Martitzenari dagokionez, jarduera ugariz gozatu ahal izango dute etxeko txikienek, Kandelazubieta kiroldegian; Kiki, Koko eta Moko pailazoak egongo dira, besteak beste. Horrez gainera, bertan egingo dute Leioako 24. Mozorro-lehiaketa; egunean bertan izena eman beharko dute parte hartu gura duten den-denek. Sariak desfilearen ostean banatuko dituzte.
Egitaraua
Otsailak 25, zapatua
Ume eta nagusientzako aratusteak
- 17:00 Umeentzako eta gazteentzako jarduerak eta puzgarriak, Ikea Barri plazan.
- 19:00 Umeentzako ikuskizuna: Orain bi zirko, Ikea Barri plazan.
- 21:00 Mozorro-jaia eta animazioa, Ikea Barri plazan.
- 23:00 Dantzaldia, Trikizio taldeagaz, Ikea Barri plazako karpan.
- 03:00 Jaiaren amaiera.
Otsailak 28, martitzena
Umeentzako aratusteak
- 11:00 Umeentzako parkea zabalduko dute, Kandelazubieta kiroldegian.
- 12:30 Umeentzako ikuskizuna, Kiki, Koko eta Moko pailazoakaz, Kandelazubietan.
- 14:00 Goizeko jardueren akabua.
- 16:30 Arrastiko jardueren hasiera.
- 17:00 Umeentzako animazioa, Kandelazubieta kiroldegian.
- 18:00 Mozorro-lehiaketako partaideen desfilea, Kandelazubieta kiroldegian. Parte hartzeko egunean bertan izena ematea beharrezkoa da.
- 19:00 Leioako 24. Mozorro-lehiaketaren sari-banaketa, Kandelazubietan.
- 20:30 Jaiaren amaiera.