Gobernu aldaketak euskal gatazkan ireki ditzakeen bide berrietan itxaropen gutxiago dago, Euskal Herrian batez ere. Alderdi sozialistak, PSEk, Euskadiko Popularrei azken urteetan emandako sostengua ez du inor ahazten. Mayor Oreja lehendakari bihurtzeko kanpainaren parte izan ziren eta Madrilgo Legebiltzarrean alderdien legearen alde bozkatu zuten. Kasurik onenean gainera, PSE eta EAJ-PNVren arteko hurbilketa ematea da gerta litekeena. Urte askotan Eusko Jaurlaritzan egon ziren bi alderdiak, Madrilen presidente sozialista egonda ere, eta argi dago ez zutela gauza handirik lortu. Demokraziak urraketa larriak izan ditu Euskal Herrian Aznarren agintaldian eta Zapateroren kreditu bakarra euskaldun abertzaleekiko etorriko da hauen zuzenketaren ondorioz.
Abian jarri berri den gobernuari konfiantzazko hiru hilabete ematen ohi zaizkio. Denbora behar da ere Alderdi Popularraren gobernua ahazteko, berriari benetako kritikak egiten hasteko ezinbesteko baldintza gainera. Hain larriak izan dira jasandakoak, ondorioz Zapaterok ardura gehiegi hartzen dituela. Barrutik zein kanpotik, begi ugari ariko dira Espainiako presidente berria suposatzen duen galdera ikurrari erantzuna bilatzeko.