Urtarrileko agenda abian dute Sopelako Sekeko gaztetxean

Urtarrileko egitaraua abian da jada Sopelako Sekeko gaztetxean. Gazte Asanblada Sopeloztarrak (GAS) bere bitakoran zabaldu duenez, igande honetan, hilak 12, “81 amama” dokumentala proiektatuko dute. Izan ere, "Domeka beroak" ekimenaren barruan, igandero egoten dira filma eta hanburgesa goxoak zentro sozial autogestionatuan, 19:00etatik aurrera. Aipatu egunetan, 16:00etan, batzarra egin ohi du GASek. Bitartean, hilaren 17an, ostiralarekin, neguko poker txapelketa izango da Sekekon, 19:00etatik aurrera. Dagoeneko izena eman daiteke, sopelakoga[abildua]gmail.com helbide elektronikoan. Azkenik, hilaren 26an, "Sopelako presoak ezagutuz" ekimena egingo dute, 19:00etatik aurrera. Bestalde, astelehenero txalaparta (17:00) eta gitarra (19:00) tailerrak izaten dira. Argazkia: © Gazte Asanblada Sopeloztarra.