Politika 2004-12-03 18:37

Edurne Uriarte irakasleak bere azken liburua aurkeztu du

Erabiltzailearen aurpegia Ukberri Edurne Uriartek gazteleraz idatzitako Terrorismo y democracia tras el 11-M liburua aurkeztu zuen atzo Bilbon, Nicolas Redondo Terreros eta Cristina Ruiz Askatasunerako Fundazioa ordezkatzen zuten kideak lagun zituela.
  Iritzia 2004-12-02 19:51

Diskurtsoa ere desarmatu beharra dago? - Antton Azkargorta eta Jose Luis Herrero / EHUtik kaleratutako irakasleak

Erabiltzailearen aurpegia Ukberri Artikulu honek igandean, azaroaren 14an, Anoetan aurkeztutako dokumentuaren inguruko eztabaidaz hausnarketa egitea du xede. Kontuan izan dugu, bestalde, gaiaren inguruan izandako beste zenbait ekarpen.
  Kultura 2004-11-30 20:29

Arteako zinema-aretoetan estreinatuko da "Supertramps" animaziozko euskal filma

Erabiltzailearen aurpegia Ukberri Irusoin, Dibulitoon Studio, Barton Films eta EITBk ekoizturiko "Supertramps" animaziozko euskal film berria ostiral honetan estreinatuko dute Hego Euskal Herriko zinema-areto garrantzitsuenetan. Horrela, Bilbon (Ideal), Durangon (Zuga), Donostian (Principe), Gasteizen (Florida), Leioan (Artea) eta Iruñean (Principe) izango da ikusgai filma. Iñigo Berasategik eta Jose Mari Goenagak zuzenduriko animazio-filma da "Supertramps". Hiriko animalia marjinal eta deserrotu batzuek osatzen duten taldearen abenturak kontatzen ditu.
  Ekonomia 2004-11-29 22:57

Zerbitzu murrizketaren aurkako manifestazioa deitu dute Bizkaibuseko langileek

Erabiltzailearen aurpegia Ukberri Bizkaiko Foru Aldundiaren Garraio Sailak bultzatu duen zerbitzuen murrizketaren aurka eta "lan baldintza eskasak" salatzeko, manifestazioa egingo dute asteazkenean Bilbon Bizkaibuseko Enpresa Batzordeek. "Murrizketa diktatorialak inposatzea eta lan prekarietatea sustatzea" leporatzen diote foru erakundeari langileek, eta martxaren ondoren, lanpostuak defendatzeko ekintza gogorragoak egitea ez dute baztertzen. Horrela, Euskal Herriko Unibertsitateko (EHU) ikasleek ere egiten ari diren protestekin bat egiten dute sindikatuek.
  Jendartea 2004-11-29 21:41

Aspanovas elkartearen aldeko kanpaina abian jarri du Arteak

Erabiltzailearen aurpegia Ukberri Bizkaiko Minbizidun Haurren Gurasoen (Aspanovas) aldeko kanpaina abian jarri du abenduaren 16ra bitartean Leioako Artea merkatalguneak. Besteak beste, erosketetan gastatutako diruaren %0,7 emateko aukera izango dute bezeroek, Bilboko Antonio Egiluz Medikua kalean elkarteak zabaldu nahi duen egoitza berria atontzeko. Horretaz gain, hainbat sari zozkatuko dira ekimenean parte hartzen dutenen artean.
  Politika 2004-11-26 12:36

"Ahots batzuk isilarazteagatik" bertan behera utziarazi zuten mahai-ingurua

Erabiltzailearen aurpegia Ukberri Gaztesareak jakinarazi duenez, foroaren "sasi hausnarketa" salatzeko deitu zuten atzo, Leioako EHUko campusean, Leizaola Fundazioak antolatuta “Bake bidean/euskal gatazkaren inguruan” lelopeko mahai-ingurua egiten ari ziren lekuan amaitu zen manifestazioa. Izan ere, bertan "hainbat ahots isilaraztea" egotzi zieten antolatzaileei, "hitzaldi horrek funtsean zuen hutsune nabarmena argi eta garbi azaleratuz". Mahai-inguruan aurki zitezkeen partaideen artean, Miren Azkarate eta Joseba Azkarraga, biak ere Eusko Jaurlaritzako kideak, Asociacion de Victimas del Terrorismo (AVT) edota Santiago Abascal PPko zinegotzia zeuden, besteak beste.
  Politika 2004-11-25 22:35

Leioako campusean "erradikalek mahai-ingurua boikoteatu" izana salatu du PPk

Erabiltzailearen aurpegia Ukberri Gaur goizean Leioako EHUko campusean, Elkarrik, Bakearen Aldeko Koordinakundeak eta hainbat alderdi politikok parte hartzen ari ziren mahai-inguruari "berrogehita hamar bat erradikalek egindako boikota" salatu du Iñaki Ortega PPko legebiltzarkideak. Prentsa-ohar baten bidez adierazitakoaren arabera, "askatasun gabezi nabaria egoten jarraitzen du unibertsitatean, indarkeriazaleek zigorgabetasun osoz aritzen diren bitartean.
  Politika 2004-11-25 12:47

Lekukoek kontraesanetan sartu arren, Aginagaren kontrako eskaera berretsi dute

Erabiltzailearen aurpegia Ukberri Atzo goizean, azaroak 24, Bilboko Buenos Aires kaleko auzitegietan epaitu zuten Ibai Aginaga Berangoko presoa. Epaiketa euskaraz egin zezan, epaileak atzoko hoben-judizioa bertan behera uzteko aukera eman zion auziperatuari, baina Aginagak itzultzailea onartzea aukeratu zuen. Hiru ertzainen lekukotasuna zen fiskalak preso berangoztarrari politikari konstituzionalista baten kontrako irainak leporatzeko zeukan frogabide bakarra. EAEko polizia batek baino ez zuen mantendu aurretik esandakoa. Ibai Aginagak hasieratik esan bezala atzo epaitzen ziren istiluen inguruetan egon arren istiluetan ez zuela parte hartu aldarrikatu zuen. Fiskalak bost asteburuko etxe-atxiloketa eskatu zuen. Defentsak, absoluzioa.
  Iritzia 2004-11-25 12:39

Garai politiko berriak - Mikel Carramiñana / Mediaberri.com-eko koordinatzailea

Erabiltzailearen aurpegia Ukberri Dagoeneko aitortu beharra dago, onera zein txarrerako, garai politiko berriak bizi direla. Ez da gainera Euskal Herrian soilik ematen ari den joera, nazioartekoa baizik. Zaila da, ordea, azken asteotan gertatutakoak elkarren arteko harremanik duten jakitea. Agian izango da, errealismora jo beharrean dagoela mundua, behin jakinda Bush gaztea Inperioren presidente izaten jarraituko dela hurrengo lau urteetan. Arrazoi beragatik askok poztu izan dira, izan ere, jakin nahi dute onik irtengo ote den AEBetako presidentea Iraken sortutako egoeratik. Baina Estatu Batuetan Kerryren izena ere ahazten duten bitartean, Irakiarrek gero eta itxaropen gutxiago azaltzen dute bere herriaren etorkizunaren aurrean.
  Jendartea 2004-11-24 11:24

Ikasleek garraio-zerbitzu duina exijitu diote Bizkaibusi

Erabiltzailearen aurpegia Ukberri Garraio-zerbitzu Duin baten Aldeko Plataformak deituta, hainbat ikasle bildu ziren, atzo eguerdian, Leioako campuseko kafetegi nagusian, Euskal Herriko Unibertsitatea (EHU) publikoa den heinean, bertara ailegatzeko zerbitzu publiko duin bat exijitzeko. Eta horrekin lotuta, ikasleen ahalmen ekonomikoetara egokituko litzatekeen "ikasle-bono" baten beharra ere aldarrikatu zuten. Izan ere, aurten Biskaibusen gertatu den "20.000 orduko zerbitzu murrizketa eta urtez urteko prezioen igoera zentzugabea" salatzeaz gain, "erantzukizunari aurre ez egitea" egotzi zioten EHUri. (Informazioa eta argazkiak: Gaztesarea)
  Jendartea 2004-11-24 11:16

Garraio zerbitzu Duin baten Aldeko Plataformak zabaldutako komunikatua

Erabiltzailearen aurpegia Ukberri "Leioako unibertsitateko ikasleok, ezinbestean Bizkaibusen erabiltzaile garenok, eraso berri bat jasan dugu, Bizkaibusen zerbitzu murrizketak, gure eskubideen zanpaketa argi bat suposatzen baitu.

Orain artean, linea askotan, "sardinak latan" bezala bidaiatu behar izaten genuen, oso baldintza prekarioetan, eta gainera, ikastera etorri ahal izateko aurreztutako diru guztia utzi behar izaten dugu, ikasleon baldintza ekonomiko txarrak are gehiago larriagotuz.

Orain erriz, Bizkaibus, eta batez ere, Bizkaiko Diputazioa eta beraien interes ekonomikoak direla medio, zerbitzuak guztiz murriztu dizkigute, 20.000 ordu ezabatuz. Honekin, garraio zerbitzu eskas batekin uzten gaituzte, erabat biluzik eta UPV-a berak ere, ez du garraio zerbitzua bere gain hartu nahi. Arazoari aurre egin beharrean, Bizkaibusen gain delegatzen du arazo guztia.

Unibertsitariak oso haserre gaude, zerbitzu murrizketagatik, zerbitzuaren kalitate eskasagatik eta ezartzen zaizkigun prezio altuengatik. Finean, ikas-baldintza duinetan ikasteko eskubidearen zanpaketagatik.

Bizkaibus, Diputazioa eta UPVri argi eta ozen esaten diegu beraien interes ekonomikoak ez direla arrazoi nahikoa gure eskubideak zanpatzeko hots, ez direla arrazoi nahikoa, unibertsitateko ikasleok autobusen zain orduak egon behar izateko, sekulako prezioak ordaindu behar izateko, gidarien lanpostu orduak murrizteko...

Argi eta garbi exijitzen dizuegu, arazo honi lehen bait lehen konponbide bat bilatzeko eta ikasleon eskubideak errespetatzeko."


Garraio-zerbitzu Duin baten Aldeko Plataforma
  Politika 2004-11-23 12:33

Presoen aldeko sinadurak biltzen hasiko dira Bizkaiko campusetan

Erabiltzailearen aurpegia Ukberri Amnistiaren Aldeko Mugimenduak abian jarritako kanpainarekin bat eginez, euskal presoen eskubideen alde sinadurak biltzen hasiko dira, bihartik aurrera, horren alde lan egiten duten Bizkaiko campusetako eragileek. Era berean, hilabeteko azkenengo asteazkenetan Etxeratek fakultateetan antolatuko dituen elkarretaratzeetan parte hartzera deitu dute.
  Hezkuntza 2004-11-22 20:25

Giza genomaren babesaren azterketa mintzagai

Erabiltzailearen aurpegia Ukberri Bihar bukatuko da Euskal Herriko Unibertsitateko (EHU) Zientzia eta Teknologia Fakultatean "Bioteknologia, Garapena eta Justizia" mintegia. EHUk, Deustuko Unibertsitateak, BBVA Fundazioak eta Bizkaiko Foru Aldundiak osatzen duten Zuzenbidea eta Giza Genoma unibertsitate arteko katedrak antolatu du aipatu mintegia.
  Iritzia 2004-11-22 10:12

Kontsumitzaile gazteak konkistatu dituzte azkenean larruek - Naia Diez / Kazetaritza ikaslea

Erabiltzailearen aurpegia Ukberri "VEDBAEH, danimarkar larruak saldaietara bueltatu dira, baita modako aldizkarietara eta kaleetara ere, baina oraingo honetan ez daukate zer ikusirik lehengo amonaren bisoi-larruzko berokiekin”, hauxe da pasadan hilean egunkari batean argitaratu zen berri baten titularra eta hasiera. Bertan irakur zitekeen nolatan larruekin arropa berriak egiten ari diren. Euren hitzetan modan dago larruzko berokiak eramatea...
  Kultura 2004-11-19 19:03

Txaro Arrazolak bere pinturak erakutsiko ditu Leioako campusean

Erabiltzailearen aurpegia Ukberri Txaro Arrazola artistaren "Pintura Gorriak" izeneko erakusketa egongo da ikusgai astelehenetik abenduaren 16ra bitartean Euskal Herriko Unibertsitateko (EHU) Leioako campusean, Liburutegi Nagusiko erakusketa aretoan, hain zuzen ere. Zehaztugabeko formak dituzten koadro eta pintura irregularrek osatzen dute bilduma. 25 obra baino gehiago, gehienak jositako oihalaren zatiekin eginiko pintura tekniko misto akrilikoak. "Bizi dugun garaiaren gaiak" azaltzen dira erakusketan. Arrazolaren arabera, "hedabideek hondamendiaren irudiekin betetzen gaituzte egunero, gero eta geldiago ikusten ditugun ezbeharren testigantza grafikoekin".
  Hezkuntza 2004-11-18 23:34

