EHU
  Euskara  EHU 2018-11-28 17:36

Euskararen Eguna ospatuko dute Leioako campusean

Abenduaren 3an, Euskararen Eguna dela eta, EHUko Leioako campusean hainbat ekintza antolatu dituzte goizean zehar. Bertan, zuzeneko musika, berbaldiak, lehiaketak eta jolasak, karaokea eta talde-argazkia egongo dira. Hau dena Komunikazioko 200 ikasleen lanaren emaitza da.

Horregaz Euskal Herriko Unibertsitateak eta bertako gazteek euskara eta Euskaraldiarekiko duten jarrera eta konpromisoa islatu gura da, EHUko iturriek adierazi dutenez. Egun horretan egongo diren ekintzen artean, Ane Zugaza kantautorearen kontzertua egongo da. Ane Zugazak Harrapazank 2017 talentu-lehiaketa irabazi zuen, eta aurtengo azaroaren 22an Bilboko Kafe Antzokian abestu zuen.

Egitaraua

09:00 Campus-jira: Trikitilariak eta panderojoleak.

09:15 Hasiera ofiziala: sketcha: Iholdi Beristain (Go!azen) eta Iskandar Hamaway.

09:30 Hainbat jarduera eta sariketa: Mihiluze eta Euskaraketa, Mintzodromoa, Pasahitza, mikroipuinen lehiaketaren sari-banaketa, bideo-emanaldi laburra eta Maitasungramaren testuen irakurketa.

11:00 Karaokea eta talde-argazkia.

11:30 Flashmoba.

12:00 Trikitilariak eta bertsolariak.

13:00 Kontzertua, Mikel Laboa plazan, GKZen fakultateko atarian: Ane Zugaza bakarlaria, Oihane eta Ane, eta Naia Pereira eta Ainize Moreno.

14:00 Agurra. Azken musika-saioa.

2018/11/03 00:00

EHUko Leioako campusa EHU

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa