90 enpresa egongo dira gune berria osatzen duten zazpi eraikinetan. Horietako bi bulegoak dira, beste lau nabeak eta azkenekoa udal ekipamendurako biltokia. Guztira, 450 langile arituko dira bertan.
Inbertsioei dagokionez, Neinor enpresa-sustatzailea izan da diru gehien jarri duena, 18 milioi euro. Eta jadanik hasi dira euren lekuak hartzen Ibarrabarrin lehenengo enpresek.
Leioako Ibarrabarri enpresa-gune berrian 450 lagunek egingo dute lan
2004ko uzt. 9a, 19:17
Besteak beste, Idoia Zenarruzabeitia EAEko lehendakariordeak eta Jose Luis Bilbao Bizkaiko ahaldun nagusiak parte hartu zuten atzo goizean, Leioako Udondo auzoan, Ibarrabarri enpresa-guneko inaugurazio ekitaldian. 55 mila metro koadroko azalera duen enpresa-guneak "herria egiteko bidea adierazten duen egitasmoa da", Zenarruzabeitiaren hitzetan, "garapen jasangarria eta elkarrizketa bezalako kontzeptuak uztartzen baititu". "Amets" hori abian jarriz, bizitzeko ez ezik, lan egiteko ere herria badela Leioa argi geratu da, lehendakariordeak adierazi duenez. Hala ere, ez dira guztiak ospakizunak izan. ELA eta LAB sindikatuek deituta, bertan elkartu ziren Leioako udaletxeko langileak Udalari lan-hitzarmena negoziatzeko eskatzeko.Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun