api 22, 12:24 Getxo
Udalerriko ostalaritza- eta merkataritza-lokaletan musika-emanaldiak sustatu eta diruz laguntzeko deialdia zabaldu du Getxoko Kultur Etxeak. Ekimen horren bitartez askotariko kontzertuak bultzatu gura ditu Udalak udalerrian, "baita ostalaritza eta merkataritza sektoreei lagundu ere". Guztira, 18.200 euro erabiliko dituzte deialdirako, eta eskabideak jasotzeko epea apirilaren 23tik azaroaren 15era arte egongo da zabalik.
api 19 Leioa
Bizkaiko txakolina, gastronomia eta komikia batzen dituen ekimena egingo dute aste-akabuan, apirilaren 20an eta 21ean, Leioako Mendibile Jauregian. Programatutako jarduerena artean egongo dira dastaketak, showcooking-a, kontzertu ilustratua eta umeentzako tailerrak. Proiektu honek Bizkaiko txakolinaren tradizioaren eta euskal komikiaren arteko lotura erakutsi gura die herritarrei.