Aberrazioa aratusteetan: pederastiaren apologia mozorrotuta

Erabiltzailearen aurpegia

Aratusteak ospatu aurretik ika-mika izan genuen mozorro batzuen diseinuagatik. Horietako batek helduentzako film pornografikoetan agertzen diren erizainen jantziaren itxura zuen.

Ez zuen, ez, antzik Osakidetzakoekin. 4 urtetik 6 urtera bitarteko neskatoentzat pentsatuta zegoen mozorroaren bilgarrian ustezko apeua idatzirik zegoen hizki handiz: “Enfermera sexy”. Ondoan neskato bat ikus zitekeen, eta sexy izateko ez omen zitzaion ezer falta: takoiak, minigona, eskote handiko soinekoa… Baliteke guraso batzuek 4 urteko alabatxoari mozorro hau oparitu nahi izatea, eta pentsatze hutsak aberrazio hitza baino ez dakarkit burura. Pederastiaren apologia mozorrotuta.

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun