Askok jakingo duzuenez, Tosuko landaren beste aldeko (Ibarrengoa estratako) auzokide batzuei, obren hasiera dela eta, desjabetutako lurrak Martxoaren 1erako libre uztea agindu diete. Gertakizun honek, lanak beste aldetik hasiko direnaren hipotesia indartzen du. Ondorioz, lur hauetan egon daitezkeen mugimenduei adi egoteko deialdia luzatzen dizuegu.
Erresistentzia akanpadari dagokionez, egitarauko ekimenen maiztasuna apaldu dugu helburu batzuk bete ditugula eta parkinga gelditzeko borroka luzatzen dabilela ikusirik. Gainera, udaberria ate joka dabil eta azkenengo 6 urtetan egin dugun bezala, Andra Mariko lur emankorrek eskaintzen diguten aukera paregabea aprobetxatuz, ortu komunitarioen proiektua zabaldu eta indartu nahi dugu.
Amaitzeko, modu desberdinetan (materiala, elkartasuna, bisitak, egitarauko ekimenak...) parte hartzen, babesten eta laguntzen zabiltzaten denei gure eskerrik beroenak. Danon artean, Ibarbengoako parkinga gelditzea posiblea da!
Aurten ere, Tosuko uzta jasoko dugu!
Asko gara eta bizirik gaude!
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun
