Mezuen perbertsioak gora

2019/03/04 00:00

Erandio

Kontu zaharra da, baina XXI. mendean pil-pilean dago. Hitzen manipulazioa, mezuen perbertsioa, errealitatearen desitxuratzea… Betikoa. Bankuen publizitatea har dezakegu abiapuntu. “Jende askoren ametsak errealitate bihur daitezen!”, “Zure ametsak gureak dira”… Estrategia da, pertsonenganaino hurbiltzeko diseinatuta dagoena, ia-ia bankuak Gobernuz Kanpoko Erakundeak bailiran. Energia-arloarena ere esanguratsua da. Enpresa energetikoek dirutza xahutzen dute Greenpeace baino berdeagoak direla irudikatzeko. “Gu berdeak gara”, “Energia-iturri berriztagarrien alde gaude”… Noski, energia garbia zikina baino hobeto saltzen da, ez baitago produkzio kutsagarria laket duenik. Politikagintzan, beste hainbeste. Otsailaren 10ean, Madrilen, eskuindarren manifestazioko harengak eredugarriak dira mezuen perbertsioari dagokionez. Francoren kolpe militarra arbuiatu nahi ez duten haiexek “kolpista” izatea leporatu zieten hauteskunde demokratikoetan hautatuak izan ziren buruzagi kataluniarrei, erreferendum hura ustez bultzatu izanagatik. Arloz arlo erreproduzitzen den izurritea bezalakoa da errealitatearen desitxuratzea. Irakaskuntzan ere egon badaude aztertzekoak diren adierazpenak, Kristau Eskolak “mehatxua eta derrigortzea” leporatu baitizkie sindikatuei, irakasleon ordezkariei, proposaturiko grebengatik, Lan-Hitzarmena 10 urtez berritu gabe izan ostean. Espainiako Konstituzioan, ordea, jasota dago greba “oinarrizko eskubidea” dela. Eta gutxi balitz, Auzitegi Konstituzionalaren irizpide juridikoen arabera, greba bide “baketsua eta ez bortitza” da langileek lan-baldintzen hobekuntza aldarrika dezaten. Semiotikan adituek erabateko ulermenerako bidea erakutsi zuten aspaldi. Mezuaren mamia aztertzeko, testua, berez, ez da funtsezkoena. Igorlea, hartzailea, kanala, kodea eta testuingurua ere kontuan hartu behar dira. Bada, ondorio zientifikoa ez bada ere, testuinguruan boterea edo dirua jokoan daudelarik, mezuen perbertsioak gora egiten du. Kontuz!

  Jendartea 2017-11-05 13:41

Bide gorritik itsasadarreko bidegorri estrategikora

Erabiltzailearen aurpegia Guillermo Malaina Martínez

Bilbo, Erandio, Leioa eta Getxo egun batean lot litzakeen bidegorriaren kontuak tenis partida eskasa baten antza du. Pilota doa pista batetik bestera, hau da, instituzio batetik bestera. Hitz eta pitz jardun zuten gure politikari batzuek uda baino lehen, baina oraino ez da inor mamira joan. Bidegorri hau estrategikoa al da inguru honetako bizi-kalitatea hobetze aldera?

  Iritzia 2017-06-01 16:25

Igor Goikoetxearen Dabaiberen misterio beltza

Erabiltzailearen aurpegia Guillermo Malaina Martínez

Joan Mari Irigoien, Bernarno Atxaga, Anjel Lertxundi, Xabier Mendiguren Elizegi… Idazle askoren lanen aurkezpenera joateko pribilegioa izan nuen garai batean. Benetan pribilegiatu sentitzen nintzen miresten nituen idazleen uztaren berri eman ahal nuelako idatziz. Halakoak nolabaiteko zirrara eragiten zidan, uste bainuen, gaur egun legez, norbera hobea izan daitekeela liburu bat eskuan hartu eta irakurtzeko ohitura izanez gero.

  Iritzia 2017-03-07 23:16

Aberrazioa aratusteetan: pederastiaren apologia mozorrotuta

Erabiltzailearen aurpegia Guillermo Malaina Martínez

Aratusteak ospatu aurretik ika-mika izan genuen mozorro batzuen diseinuagatik. Horietako batek helduentzako film pornografikoetan agertzen diren erizainen jantziaren itxura zuen.

2017-01-25 23:01

Bazkal osteko euskara

Erabiltzailearen aurpegia Guillermo Malaina Martínez

Duela 20 urte jazo zen. Erromoko euskaltegian nintzela, ezustean itaundu zidan irakasleak: “Guiller, zergatik hasi zara euskara ikasten?”

  Iritzia 2017-01-25 23:05

Zergatik hil behar dira langileak lanean?

Erabiltzailearen aurpegia Guillermo Malaina Martínez

Denok ditugu esperientziak, onerako zein txarrerako izan daitezkeenak, baina horiei guztiei esker pentsamendu kritikoa gorpuztuz doa gure burmuinean. 1999ko otsailaren 18an izan nuen horietako bat. Ordenagailuari begira negoen eguneko albiste arrunt bat idazten, egunkariko zuzendaria arinka irten zenean bere bulegotik. Hiru langile hilak ziren Loiuko aireportu berriaren eraikuntzan. Bi kazetari eta bi argazkilari bertaratu ginen, baina orduan Sondikan zegoen aireportuan iturri ofiziala iturri mutua zen.

2017-01-25 23:02

Geure naturaren kontra

Erabiltzailearen aurpegia Guillermo Malaina Martínez
2017-01-25 23:00

Seme-alabak kirolari profesionalak bailiran

Erabiltzailearen aurpegia Guillermo Malaina Martínez

Euria ari zuen neguko egun hodeitsu eta hotz hartan. Urdulizetik Mungiarako norabidean gindoazen bizikletaz, zeharo bustita eta hoztuta. Butroiko gazteluaren ondoan dagoen baselizaren parera heltzean, tropel hartako kide bati berton gelditzea otu zitzaion geroago atertuko zuelako itxaropenaz. Ermitaren arkupeak gure babesleku bilakatu ziren, baita gure algaren eszenatoki ere. Zelan ez! 16 urte edo genituen, kirolari sanoak ginen, umorea gure indarra zen eta bizikleta, gure pasioa.

2017-01-25 22:58

Alfonbra gorri gutxiago eta bidegorri gehiago

Erabiltzailearen aurpegia Guillermo Malaina Martínez
2017-01-25 22:56

Gazteengandik zer ikasi badago

Erabiltzailearen aurpegia Guillermo Malaina Martínez