Atentatuen egiletza eztabaidagai

Egun guztiak zehar, komunikabide ugari izan dira ETAren egiletza dudatan jarri dutenak. Besteak beste, Euskadi Irratian Eugeni Garcia kate horretako Israelgo korrespontsalak adierazi duenez, hainbat izan dira Al Qaeda atentatuen egilea izan daitekeela esaten duten Ekialde Hurbileko hedabideak. Espainiako ejerzitoa, AEBekin eta Britania Handiarekin batera, Irakeko operazio militarretan parte hartzea argudiatu dute horretarako. Hala ere, inolako erreibindikaziorik ez du egin orain arte erakunde islamiarrak. Eugeniren esanetan, "talde txikiz osatuta dago Al Qaeda eta erakundeko buruzagiek ez dute zertan jakin behar talde horiek zer egiten duten. Atentatuak beregain hartzeko ez dauka jokabide finkorik, askotan hilabete batzuk beranduago egiten dute".

Mediaberrik aipatu duenez Bush presidentea izan da Estatua Batuetan atentatuen ardura ETAri egotzi dion bakarra. Komunikabide gehienek, CNN, FOX edo CBS besteak beste, gertaeren atzetik talde arabiarren eskua egon daitekeela diote. ETA aipatzen dute gobernu espainiarraren iturria aipatuta eta “talde separatista” moduan izendatzen.

Munduko komunikabide askok ez dute ziurtzat ematen ETAren ardura - Mediaberri

Talde islamiar baten deia

Izaronews webguneak jakitera eman duenez, Foreing Office britaniarrak dei telefonikoa jaso duela berri eman du Espainiar Gobernuko Barne Ministerioak, ustez, atentatuak beregain hartzen zituen talde islamiar batena. Horretaz gain, hildakoen artean arabiarren bat bilatzen ari direla aipatu dute.