Ustezko artista sentsible lurtarron mundura etorrita, 24ko poteoan, aspaldiko lagunak ikusi eta pizten doakizun emozio sorta xurgatu beharrean, xurgatzen duzuna birra da, eta aldiz, barre, malko, urduritasun, premia eta besarkadei ateak zabaldu. Ondorioz, familia politikoarengana afaltzera pozik eta (dexente) emozionatuta heltzen zara; sartu bezain laster, aitaginarrebak ardoa eskaintzen dizu: barrura. Zeure sentsibilitate gainezkatua eta desio eno-gastronomikoak ase, eta lehengusu politiko eta koinatarekin barreak bustitzen jarraitzen duzu.
Azkenik, Layton-ek agindu bezala, emozionalki ondo kargatuta zaudenean gatazka pizten duzu: amaginarrebarekin ustekabeko debate bat suertatzen da, berotzen zara eta zure zintzotasun guztia isurtzen duzu. Philip Seymour Hoffmanek, aktore ona izateko inportanteena, norberaren sentipenekin zintzoa izatea zela zioen, zuk beraz, afaltzen amaitu baino lehen, zintzotasuna zeure ezaugarririk nabarmenena dela demostratuko duzu, baita hanka barruraino sartu ere.
Ondoren, turroia serbitzen duten bitartean, animoak baretzeko asmoz eta bide batez, Brando imitatuz neurririk gabe jandakoa apur bat jaisteko ere, sofan etzango zara eta familia politiko osoaren aurrean erridikulu handia eginez, lokartuta gelditu…
Sentsibilitate artistikoa.
Andy Hansonen dosia
Jon Urraza
aktorea
HIRUKA 80 zbkia. paperezkoa 2016-12-16