Irailaren 13an amaituko da TOKIKOM Sarietara lanak aurkezteko epea

Erabiltzailearen aurpegia

Irailaren 13an amaituko da TOKIKOM Sarien laugarren ediziorako lanak aurkezteko epea. Sariketan euskarazko edozein toki komunikabidetan argitaratutako kazetaritza lanek har dezakete parte. Sariketaren helburua toki komunikabideek ekoizten duten edukia gizarteratu eta goraipatzea da. Izan ere, toki komunikabideen izaeragatik beragatik, egiten dituzten lan bikainak sarritan oso eremu txikian hedatzen dira, eta ez dira oso ezagunak bakoitzaren eremutik kanpoko publiko orokorrarentzat. Guztira hiru sari banatuko ditu TOKIKOMek, azarorako antolatzen ari den ekitaldian. Alde batetik, azken urtebetean toki komunikabideetan argitaratutako portadarik onena, edukirik onena, eta ikus-entzunezkorik onena. Sari banaketa ekitaldia azaro erdialdean izango da, eta Hego Uribeko Geuria komunikabidearekin batera antolatzen ari da

Irakurri albiste hau osorik TOKIKOMen webgunean

Osorik irakurri

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun