Jendartea 2004-11-10 23:51

Leioako campuserako autobus-zerbitzuak indartu dituzte azkenik

Erabiltzailearen aurpegia Ukberri Zerbitzuen murrizketagatik ikasle, irakasle, EHUko Gobernu Batzordeko kide, Bizkaibuseko langile eta beste hainbat politika eta gizarte erakundeen kritikak jaso eta gero, Leioako campusera doazen autobusak indartu ditu gaurtik aurrera Bizkaiko Foru Aldundiak. Hala ere, aurretik hartutako neurriak zuzendu nahian dabiltzala dirudien arren, Bilbaibus-EHUko lineetan "atzera bueltarik ez" dagoela adierazi du Eusebio Melero Garraiobide foru zuzendariak.
  Hezkuntza 2004-11-09 11:32

Bestelako komunikazio eredu bat proposatu du Txema Ramirezek

Erabiltzailearen aurpegia Ukberri Txema Ramirez de la Piscina EHUko Kazetaritza irakasleak "Ikus gaitzazuen. Bestelako komunikazioa: alternatiba kritikoak" liburua kaleratu du Alberdania argitaletxearen Zerberri sailean. Lan horretan, bestelako komunikazio eredu bat proposatu du Txema Ramirezek.
  Kultura 2004-11-05 21:58

Leioako Artisautza Azokan 9.000 mila bisitari espero dira asteburuan

Erabiltzailearen aurpegia Ukberri Larunbat honetan 12:00etan irekiko ditu ateak Leioako Artisautza azokak eta igandera bitartean egongo da zabalik. Guztira, 42 eskulangilek parte hartuko dute bertan, igaz baino zortzi gutxiagok. Izan ere, tokiz aldatu dute azoka 25 urte betetzen dituen honetan eta saltoki gutxirentzako lekua dago bertan. Hala ere, Karmelo Sainz de la Maza alkateak adierazi duenez, "kalitatearen onerako" izan da murrizketa.
  Kultura 2004-11-02 22:08

"Ikastetxean Euskaraz Jolasten" ekimena onetsi du Leioako Udalbatzak

Erabiltzailearen aurpegia Ukberri EAJ-EA, PSE-EE eta EB-Berdeak alderdi politikoen aldeko botuekin onartu zen, joan den osteguneko osoko bilkuran, Leioako ikastetxe publikoetan abian jarri nahi duten "Ikastetxean Euskaraz Jolasten" egitasmoa. PPk, aldiz, aurka bozkatu zuen, aipatu ekimenak "eskola-umeen eskubideak urratzen" dituela uste duelako. Azken hilabetean ugariak izan dira popularren kritikak eta salaketak. Besteak beste, Anjeles Iztueta Hezkuntza sailburuari hainbat galdera aurkeztu zizkion Leioako zinegotzia ezezik legebiltzarkidea ere den Iñaki Gamerok. Eta Josu Jon Imaz EAJko EBBko presidenteak ere esku hartu zuen eztabaidan. Gogoratu behar da gainera, nahiz eta oraingoan alde bozkatu, PSE-EEk ere egitasmoa kritikatu zuela. "Ikastetxean Euskaraz Jolasten" ekimenaren bidez, jolas orduetan eta jantokian euskararen erabilera sustatu nahi dute. Horretarako begiraleak jarriko dituzte zentroetan.
  Politika 2004-10-29 22:44

Presoek EHUn ikasteko protokoloa onartu dute

Erabiltzailearen aurpegia Ukberri Euskal Herriko Unibertsitateko Gobernu Kontseiluak EHUn presoen ikasketak arautzeko protokoloa onartu zuen atzo (urriak 28) aho batez. Gobernu Kontseiluaren arabera, Errektoreen Konferentziaren eta Espetxe Erakundeetako Zuzendaritzaren arteko hitzarmenerako proposamena da onartutako protokoloa. Izan ere, presoek ezingo dute matrikulatu bi erakunde horien arteko hitzarmen markoa sinatu arte. Bestalde, Juan Ignacio Perez Iglesias errektoreak 2004. urterako aurrekontuaren aurreproiektua aurkeztu zuen Gobernu Kontseiluaren aurrean. Aurreproiektuan 32,7 milioi eurotako defizita izatea aurreikusi dute.
  Politika 2004-10-27 23:40

Euskal naziotasunaren aldeko dinamika abiatuko du Segik

Erabiltzailearen aurpegia Ukberri Gaur batzar irekia egin du Segik Leioako EHUko campusean, "intsumisioaren ezinbestekotasunaz hausnartu eta eztabaidatzeko". Izan ere, 'Ez gara frantsesak eta ez espainolak. Euskaldunak gara eta kitto' lelopean, intsumisioaren aldeko kanpaina abiatu dute abendura bitartean. Bi dira ekimenaren oinarriak: bata, naziotasuna; eta bestea, lurraldetasuna. Unibertsitateko txartelean EHNAren zenbakia jasotzearen aldeko kanpaina egingo dute, besteak beste. Baita batzarrak ere, herri eta auzoetan.
  Iritzia 2004-10-25 14:18

Enperadore eroak - Mikel Carramiñana / Mediaberri.com-eko koordinatzailea

Erabiltzailearen aurpegia Ukberri Ari dira dagoeneko hauteskunde prozesuan estatubatuarrak. Eguna heldu ez den arren, zenbait estatuko legeek baimentzen dute aurretiko boza egitea. Askok dira aukera horretaz baliatu direnak, oraingoan, 2000 urtean gertatutakoa errepika ez dadin. Izan ere, harrigarria da nola Estatu Batuetako herritar gehienek (inkestei kasu eginez gero) onartzen duten aurreko hauteskundeetan azpijokoa egon izana eta horrek ondoriorik ez izatea. Alderdi demokratak 10.000 abokatu izango ditu bozen egunean, inork bere eskubidea galarazita izan ez dezan, zenbait estatuko beltzei gertatu bezala duela lau urte.
  Iritzia 2004-10-22 00:01

Onerako izango al dira ibilgailuen gaineko arau berriak? - Naia Diez / Kazetaritza ikaslea

Erabiltzailearen aurpegia Ukberri Orain dela urte bat gida-baimena atera nuen. Handik hona gauza asko aldatu dira horri buruzko leguen inguruan. Eta noski, hau, guztia bezala, iritzi ezberdinak kaleratzeko aukera ematen du. Datorren urtean adibidez, "Puntu-karneta" delakoa jarriko dute abian. Gidari guztiak 12 punturekin hasiko dira, hasi berriak izan ezik, 8 baino ez ditugula edukiko. Arauak betetzen ez diren heinean puntuak kenduko diztuzte. Adibidez, Stop bat ez egiteagatik, bi puntu kentzen dizkizute eta zerora heltzerakoan gira-baimena.
  Kultura 2004-10-21 23:44

Gameroren adierazpenak "manipulazio lizuntzat" jo ditu Leioako alkateak

Erabiltzailearen aurpegia Ukberri Leioako zinegotzia ere den Iñaki Gamero PPko legebiltzarkideak "Ikastetxean Euskaraz Jolasten" ekimenaren inguruan egindako adierazpenak "larriak eta bidegabeak" iritzi die Karmelo Sainz de la Maza alkateak. Egitasmoaren bidez, jolas-orduetan euskararen erabilera bultzatu nahi dutela aitortu du berak, "baina beti ere gurasoen eta eskola-umeen askatasunean oinarrituz". Hizkuntza ikasteko murgiltze-programak Europa osoan egiten direla adieraztearekin batera, "manipulazio baldarra eta lizuna" egitea leporatu dio PPri Sainz de la Mazak. Izan ere, "ikasketa teorikoak baino haratago joanez", hizkuntza ikasteko horrelako ekimenak "beharrezkoak" direla uste du Leioako alkateak, "ikasleek benetazko egoera komunikatiboak bizi ditzaten".
  Kultura 2004-10-20 18:55

"Ikastetxean Euskaraz Jolasean" ekimenaren aurka jotzeko eskatu dio Luesmari Manos Limpiasek

Erabiltzailearen aurpegia Ukberri Eskoletako jolastoki eta jantokietan euskararen erabilera sustatzeko asmoz, Leioako Gobernu Batzordeak begiraleak jartzeko hartutako erabakiaren aurka egiteko eskatu dio, idatziz, Paulino Luesma Espainiako Gobernuak EAEn duen ordezkariari, Manos Limpias funtzionario taldeak. "Ikastetxean Euskaraz Jolasean" egitasmoaren bidez, "eskola-umeak gaztelaniaz hitzegiten ikusten dituztenean, euren jokoetan eta hizketaldietan eskua sartu nahi dute, gutxinaka-gutxinaka euskaraz berba egiteko erabakia har dezaten", adierazi dute aipatu kolektiboko kideek. Hori dela eta Leioako Udalaren dekretuaren kontrako errekurtsoa aurkezteko eskatu diote Luesmari.
  Kultura 2004-10-20 14:08

Gamerok atzo egindako salaketak "demagogikotzat" jo ditu Imazek

Erabiltzailearen aurpegia Ukberri Atzo Iñaki Gamero PPko legebiltzarkideak Leioako "Ikastetxean Euskaraz Jolasten" ekimenaren inguruan egindako salaketei erantzun die gaur Onda Cero irratian Josu Jon Imaz EAJko EBBko presidenteak. Popularren ordezkariak "ez du informazio osoa eman" jeltzaleen buruzagiaren hitzetan, aipatu egitasmoa D ereduko zentro publiko bateak gauzatzen ari direlako, "non gurasoek euren borondatez erabaki duten seme-alabak jarduera guztiak euskaraz egin ditzatela, hezkuntzari zein jolas-orduei dagokienez".
  Kultura 2004-10-20 00:19

Eusko Legebiltzarreraino eraman du Leioako PPk "Ikastetxean Euskaraz Jolasten" ekimenari egindako kritika

Erabiltzailearen aurpegia Ukberri "Leioako Udal Gobernuak jolas-orduetan eskola-umeak euskaraz hitzegitera behartu nahi dituela" salatu du gaur Gasteizen aipatu herriko zinegotzia ere den Iñaki Gamero legebiltzarkideak. Anjeles Iztueta Hezkuntza sailburuari hainbat galdera aurkeztu dizkio, Leioako zentro publikoetan abian jarriko den ekimenaren inguruan bere iritzia eman dezan. Gameroren ustez, "jolastokian olgetan edota jantokian bazkaltzen ari direla, neska-mutilak askatasun osoz komunika daitezen galarazteko maniobra baldarra baino ez da".
  Jendartea 2004-10-19 22:51

Segurtasun-uhalaren erabilera kontrolatzen ari da eskoletan Leioako Udaltzaingoa

Erabiltzailearen aurpegia Ukberri Segurtasun-uhalaren erabilera kontrolatzen ari da gaurtik aurrera Leioako Udaltzaingoak eta urriaren 31ra arte luzatuko da kanpaina. Adin txikikoak autoan eramateko unean bete behar diren neurriak hartu diren egiaztatzeko, eskoletarako sarbideetan kokatuko dira polizia agenteak. Euskal Herriko Bide-Segurtasunerako Plan Estrategikoak bultzatutako ekimena da. Besteak beste, Bilbo, Donostia eta Gasteizeko Udaltzaingoek, Karmelo Sáinz de la Maza alkate leioatarra lehendakari den Euskal Udalerrien Elkarteak (EUDEL) eta Eusko Jaurlaritzako Trafiko Zuzendaritzak bat egin dute honetan.
  Politika 2004-10-12 22:54

EHUren "espainartasuna" salatu du bertako bekadun batek

Erabiltzailearen aurpegia Ukberri EHUko bekadun batek, goizeko hamarretarako, unibertsitateak "bere espainiartasuna" hirutan adierazi diola salatu du: ateak itxita dituelako, gaztelera hutsean zuzendu zaiolako Leioako campuseko sarrerako zaindaria, eta ez diotelako EHNA nortasun agiri gisa onartu.
  Kultura 2004-10-12 21:22

Euskararen erabilera sustatuko dute jolas-orduetan Leioako ikastetxeetan

Erabiltzailearen aurpegia Ukberri PPk eta PSE-EEk proposamena kritikatu dute

Jolas-orduetan euskararen erabilera sustatzeko asmoz, begiraleak jarriko dituzte Leioako ikastetxe publikoetako jolastokietan. Azkeneko udal batzordean hartutako neurria zentroetako arduradunek eurek eskatu duten arren, ez dute begi onez ikusi PPk eta PSE-EEk. Besteak beste, eskola-umeen une pribatuetan "eskua sartzen" ari dira popularren ustez, "olgetarako erabiltzen duten denboran alegia". Euren hitzetan, "ikasleek denbora hori erabiltzen duten moduan ez lirateke sartu behar instituzioek". Sozialistek, berriz, horrelako proposamenek ikasgeletatik kanpo "euskararen erabilera kontrolatzeko zelataria" jartzea suposatzen dutela adierazi dute, B eta D ereduetan gero eta neska-mutil gehiago matrikulatzea "eragindako eskaeratzat" jotzearekin batera.
  Iritzia 2004-10-11 23:52

Kritika eta kontrakritikak - Antton Azkargorta / EHUtik kaleratutako irakaslea

Erabiltzailearen aurpegia Ukberri Bihoa aurretik ez dudala El hijo del acordeonista irakurri. Baina ezin dut ukatu liburu horri Ignacio Echevarría delakoak (El País, 04-09-04) eginiko kritika gogorrak eztabaida interesgarri baterako parada eskaintzen zuela.
  Kultura 2004-10-11 23:52

"Equis" antzezlanak emango die hasiera EHUko asteazken kulturalei

Erabiltzailearen aurpegia Ukberri Azteazken kulturalak Hika antzerki taldearen "Equis" lanarekin hasiko dira datorren azteazkenean (urriak 13), Leioako EHUko campuseko Areto Nagusian, 12:00etan hasita. "Equis" antzezlan komikoa da eta oso kritika onak lortu ditu. Halaber, EHUtik iragarri dutenez, aipatu antzezlana dohainik eta ikusle guztientzako izango da.
  Hezkuntza 2004-10-11 23:51

Asteazkenean zabalduko da 55 urtetik gorakoentzako ikasturtea

Erabiltzailearen aurpegia Ukberri EHUk Esperientzi Gelen 2004-2005 ikasturtearen irekiera ospatuko du asteazken honetan Bilboko Zazpi Kaleetan daukaten egoitzan. Esperientzi Gelak 55 urtetik gorakoei zuzendutako eskolak dira eta bertan, Giza Zientzietako unibertsitate titulua eta Helduentzako unibertsitate ikastaroak ematen dira, ikasleen interes eta ezaugarri bereziei egokitutako ikasketak. Bizkaiko Esperientzi Geletan matrikulatuta dauden ikasle guztiak gonbidatuta daude etziko irekiera ekitaldira, EHUtik gaur jakinarazi dutenez. Ospakizunean EHUko errektorea den Juan Ignacio Perez, Jose Urrutikoetxea zentroko zuzendaria, Eduardo Villarroel BBKko unibertsitate arduraduna eta Pedro Arana ikaslen arduraduna izango dira.
  Jendartea 2004-10-08 23:26

Ikasturte honetan, Leioako campusetako autobusak dauden bezala uzteko eskatu dio Aldundiari PPk

Erabiltzailearen aurpegia Ukberri Bizkaiko Gazte Abertzaleak taldeak ere zerbitzu murrizketak kritikatu ditu

Leioako EHUko campuserako Bizkaibus zerbitzuak, ikasturte honetan orain arte egon diren bezala mantendu daitezela eskatzeko, ez arauzko proposamena aurkeztu du Bizkaiko Batzar Nagusietan PPk. Jesus Isasi Azpiegitura Batzordean popularren bozeramaleak adierazi duenez, "behin ikasturtea hasita, ez da egokia autobus linneetan aldaketak egitea". "Agian interesgarria litzateke ordutegi ezberdinetan bidaiari kopuruaren azterketa egitea eta erabakia 2005-2006 ikasturterako hartzea", gaineratu du. Hain zuzen ere, horixe eskatu dio Aldundiari PPk. Isasik ohartarazi duenez, "geratzen diren autobusak gainezka joatea, ikasleak eskoletara gutxiago joatea edota garraio pribatua gehiago erabiltzea eragingo du neurriak.
  Jendartea 2004-10-07 22:05

Garraioen "gabeziak" ez konpontzea leporatu diote Aldundiari EHUko Gobernu Batzordeko hainbat kidek

Erabiltzailearen aurpegia Ukberri Leioako campuserako garraioetan ematen diren "gabezi eskandalagarriak" ez konpontzea egotzi diote Bizkaiko Foru Aldundiari Mikel de la Fuente eta Lidia Rekagorri EHUko Gobernu Batzordeko kideek. "Askotan autobusak gainezka doaz eta ez dira gelditzen", salatu dute prentsa ohar bidez. Euren hitzetan, "nahiz eta hori orain dela urte askotatik gertatu, ez dio egoerari larritasunik kentzen". Zentzu horretan, Aldundiak "gabeziak konpondu beharrean", "arrazoi ekonomikoengatik" autobusek urtean 20.000 kilometro gutxiago egingo dituztela kritikatu dute. De la Fuenten eta Rekagorrik baieztatu dutenez, "oraindik denbora badago hartutako neurriak ezeztatzeko. Baita puntako orduetan garraioen maiztasuna areagotzeko ere".

Nabarmenak

Zorion agurrak