkote, Getxo, Lutxana eta Raspas.

  Kirolak  Getxo 2017-09-05 11:28

Virginia Díazek Aulki Mugikorreko Munduko Txapelketan parte hartuko du

Virginia Díazek Aulki Mugikorreko Munduko Txapelketan parte hartuko du

Virginia Díaz Raspas arraun-elkarteko kidea Aulki Mugikorreko Munduko Arraun Txapelketan lehiatuko da, Sarasota konderrian (Florida, AEB), irailaren 25etik urriaren 1era bitarte. Díazek Espainiako selekzioaren deia jaso zuen txapelketara joateko. Horrenbestez, ziklo berria hasiko da kirolari getxoztarrarentzat, Tokio 2020 Olinpiar Jokoei begira.

  Kirolak  Getxo 2017-09-04 17:35

Aitor Zubeldia Getxo Rugby Taldeko jokalaria deitu du Espainiako selekzioak

Aitor Zubeldia Elzo jokalari hori-beltza deitu du Espainiako 18 urtez azpiko zazpiko errugbi-selekzioak. Getxo Rugby Taldeko harrobian hezi da Zubeldia; hiru laurdenekoen lerroan zenbait posiziotan jokatu dezake.

  Kirolak  Getxo 2017-09-04 16:51

Waterpolon jokatu gura duten nesken bila dabil Getxoko kluba

Waterpolon jokatu gura duten nesken bila dabil Getxoko kluba

Getxo Igeriketa Waterpolo klubak kanpaina bat abiatu du, emakumezkoen waterpolo taldeak indartzeko. Elkarteak zabaldu duenez, 2005 eta 2009 bitartean jaiotako nesken bila dabiltza, waterpolo-eskola eta haurren eta hasiberrien emakumezkoen taldean jarduteko.

  Kirolak  Getxo 2017-09-04 13:35

Berdinketa batez estreinatu da Ponomariov Munduko Xake Kopan

Berdinketa batez estreinatu da Ponomariov Munduko Xake Kopan

Ruslan Olegovich Ponomariov ukraniarrak atzo ekin zion Munduko Xake Federazioaren Munduko Kopan lehiatzeari, Tbilisin, Georgian. Neguri Langilen bizi den maisu handiak zuriakaz jokatu eta berdindu zuen, Sethuraman Panayappan Sethuraman jokalari indiarraren aurka. Ponomariov da Uribe Kostako parte-hartzaile bakarra Munduko Kopan.

  Kirolak  Getxo 2017-09-04 12:00

Getxoko Udako Itsas Lasterketa antolatuko dute zapatuan

Getxoko Udako Itsas Lasterketa antolatuko dute zapatuan

Zapatu honetan, irailaren 9an, egingo dute Getxoko Udako VII. Itsas Lasterketa, igerian, Getxo Igeriketa Waterpolo klubak antolatuta. Proban lagunduko dute Getxo Kirolak udal-erakundeak eta Bizkaiko Igeriketa Federazioak.

  Kirolak  Getxo 2017-09-04 11:05

Gaur zortzi itxiko du Getxoko Kirolakek ikastaroetan izena emateko epea

Gaur zortzi itxiko du Getxoko Kirolakek ikastaroetan izena emateko epea

Fadurako eta Gobelako udal-kiroldegietan 350 ikastaro eskainiko dituzte denboraldi berrian, 25 kirol-modalitatetan. Denera, Getxo Kirolak udal-erakundeak 5.528 plaza eskainiko ditu; horietatik 985 aurreko denboraldian ikaskuntza-zikloko ikastaroetan parte hartu dutenentzat izango dira; eta gainerako tokiak jende berriari eskainiko dizkie.

  Kirolak  Getxo 2017-09-04 10:39

Garazi Sanchezek eutsi dio Europako hirugarren postuari Galizian

Garazi Sanchezek eutsi dio Europako hirugarren postuari Galizian

Garazi Sanchez Ortun surflari getxoztarrak Europako hirugarren sailkatua izaten segitzen du, Sailkatze Serie mailan, Pantin Classic Galicia Pro jokatu ostean. Getxoztarrak 17. postuan amaitu zuen atzo Koruñako proba, baina nahikoa izan zuen Maud Le Car bere arerio zuzenari aurrea hartzeko. Frantsesa 25. geratu zen. Proba Carol Henrique portugesak eta Gony Zubizarreta galiziarrak irabazi zuten.

  Kirolak  Sopela 2017-09-04 10:03

Eider Merino Ardècheko Tourrean lehiatuko da

Eider Merino Ardècheko Tourrean lehiatuko da

Eider Merino Cortazar txirrindulariak Ardècheko Tourrari ekingo dio bihar, Okzitaniako Auvernia-Rhône-Alpeak eskualdean (Frantzia). Lointek Team taldeko kideak Espainiako selekzioagaz parte hartuko du zazpi etapako lasterketan. Beragaz batera lehiatuko dira Mavi García eta Lorena Llamas (Bizkaia-Durango), Aida Nuño (MMR Bikes), Elisabet Escursell (BZK-Smurfit) eta Merce Pacios (Cycling No Limit). Ramón González Arrieta hautatzaileak zuzenduko du taldea. Iaz, Merino zortzigarren geratu zen lasterketa horretan.

  Kirolak  Sopela  Urduliz  Uribe Kosta 2017-09-02 13:29

Lointekek utzi dio Ugeragaren txirrindularitza-taldea babesteari

Lointekek utzi dio Ugeragaren txirrindularitza-taldea babesteari

Urdulizko Lointek enpresak utziko dio Sopelako Kirol Elkartearen goi mailako txirrindularitza-taldea babesteari. Hala, Lointek Team emakumezkoen Elite UCIrenak egin du, izen horregaz. Ugeragako arduradunek pasa den eguenean zabaldu zutenez, kirol-elkarteak ahalegin handia eta azkarra egin du, beste babesle bat topatu arte, datorren denboraldian taldea Elite UCI kategoria manten dadin.

Azkunagak eta Guineak irabazi dute Bilboko Aste Nagusiko mus-txapelketa, aurton ere bai

  Kirolak  Sopela  Urduliz  Uribe Kosta

Azkunagak eta Guineak irabazi dute Bilboko Aste Nagusiko mus-txapelketa, aurton ere bai

Atzo jokatu zen Aste Nagusiko XXI. Mus Txapelketa, Areatzan, Hor dago Abante txosnaren aurrean, arrastiko 03:00etatik aurrera. Iaz legez, aurton ere, Uribe Kostara ekarri du txapela Juan Guinea Madariaga sopeloztarrak eta Agustin Azkunaga Urrutia urduliztarrak osatutako bikoteak, bejondeizuela!