Ibilaldia 2021

Inoiz baino gehiago

Erabiltzailearen aurpegia

Ematen zuen ez zela iritsiko esleitu zizkigutenean, baina hor dago 2021eko Ibilaldia. Asko dira hori sortzen jarraitzeko arrazoiak: Bizkaiko ikastolen elkargunea izatea, ikastolaren hezkuntza proiektua ezagutzera ematea, erronka berriei aurre egiteko baliabideak ematea...

Ikastolako komunitatearekiko eta herriko elkarte eta erakundeekiko harremanetan sakondu nahi dugu Betikon eta Ander Deunan. Euskal kultura eta euskararentzat hain une zailean, ekarpena egin nahi izan dugu, beti bezala, plaza indartsu bat eskainiz. 

Pentsa dezakegu ez dela garairik aproposena Ibilaldia egiteko, aitzitik, inoiz baino beharrezkoagoa da bere baloreak azalaraztea eta ekarpen berriak gizarteratzea.

Kiroletik, musikatik, antzerkitik, bertsolaritzatik, hezkuntzatik, aisialditik, komunikaziotik… Inoiz baino gehiago, sormenetik tiratzen ari gara, eta ikastolen sorreratik ezinbestekoak izan diren komunitateko kideen ahaleginak eta ekinak ere hala izango dira oraingoan.

Euskalgintzatik hainbat egitasmo aurrera eramaten ari gara, Ibilaldia horietako bat, eta herritarrek ezin diete bizkar eman: aparteko aukera dugu proiektu horietan parte hartuz, babestuz, erakusteko euskaraz bizitzeko nahia eta eskubidea dugula. Euskalgintza bizirik dagoelako, denok garelako euskalgintza.

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun