Kultura 2004-03-22 21:29

Jose Luis Tolosa Arte Ederretako irakaslearen lanak ikusgai Leioako campusean

Erabiltzailearen aurpegia Ukberri EHUko Arte Ederretako Fakultateko irakaslea den Jose Luis Tolosaren erakusketa dago ikusgai, martxoaren 31ra arte, Leioako campuseko Liburutegi Nagusiko Erakusketa Aretoan. 1960 eta 1980 urteetan zehar egindako lanen panoramika eskaintzen du, eta teknika desberdinetako 42 lanek osatzen dute. Erakusketa astelehenetik ostiralera bisita daiteke, 11:00etatik 18:00ak arte,
  Iritzia 2004-03-21 22:14

Emakume eta Gizonen arteko berdintasuna kolokan - Naia Diez/ Kazetaritza ikaslea

Erabiltzailearen aurpegia Ukberri Joan den martxoaren 8an, Emakumeen Nazioarteko Eguna ospatu zen.

Egun honen jatorria, askoren ustez, 1908. urtean izan zen 40.000 emakume jostunek greba handi bat egin zutenean. New Yorkeko kotoizko lantegi baten zuzendariek (gizonak) bere langileak (emakumeak) lantegi barnean giltzapetu zituzten greba ez egiteko aitzakian. Lantegian sute bat piztu eta 129 emakume hil ziren.
  Iritzia 2004-03-18 21:51

Hamaika... hilaren 11n - Aitor Encinas / Kazetaritza ikaslea

Erabiltzailearen aurpegia Ukberri Madrileko atentatua gertatu zenetik -lehenik eta behin nire doluminak hildakoen familiei-, astebete igaro da jada.

Iragan astea pasa ostean eta tartean Espainiako Kongresu eta Senaturako hauteskundeen emaitzak jaso ondoren, hamaika analisia irakurri ditugu komunkabide idatzietan. Hamaika gauza entzun eta ikusi behar izan ditugu telebistako kateetan. Espainia aldetik etorritako hamaikatxo gezur gehien bat.
  Kultura 2004-03-18 21:22

Gazte Eguna antolatu du biharko Leioako Kraska Gazte Konpartsak

Erabiltzailearen aurpegia Ukberri Kraska Gazte Konpartsak antolatuta, Gazte Eguna ospatuko da ostiral honetan (martxoak 19) Leioan. Besteak beste, 10:30etatik aurrera, herriko hainbat gaztek larruz, zilarrez eta abarrez egindako eskulanak egongo dira ikusgai Osasun-zentruko plazan. Kirola egiteko tartea ere egongo da Barandiaran ikastetxean: eskupilota, harrijasotze eta sokatira erakustaldiez gain, lagunarteko futbito txapelketan parte hartzeko aukera egongo da. Indarrak hartzeko, berriz, herri-bazkaria antolatu dute ikastetxean bertan, 14:30etatik aurrera, bertsolari eta guzti (Tiketak Kurkudin eta Ganekon). Eta jai giroarekin jarraitzeko, 17:00etan hasita, herriko eta eskualdeko musika taldeek kontzertua emango dute; afal ostean erromeriarekin amaitzeko. Lortutako irabaziak Ibilaldia 2004ko antolatzaileentzat izango dira.

Ikusi egitarau osoa agendan
  Iritzia 2004-03-17 22:33

Iraultza zure etxepean! - Osoitz Elkorobarrutia / Zuhar-eko kidea

Erabiltzailearen aurpegia Ukberri Testu hau ez da informatikan adituak direnentzat, baina bada teknologiaren kontrola berreskuratu nahi dutenentzat.

Testu hau mundu berri bat eraikitzen ari direnentzat da, eta tresna berriak ezagutzeko gonbite bat.

Teknologiak zaindutako gure bizitzen atal horretan ere badago herri iraultza bat martxan, eta honen aurpegia Software Librea da.

Iraultza hori zure etxepean ere gertatzen ari da, Leioako Gaztetxean 2001. urtetik biltzen den Metabolik kolektiboak X-Evian GNU/Linux banaketaren 0.4 bertsioa aterako du laster kalera.

X-Evian tresna politikoa izateko asmo argiz egindako sistema eragilea da, eta irizpide sendoz eraikitakoa.

Informazioz josia dator, teknikoa zein aktibista, bideoak, hitzaldiak, laguntza. Hamaika kategoria ezberdinetan antolatutako formatu askotariko dokumentazioa.

Kontsumismoaren logikaren kontra, ordenagailu zaharrei bizitza berria emateko asmoz, X-Evianek lehenetsi dituen programak boteretsuak dira baina baliabide gutxi behar dituzte. Formatu ezberdineko informazioaren sormenerako beharrezkoak diren programen aukeraketa bereziki ona da, eta ordenagailu indartsu bat duenak bideoa, 3D eta bestelako programa libre onenei ere etekina atera ahal izango die.

Informatikan adituak ez direnei bidea errazteko egin den ahalegina goraipatzekoa da, erabiltzeko instalatzea ez da beharrezkoa, CDtik abiarazita badabil, baina botoi bat zapalduz instalatu daiteke, eta ia dena berez konfiguratzen duenez Linuxera heldu berriak izan ohi duten arazorik handiena ezabatzen dute.

Hasierako menuak Euskara, Gaztelania eta Ingelesa eskeintzen ditu. Oraingoz ez dago oso osorik euskaraz, baina euskalgintza soft librearen eremuan indartu ahala helburu hau hurbilago dago.

Kontuz erabili, zure bizitza aldatu dezake.

Zer da X-Evian:
http://www.sindominio.net/metabolik/x-evian/eu/x-evian.html

Webgune nagusia eta deskargak (*):
http://www.x-evian.org

(*) Hau idazterako orduan 0.4beta1 bertsioa da argitaratutako azkena,baina behin betiko 0.4 bertsioa kaleratzear dago, eta azken hau deskargatzea gomendatzen dut.
2004-03-11 15:13

Bertan behera gelditu dira eskolak EHUko hiru campusetan

Erabiltzailearen aurpegia Ukberri Hiru campusetan eman behar ziren eskolak guztiak suspenditzea erabaki dute EHUko arduradunek, Madrilen izandako atentatuengatik. 11:00etatik aurrera, ikasgelak itxi dira Bizkaia, Gipuzkoa eta Arabako zentro guztietan.
  Iritzia 2004-03-08 21:22

Tamainuaren garrantzia - Antton Azkargorta / EHUtik kaleratutako irakaslea

Erabiltzailearen aurpegia Ukberri Izenburuak besterik ematen badu ere, ez naiz oraingoan gizonezkoen sexuaz arituko, politikaz baizik. Ez da oso ezaguna baina liberalismo politikoaren aita pontekoetariko batek, Montesquieu-k alegia, bere “Legeen izpirituaz” (De l’esprit des lois, Gallimard) politikaren araubidea eta gizartearen dimentsioaren artean zerikusirik badagoela planteatu zuen. Aipatu liburuaren VIII. kapituluan, adibideak tarteko, lurralde zabalak dituen inperioari Despotismoa dagokiola diosku; neurriz ertaina den lurraldeko estatuari, berriz, Monarkia, eta azkenik, herrialde txikiari, Errepublika.
  Politika 2004-03-05 17:08

"Espainiari Ez" esan diote ehun ikasle inguruk Leioako campusean

Erabiltzailearen aurpegia Ukberri Ostiralerako, martxoaren 5a, deitutako borroka egunaren arestian, 100 ikasle inguruk bildu ziren SEGIk deitutako manifestaziora. Izan ere, ikasle hauek ere, “Espainiari Ez” esan nahi izan diote, eta gazteon eskubideak errespeta ditzaten eskatu ere bai.
  Kultura 2004-03-05 15:50

Umeentzako aisialdi-jarduerak egingo dira euskaraz, larunbatean hasita, Leioan

Erabiltzailearen aurpegia Ukberri Umeen aisialdian euskararen erabilera sustatzeko asmoz, hainbat ekimen abian jarriko ditu Leioako Udalak. Epi y Blas, Biltoki eta Amets Berria herriko aisialdi-taldeekin elkarlanean, hilabete bakoitzeko lehenengo larunbatean egingo dira. Hasieran, txikienentzat zuzenduta egongo dira jarduerak, udal arduradunek adierazi dutenez, "horien artean dagoelako euskal hiztunen portzentairik handiena". Umeek aisialdia euskaraz gozatzeko, "jarduera eskaintza eskasa" egon da orain arte, gaineratu dutenez.
  Hezkuntza 2004-03-01 22:01

Eguraldia dela eta, eskolak suspenditu dituzte hainbat fakultatek

Erabiltzailearen aurpegia Ukberri Asteburuko ekaitzak eragin dituen arazoak direla eta, ateak iztea erabaki dute gaur EHUko Leioako campuseko Zientzia eta Teknologia Fakultateak eta Ostalaritza Eskolak. Horren ostean, Gizarte eta Komunikazio Zientziak, Erizaintza eta Lan Harremanetako fakultateek ere eskolak suspenditzea erabaki dute, gehienbat, errepideetatik joateko elurteak sortu dituen trabak direla eta.
  Kultura 2004-02-27 10:40

Egunkariaren itxiera eta "Gezurra ari du" liburua hitzaldigai Leioako campusean

Erabiltzailearen aurpegia Ukberri Juan Mari Larrarte: "Egunkariaren itxieran arrazoitzat jo zituzten aitzakiak ikusita, izan daiteke edozein uneetan Berriarekin gauza berbera gertatzea»

Juan Mari Larrarte eta Lorea Agirre, “Gezurra ari du” liburuaren idazlea, Leioako kanpuseko Gradu Aretoan egon ziren Mediaberrik antolatutako hitzaldi batean. Helburua, Egunkariaren itxieraren arrazoiak eta egoera aztertzea, eta Agirreren liburua bera unibertsitatean aurkeztea. "Liburu hau gertatutakoari buruzko testigantza bat uzteko helburuarekin egina" dagoela esan zuen Agirrek.

Gehiago irakurri
  Iritzia 2004-02-25 22:44

Egunkaria aurrera! - Mikel Carramiñana / Mediaberriko koordinadorea

Erabiltzailearen aurpegia Ukberri Esaten da kazetari bat albiste bilakatzen denean, gaitz edo okerraren bat gertatu izanaren seinale dela. Euskal Herrian tamalez, egunkarien atal osoak betetzeko nahiko albiste sortzen dira komunikabideak edota kazetarien inguruan, beti ere antzeko protagonista eta ondorio bertsuekin. Duela urtebete Euskaldunon Egunkaria itxi zuen Juan del Olmo epaileak. 12 hile igaro baina urteetako lana desegin eta birsortzeko nahikoa izan dela dirudi. Lorea Agirre kazetariak “Gezurra ari du” kronika bikainean argitu digu Itxieraren ondorengo egunetan langileek eta atxilotuek bizi izan zituzten egoera.
  Jendartea 2004-02-25 22:13

Lau gazte atxilotu dituzte Leioan autokarabana batetan lapurtzeagatik

Erabiltzailearen aurpegia Ukberri Lau adin txikiko atxilotuak izan ziren herenegun Leioan, ustez, autokarabana baten barruan lapurtzen saiatzeagatik. Ertzaintzak jakitera eman dunez, atzeman zituztenean, zeramatzaten bi laban eta aire konprimatu pistola bota zituzten gazteek.
  Kultura 2004-02-24 21:33

"Gezurra ari du" liburua aurkeztuko dute, bihar, EHUko Leioako campusean

Erabiltzailearen aurpegia Ukberri Mediaberrik eta Kazetaritza Sailak antolatuta, "Gezurra ari du" liburua aurkeztuko dute bihar EHUko Leioako campusean Martxelo Otamendik eta Lorea Agirre lan horren idazleak. Besteak beste, urte honen balantzea, egungo egoera eta beste hainbat gauza biltzen ditu liburuak. Horren guztiaren berri emango dute, 11:00etatik aurrera, Gizarte eta Komunikazio Zientzien Gradu Aretoan egingo den ekitaldian.
  Kultura 2004-02-24 21:33

Yuri Sam antzezlana bihar EHUko Leioako campuseko Areto Nagusian

Erabiltzailearen aurpegia Ukberri Antzerkiola Imaginarioa taldearen eskutik, "Yuri Sam (Otoitza) antzezlana egongo da otsailaren 25ean (bihar) ikusgai euskaraz, EHUko Leioako campuseko Areto Nagusian, 12:00etatik aurrera.

Antzezlanari dagokionez, Yuri Sam 2000 urteko neguan hil zen. Diagnosia: biotz haustura eta zorotasuna. Hala ere, bere izpiritu shamanikoak bizidunak, pribilegiatuak hoiek, bisitatzeko aukera ematen dio.
  Iritzia 2004-02-22 20:53

Pirateria: merkatuaren alde ala kontra? - Aitor Encinas / Kazetaritza ikaslea

Erabiltzailearen aurpegia Ukberri Azken urte hauetan salgai dauden produktuek gero eta gehiago balio dute. Ikuspuntu azaltzen duen gauzaren bat, eduki dugun moneta aldaketa izan daiteke. Prezio igoerak izan zirela eta, “piratería” deritzon mugimendua sortu zen, batez ere musika arloan. Baina, zer da pirateria? Zertan datza? Hauxe da, oraintxe bertan argitu gura dudana. Marka erregistratua duen produktu baten, zure onurarako, egiten duzun kopia da pirateria, hain zuzen ere.
  Iritzia 2004-02-20 22:28

Betiko egoera - Naia Diez / Kazetaritza ikaslea

Erabiltzailearen aurpegia Ukberri Azterketak bukatu dira dagoeneko, eta orain egunero hurbiltzen gara urduritasunez ikasgelako ateetara gure notak ikusteko. Askotan ezustekoak egoten dira, baina gehienetan ezustekorik ez dago eta gorrotozko suspentsua han dago, baita ere hain merezitako bikaina.
  Jendartea 2004-02-18 22:25

Babes ofizialeko 36 etxebizitza eraikiko dituzte Mendibile auzoan

Erabiltzailearen aurpegia Ukberri Mendibile auzoan, babes ofizialeko 36 etxebizitza egiteko baimena eman du, orain dela gutxi, Leioako Udalak. Horietaz gain, salmenta-prezio askeko beste 50 etxe eta garaje-plazak eraikiko ditu enpresa sustatzaileak. 3,6 milioi eurokoa izango da eragintza pribatu honen zenbatekoa. Karmelo Sáinz de la Maza alkateak adierazi duenez, "Udalak hirigintza eskubide guztiak jartzen dituen bitartean, sustatzaile pribatu bat arduratuko da etxebizitzak egiteaz".
  Kultura 2004-02-18 22:25

Ume zein gazteentzako ekintza gehiago egingo dituzte Pinuetako Kultur Aretoan

Erabiltzailearen aurpegia Ukberri Pinuetako Kultur Aretoak 6 eta 16 urte bitartekoentzako ekintzak ugarituko ditu. Karmelo Sáinz de la Maza alkateak atzo adierazi zuenez, Irrifarrez elkartea arduratuko da auzune horretako haurren zein gazteen kultur egitaraua sustatzeaz. "Auzunea biziberritzeaz gain, gazteak kultur ekintzetan parte har dezaten lortzea da helburua", alkatearen hitzetan. Irrifarrez elkarteak hasia da jada gazteentzako kultur egitaraua abian jartzen. Izan ere, aurreko ekimenak ez dute inolako eraginik izan Pinuetako bizilagunengan.
  Kultura 2004-02-17 19:42

"Kutsidazu bidea, Ixabel" ikusgai bihar Leioako campuseko Areto Nagusian

Erabiltzailearen aurpegia Ukberri EHUko Leioako campuseko Areto Nagusian, "Kutsidazu bidea, Ixabel" antzezlana egongo da ikusgai bihar, 12:00etatik aurrera. Asteazken kulturalen barruan, Joxean Sagastizabalen izen bereko liburua taularatuko du Gorringo taldeak.

Antzezlanak kontatzen duen istorioari dagokionez, Juan Martin euskaldunberri hiritarrak, udan baserri batera joatea erabaki du bere euskera "jatortzera". Aranguren baserrian, Monster familia ezagutuko du, eta Ixabel...

Nabarmenak

Zorion agurrak