EHUrekin negoziazio prozesua abian jartzea proposatu dute sindikatuek

Erabiltzailearen aurpegia Ukberri Azkenaldian zeresan franko ematen ari den EHUren defizita dela-eta, LAB, ELA eta EILAS sindikatuetako ordezkariek prentsaurrekoa eskaini zuten atzo (azaroak 17) Leioan. Unibertsitatearen finantzabidearen arazoa berria ez dela eta defizita "dirua ematen duenak" sortu duela gogorarazi ostean, sindikatuek bi proposamen egin zituzten. Batetik, helburua unibertsitateak bizi duen egoerari irtenbide bat bilatzea izanik, EHUk sindikatuekin negoziazio prozesu bat hasi beharko lukeela esan zuten. Bigarrenik, negoziazio horietatik lor daitezkeen akordioak bermatzeko Eusko Jaurlaritzak babes ekonomikoa eman beharko lukeela azpimarratu zuten.
  Kultura 2004-11-16 13:45

"In This World" filma egongo da ikusgai bihar Leioako campusean

Erabiltzailearen aurpegia Ukberri Michael Winterbotton zinemagilearen "In This World" pelikula izango da ikusgai bihar, Euskal Herriko Unibertsitateko (EHU) Leioako campuseko Areto Nagusian, eguerdiko 12etan hasita, sarrera dohainik dela. Winterbottonek 2002an filmatu zuen pelikula, Iraken aurkako erasoa iristear zegoenean.
  Jendartea 2004-11-15 22:30

Errotonda berriak zirkulazioan aldaketak eragin ditu Leioako herrigunean

Erabiltzailearen aurpegia Ukberri Luis Bilbao Libano kaleko 48 zenbaki parean errotonda berria jartzeak aldaketan ekarri ditu Leioako beste hainbat kaleetan. Sabino Arana etorbidetik (herriguneko errepide nagusia) doazen ibilgailuek geldialdia egin beharko dute ipini berri duten 'stop' seinalean, Luis Bilbao Libanotik datozen kotxeei lehentasuna emateko. Horretaz gain, ezinezkoa izango da Kandelazubietatik Udondoko Lehendakari Agirre plazara zuzenean sartzea. Auzotarrak eta inguruko tailerretako langileak baino ezingo dute baino ezingo dira igaro.
  Iritzia 2004-11-11 22:30

UPVren diru-kontuak - Antton Azkargorta / EHUtik kaleratutako irakaslea

Erabiltzailearen aurpegia Ukberri Hilaren zortzian Juan Ignacio Pérez Iglesias, UPVko errektoreak, Gasteizko legebiltzarraren aurrean unibertsitate publikoaren egoera ekonomikoa “kritikoa”, eta “tamalgarria eta dramatikoa” dela aitortu zuen. Egoera penagarri horren erantzukizuna Lakuako gobernuari leporatu zion, eta baita UPVren aldeko apustua egin dezala eskatu ere bai.
  Politika 2004-11-11 22:29

Eusko Jaurlaritzaren ustez EHUko egoera "lasaitu" egin da

Erabiltzailearen aurpegia Ukberri Unibertsitatean jazarpen indarkeriaren inguruko txostena ez dela nahikoa adierazi dute PPk eta PSE-EEk

Euskal Herriko Unibertsitatean jazarpen indarkeria aztertzen duen txostena aurkeztu zuten herenegun, Eusko Legebiltzarreko Hezkuntza Batzordean, Txema Urkijo Giza Eskubideen eta Justiziarekiko Lankidetza zuzendariak eta Maixabel Lasa Terrorismoaren Biktimei Laguntzeko zuzendariak. Bertan aipatzen denez, azken urteotan egoera "lasaitu" egin da EHUn, langileei egindako mehatxuei eta presioei dagokienez. Hain zuzen ere, gizartearen gainontzeko alorretan egondako aldaketarekin lotu zuen unibertsitateko egoera berria Urkijok. Hala ere, ETA desagertzen ez den bitartean egoera ez dela "normala" izango adierazi zuen. Txostenaren bidez, 2002an arazo horri aurre egiteko Legebiltzarrean onartu ziren proposamenak bete egin direla frogatu nahi izan du Jaurlaritzak. Argazkian, Txema Urkijo.

Nabarmenak

Zorion agurrak